<p><strong>ಇಸ್ಲಾಮಾಬಾದ್ (ಐಎಎನ್ಎಸ್): </strong>1990ರಲ್ಲಿ ಪಾಕಿಸ್ತಾನದಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ವಿವಿಧ ರಾಜಕಾರಣಿಗಳಿಗೆ ಹಣ ಒದಗಿಸಿದ್ದು ನಿಜ ಎಂದು ಐಎಸ್ಐನ ಮಾಜಿ ಮುಖ್ಯಸ್ಥ ಅಸದ್ ದುರಾನಿ ಸುಪ್ರೀಂಕೋರ್ಟ್ನಲ್ಲಿ ಒಪ್ಪಿಕೊಂಡಿದ್ದಾರೆ.<br /> <br /> ರಾಜಕಾರಣಿಗಳಿಗೆ ಹಣ ಒದಗಿಸಿರುವ ಬಗ್ಗೆ ಮೆಹರನ್ ಬ್ಯಾಂಕಿನ ಮಾಜಿ ಮುಖ್ಯಸ್ಥ ಯೂನುಸ್ ಹಬೀಬ್ ನೀಡಿರುವ ಹೇಳಿಕೆ ನಿಜವಾದದ್ದು ಎಂದು ದುರಾನಿ ತಿಳಿಸಿದ್ದಾರೆ.<br /> <br /> 1990ರ ಚುನಾವಣೆಯಲ್ಲಿ ರಾಜಕಾರಣಿಗಳಿಗೆ ಹಣ ಒದಗಿಸಿದ ಹಗರಣದಲ್ಲಿ ಆಗಿನ ಅಧ್ಯಕ್ಷ ಗುಲಾಮ್ ಇಸಾಕ್ ಖಾನ್, ಸೇನೆಯ ಮಾಜಿ ಮುಖ್ಯಸ್ಥ ಅಸ್ಲಾಂ ಬೇಗ್ ಮತ್ತು ಐಎಸ್ಐ ಭಾಗಿಯಾಗಿದ್ದರ ಬಗ್ಗೆ ಹಬೀಬ್ ಗುರುವಾರ ಸುಪ್ರೀಂಕೋರ್ಟ್ನಲ್ಲಿ ಸಾಕ್ಷಿ ಹೇಳಿದ್ದರು.<br /> <br /> ಪಾಕಿಸ್ತಾನ ಪೀಪಲ್ಸ್ ಪಕ್ಷವನ್ನು ಅಧಿಕಾರದಿಂದ ದೂರವಿಡುವ ಉದ್ದೇಶದಿಂದ ಇಸ್ಲಾಮಿ ಜಮೂರಿ ಇತ್ತೆಹಾದ್ ಪಕ್ಷದ ಅಭ್ಯರ್ಥಿಗಳಿಗೆ ಹಣ ಹಂಚಿದ ಹಗರಣದ ವಿಚಾರಣೆಯನ್ನು ಸುಪ್ರೀಂಕೋರ್ಟ್ನ ಮುಖ್ಯ ನ್ಯಾಯಮೂರ್ತಿ ಇಫ್ತಿಕಾರ್ ಮೊಹಮ್ಮದ್ ಚೌದರಿ ನೇತೃತ್ವದ ಮೂವರು ನ್ಯಾಯಮುರ್ತಿಗಳ ಪೀಠವು ನಡೆಸುತ್ತಿದೆ.<br /> <br /> ತೆಹರಿಕ್-ಇ-ಇಸ್ತಿಕ್ಲಾಲ್ನ ಮುಖ್ಯಸ್ಥ ಮತ್ತು ನಿವೃತ್ತ ಏರ್ಚೀಫ್ ಮಾರ್ಷಲ್ ಅಸ್ಗರ್ ಖಾನ್ ಅವರು ಸುಪ್ರೀಂಕೋರ್ಟ್ನಲ್ಲಿ ಅರ್ಜಿ ಸಲ್ಲಿಸಿ, 1990ರ ಚುನಾವಣೆಯಲ್ಲಿ ರಾಜಕಾರಣಿಗಳಿಗೆ ಐಎಸ್ಐ ಹಣ ಹಂಚಿತ್ತು ಎಂದು ದೂರಿದ್ದಾರೆ. <br /> <br /> ಆಗಿನ ಸೇನಾ ಮುಖ್ಯಸ್ಥರ ಆದೇಶದಂತೆ ರಾಜಕಾರಣಿಗಳಿಗೆ ಹಣ ಹಂಚಲಾಗಿತ್ತು ಎಂದು ದುರಾನಿ ತಿಳಿಸಿದ್ದಾರೆ.<br /> <br /> ಅಧ್ಯಕ್ಷರ ನಿವಾಸದಲ್ಲಿದ್ದ ಚುನಾವಣಾ ಘಟಕವು ಹಣ ಹಂಚುವ ನಿರ್ಧಾರ ತೆಗೆದುಕೊಂಡ ವಿಚಾರ ತಮಗೆ ತಿಳಿದಿತ್ತು ಮತ್ತು ಸೇನಾ ಮುಖ್ಯಸ್ಥರ ಆದೇಶ ಜಾರಿಗೆ ಅನೇಕ ಅಧಿಕಾರಿಗಳನ್ನು ನಿಯೋಜಿಸಲಾಗಿತ್ತು ಎಂದೂ ದುರಾನಿ ನ್ಯಾಯಪೀಠಕ್ಕೆ ತಿಳಿಸಿದ್ದಾರೆ.<br /> <br /> ಲಿಖಿತ ಹೇಳಿಕೆಯನ್ನು ಸಲ್ಲಿಸುವಂತೆ ದುರಾನಿಗೆ ಸೂಚಿಸಿದ ನ್ಯಾಯಪೀಠ, ವಿಚಾರಣೆಯನ್ನು ಈ ತಿಂಗಳ 14ಕ್ಕೆ ಮುಂದೂಡಿದೆ.<br /> <br /> ಈ ಮಧ್ಯೆ ಸೇನೆಯ ನಿವೃತ್ತ ಮುಖ್ಯಸ್ಥ ಅಸ್ಲಾಂ ಬೇಗ್ ಹೇಳಿಕೆ ನೀಡಿ, ಬ್ಯಾಂಕಿನ ಮಾಜಿ ಮುಖ್ಯಸ್ಥ ಹಬೀಬ್ ಸುಪ್ರೀಂಕೋರ್ಟ್ನಲ್ಲಿ ನೀಡಿರುವ ಹೇಳಿಕೆ ಸತ್ಯ ದೂರವಾದುದು ಎಂದು ಹೇಳಿದ್ದಾರೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಸ್ಲಾಮಾಬಾದ್ (ಐಎಎನ್ಎಸ್): </strong>1990ರಲ್ಲಿ ಪಾಕಿಸ್ತಾನದಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ವಿವಿಧ ರಾಜಕಾರಣಿಗಳಿಗೆ ಹಣ ಒದಗಿಸಿದ್ದು ನಿಜ ಎಂದು ಐಎಸ್ಐನ ಮಾಜಿ ಮುಖ್ಯಸ್ಥ ಅಸದ್ ದುರಾನಿ ಸುಪ್ರೀಂಕೋರ್ಟ್ನಲ್ಲಿ ಒಪ್ಪಿಕೊಂಡಿದ್ದಾರೆ.<br /> <br /> ರಾಜಕಾರಣಿಗಳಿಗೆ ಹಣ ಒದಗಿಸಿರುವ ಬಗ್ಗೆ ಮೆಹರನ್ ಬ್ಯಾಂಕಿನ ಮಾಜಿ ಮುಖ್ಯಸ್ಥ ಯೂನುಸ್ ಹಬೀಬ್ ನೀಡಿರುವ ಹೇಳಿಕೆ ನಿಜವಾದದ್ದು ಎಂದು ದುರಾನಿ ತಿಳಿಸಿದ್ದಾರೆ.<br /> <br /> 1990ರ ಚುನಾವಣೆಯಲ್ಲಿ ರಾಜಕಾರಣಿಗಳಿಗೆ ಹಣ ಒದಗಿಸಿದ ಹಗರಣದಲ್ಲಿ ಆಗಿನ ಅಧ್ಯಕ್ಷ ಗುಲಾಮ್ ಇಸಾಕ್ ಖಾನ್, ಸೇನೆಯ ಮಾಜಿ ಮುಖ್ಯಸ್ಥ ಅಸ್ಲಾಂ ಬೇಗ್ ಮತ್ತು ಐಎಸ್ಐ ಭಾಗಿಯಾಗಿದ್ದರ ಬಗ್ಗೆ ಹಬೀಬ್ ಗುರುವಾರ ಸುಪ್ರೀಂಕೋರ್ಟ್ನಲ್ಲಿ ಸಾಕ್ಷಿ ಹೇಳಿದ್ದರು.<br /> <br /> ಪಾಕಿಸ್ತಾನ ಪೀಪಲ್ಸ್ ಪಕ್ಷವನ್ನು ಅಧಿಕಾರದಿಂದ ದೂರವಿಡುವ ಉದ್ದೇಶದಿಂದ ಇಸ್ಲಾಮಿ ಜಮೂರಿ ಇತ್ತೆಹಾದ್ ಪಕ್ಷದ ಅಭ್ಯರ್ಥಿಗಳಿಗೆ ಹಣ ಹಂಚಿದ ಹಗರಣದ ವಿಚಾರಣೆಯನ್ನು ಸುಪ್ರೀಂಕೋರ್ಟ್ನ ಮುಖ್ಯ ನ್ಯಾಯಮೂರ್ತಿ ಇಫ್ತಿಕಾರ್ ಮೊಹಮ್ಮದ್ ಚೌದರಿ ನೇತೃತ್ವದ ಮೂವರು ನ್ಯಾಯಮುರ್ತಿಗಳ ಪೀಠವು ನಡೆಸುತ್ತಿದೆ.<br /> <br /> ತೆಹರಿಕ್-ಇ-ಇಸ್ತಿಕ್ಲಾಲ್ನ ಮುಖ್ಯಸ್ಥ ಮತ್ತು ನಿವೃತ್ತ ಏರ್ಚೀಫ್ ಮಾರ್ಷಲ್ ಅಸ್ಗರ್ ಖಾನ್ ಅವರು ಸುಪ್ರೀಂಕೋರ್ಟ್ನಲ್ಲಿ ಅರ್ಜಿ ಸಲ್ಲಿಸಿ, 1990ರ ಚುನಾವಣೆಯಲ್ಲಿ ರಾಜಕಾರಣಿಗಳಿಗೆ ಐಎಸ್ಐ ಹಣ ಹಂಚಿತ್ತು ಎಂದು ದೂರಿದ್ದಾರೆ. <br /> <br /> ಆಗಿನ ಸೇನಾ ಮುಖ್ಯಸ್ಥರ ಆದೇಶದಂತೆ ರಾಜಕಾರಣಿಗಳಿಗೆ ಹಣ ಹಂಚಲಾಗಿತ್ತು ಎಂದು ದುರಾನಿ ತಿಳಿಸಿದ್ದಾರೆ.<br /> <br /> ಅಧ್ಯಕ್ಷರ ನಿವಾಸದಲ್ಲಿದ್ದ ಚುನಾವಣಾ ಘಟಕವು ಹಣ ಹಂಚುವ ನಿರ್ಧಾರ ತೆಗೆದುಕೊಂಡ ವಿಚಾರ ತಮಗೆ ತಿಳಿದಿತ್ತು ಮತ್ತು ಸೇನಾ ಮುಖ್ಯಸ್ಥರ ಆದೇಶ ಜಾರಿಗೆ ಅನೇಕ ಅಧಿಕಾರಿಗಳನ್ನು ನಿಯೋಜಿಸಲಾಗಿತ್ತು ಎಂದೂ ದುರಾನಿ ನ್ಯಾಯಪೀಠಕ್ಕೆ ತಿಳಿಸಿದ್ದಾರೆ.<br /> <br /> ಲಿಖಿತ ಹೇಳಿಕೆಯನ್ನು ಸಲ್ಲಿಸುವಂತೆ ದುರಾನಿಗೆ ಸೂಚಿಸಿದ ನ್ಯಾಯಪೀಠ, ವಿಚಾರಣೆಯನ್ನು ಈ ತಿಂಗಳ 14ಕ್ಕೆ ಮುಂದೂಡಿದೆ.<br /> <br /> ಈ ಮಧ್ಯೆ ಸೇನೆಯ ನಿವೃತ್ತ ಮುಖ್ಯಸ್ಥ ಅಸ್ಲಾಂ ಬೇಗ್ ಹೇಳಿಕೆ ನೀಡಿ, ಬ್ಯಾಂಕಿನ ಮಾಜಿ ಮುಖ್ಯಸ್ಥ ಹಬೀಬ್ ಸುಪ್ರೀಂಕೋರ್ಟ್ನಲ್ಲಿ ನೀಡಿರುವ ಹೇಳಿಕೆ ಸತ್ಯ ದೂರವಾದುದು ಎಂದು ಹೇಳಿದ್ದಾರೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>