ಭಾನುವಾರ, ಜೂನ್ 13, 2021
21 °C

ಡಿ.ವಿ. ಗುಂಡಪ್ಪ ಜನ್ಮದಿನೋತ್ಸವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಡಿ.ವಿ. ಗುಂಡಪ್ಪ ಜನ್ಮದಿನೋತ್ಸವ

`ಡಿವಿಜಿ ಪದತಲದಲ್ಲಿ ಕುಳಿತು ಅನೇಕ ಜೀವನಪಾಠಗಳನ್ನು ಕಲಿತಿದ್ದೇನೆ. ನಮ್ಮ ಹಿರಿಯರ ಸಾಧನೆಗಳ ಬಗ್ಗೆ ತಿಳಿದಿದ್ದೇನೆ. ಅವರು ಕಲಿಸಿದ ಪಾಠಗಳು ಜೀವನ ಪಾಠಗಳಾಗಿವೆ. ಅವರ ಕಗ್ಗ ನಮ್ಮ ಬಾಳಿನ ಕೈದೀಪ. ದಿನಕ್ಕೊಂದು ಕಗ್ಗದ ಪದ್ಯ ಓದಿದರೆ ಆತ್ಮ ಉದ್ಧಾರವಾದಂತೆ...~



ವೀಯೆಲ್ಲೆನ್-ನಿರ್ಮಾಣ್-ಪುರಂದರ ಪ್ರತಿಷ್ಠಾನದ ಆಶ್ರಯದಲ್ಲಿ ಇತ್ತೀಚೆಗೆ ಡಿವಿಜಿ ಅವರ 125ನೇ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಮಾಸ್ಟರ್ ಹಿರಣ್ಣಯ್ಯ ಹೇಳಿದ ಮಾತುಗಳಿವು. ತಾವು ಕಂಡಂತೆ ಡಿವಿಜಿ ಅವರನ್ನು ಹಿರಣ್ಣಯ್ಯ ಬಣ್ಣಿಸಿದ್ದು ಹೀಗೆ.



ಮುಖ್ಯ ಉಪನ್ಯಾಸಕ ಪ್ರೊ.ಜಿ.ಅಶ್ವತ್ಥನಾರಾಯಣ `ಡಿವಿಜಿ ವನಸುಮದ ಕವಿ. ಅವರು ಕನ್ನಡಿಗರಿಗೆ ಸಂಸ್ಕೃತ, ಧಾರ್ಮಿಕ ಸಾಹಿತ್ಯವನ್ನೂ ಉಪನಿಷತ್ತಿನ ಗೀತೆಯ ಸಾರವನ್ನೂ ಕಗ್ಗದಲ್ಲಿ ಇಳಿಸಿ ಜನಕ್ಕೆ ನೀಡಿದ ಭಗೀರಥ ಕವಿ ಎಂದು ಕೊಂಡಾಡಿದರು.

 

ಗಾಯಕ ಶಂಕರ್ ಶಾನಭೋಗ್ ಡಿವಿಜಿ ಅವರ ಮಂಕುತಿಮ್ಮನ ಕಗ್ಗ ಹಾಗೂ ಮರುಳ ಮುನಿಯನ ಕಗ್ಗದ ಪದ್ಯಗಳನ್ನು ಹಾಡಿ ರಂಜಿಸಿದರು. ಪ್ರತಿಷ್ಠಾನದ ಅಧ್ಯಕ್ಷ ವಿ.ಲಕ್ಷ್ಮಿನಾರಾಯಣ್, ಸುಷ್ಮಾ ಮೂರ್ತಿ, ರವೀಂದ್ರ ಗಣ್ಯರ ಮಾತುಗಳಿಗೆ ಕಿವಿಯಾದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.