ಶನಿವಾರ, ಮಾರ್ಚ್ 6, 2021
21 °C

ಚೇತನ್ ಭಗತ್‌ ಹೊಸ ಕೃತಿ ‘ಒನ್ ಇಂಡಿಯನ್ ಗರ್ಲ್‌’

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚೇತನ್ ಭಗತ್‌ ಹೊಸ ಕೃತಿ ‘ಒನ್ ಇಂಡಿಯನ್ ಗರ್ಲ್‌’

ನವದೆಹಲಿ (ಪಿಟಿಐ): ಖ್ಯಾತ ಇಂಗ್ಲಿಷ್‌ ಲೇಖಕ ಚೇತನ್ ಭಗತ್‌ ತಮ್ಮ ಹೊಸ ಪುಸ್ತಕದ ಶೀರ್ಷಿಕೆಯನ್ನು ಶುಕ್ರವಾರ ಬಹಿರಂಗಪಡಿಸಿದ್ದಾರೆ.



‘ಒನ್‌ ಇಂಡಿಯನ್ ಗರ್ಲ್‌’  ಚೇತನ್ ಭಗತ್ ಅವರ ಹೊಸ ಪುಸ್ತಕದ ಹೆಸರು. ಟ್ವಿಟರ್‌ನಲ್ಲಿ ಶೀರ್ಷಿಕೆಯ ಪ್ರಕಟಣೆ ಜತೆಗೆ ಪುಸ್ತಕದ ಕುರಿತ ಟೀಸರ್‌ನ ವಿಡಿಯೊ ಕೊಂಡಿಯನ್ನು ಅವರು ಲಗತ್ತಿಸಿದ್ದಾರೆ.



ತಮ್ಮ ಹಿಂದಿನ ಪುಸ್ತಕಗಳಿಗಿಂತ ವಿಭಿನ್ನವಾಗಿ, ಮಹಿಳೆಯೊಬ್ಬರ ದೃಷ್ಟಿಕೋನದಿಂದ ಈ ಕೃತಿ ಬರೆಯಲಾಗಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಹದಿನೈದು ದಿನಗಳಲ್ಲಿ ಮದುವೆಯಾಗಲಿರುವ ರಾಧಿಕಾ ಮೆಹ್ತಾ ಎಂಬ ಯುವತಿಯು ತನ್ನ ಕಥೆಯನ್ನು ನಿರೂಪಣೆ ಮಾಡುವ ಶೈಲಿಯಲ್ಲಿ ಕೃತಿ ಇದೆ ಎಂದು ಟೀಸರ್‌ನಲ್ಲಿ ಹೇಳಲಾಗಿದೆ.



‘ಒನ್ ಇಂಡಿಯನ್‌ ಗರ್ಲ್‌’ ಅಕ್ಟೋಬರ್‌ ಒಂದರಂದು ಮಾರುಕಟ್ಟೆಗೆ ಬರಲಿದೆ. ‘ಫೈವ್ ಪಾಯಿಂಟ್‌ ಸಮ್‌ಒನ್‌’, ‘ಒನ್ ನೈಟ್‌ ಅಟ್‌ ದಿ ಕಾಲ್‌ ಸೆಂಟರ್‌’, ‘ದಿ ಥ್ರೀ ಮಿಸ್ಟೇಕ್ಸ್‌ ಆಫ್‌ ಮೈ ಲೈಫ್‌’, ‘ಟು ಸ್ಟೇಟ್ಸ್‌’, ‘ಹಾಫ್‌ ಗರ್ಲ್‌ಫ್ರೆಂಡ್’ ಚೇತನ್ ಭಗತ್ ಅವರ ಜನಪ್ರಿಯ ಕೃತಿಗಳು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.