<p>ನ್ಯೂಯಾರ್ಕ್ (ಪಿಟಿಐ): ಇದೀಗ ಜೀವಂತ ಜಿರಲೆಯ ಚಲನೆಯನ್ನೂ ಮೊಬೈಲ್ನಿಂದಲೇ ನಿಯಂತ್ರಿಸಬಹುದಾಗಿದೆ! -ಹೌದು, ಮಿಷಿಗನ್ನ `ಬ್ಯಾಕ್ಯಾರ್ಡ್ ಬ್ರೈನ್ಸ್' ಎಂಬ ಶೈಕ್ಷಣಿಕ ಸಂಶೋಧಕರ ಗುಂಪು `ರೋಬೊರೋಚ್' ಎಂಬ ಯೋಜನೆಯಡಿಯಲ್ಲಿ ಇದನ್ನು ಅಭಿವೃದ್ಧಿಪಡಿಸಿದೆ.<br /> <br /> ಜಿರಲೆಗಳು ತಮ್ಮ ಹೊರಚಾಚಿದ ಮೀಸೆಗಿರುವ ಕಂಪನ ಗ್ರಹಿಕೆಯ ಸಾಮರ್ಥ್ಯವನ್ನೇ ಆಧರಿಸಿ ಚಲಿಸುತ್ತದೆಂಬುದು ಈಗಾಗಲೇ ಗೊತ್ತಿರುವ ವಿಷಯ; ಕಂಪನಗಳ ತೀವ್ರತೆಯ ಆಧಾರದ ಮೇಲೆಯೇ ಎಲ್ಲೆ ತಡೆಗಡೆಗಳಿವೆ, ಎಲ್ಲಿ ಸರಾಗ ಮಾರ್ಗವಿದೆ ಎಂಬುದನ್ನು ಅದು ತಿಳಿಯಬಲ್ಲದು. ಅದನ್ನೇ ಆಧರಿಸಿ ಈ ತಂತ್ರಜ್ಞಾನವನ್ನು ಸಾಧಿಸಲಾಗಿದೆ!<br /> <br /> ಇದಕ್ಕಾಗಿ ಮಾಡಬೇಕಿರುವುದು ಇಷ್ಟು- ಮೊದಲ ಹಂತದಲ್ಲಿ, ಶಸ್ತ್ರಚಿಕಿತ್ಸೆಯ ನೆರವಿನಿಂದ ಜಿರಲೆಯ ಮೀಸೆಯೊಳಕ್ಕೆ ಒಂದು ಸೂಕ್ಷ್ಮ ವಿದ್ಯುತ್ ಕಂಪನ ಉದ್ದೀಪಕವನ್ನು (ಸ್ಟಿಮುಲೇಟರ್) ಅಳವಡಿಸಲಾಗುತ್ತದೆ. ಇದಕ್ಕಾಗಿ ಜಿರಲೆಯ ಆರು ಕಾಲುಗಳಲ್ಲಿ ಒಂದು ಕಾಲನ್ನು ಕತ್ತರಿಸುವುದು ಅನಿವಾರ್ಯ.<br /> ಈ ಶಸ್ತ್ರಚಿಕಿತ್ಸೆಯ ಬಳಲಿಕೆಯಿಂದ ಜಿರಲೆ ಚೇತರಿಸಿಕೊಂಡ ಮೇಲೆ ಅದರ ಬೆನ್ನಿನ ಮೇಲೆ ಒಂದು `ಬ್ಯಾಕ್ಪ್ಯಾಕ್' ಸಾಧನ ಕೂರಿಸಲಾಗುತ್ತದೆ. ಮೀಸೆಯೊಳಕ್ಕೆ ತೂರಿಸಲಾದ ವಿದ್ಯುತ್ ಸ್ಟಿಮುಲೇಟರ್ ಹಾಗೂ ನಿಯಂತ್ರಕ ಮಾಧ್ಯಮ (ಕಂಟ್ರೋಲ್ ಇಂಟರ್ಫೇಸ್), ಅಂದರೆ, ಸ್ಮಾರ್ಟ್ಫೋನ್ನೊಂದಿಗೆ ಸಂಪರ್ಕ ಕಲ್ಪಿಸುವುದು ಈ `ಬ್ಯಾಕ್ಪ್ಯಾಕ್'ನ ಕೆಲಸವಾಗಿದೆ.<br /> <br /> ಇಷ್ಟಾದ ಮೇಲೆ, ಮೊಬೈಲ್ ಪರದೆಯ ಮೇಲೆ ಸಂಬಂಧಿಸಿದ ಆನ್ವಯಿಕವನ್ನು (ಅಪ್ಲಿಕೇಷನ್) ತೆಗೆದು, ಬೆರಳನ್ನು ಯಾವ ಕಡೆಗೆ ಎಳೆಯುತ್ತೀರೋ ಆ ಕಡೆಗೆ ಜೀವಂತ ಜಿರಲೆ ಚಲಿಸತೊಡಗುತ್ತದೆ. ಬೆರಳನ್ನು ಎಡಗಡೆಗೆ ಎಳೆದರೆ ಜಿರಲೆ ಅತ್ತಕತಡೆಗೂ, ಬಲಭಾಗದೆಡೆಗೆ ಎಳೆದರೆ ಇತ್ತಕಡೆಗೂ ಮುಖ ಮಾಡುತ್ತದೆ!<br /> ಕೈ ಬೈರಳು ಮೊಬೈಲ್ ಪರದೆಯನ್ನು ಸ್ಪರ್ಶಿಸುತ್ತಿದ್ದಂತೆಯೇ ಸಂಬಂಧಿಸಿದ ವಿದ್ಯುತ್ ಕಂಪನಗಳು ಜಿರಲೆಯ ಮೀಸೆಯೊಳಗಿನ ವಿದ್ಯುತ್ ಸ್ಟಿಮುಲೇಟರ್ ಮೂಲಕ ಪ್ರವಹಿಸುತ್ತವೆ. ಈ ಕಂಪನಗಳು ಜಿರಲೆಯ ಮಿದುಳು ತಲುಪಿ, ಸಂದೇಶ ರವಾನಿಸುತ್ತವೆ. ಜಿರಲೆಯು ರವಾನೆಯಾದ ಸಂದೇಶಕ್ಕೆ ತಕ್ಕಂತೆ ವರ್ತಿಸತೊಡಗುತ್ತದೆ.<br /> <br /> ಜಿರಲೆಗೆ ಶಸ್ತ್ರಚಿಕಿತ್ಸೆಗೆ ಮುನ್ನ ಅರಿವಳಿಕೆ ನೀಡಲಾಗುತ್ತದೆ. ಜಿರಲೆಯ ಮೀಸೆಯ ಮೂಲಕ ವಿದ್ಯುತ್ ಕಂಪನಗಳು ಪ್ರವಹಿಸಿದಾಗ ಅವುಗಳಿಗೆ ನೋವಾಗಲೀ ಅಥವಾ ಭಯ ಆಗುವುದಾಗಲೀ ಕಂಡುಬಂದಿಲ್ಲ. ಹೀಗಾಗಿ ಈ ಪ್ರಯೋಗದ ವೇಳೆ ಜಿರಲೆಗೆ ಯಾವ ಯಾತನೆಯೂ ಆಗುವುದಿಲ್ಲ ಎಂದೂ ಸಂಶೋಧಕರ ತಂಡ ಹೇಳಿಕೊಂಡಿದೆ.<br /> <br /> ಈ ಕಂಪನಗಳ ತೀವ್ರತೆ ಎಷ್ಟು ಕಡಿಮೆ ಇರುತ್ತದೆಂದರೆ ಕೆಲವೇ ನಿಮಿಷಗಳಾಗುತ್ತಿದ್ದಂತೆ ಈ ಕಂಪನಗಳಿಗೆ ಜಿರಲೆಯು ಸ್ಪಂದಿಸುವುದನ್ನೇ ನಿಲ್ಲಿಸಿಬಿಡುತ್ತದೆ. ಹಾಗಾದಾಗ, ಕಂಪನಾಂಕವನ್ನು ಬದಲಿಸಿಕೊಂಡರೆ ಮತ್ತೆ ಅದು ಪ್ರತಿಸ್ಪಂದಿಸಲು ಶುರು ಮಾಡುತ್ತದೆ ಎಂದು ವಿವರಿಸಿದ್ದಾರೆ.<br /> ಈ `ರೋಬೋರೋಚ್' ಅಭಿವೃದ್ಧಿ ನರಸಂಬಂಧಿ ಪ್ರಯೋಗಗಳಿಗೆ ಸಾಕಷ್ಟು ನೆರವಾಗಲಿದೆ ಎಂಬುದು ತಜ್ಞರ ಆಶಾಭಾವ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನ್ಯೂಯಾರ್ಕ್ (ಪಿಟಿಐ): ಇದೀಗ ಜೀವಂತ ಜಿರಲೆಯ ಚಲನೆಯನ್ನೂ ಮೊಬೈಲ್ನಿಂದಲೇ ನಿಯಂತ್ರಿಸಬಹುದಾಗಿದೆ! -ಹೌದು, ಮಿಷಿಗನ್ನ `ಬ್ಯಾಕ್ಯಾರ್ಡ್ ಬ್ರೈನ್ಸ್' ಎಂಬ ಶೈಕ್ಷಣಿಕ ಸಂಶೋಧಕರ ಗುಂಪು `ರೋಬೊರೋಚ್' ಎಂಬ ಯೋಜನೆಯಡಿಯಲ್ಲಿ ಇದನ್ನು ಅಭಿವೃದ್ಧಿಪಡಿಸಿದೆ.<br /> <br /> ಜಿರಲೆಗಳು ತಮ್ಮ ಹೊರಚಾಚಿದ ಮೀಸೆಗಿರುವ ಕಂಪನ ಗ್ರಹಿಕೆಯ ಸಾಮರ್ಥ್ಯವನ್ನೇ ಆಧರಿಸಿ ಚಲಿಸುತ್ತದೆಂಬುದು ಈಗಾಗಲೇ ಗೊತ್ತಿರುವ ವಿಷಯ; ಕಂಪನಗಳ ತೀವ್ರತೆಯ ಆಧಾರದ ಮೇಲೆಯೇ ಎಲ್ಲೆ ತಡೆಗಡೆಗಳಿವೆ, ಎಲ್ಲಿ ಸರಾಗ ಮಾರ್ಗವಿದೆ ಎಂಬುದನ್ನು ಅದು ತಿಳಿಯಬಲ್ಲದು. ಅದನ್ನೇ ಆಧರಿಸಿ ಈ ತಂತ್ರಜ್ಞಾನವನ್ನು ಸಾಧಿಸಲಾಗಿದೆ!<br /> <br /> ಇದಕ್ಕಾಗಿ ಮಾಡಬೇಕಿರುವುದು ಇಷ್ಟು- ಮೊದಲ ಹಂತದಲ್ಲಿ, ಶಸ್ತ್ರಚಿಕಿತ್ಸೆಯ ನೆರವಿನಿಂದ ಜಿರಲೆಯ ಮೀಸೆಯೊಳಕ್ಕೆ ಒಂದು ಸೂಕ್ಷ್ಮ ವಿದ್ಯುತ್ ಕಂಪನ ಉದ್ದೀಪಕವನ್ನು (ಸ್ಟಿಮುಲೇಟರ್) ಅಳವಡಿಸಲಾಗುತ್ತದೆ. ಇದಕ್ಕಾಗಿ ಜಿರಲೆಯ ಆರು ಕಾಲುಗಳಲ್ಲಿ ಒಂದು ಕಾಲನ್ನು ಕತ್ತರಿಸುವುದು ಅನಿವಾರ್ಯ.<br /> ಈ ಶಸ್ತ್ರಚಿಕಿತ್ಸೆಯ ಬಳಲಿಕೆಯಿಂದ ಜಿರಲೆ ಚೇತರಿಸಿಕೊಂಡ ಮೇಲೆ ಅದರ ಬೆನ್ನಿನ ಮೇಲೆ ಒಂದು `ಬ್ಯಾಕ್ಪ್ಯಾಕ್' ಸಾಧನ ಕೂರಿಸಲಾಗುತ್ತದೆ. ಮೀಸೆಯೊಳಕ್ಕೆ ತೂರಿಸಲಾದ ವಿದ್ಯುತ್ ಸ್ಟಿಮುಲೇಟರ್ ಹಾಗೂ ನಿಯಂತ್ರಕ ಮಾಧ್ಯಮ (ಕಂಟ್ರೋಲ್ ಇಂಟರ್ಫೇಸ್), ಅಂದರೆ, ಸ್ಮಾರ್ಟ್ಫೋನ್ನೊಂದಿಗೆ ಸಂಪರ್ಕ ಕಲ್ಪಿಸುವುದು ಈ `ಬ್ಯಾಕ್ಪ್ಯಾಕ್'ನ ಕೆಲಸವಾಗಿದೆ.<br /> <br /> ಇಷ್ಟಾದ ಮೇಲೆ, ಮೊಬೈಲ್ ಪರದೆಯ ಮೇಲೆ ಸಂಬಂಧಿಸಿದ ಆನ್ವಯಿಕವನ್ನು (ಅಪ್ಲಿಕೇಷನ್) ತೆಗೆದು, ಬೆರಳನ್ನು ಯಾವ ಕಡೆಗೆ ಎಳೆಯುತ್ತೀರೋ ಆ ಕಡೆಗೆ ಜೀವಂತ ಜಿರಲೆ ಚಲಿಸತೊಡಗುತ್ತದೆ. ಬೆರಳನ್ನು ಎಡಗಡೆಗೆ ಎಳೆದರೆ ಜಿರಲೆ ಅತ್ತಕತಡೆಗೂ, ಬಲಭಾಗದೆಡೆಗೆ ಎಳೆದರೆ ಇತ್ತಕಡೆಗೂ ಮುಖ ಮಾಡುತ್ತದೆ!<br /> ಕೈ ಬೈರಳು ಮೊಬೈಲ್ ಪರದೆಯನ್ನು ಸ್ಪರ್ಶಿಸುತ್ತಿದ್ದಂತೆಯೇ ಸಂಬಂಧಿಸಿದ ವಿದ್ಯುತ್ ಕಂಪನಗಳು ಜಿರಲೆಯ ಮೀಸೆಯೊಳಗಿನ ವಿದ್ಯುತ್ ಸ್ಟಿಮುಲೇಟರ್ ಮೂಲಕ ಪ್ರವಹಿಸುತ್ತವೆ. ಈ ಕಂಪನಗಳು ಜಿರಲೆಯ ಮಿದುಳು ತಲುಪಿ, ಸಂದೇಶ ರವಾನಿಸುತ್ತವೆ. ಜಿರಲೆಯು ರವಾನೆಯಾದ ಸಂದೇಶಕ್ಕೆ ತಕ್ಕಂತೆ ವರ್ತಿಸತೊಡಗುತ್ತದೆ.<br /> <br /> ಜಿರಲೆಗೆ ಶಸ್ತ್ರಚಿಕಿತ್ಸೆಗೆ ಮುನ್ನ ಅರಿವಳಿಕೆ ನೀಡಲಾಗುತ್ತದೆ. ಜಿರಲೆಯ ಮೀಸೆಯ ಮೂಲಕ ವಿದ್ಯುತ್ ಕಂಪನಗಳು ಪ್ರವಹಿಸಿದಾಗ ಅವುಗಳಿಗೆ ನೋವಾಗಲೀ ಅಥವಾ ಭಯ ಆಗುವುದಾಗಲೀ ಕಂಡುಬಂದಿಲ್ಲ. ಹೀಗಾಗಿ ಈ ಪ್ರಯೋಗದ ವೇಳೆ ಜಿರಲೆಗೆ ಯಾವ ಯಾತನೆಯೂ ಆಗುವುದಿಲ್ಲ ಎಂದೂ ಸಂಶೋಧಕರ ತಂಡ ಹೇಳಿಕೊಂಡಿದೆ.<br /> <br /> ಈ ಕಂಪನಗಳ ತೀವ್ರತೆ ಎಷ್ಟು ಕಡಿಮೆ ಇರುತ್ತದೆಂದರೆ ಕೆಲವೇ ನಿಮಿಷಗಳಾಗುತ್ತಿದ್ದಂತೆ ಈ ಕಂಪನಗಳಿಗೆ ಜಿರಲೆಯು ಸ್ಪಂದಿಸುವುದನ್ನೇ ನಿಲ್ಲಿಸಿಬಿಡುತ್ತದೆ. ಹಾಗಾದಾಗ, ಕಂಪನಾಂಕವನ್ನು ಬದಲಿಸಿಕೊಂಡರೆ ಮತ್ತೆ ಅದು ಪ್ರತಿಸ್ಪಂದಿಸಲು ಶುರು ಮಾಡುತ್ತದೆ ಎಂದು ವಿವರಿಸಿದ್ದಾರೆ.<br /> ಈ `ರೋಬೋರೋಚ್' ಅಭಿವೃದ್ಧಿ ನರಸಂಬಂಧಿ ಪ್ರಯೋಗಗಳಿಗೆ ಸಾಕಷ್ಟು ನೆರವಾಗಲಿದೆ ಎಂಬುದು ತಜ್ಞರ ಆಶಾಭಾವ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
