ಶನಿವಾರ, ಮಾರ್ಚ್ 6, 2021
32 °C

ಜಿಂಕೆ ಉದ್ಯಾನ ನೋಡಿರಣ್ಣ!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಜಿಂಕೆ ಉದ್ಯಾನ ನೋಡಿರಣ್ಣ!

ತಮ್ಮ ಕಾಲುಗಳಿಗಿಂತಲೂ ಉದ್ದವಾದ ಕೊಂಬುಗಳನ್ನು ಹೊತ್ತು ಅಡ್ಡಾಡುವ ಹರಿಣಗಳು, ಮೈಮೇಲೆ ಸುಂದರ ಚುಕ್ಕೆಗಳನ್ನು ಇರಿಸಿಕೊಂಡ ಜಿಂಕೆಗಳು, ಕಪ್ಪು-ಬಿಳಿ ಪಟ್ಟೆಯ ನಯನಮನೋಹರ ಕೃಷ್ಣ ಮೃಗಗಳು, ಮುದ್ದು ಮುಖದ ಮುಗ್ಧ ನೋಟದ ಚಿಗರೆಗಳು... ಹಾಂ, ಇದು ಜಿಂಕೆ ಪುರಾಣವಲ್ಲ, ಜಿಂಕೆ ಉದ್ಯಾನದ ಕಥೆ.



ವೈವಿಧ್ಯಮಯವಾದ ಹಲವು ಪ್ರಬೇಧದ ಹುಲ್ಲೆಗಳನ್ನು ಹೊಂದಿರುವ ಇದು ಜಿಂಕೆ ಪ್ರಿಯರ ನೆಚ್ಚಿನ ತಾಣ. ಇಲ್ಲಿರುವ ಚಿಗರೆಗಳಿಗೆ ಗಕ್ಕನೆ ಬಂದು ಹಿಡಿದು ತಿನ್ನುವ ಕ್ರೂರಮೃಗಗಳ ಕಾಟವಿಲ್ಲ. ಆಂಧ್ರಪ್ರದೇಶದ ರಾಜಧಾನಿ ಹೈದರಾಬಾದ್‌ನಿಂದ 24 ಕಿ.ಮೀ ಅಂತರದಲ್ಲಿ ಇರುವ ಶಮೀರ್‌ಪೇಟೆಯಲ್ಲಿದೆ ಈ ಜಿಂಕೆ ಉದ್ಯಾನವನ.



ಆಂಧ್ರಪ್ರದೇಶ ಸರ್ಕಾರದ ನಿರ್ವಹಣೆಯಲ್ಲಿರುವ, ಈ ಪ್ರದೇಶದಲ್ಲೊಂದು ಕೃತಕ ಸರೋವರವೂ ಇದೆ. ಹೈದರಾಬಾದ್ ನಿಜಾಮರ ಕಾಲದಲ್ಲಿ ನಿರ್ಮಿಸಲಾಗಿರುವ ಈ ಕೃತಕ ಸರೋವರದ ಆಕರ್ಷಣೆಗೆ ಹಕ್ಕಿಗಳು ಮನಸೋತಿವೆ. ಪಕ್ಷಿ ವೀಕ್ಷಕರ ಹಿಂಡೇ ಇಲ್ಲಿಗೆ ಭೇಟಿ ನೀಡಿ ಪುಳಕಿತವಾಗುತ್ತದೆ. ಇಲ್ಲಿಗೆ ಬರುವ ಪ್ರವಾಸಿಗರು ಸೂರ್ಯೋದಯದ ಅಂದವನ್ನು ಕೂಡ ಕಣ್ತುಂಬಿಕೊಂಡು ಹೋಗಬಹುದು. ಶಾಂತಮಯವಾಗಿ ಕಾಲಕಳೆಯಲು ಬರುವ ಪ್ರವಾಸಿಗರಿಗೆ ಸಾಕಷ್ಟು ವಸತಿಗೃಹಗಳೂ ಅಲ್ಲಿವೆ.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.