ನಟ ಸೈಫ್‌ ವಿರುದ್ಧ ಆರೋಪ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ(ಪಿಟಿಐ): ಎರಡು ವರ್ಷಗಳ ಹಿಂದೆ ಇಲ್ಲಿನ ಕೊಲಾಬಾದ ಹೋಟೆಲ್‌ವೊಂದರಲ್ಲಿ ದಕ್ಷಿಣ ಆಫ್ರಿಕಾ ಮೂಲದ ಉದ್ಯಮಿ ಹಾಗೂ ಆತನ ಮಾವನ ಮೇಲೆ ಹಲ್ಲೆ ನಡೆಸಿದ ಆರೋಪದ ಮೇಲೆ ಬಾಲಿವುಡ್‌ ನಟ ಸೈಫ್‌ ಅಲಿಖಾನ್‌ ಮತ್ತು ಇಬ್ಬರು ಸ್ನೇಹಿತರ ವಿರುದ್ಧ ಸ್ಥಳೀಯ ನ್ಯಾಯಾಲಯದಲ್ಲಿ ದೋಷಾರೋಪ ಪಟ್ಟಿ ದಾಖಲಾಗಿದೆ.
‘ನ್ಯಾಯಾಲಯವು ಸೈಫ್‌ ಹಾಗೂ ಇವರ ಸ್ನೇಹಿತರಾದ ಶಕೀಲ್‌ ಲಡಾಕ್‌ ಮತ್ತು ಬಿಲಾಲ್‌ ಅಮ್ರೋಹಿ ಅವರ ವಿರುದ್ಧ ಭಾರತೀಯ
ದಂಡ ಸಂಹಿತೆ ಅನ್ವಯ ದೋಷಾರೋಪ ಪಟ್ಟಿ ದಾಖಲಿಸಿದೆ’ ಎಂದು ಸರ್ಕಾರಿ ವಕೀಲ ವಾಜೀದ್‌ ಶೇಖ್‌ ಹೇಳಿದ್ದಾರೆ.
ಆದರೆ ಈ ಮೂವರನ್ನು ಮೆಟ್ರೊ ಪಾಲಿಟನ್‌ ನ್ಯಾಯಾಲಯ ಆರೋಪ ಮುಕ್ತಗೊಳಿಸಿತ್ತು.
2012 ರ ಫೆ.12 ರಂದು ತಾಜ್‌ ಹೋಟೆಲ್‌ನ ವಾಸಬಿ ರೆಸ್ಟೋರೆಂಟ್‌ನಲ್ಲಿ ಸೈಫ್‌ ಹಾಗೂ ಸ್ನೇಹಿತರು ಹಲ್ಲೆ ನಡೆಸಿದ್ದರ ವಿರುದ್ಧ ಅನಿವಾಸಿ ಭಾರತೀಯ ಇಕ್ಬಾಲ್‌ ಶರ್ಮಾ ದೂರು ಸಲ್ಲಿಸಿದ್ದರು. ನಂತರ ಮೂವರನ್ನು ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿತ್ತು.
ಸೈಫ್‌ ಅಲಿಖಾನ್‌ ತಮ್ಮ ಪತ್ನಿ ಕರೀನಾ ಕಪೂರ್‌, ಮಲೈಕಾ ಅರೋರಾ, ಅಮೃತಾ ಅರೋರಾ ಹಾಗೂ ಇತರ ಗೆಳೆಯರ ಜತೆ ಹೋಟೆಲ್‌ಗೆ ತೆರಳಿದ್ದ ವೇಳೆ ಗಲಾಟೆ ನಡೆದಿತ್ತು.
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
