ಗುರುವಾರ , ಮಾರ್ಚ್ 4, 2021
29 °C
ಸೇತುಸಮುದ್ರಂ, ಸಾಲ ಮನ್ನಾ ಡಿಎಂಕೆ ಭರವಸೆ

ತಮಿಳರ ಪರ ಹೋರಾಟದ ಪ್ರಣಾಳಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತಮಿಳರ ಪರ ಹೋರಾಟದ ಪ್ರಣಾಳಿಕೆ

ಚೆನ್ನೈ (ಪಿಟಿಐ): ಯಾವುದೇ ರಾಷ್ಟ್ರೀಯ ಪಕ್ಷಗಳ ಜೊತೆಗೆ ಹೊಂದಾಣಿಕೆ ಇಲ್ಲದೆಯೂ ತಮಿಳುನಾಡಿನಲ್ಲಿ ಹೆಚ್ಚು ಲೋಕಸಭಾ ಕ್ಷೇತ್ರಗಳನ್ನು ಗೆಲ್ಲುವ ವಿಶ್ವಾಸವನ್ನು ಡಿಎಂಕೆ ಮುಖ್ಯಸ್ಥ ಕರುಣಾನಿಧಿ ವ್ಯಕ್ತಪಡಿಸಿದ್ದಾರೆ.



ಮತದಾರರಿಗೆ ಉಚಿತ ಕೊಡುಗೆಗಳ ಎಐಎಡಿಎಂಕೆ ಪ್ರಣಾಳಿಕೆಗಿಂತ ಭಿನ್ನ­ವಾಗಿ ಜಗತ್ತಿನಾದ್ಯಂತ ಇರುವ ತಮಿಳರ ಏಳಿಗೆಗಾಗಿ ಶ್ರಮಿಸುವ ಭರವಸೆಯ ಪ್ರಣಾಳಿಕೆಯನ್ನು ಕರುಣಾನಿಧಿ ಮಂಗಳವಾರ ಬಿಡುಗಡೆಗೊಳಿಸಿ ಮಾತನಾಡಿದರು.



ಆದಾಯ ತೆರಿಗೆ ಮಿತಿಯನ್ನು ಪುರು­ಷರಿಗೆ ₨ ಆರು ಲಕ್ಷ ಮತ್ತು ಮಹಿಳೆ­ಯರಿಗೆ ₨ 7.20 ಲಕ್ಷಕ್ಕೆ ಏರಿಸುವಂತೆ ಮುಂದೆ ರಚನೆಯಾಗುವ ಕೇಂದ್ರ ಸರ್ಕಾರದ ಮೇಲೆ ಒತ್ತಡ ಹೇರುವ ಭರವಸೆಯನ್ನು ಡಿಎಂಕೆ ನೀಡಿದೆ. ತಮಿಳರು ಗಣನೀಯ ಪ್ರಮಾಣ­ದಲ್ಲಿರುವ ವಿವಿಧ ದೇಶಗಳಲ್ಲಿ ತಮಿಳು ರಾಯಭಾರಿ ನೇಮಕವೂ ಪ್ರಣಾಳಿಕೆಯಲ್ಲಿ ಸೇರಿದೆ.



ಡಿಎಂಕೆಯ ನೆಚ್ಚಿನ ಸೇತುಸಮುದ್ರಂ ಯೋಜನೆ, ಜಾತಿ ರಹಿತ, ಸಮ ಸಮಾ­ಜಕ್ಕಾಗಿ ಎಲ್ಲ ಜಾತಿ, ಧರ್ಮ­ಗಳ ಜನರಿಗೆ ವಸತಿ ಬಡಾವಣೆ­ ನಿರ್ಮಾಣಕ್ಕೆ ಕೇಂದ್ರದ ಮೇಲೆ ಒತ್ತಡ ಹೇರುವ ಭರವಸೆಯನ್ನೂ ಪ್ರಣಾಳಿಕೆ ನೀಡಿದೆ. ಎಲ್ಲ ನದಿಗಳ ರಾಷ್ಟ್ರೀಕರಣ ಮತ್ತು ಜೋಡಣೆ, ಶಿಕ್ಷಣ ಮತ್ತು ಕೃಷಿ ಸಾಲ ಮನ್ನಾ, ಮೀನುಗಾರರಿಗೆ ಪರಿಶಿಷ್ಟ ಪಂಗಡ ಸ್ಥಾನಮಾನ ಡಿಎಂಕೆಯ ಇತರ ಭರವಸೆಗಳಾಗಿವೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.