ದೆಹಲಿ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ

ನವದೆಹಲಿ(ಐಎಎನ್‌ಎಸ್): `ಹದಿನಾಲ್ಕು ವರ್ಷದ ದೆಹಲಿಯ ಬಾಲಕಿಯನ್ನು ಅಪಹರಿಸಿ ಸಾಮೂಹಿಕ ಅತ್ಯಾಚಾರ ಎಸಗಿದ ಘಟನೆ ಉತ್ತರ ಪ್ರದೇಶದ ಬದೌನ್‌ನಲ್ಲಿ ನಡೆದಿದೆ' ಎಂದು ಗುರುವಾರ ಪೊಲೀಸರು ತಿಳಿಸಿದ್ದಾರೆ.



ಪ್ರಕರಣಕ್ಕೆ ಸಂಬಂಧಿಸಿದಂತೆ ಒಬ್ಬನನ್ನು ಬಂಧಿಸಲಾಗಿದೆ. 



ನೆಬ್‌ಸರಾಯ್‌ನ ತನ್ನ ಮನೆಯಿಂದ ಬಾಲಕಿ ಜೂನ್ 5ರಂದು ಕಾಣೆಯಾಗಿದ್ದಳು. 6 ದಿನಗಳ ಬಳಿಕ  ಪೋಷಕರಿಗೆ ಕರೆ ಮಾಡಿ ಸಂಕಷ್ಟದಲ್ಲಿರುವುದಾಗಿ ಮಾಹಿತಿ ನೀಡಿದ್ದಳು.



ಈ ಮಾಹಿತಿ ಆಧರಿಸಿ ಜೂನ್ 12ರಂದು ಕಾರ್ಯಾಚರಣೆ ನಡೆಸಿದ ಪೊಲೀಸರು ಬಾಲಕಿಯನ್ನು ಅಡಗಿಸಿಟ್ಟಿದ್ದ ಜಾಗಕ್ಕೆ ತೆರಳಿ ಜರಿಬ್ ಅಹಮದ್ (28) ಎಂಬಾತನನ್ನು  ಬಂಧಿಸಿ ಬಾಲಕಿಯನ್ನು ರಕ್ಷಿಸಿದ್ದಾರೆ. ಇನ್ನೊಬ್ಬ ತಪ್ಪಿಸಿಕೊಂಡಿದ್ದಾನೆ.