ಬುಧವಾರ, ಏಪ್ರಿಲ್ 14, 2021
24 °C

ಧರ್ಮಗಳನ್ನು ಮುಕ್ತ ಮನಸ್ಸಿನಿಂದ ನೋಡಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮೈಸೂರು: `ಎಲ್ಲ ಧರ್ಮಗಳನ್ನು ಮುಕ್ತ ಮನಸ್ಸಿನಿಂದ ನೋಡಬೇಕು~ ಎಂದು ಮಾಜಿ ಸಚಿವ ಪ್ರೊ.ಬಿ.ಕೆ.ಚಂದ್ರಶೇಖರ್ ಹೇಳಿದರು.



ನಗರದ ರೋಟರಿ ಪಶ್ಚಿಮ ಸಭಾಂಗಣದಲ್ಲಿ ವಿಸ್ಮಯ ಚಿಂತನ ಮಿಲನ ಮತ್ತು ಮೈಸೂರು ಫೋರಂ ಭಾನುವಾರ ಹಮ್ಮಿಕೊಂಡಿದ್ದ ಸಮಾರಂಭದಲ್ಲಿ ನಿವೃತ್ತ ಪ್ರಾಧ್ಯಾಪಕ ಎಂ.ಉಮಾಪತಿ ಅವರ `ಒಸಾಮ ಬಿನ್ ಲಾಡೆನ್ ಭಯೋತ್ಪಾದನೆ ಮತ್ತು ಅಲ್‌ಖೈದಾ~ ಪುಸ್ತಕ ಲೋಕಾ ರ್ಪಣೆ ಮಾಡಿ ಮಾತನಾಡಿದರು.



`ಸ್ವಾಮಿ ವಿವೇಕಾನಂದರನ್ನು ಹಿಂದೂ ಧರ್ಮ ಏಜೆಂಟರಂತೆ ರಾಜಕಾರಣಿಗಳು ಬಿಂಬಿಸಿದ್ದರು. ಆದರೆ ವಿವೇಕಾನಂದರು ಒಂದೇ ಧರ್ಮಕ್ಕೆ ಸೀಮಿತವಾಗಿರಲಿಲ್ಲ. ಕ್ರೈಸ್ತ, ಇಸ್ಲಾಂ ಎಲ್ಲ ಧರ್ಮಗಳನ್ನು ಮುಕ್ತ ಮನಸ್ಸಿ ನಿಂದ ನೋಡುತ್ತಿದ್ದರು. ಇದನ್ನು ಅವರೇ ಹೇಳಿಕೊಂಡಿದ್ದರು. ಭಾರತ ದಲ್ಲಿ ಹಿಂದೂ-ಮುಸಲ್ಮಾನ ಧರ್ಮ ಗಳ ಮಿಲನವಾಗಬೇಕೆಂದು ಸಹ ಹೇಳಿದ್ದರು. ಅದ್ಭುತ ಶಕ್ತಿ ಉಳ್ಳ ಧರ್ಮಗಳ ವ್ಯಾಮೋಹಕ್ಕೆ ಒಳಗಾಗಿ ಒಳಿತು ಮಾಡುವ ಜೊತೆಗೆ ಕೆಡಕು   ಸಹ ಮಾಡಲಾಗಿದೆ~ ಎಂದು ತಿಳಿಸಿದರು.



`ಲಾಡೆನ್ ಹತ್ಯೆ ವಿಚಾರವನ್ನು ಕುತೂಹಲಕಾರಿಯಾಗಿ ಬಣ್ಣಿಸಲಾ ಗಿದೆ. 20-30 ಪುಟಗಳನ್ನು ಕಡಿಮೆ ಮಾಡಿ ಪಠ್ಯವಾಗಿ ಮಾಡಿದರೆ ಮಕ್ಕಳಿಗೆ ಪುಸ್ತಕದ ಪರಿಚಯವಾಗು ತ್ತದೆ. ಆದರೆ ಈ ಸರ್ಕಾರದಲ್ಲಿ ಇದು ಸಾಧ್ಯ ವಿಲ್ಲ. ಮುಂದೆ ಈ ಬಗ್ಗೆ ಪರಿಶೀಲಿ ಸೋಣ~ ಎಂದರು.



ಪ್ರೊ.ಮುಜಾಫರ್ ಅಸ್ಸಾದಿ ಅಧ್ಯಕ್ಷತೆ ವಹಿಸಿದ್ದರು. ಕುವೆಂಪು ಕನ್ನಡ ಅಧ್ಯಯನ ಸಂಸ್ಥೆ ಸಂಪಾದನ ವಿಭಾಗ ಮುಖ್ಯಸ್ಥ ಡಾ.ಕೃಷ್ಣೇಗೌಡ, ಮೈಸೂರು  ಫೋರಂನ ಪ್ರೊ.ಕೆ.ಸಿ.ಬೆಳ್ಳಿಯಪ್ಪ ಇದ್ದರು. ವಿಸ್ಮಯ ಚಿಂತನ ಮಿಲನ ಡಾ.ಹಾಲತಿ ಸೋಮಶೇಖರ್ ಸ್ವಾಗತಿಸಿದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.