ಗುರುವಾರ , ಮೇ 6, 2021
27 °C

ನೀರು ಸೋರಿಕೆ ತಡೆಗೆ ಕ್ರಮ: ಖಾಸಗಿ ಕಂಪೆನಿಗಳಿಗೆ ಗುತ್ತಿಗೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಜಲಮಂಡಳಿಯು ನಗರದ ದಕ್ಷಿಣ ವಲಯದಲ್ಲಿ ನೀರು ಸೋರಿಕೆ ತಡೆಗಟ್ಟುವ ಯೋಜನೆಯ ಗುತ್ತಿಗೆಯನ್ನು ಟರ್ಬೊ ಮತ್ತು ಲಾರ್ಸೆನ್ ಕಂಪೆನಿಗೆ ನೀಡಿದೆ.



ನಗರಕ್ಕೆ ದಿನಕ್ಕೆ 800 ಮಿಲಿಯನ್ ಲೀಟರ್ ಕಾವೇರಿ ನೀರು ಪೂರೈಸಲಾಗುತ್ತಿದೆ. ಆದರೆ ಇದರಲ್ಲಿ ಶೇ 36ರಷ್ಟು ಭಾಗದ ನೀರು ಸೋರಿಕೆಯಾಗುತ್ತಿದೆ. ಅಲ್ಲದೇ ಕಂದಾಯ ತೆರದೇ ಶೇ 50 ರಷ್ಟು ನೀರು ಅನಧಿಕೃತವಾಗಿ ಪೂರೈಕೆಯಾಗುತ್ತಿದೆ. ಇದೆಲ್ಲದಕ್ಕೆ ಕಡಿವಾಣ ಹಾಕಲು ಮಂಡಳಿಯು ಆರು ವರ್ಷ ಅವಧಿಯ ಗುತ್ತಿಗೆಯನ್ನು ಕಂಪೆನಿಗೆ ನೀಡಿದೆ.



ಯೋಜನೆಯ ಪ್ರಕಾರ ಮುಂದಿನ ಮೂರು ವರ್ಷದಲ್ಲಿ ನೀರು ಸೋರಿಕೆಯ ಪ್ರಮಾಣವನ್ನು ಶೇ 16ಕ್ಕೆ ಇಳಿಸಬೇಕು. ಅನಧಿಕೃತ ನೀರು ಪೂರೈಕೆಯ ಕೊಳವೆಗಳನ್ನು ಕಂಡುಹಿಡಿದು ಕಟ್ಟುನಿಟ್ಟಿನ ಕ್ರಮ ತೆಗೆದುಕೊಳ್ಳಬೇಕು. ಬನಗಿರಿ, ದೇವಗಿರಿ, ಗಿರಿನಗರ, ಕತ್ತರಗುಪ್ಪೆ, ಬನಶಂಕರಿ, ಹೊಸಕೆರೆಹಳ್ಳಿ, ಕುಮಾರಸ್ವಾಮಿ ಬಡಾವಣೆ, ಪೂರ್ಣಪ್ರಜ್ಞ ಬಡಾವಣೆ, ಬಿಟಿಎಂ ಲೇಔಟ್, ವಿಜಯ ಬ್ಯಾಂಕ್, ಚಾಮರಾಜಪೇಟೆ, ಎಂಎನ್‌ಕೆ ಉದ್ಯಾನ, ನಾಗೇಂದ್ರ ಬ್ಲಾಕ್ ಹಾಗೂ ಜೆ.ಪಿ.ನಗರ ಸೇರಿದಂತೆ ದಕ್ಷಿಣ ವಲಯದಲ್ಲಿ ಒಟ್ಟು 1,36,380 ನೀರು ವಿತರಣಾ ಕೊಳವೆಗಳಿವೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.