ಮಂಗಳವಾರ, ಮೇ 18, 2021
22 °C
ಬ್ರಿಟನ್‌ನಲ್ಲಿಯೂ ವೈಯಕ್ತಿಕ ಮಾಹಿತಿ ಸೋರಿಕೆ

ತನಿಖೆಗೆ ಹೆಚ್ಚಿದ ಒತ್ತಡ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಲಂಡನ್ (ಪಿಟಿಐ): `ಅಮೆರಿಕದ ಗುಪ್ತಚರ ಸಂಸ್ಥೆಗಳು ವಿಶ್ವದ ಪ್ರಮುಖ ಅಂತರ್‌ಜಾಲ ತಾಣಗಳಿಂದ ಪಡೆದ ವೈಯಕ್ತಿಕ ಮಾಹಿತಿಗಳನ್ನು ಬ್ರಿಟನ್ ಭದ್ರತಾ ಸಂಸ್ಥೆಗಳು ರಹಸ್ಯವಾಗಿ ಸಂಗ್ರಹಿಸುತ್ತಿವೆ' ಎಂಬ ದೂರಿಗೆ ಸಂಬಂಧಿಸಿ ತನಿಖೆಗೆ ಆದೇಶಿಸುವಂತೆ ಬ್ರಿಟನ್ ಸರ್ಕಾರದ ಮೇಲೆ ಒತ್ತಡ ಹೆಚ್ಚುತ್ತಿದೆ.



ಈ ಸಂಬಂಧ ಬ್ರಿಟನ್ನಿನ ರಹಸ್ಯ ಮಾಹಿತಿ ಸಂಗ್ರಹ ಕೇಂದ್ರ `ಜಿಸಿಎಚ್‌ಕ್ಯು' ಸಂಸತ್‌ನ ಬೇಹುಗಾರಿಕೆ ಹಾಗೂ ಭದ್ರತಾ ಸಮಿತಿಗೆ ಸೋಮವಾರದೊಳಗೆ ವರದಿ ಸಲ್ಲಿಸಲಿದೆ.

ಅಮೆರಿಕದ ರಾಷ್ಟ್ರೀಯ ಭದ್ರತಾ ಸಂಸ್ಥೆಯಿಂದ ಮಾಹಿತಿ ಪಡೆಯುವುದಕ್ಕೆ  `ಜಿಸಿಎಚ್‌ಕ್ಯು' ನೇರವಾಗಿ ಮನವಿ ಮಾಡಿಕೊಂಡಿರಬಹುದು' ಎಂದು  ಗಾರ್ಡಿಯನ್ ಪತ್ರಿಕೆ  ವರದಿ ಮಾಡಿದೆ.



`ಜಿಸಿಎಚ್‌ಕ್ಯು' ಮೇಲ್ವಿಚಾರಣೆ ನೋಡಿಕೊಳ್ಳುತ್ತಿರುವ ವಿದೇಶಾಂಗ ಕಾರ್ಯದರ್ಶಿ ವಿಲಿಯಂ ಹೂಗ್ ಅಥವಾ ಗೃಹ ಕಾರ್ಯದರ್ಶಿ ಥೆರೆಸಾ ಮೇರಿ ಮೇ ಅವರು ಸಂಸತ್‌ನಲ್ಲಿ ಈ ಬಗ್ಗೆ ವಿವರಣೆ ನೀಡಬೇಕು ಎಂದು ಸಂಸದರು ಆಗ್ರಹಿಸಿದ್ದಾರೆ.



`ಈ ರಹಸ್ಯ ಕಾರ್ಯಾಚರಣೆ ಬಗ್ಗೆ ಎಷ್ಟರ ಮಟ್ಟಿಗೆ ಗೊತ್ತಿದೆ ಹಾಗೂ ಬ್ರಿಟನ್‌ನಲ್ಲಿ ಎಷ್ಟು ಮಂದಿಯ ವೈಯಕ್ತಿಕ ವಿವರಗಳನ್ನು ಸಂಗ್ರಹಿಸಲಾಗಿದೆ ಎನ್ನುವುದನ್ನು ಇವರಿಬ್ಬರು ತಿಳಿಸಬೇಕು' ಎಂದೂ ಒತ್ತಾಯಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.