<p><strong>ಆಲಮಟ್ಟಿ: </strong>ಆಲಮಟ್ಟಿ, ನಿಡಗುಂದಿ ಸುತ್ತಮುತ್ತಲಿನ ಗ್ರಾಮದೊಳಗೆ ಸುರಿದ ಭಾರಿ ಮಳೆಗೆ ನಿಡಗುಂದಿ ಪಟ್ಟಣದ ಅನೇಕ ಮನೆಗಳಿಗೆ ನೀರು ಹೊಕ್ಕಿದ್ದು, ಜನ ರಾತ್ರಿಯೆಲ್ಲಾ ಜಾಗರಣೆ ಮಾಡುವಂತಾಯಿತು.<br /> ಸಮರ್ಪಕ ಚರಂಡಿ ವ್ಯವಸ್ಥೆ ಇಲ್ಲದ್ದರಿಂದ ಮಳೆ ನೀರು ಮನೆಗಳ ಒಳಗೆ ನುಗ್ಗಿ ಅಪಾರ ಹಾನಿ ಸಂಭವಿಸಿದೆ. <br /> <br /> ಸುಮಾರು 20 ಕ್ಕೂ ಹೆಚ್ಚು ಮನೆಗಳಲ್ಲಿ ನೀರು ಹೊಕ್ಕಿದ್ದು, ಅಲ್ಲಿದ್ದ ವಸ್ತುಗಳೆಲ್ಲಾ ನೀರಿನಲ್ಲಿ ತೊಯ್ದಿವೆ.<br /> ನಿಡಗುಂದಿ ಕಾಲೇಜು ರಸ್ತೆಯ ಪಕ್ಕದ ಕರಬಾ ನಗರದಲ್ಲಿನ ಭೋವಿ ಸಮಾಜದ ಹಾಗೂ ಕೆಲ ಹಿಂದುಳಿದ ವರ್ಗಗಳ ಮನೆಯಲ್ಲಿ ನೀರು ಹೊಕ್ಕಿದೆ. ಬುಧವಾರ ರಾತ್ರಿಯಿಂದ ಗುರುವಾರದ ಬೆಳಿಗ್ಗೆವರೆಗೂ ಈ ಬಡಾವಣೆಯ ಜನ ಮಳೆ ನೀರಿನಲ್ಲಿಯೇ ಕಾಲ ಕಳೆಯುವಂತಾಯಿತು.<br /> <br /> ರಾತ್ರಿಯಿಡಿ ನೀರನ್ನು ಮನೆಯಿಂದ ಹೊರಕ್ಕೆ ಹಾಕುವುದೇ ಅವರ ಕೆಲಸವಾಗಿತ್ತು. ಇದರಿಂದ ರೊಚ್ಚಿಗೆದ್ದ ಕೆಲವರು ಬುಧವಾರ ಮಧ್ಯರಾತ್ರಿಯೇ, ನೀರು ಮನೆಯೊಳಗೆ ಹೋಗಲು ಕಂಪೌಂಡ್ ಗೋಡೆಯೊಂದು ಅಡ್ಡ ಇದೆ ಎಂದು ಆರೋಪಿಸಿ ಅದನ್ನು ಒಡೆದು ಹಾಕಿದರು.<br /> <br /> ಅದು ಇಲ್ಲಿಯ ಪ್ರಮುಖ ಸಮಾಜ ಒಂದಕ್ಕೆ ಸೇರಿದ ಜಾಗದಲ್ಲಿ ಸಮಾಜ ವತಿಯಿಂದ ನಿರ್ಮಿಸಿದ್ದ ಕಂಪೌಂಡ್ ಆಗಿದ್ದು, ಬೆಳಿಗ್ಗೆ ಆ ಎರಡೂ ಸಮಾಜದ ಯುವಕರ ಮಧ್ಯೆ ಗಲಾಟೆಯೂ ಜರುಗಿತು. <br /> <br /> ಮಧ್ಯ ಪ್ರವೇಶಿಸಿದ ಗ್ರಾ.ಪಂ. ಆಡಳಿತ ಹಾಗೂ ನಿಡಗುಂದಿ ಪೊಲೀಸ್ ಇಲಾಖೆ ಇಬ್ಬರೂ ಸಮಾಜದ ಮುಖಂಡರನ್ನು ಕರೆಯಿಸಿ ರಾಜಿ ಪಂಚಾಯತಿ ಮಾಡಿಸಿ, ಸಮರ್ಪಕವಾಗಿದ್ದರೇ ಅಲ್ಲಿ ಕಂಪೌಂಡ್ನ್ನು ಗ್ರಾ.ಪಂ. ವತಿಯಿಂದ ಕಟ್ಟಲಾಗುವುದು ಎಂಬ ಭರವಸೆ ಮೇರೆಗೆ ಸಮಸ್ಯೆ ಬಗೆಹರಿಸಲಾಯಿತು. <br /> <br /> ಭೋವಿ ಸಮಾಜದವರ ಮನೆಗಳಿಗೂ ನೀರು ಹೊಕ್ಕಿದ್ದು, ಅಲ್ಲಿ ನೀರು ಹೊರಕ್ಕೆ ಹೋಗಲು ನಿಡಗುಂದಿ ಪಟ್ಟಣದ ಕಾಲೇಜು ರಸ್ತೆಗುಂಟ ಆಕ್ರಮಿತ ಕಟ್ಟಡಗಳು ಅಡ್ಡಿ ಬರುತ್ತಿವೆ. ಅದಕ್ಕೆ ಗ್ರಾ.ಪಂ. ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಜನತೆ ಆಗ್ರಹಿಸಿದರು. <br /> <br /> <strong>ಆಲಮಟ್ಟಿ ಸುತ್ತಮುತ್ತ ಭಾರಿ ಮಳೆ<br /> </strong>ಬುಧವಾರ ಸಂಜೆಯಿಂದ ಏಕಾಏಕಿ ಮಳೆ ಸುರಿದು ತೀವ್ರ ತೊಂದರೆ ಉಂಟು ಮಾಡಿದೆ. ಆದರೇ ರೈತರಲ್ಲಿ ಹರ್ಷ ಮೂಡಿಸಿದೆ. ಆಲಮಟ್ಟಿ ಯಲ್ಲಿ 16.8 ಮೀ.ಮೀ. ಆರೇಶಂಕರದಲ್ಲಿ 46.4 ಮೀ.ಮೀ. ಹೂವಿನಹಿಪ್ಪರಗಿಯಲ್ಲಿ 45.6 ಮೀ.ಮೀ. ಮಳೆಯಾಗಿದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಆಲಮಟ್ಟಿ: </strong>ಆಲಮಟ್ಟಿ, ನಿಡಗುಂದಿ ಸುತ್ತಮುತ್ತಲಿನ ಗ್ರಾಮದೊಳಗೆ ಸುರಿದ ಭಾರಿ ಮಳೆಗೆ ನಿಡಗುಂದಿ ಪಟ್ಟಣದ ಅನೇಕ ಮನೆಗಳಿಗೆ ನೀರು ಹೊಕ್ಕಿದ್ದು, ಜನ ರಾತ್ರಿಯೆಲ್ಲಾ ಜಾಗರಣೆ ಮಾಡುವಂತಾಯಿತು.<br /> ಸಮರ್ಪಕ ಚರಂಡಿ ವ್ಯವಸ್ಥೆ ಇಲ್ಲದ್ದರಿಂದ ಮಳೆ ನೀರು ಮನೆಗಳ ಒಳಗೆ ನುಗ್ಗಿ ಅಪಾರ ಹಾನಿ ಸಂಭವಿಸಿದೆ. <br /> <br /> ಸುಮಾರು 20 ಕ್ಕೂ ಹೆಚ್ಚು ಮನೆಗಳಲ್ಲಿ ನೀರು ಹೊಕ್ಕಿದ್ದು, ಅಲ್ಲಿದ್ದ ವಸ್ತುಗಳೆಲ್ಲಾ ನೀರಿನಲ್ಲಿ ತೊಯ್ದಿವೆ.<br /> ನಿಡಗುಂದಿ ಕಾಲೇಜು ರಸ್ತೆಯ ಪಕ್ಕದ ಕರಬಾ ನಗರದಲ್ಲಿನ ಭೋವಿ ಸಮಾಜದ ಹಾಗೂ ಕೆಲ ಹಿಂದುಳಿದ ವರ್ಗಗಳ ಮನೆಯಲ್ಲಿ ನೀರು ಹೊಕ್ಕಿದೆ. ಬುಧವಾರ ರಾತ್ರಿಯಿಂದ ಗುರುವಾರದ ಬೆಳಿಗ್ಗೆವರೆಗೂ ಈ ಬಡಾವಣೆಯ ಜನ ಮಳೆ ನೀರಿನಲ್ಲಿಯೇ ಕಾಲ ಕಳೆಯುವಂತಾಯಿತು.<br /> <br /> ರಾತ್ರಿಯಿಡಿ ನೀರನ್ನು ಮನೆಯಿಂದ ಹೊರಕ್ಕೆ ಹಾಕುವುದೇ ಅವರ ಕೆಲಸವಾಗಿತ್ತು. ಇದರಿಂದ ರೊಚ್ಚಿಗೆದ್ದ ಕೆಲವರು ಬುಧವಾರ ಮಧ್ಯರಾತ್ರಿಯೇ, ನೀರು ಮನೆಯೊಳಗೆ ಹೋಗಲು ಕಂಪೌಂಡ್ ಗೋಡೆಯೊಂದು ಅಡ್ಡ ಇದೆ ಎಂದು ಆರೋಪಿಸಿ ಅದನ್ನು ಒಡೆದು ಹಾಕಿದರು.<br /> <br /> ಅದು ಇಲ್ಲಿಯ ಪ್ರಮುಖ ಸಮಾಜ ಒಂದಕ್ಕೆ ಸೇರಿದ ಜಾಗದಲ್ಲಿ ಸಮಾಜ ವತಿಯಿಂದ ನಿರ್ಮಿಸಿದ್ದ ಕಂಪೌಂಡ್ ಆಗಿದ್ದು, ಬೆಳಿಗ್ಗೆ ಆ ಎರಡೂ ಸಮಾಜದ ಯುವಕರ ಮಧ್ಯೆ ಗಲಾಟೆಯೂ ಜರುಗಿತು. <br /> <br /> ಮಧ್ಯ ಪ್ರವೇಶಿಸಿದ ಗ್ರಾ.ಪಂ. ಆಡಳಿತ ಹಾಗೂ ನಿಡಗುಂದಿ ಪೊಲೀಸ್ ಇಲಾಖೆ ಇಬ್ಬರೂ ಸಮಾಜದ ಮುಖಂಡರನ್ನು ಕರೆಯಿಸಿ ರಾಜಿ ಪಂಚಾಯತಿ ಮಾಡಿಸಿ, ಸಮರ್ಪಕವಾಗಿದ್ದರೇ ಅಲ್ಲಿ ಕಂಪೌಂಡ್ನ್ನು ಗ್ರಾ.ಪಂ. ವತಿಯಿಂದ ಕಟ್ಟಲಾಗುವುದು ಎಂಬ ಭರವಸೆ ಮೇರೆಗೆ ಸಮಸ್ಯೆ ಬಗೆಹರಿಸಲಾಯಿತು. <br /> <br /> ಭೋವಿ ಸಮಾಜದವರ ಮನೆಗಳಿಗೂ ನೀರು ಹೊಕ್ಕಿದ್ದು, ಅಲ್ಲಿ ನೀರು ಹೊರಕ್ಕೆ ಹೋಗಲು ನಿಡಗುಂದಿ ಪಟ್ಟಣದ ಕಾಲೇಜು ರಸ್ತೆಗುಂಟ ಆಕ್ರಮಿತ ಕಟ್ಟಡಗಳು ಅಡ್ಡಿ ಬರುತ್ತಿವೆ. ಅದಕ್ಕೆ ಗ್ರಾ.ಪಂ. ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಜನತೆ ಆಗ್ರಹಿಸಿದರು. <br /> <br /> <strong>ಆಲಮಟ್ಟಿ ಸುತ್ತಮುತ್ತ ಭಾರಿ ಮಳೆ<br /> </strong>ಬುಧವಾರ ಸಂಜೆಯಿಂದ ಏಕಾಏಕಿ ಮಳೆ ಸುರಿದು ತೀವ್ರ ತೊಂದರೆ ಉಂಟು ಮಾಡಿದೆ. ಆದರೇ ರೈತರಲ್ಲಿ ಹರ್ಷ ಮೂಡಿಸಿದೆ. ಆಲಮಟ್ಟಿ ಯಲ್ಲಿ 16.8 ಮೀ.ಮೀ. ಆರೇಶಂಕರದಲ್ಲಿ 46.4 ಮೀ.ಮೀ. ಹೂವಿನಹಿಪ್ಪರಗಿಯಲ್ಲಿ 45.6 ಮೀ.ಮೀ. ಮಳೆಯಾಗಿದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>