ಡಿವೈಎಸ್‌ಎಸ್‌ಗೆ ನಗದು ಬಹುಮಾನ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಬಿಡಿಎಫ್‌ಎ ಆಶ್ರಯದ `ಎ~ ಡಿವಿಷನ್ ಲೀಗ್ ಫುಟ್‌ಬಾಲ್ ಚಾಂಪಿಯನ್‌ಷಿಪ್ ಗೆದ್ದುಕೊಂಡ ಡಿವೈಎಸ್‌ಎಸ್ `ಎ~ ತಂಡಕ್ಕೆ ಕರ್ನಾಟಕ ರಾಜ್ಯ ಫುಟ್‌ಬಾಲ್ ಸಂಸ್ಥೆ (ಕೆಎಸ್‌ಎಫ್‌ಎ) ವತಿಯಿಂದ ರೂ. 30 ಸಾವಿರ ನಗದು ಬಹುಮಾನ ನೀಡಲಾಯಿತು.
ಬೆಂಗಳೂರು ಫುಟ್‌ಬಾಲ್ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಸಮಾರಂಭದಲ್ಲಿ ಕೆಎಸ್‌ಎಫ್‌ಎ ಅಧ್ಯಕ್ಷ ಎ.ಆರ್. ಖಲೀಲ್ ವಿಜೇತ ತಂಡಕ್ಕೆ ಚೆಕ್ ನೀಡಿದರು. ಕ್ರೀಡಾ ಸಚಿವ ಅಪ್ಪಚ್ಚು ರಂಜನ್ ಅವರು ಟ್ರೋಫಿ ವಿತರಿಸಿದರು. `ರನ್ನರ್ ಅಪ್~ ಆರ್‌ಡಬ್ಲ್ಯುಎಫ್ ತಂಡ ರೂ. 20 ಸಾವಿರ ನಗದು ಬಹುಮಾನ ಪಡೆಯಿತು.
12 ತಂಡಗಳು ಪಾಲ್ಗೊಂಡಿದ್ದ ಲೀಗ್‌ನಲ್ಲಿ ಡಿವೈಎಸ್‌ಎಸ್ 28 ಪಾಯಿಂಟ್ ಕಲೆಹಾಕಿ ಅಗ್ರಸ್ಥಾನ ತನ್ನದಾಗಿಸಿಕೊಂಡಿತ್ತು.
ವೈಯಕ್ತಿಕ ಪ್ರಶಸ್ತಿ: ಶ್ರೇಷ್ಠ ಆಟಗಾರ: ಸುಜಿತ್ (ಇಸ್ರೋ), ಉದಯೋನ್ಮುಖ ಆಟಗಾರ: ಎಡ್ವಿನ್ (ಡಿವೈಎಸ್‌ಎಸ್), ಗರಿಷ್ಠ ಸ್ಕೋರರ್: ಉಮಾಶಂಕರ್ (ಆರ್‌ಬಿಐ)
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
