<p><strong>ವೆಲಿಂಗ್ಟನ್ (ಎಎಫ್ಪಿ)</strong>: ರಾಸ್ ಟೇಲರ್ (129) ಅವರ ಅಮೋಘ ಶತಕದ ನೆರವಿನಿಂದ ನ್ಯೂಜಿಲೆಂಡ್ ತಂಡದವರು ಬುಧವಾರ ಇಲ್ಲಿ ಆರಂಭವಾದ ವೆಸ್ಟ್ಇಂಡೀಸ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ ಉತ್ತಮ ಮೊತ್ತ ಪೇರಿಸಿದ್ದಾರೆ.<br /> <br /> ಬೇಸಿನ್ ರಿಸರ್ವ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲ ದಿನದಾಟದ ಅಂತ್ಯಕ್ಕೆ ಆತಿಥೇಯರು 90 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 307 ರನ್ ಗಳಿಸಿದ್ದಾರೆ.<br /> <br /> ಟಾಸ್ ಗೆದ್ದ ಪ್ರವಾಸಿ ವಿಂಡೀಸ್ ತಂಡದವರು ಕಿವೀಸ್ ಪಡೆಯನ್ನು ಮೊದಲು ಬ್ಯಾಟಿಂಗ್ಗೆ ಆಹ್ವಾನಿಸಿದರು. ಅದನ್ನು ಈ ತಂಡದ ಬೌಲರ್ ಗಳು ಸಮರ್ಥಿಸಿಕೊಂಡರು. 24 ರನ್ ಗಳಿಸುವಷ್ಟರಲ್ಲಿ ನ್ಯೂಜಿಲೆಂಡ್ನ ಆರಂಭಿಕ ಬ್ಯಾಟ್ಸ್ಮನ್ಗಳಾದ ಪೀಟರ್ ಫುಲ್ಟಾನ್ ಹಾಗೂ ಹಮೀಶ್ ರುದರ್ಫೋರ್ಡ್ ಅವರ ವಿಕೆಟ್ ಕಬಳಿಸಿದರು.<br /> <br /> ಆದರೆ ಈ ಸಂದರ್ಭದಲ್ಲಿ ಜೊತೆಗೂಡಿದ ಕೇನ್ ವಿಲಿಯಮ್ಸನ್ ಹಾಗೂ ರಾಸ್ ಟೇಲರ್ ಎದುರಾಳಿ ಬೌಲರ್ಗಳನ್ನು ಕಾಡಿದರು. ಇವರಿಬ್ಬರು ಮೂರನೇ ವಿಕೆಟ್ಗೆ 88 ರನ್ ಸೇರಿಸಿದರು. 227 ಎಸೆತ ಎದುರಿಸಿದ ಟೇಲರ್ ಸತತ ಎರಡನೇ ಶತಕ ದಾಖಲಿಸಿದರು. ಅವರ ಈ ಇನಿಂಗ್ಸ್ನಲ್ಲಿ 15 ಬೌಂಡರಿಗಳಿದ್ದವು. ಅಷ್ಟು ಮಾತ್ರವಲ್ಲದೇ, ಟೆಸ್ಟ್ನಲ್ಲಿ ನಾಲ್ಕು ಸಾವಿರ ರನ್ಗಳ ಗಡಿ ದಾಟಿದರು. ಟೇಲರ್ ಮೊದಲ ಟೆಸ್ಟ್ನಲ್ಲಿ ದ್ವಿಶತಕ ಬಾರಿಸಿದ್ದರು.<br /> <br /> ನಾಯಕ ಬ್ರೆಂಡನ್ ಮೆಕ್ಲಮ್ ಹಾಗೂ ಕೋರಿ ಆ್ಯಂಡರ್ಸನ್ ತಂಡದ ಮೊತ್ತ ಹೆಚ್ಚಿಸಲು ಪ್ರಯತ್ನಿಸಿದರು. ಆದರೆ ಕೊನೆಯ ಅವಧಿಯ ಆಟದಲ್ಲಿ ವಿಂಡೀಸ್ ಬೌಲರ್ಗಳು ಮೇಲುಗೈ ಸಾಧಿಸಿದರು. ಟಿನೊ ಬೆಸ್ಟ್ (66ಕ್ಕೆ2) ಪ್ರಭಾವಿಯಾಗಿದ್ದರು.<br /> <br /> ಸಂಕ್ಷಿಪ್ತ ಸ್ಕೋರ್: ನ್ಯೂಜಿಲೆಂಡ್: 90 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 307 (ಕೇನ್ ವಿಲಿಯಮ್ಸನ್ 45, ರಾಸ್ ಟೇಲರ್ 129, ಬ್ರೆಂಡನ್ ಮೆಕ್ಲಮ್ 37, ಕೋರಿ ಜೆ ಆ್ಯಂಡರ್ಸನ್ 38; ಟಿನೊ ಬೆಸ್ಟ್ 66ಕ್ಕೆ2).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವೆಲಿಂಗ್ಟನ್ (ಎಎಫ್ಪಿ)</strong>: ರಾಸ್ ಟೇಲರ್ (129) ಅವರ ಅಮೋಘ ಶತಕದ ನೆರವಿನಿಂದ ನ್ಯೂಜಿಲೆಂಡ್ ತಂಡದವರು ಬುಧವಾರ ಇಲ್ಲಿ ಆರಂಭವಾದ ವೆಸ್ಟ್ಇಂಡೀಸ್ ವಿರುದ್ಧದ ಟೆಸ್ಟ್ ಕ್ರಿಕೆಟ್ ಸರಣಿಯ ಎರಡನೇ ಪಂದ್ಯದಲ್ಲಿ ಉತ್ತಮ ಮೊತ್ತ ಪೇರಿಸಿದ್ದಾರೆ.<br /> <br /> ಬೇಸಿನ್ ರಿಸರ್ವ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲ ದಿನದಾಟದ ಅಂತ್ಯಕ್ಕೆ ಆತಿಥೇಯರು 90 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 307 ರನ್ ಗಳಿಸಿದ್ದಾರೆ.<br /> <br /> ಟಾಸ್ ಗೆದ್ದ ಪ್ರವಾಸಿ ವಿಂಡೀಸ್ ತಂಡದವರು ಕಿವೀಸ್ ಪಡೆಯನ್ನು ಮೊದಲು ಬ್ಯಾಟಿಂಗ್ಗೆ ಆಹ್ವಾನಿಸಿದರು. ಅದನ್ನು ಈ ತಂಡದ ಬೌಲರ್ ಗಳು ಸಮರ್ಥಿಸಿಕೊಂಡರು. 24 ರನ್ ಗಳಿಸುವಷ್ಟರಲ್ಲಿ ನ್ಯೂಜಿಲೆಂಡ್ನ ಆರಂಭಿಕ ಬ್ಯಾಟ್ಸ್ಮನ್ಗಳಾದ ಪೀಟರ್ ಫುಲ್ಟಾನ್ ಹಾಗೂ ಹಮೀಶ್ ರುದರ್ಫೋರ್ಡ್ ಅವರ ವಿಕೆಟ್ ಕಬಳಿಸಿದರು.<br /> <br /> ಆದರೆ ಈ ಸಂದರ್ಭದಲ್ಲಿ ಜೊತೆಗೂಡಿದ ಕೇನ್ ವಿಲಿಯಮ್ಸನ್ ಹಾಗೂ ರಾಸ್ ಟೇಲರ್ ಎದುರಾಳಿ ಬೌಲರ್ಗಳನ್ನು ಕಾಡಿದರು. ಇವರಿಬ್ಬರು ಮೂರನೇ ವಿಕೆಟ್ಗೆ 88 ರನ್ ಸೇರಿಸಿದರು. 227 ಎಸೆತ ಎದುರಿಸಿದ ಟೇಲರ್ ಸತತ ಎರಡನೇ ಶತಕ ದಾಖಲಿಸಿದರು. ಅವರ ಈ ಇನಿಂಗ್ಸ್ನಲ್ಲಿ 15 ಬೌಂಡರಿಗಳಿದ್ದವು. ಅಷ್ಟು ಮಾತ್ರವಲ್ಲದೇ, ಟೆಸ್ಟ್ನಲ್ಲಿ ನಾಲ್ಕು ಸಾವಿರ ರನ್ಗಳ ಗಡಿ ದಾಟಿದರು. ಟೇಲರ್ ಮೊದಲ ಟೆಸ್ಟ್ನಲ್ಲಿ ದ್ವಿಶತಕ ಬಾರಿಸಿದ್ದರು.<br /> <br /> ನಾಯಕ ಬ್ರೆಂಡನ್ ಮೆಕ್ಲಮ್ ಹಾಗೂ ಕೋರಿ ಆ್ಯಂಡರ್ಸನ್ ತಂಡದ ಮೊತ್ತ ಹೆಚ್ಚಿಸಲು ಪ್ರಯತ್ನಿಸಿದರು. ಆದರೆ ಕೊನೆಯ ಅವಧಿಯ ಆಟದಲ್ಲಿ ವಿಂಡೀಸ್ ಬೌಲರ್ಗಳು ಮೇಲುಗೈ ಸಾಧಿಸಿದರು. ಟಿನೊ ಬೆಸ್ಟ್ (66ಕ್ಕೆ2) ಪ್ರಭಾವಿಯಾಗಿದ್ದರು.<br /> <br /> ಸಂಕ್ಷಿಪ್ತ ಸ್ಕೋರ್: ನ್ಯೂಜಿಲೆಂಡ್: 90 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 307 (ಕೇನ್ ವಿಲಿಯಮ್ಸನ್ 45, ರಾಸ್ ಟೇಲರ್ 129, ಬ್ರೆಂಡನ್ ಮೆಕ್ಲಮ್ 37, ಕೋರಿ ಜೆ ಆ್ಯಂಡರ್ಸನ್ 38; ಟಿನೊ ಬೆಸ್ಟ್ 66ಕ್ಕೆ2).</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
