ಬುಧವಾರ, ಜೂನ್ 16, 2021
28 °C

ದಾವಣಗೆರೆ ಕ್ರಿಕೆಟ್‌ ಕ್ಲಬ್‌ಗೆ ಗೆಲುವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬಳ್ಳಾರಿ: ನಗರದ ವೀರಶೈವ ಕಾಲೇಜು ಮೈದಾನದಲ್ಲಿ ಭಾನುವಾರ ಕೆಎಸ್‌ಸಿಎ ಆಯೋಜಿಸಿದ್ದ ತುಮಕೂರು ವಲಯದ 2ನೇ ಡಿವಿಜನ್ ಲೀಗ್ ಪಂದ್ಯದಲ್ಲಿ  ದಾವಣಗೆರೆ ಕ್ರಿಕೆಟ್ ಕ್ಲಬ್ ತಂಡ ಬಳ್ಳಾರಿಯ ಎಸಿಸಿ ಕ್ರಿಕೆಟ್ ಕ್ಲಬ್ ತಂಡದ ವಿರುದ್ಧ ಜಯ ಗಳಿಸಿತು.



ಟಾಸ್ ಜಯಿಸಿ ಮೊದಲು ಬ್ಯಾಟಿಂಗ್ ಮಾಡಿದ ಬಳ್ಳಾರಿ ತಂಡ ಆದರೆ, ದಾವಣಗೆರೆಯ ಸುರೇಶ್ ಕರ್ನಿ ಅವರ ಮಾರಕ ಬೌಲಿಂಗ್ (9.2 ಓವರ್‌ಗಳಲ್ಲಿ 13 ರನ್‌ಗಳಿಗೆ 6 ವಿಕೆಟ್) ದಾಳಿಗೆ ತತ್ತರಿಸಿ ಕೇವಲ 29.1 ಓವರ್‌ಗಳಲ್ಲಿ 89 ರನ್‌ಗಳಿಗೆ ಆಲೌಟ್‌ ಆಯಿತು.



ಸುರೇಶ್‌ ಅವರಿಗೆ ಉತ್ತಮ ಜತೆ ನೀಡಿದ ಕೆ.ಪ್ರಶಾಂತ್ (10 ಓವರ್‌ಗಳಲ್ಲಿ 27 ರನ್‌ಗಳಿಗೆ 3 ವಿಕೆಟ್) ಎದುರಾಳಿ ತಂಡವನ್ನು ಅತ್ಯಲ್ಪ ಮೊತ್ತಕ್ಕೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾದರು.



ಬಳ್ಳಾರಿ ತಂಡದ ಪರ ಮಣಿ ನಾಲ್ಕು ಬೌಂಡರಿಗಳಿದ್ದ 18 ರನ್ ಗಳಿಸಿದರೆ, ಚಕ್ರವರ್ತಿ 3 ಬೌಂಡರಿಗಳಿದ್ದ 19 ರನ್ ಪೇರಿಸಿದರು.

ತಮ್ಮ ಸರದಿಯ ಆರಂಭದಿಂದಲೂ ಉತ್ತಮ ಆಟ ಪ್ರದರ್ಶಿಸಿದ ದಾವಣಗೆರೆ ಕ್ರಿಕೆಟ್ ಕ್ಲಬ್ ತಂಡ, ಕೇವಲ 9.2 ಓವರ್‌ಗಳಲ್ಲಿ 2 ವಿಕೆಟ್ ಕಳೆದಕೊಂಡು ಗೆಲುವಿನ ಗುರಿ ತಲುಪಿತು.



ಕೆ.ಪ್ರಶಾಂತ್ 44 ಎಸೆತಗಳಲ್ಲಿ  11 ಬೌಂಡರಿ ನೆರವಿನ 60 ರನ್ ಗಳಿಸಿದರೆ, ಎಚ್.ಪಿ. ರಾಹುಲ್ 6 ಬೌಂಡರಿಗಳಿದ್ದ 27 ರನ್ ಗಳಿಸಿ ಉತ್ತಮ ಕಾಣಿಕೆ ನೀಡಿದರು.



ಬಳ್ಳಾರಿಯ ಎಸಿಸಿ ತಂಡದ ಪರ ಆದಿತ್ಯ ಕಾಕಡೆ ಮತ್ತು ಇಜಾಜ್ ತಲಾ ಒಂದು ವಿಕೆಟ್ ಗಳಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.