<p><strong>ದಾವಣಗೆರೆ:</strong> ‘ಮೆಡಿಕಲ್ ಕೌನ್ಸಿಲ್ ಆಫ್ ಇಂಡಿಯಾ’ ಜಾರಿಗೊಳಿಸಲು ಉದ್ದೇಶಿಸಿದ ವೈದ್ಯಕೀಯ ಪಠ್ಯಕ್ರಮ ನವೀಕರಣ ಮಸೂದೆ ‘ವಿಜ್ಹನ್-2015’ ವಿರೋಧಿಸಿ ಜೆಜೆಎಂ ವೈದ್ಯಕೀಯ ಕಾಲೇಜು ಪ್ರಾಧ್ಯಾಪಕರು ಶನಿವಾರ ಕಪ್ಪುಪಟ್ಟಿ ಧರಿಸಿ ಕಾರ್ಯನಿರ್ವಹಿಸಿದರು.<br /> <br /> ಪ್ರಸ್ತುತ ಜಾರಿಯಲ್ಲಿರುವ ಪಠ್ಯಕ್ರಮ ಬದಲಿಸುವ ಯೋಜನೆಯೇ ಅವೈಜ್ಞಾನಿಕವಾಗಿದೆ. ಕಣ್ಣು, ಕಿವಿ, ಮೂಗು, ಗಂಟಲು (ಇಎನ್ಟಿ), ವೈದ್ಯಕೀಯ ನ್ಯಾಯಶಾಸ್ತ್ರ, ಚರ್ಮರೋಗ, ಕ್ಷಕಿರಣ, ಅರಿವಳಿಕೆ ಮತ್ತಿತರ ವಿಷಯಗಳನ್ನು ಐಚ್ಛಿಕಗೊಳಿಸಿದರೆ, ಆ ವಿಷಯಗಳಲ್ಲಿ ವಿದ್ಯಾರ್ಥಿಗೆ ಜ್ಞಾನವೇ ದೊರೆಯುವುದಿಲ್ಲ. ಇದು ಮುಂದೆ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಕಾರ್ಯ ನಿರ್ವಹಿಸುವ ವೈದ್ಯರಿಗೆ ಸಮಸ್ಯೆ ತಂದೊಡ್ಡುತ್ತದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.<br /> <br /> ಪ್ರಸ್ತುತ ಎಂಬಿಬಿಎಸ್ ಶೈಕ್ಷಣಿಕ ಅವಧಿ ಒಟ್ಟು ಐದೂವರೆ ವರ್ಷವಿದೆ. ಆದರೆ, ಅದನ್ನು ಐದು ವರ್ಷಕ್ಕೆ ಸೀಮಿತಗೊಳಿಸಲಾಗುತ್ತಿದೆ. ಹೊಸ ಪಠ್ಯಕ್ರಮ ರೂಪಿಸುವಾಗ ಸಮಿತಿಯ ಸದಸ್ಯರು ಎಲ್ಲ ವೈದ್ಯಕೀಯ ವಿಭಾಗಗಳಿಂದ ಅಭಿಪ್ರಾಯ ಪಡೆದಿಲ್ಲ. ವೈದ್ಯಕೀಯ ವಿದ್ಯಾಲಯಗಳಲ್ಲಿ 18 ವಿಭಾಗಗಳಿವೆ. ಆದರೆ, ಸಮಿತಿಯಲ್ಲಿ 8 ವಿಭಾಗಗಳಲ್ಲಿ ಮಾತ್ರ ಸದಸ್ಯರಿದ್ದಾರೆ. ಇನ್ನೂ 10 ವಿಭಾಗಗಳ ಸದಸ್ಯರ ಅಭಿಪ್ರಾಯವನ್ನೇ ಪಡೆದಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.<br /> <br /> ಪಠ್ಯಕ್ರಮ ನವೀಕರಣ ಮಸೂದೆಯನ್ನು ಹಿಂದಕ್ಕೆ ಪಡೆಯಬೇಕೆಂದು ಒತ್ತಾಯಿಸಿ ಹೆಚ್ಚುವರಿ ಜಿಲ್ಲಾಧಿಕಾರಿ ಎಸ್.ಎಚ್. ವಿಜಯಕುಮಾರ್ ಅವರಿಗೆ ಮನವಿ ಸಲ್ಲಿಸಿದರು. ಪ್ರಾಧ್ಯಾಪಕರಾದ ಡಾ.ವಿಶ್ವನಾಥ್, ಡಾ.ರಾಜಶೇಖರ್, ಡಾ.ಪ್ರಭುರಾಜ್, ಡಾ.ಸಂತೋಷ್,ಡಾ.ರಾಜು, ಡಾ.ಸತೀಶ್ಬಾಬು, ಡಾ.ಶಿವಕುಮಾರ್, ಡಾ.ಉಮಾಕಾಂತ್, ಡಾ.ಸುನೀಲ್, ಡಾ.ಪ್ರೀತಿ, ಡಾ.ಜ್ಯೋತಿ, ಡಾ.ಶಶಿಕಲಾ, ಡಾ.ರಜನಿ, ಡಾ.ಕಿರಣ್ ಇದ್ದರು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ:</strong> ‘ಮೆಡಿಕಲ್ ಕೌನ್ಸಿಲ್ ಆಫ್ ಇಂಡಿಯಾ’ ಜಾರಿಗೊಳಿಸಲು ಉದ್ದೇಶಿಸಿದ ವೈದ್ಯಕೀಯ ಪಠ್ಯಕ್ರಮ ನವೀಕರಣ ಮಸೂದೆ ‘ವಿಜ್ಹನ್-2015’ ವಿರೋಧಿಸಿ ಜೆಜೆಎಂ ವೈದ್ಯಕೀಯ ಕಾಲೇಜು ಪ್ರಾಧ್ಯಾಪಕರು ಶನಿವಾರ ಕಪ್ಪುಪಟ್ಟಿ ಧರಿಸಿ ಕಾರ್ಯನಿರ್ವಹಿಸಿದರು.<br /> <br /> ಪ್ರಸ್ತುತ ಜಾರಿಯಲ್ಲಿರುವ ಪಠ್ಯಕ್ರಮ ಬದಲಿಸುವ ಯೋಜನೆಯೇ ಅವೈಜ್ಞಾನಿಕವಾಗಿದೆ. ಕಣ್ಣು, ಕಿವಿ, ಮೂಗು, ಗಂಟಲು (ಇಎನ್ಟಿ), ವೈದ್ಯಕೀಯ ನ್ಯಾಯಶಾಸ್ತ್ರ, ಚರ್ಮರೋಗ, ಕ್ಷಕಿರಣ, ಅರಿವಳಿಕೆ ಮತ್ತಿತರ ವಿಷಯಗಳನ್ನು ಐಚ್ಛಿಕಗೊಳಿಸಿದರೆ, ಆ ವಿಷಯಗಳಲ್ಲಿ ವಿದ್ಯಾರ್ಥಿಗೆ ಜ್ಞಾನವೇ ದೊರೆಯುವುದಿಲ್ಲ. ಇದು ಮುಂದೆ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಕಾರ್ಯ ನಿರ್ವಹಿಸುವ ವೈದ್ಯರಿಗೆ ಸಮಸ್ಯೆ ತಂದೊಡ್ಡುತ್ತದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.<br /> <br /> ಪ್ರಸ್ತುತ ಎಂಬಿಬಿಎಸ್ ಶೈಕ್ಷಣಿಕ ಅವಧಿ ಒಟ್ಟು ಐದೂವರೆ ವರ್ಷವಿದೆ. ಆದರೆ, ಅದನ್ನು ಐದು ವರ್ಷಕ್ಕೆ ಸೀಮಿತಗೊಳಿಸಲಾಗುತ್ತಿದೆ. ಹೊಸ ಪಠ್ಯಕ್ರಮ ರೂಪಿಸುವಾಗ ಸಮಿತಿಯ ಸದಸ್ಯರು ಎಲ್ಲ ವೈದ್ಯಕೀಯ ವಿಭಾಗಗಳಿಂದ ಅಭಿಪ್ರಾಯ ಪಡೆದಿಲ್ಲ. ವೈದ್ಯಕೀಯ ವಿದ್ಯಾಲಯಗಳಲ್ಲಿ 18 ವಿಭಾಗಗಳಿವೆ. ಆದರೆ, ಸಮಿತಿಯಲ್ಲಿ 8 ವಿಭಾಗಗಳಲ್ಲಿ ಮಾತ್ರ ಸದಸ್ಯರಿದ್ದಾರೆ. ಇನ್ನೂ 10 ವಿಭಾಗಗಳ ಸದಸ್ಯರ ಅಭಿಪ್ರಾಯವನ್ನೇ ಪಡೆದಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.<br /> <br /> ಪಠ್ಯಕ್ರಮ ನವೀಕರಣ ಮಸೂದೆಯನ್ನು ಹಿಂದಕ್ಕೆ ಪಡೆಯಬೇಕೆಂದು ಒತ್ತಾಯಿಸಿ ಹೆಚ್ಚುವರಿ ಜಿಲ್ಲಾಧಿಕಾರಿ ಎಸ್.ಎಚ್. ವಿಜಯಕುಮಾರ್ ಅವರಿಗೆ ಮನವಿ ಸಲ್ಲಿಸಿದರು. ಪ್ರಾಧ್ಯಾಪಕರಾದ ಡಾ.ವಿಶ್ವನಾಥ್, ಡಾ.ರಾಜಶೇಖರ್, ಡಾ.ಪ್ರಭುರಾಜ್, ಡಾ.ಸಂತೋಷ್,ಡಾ.ರಾಜು, ಡಾ.ಸತೀಶ್ಬಾಬು, ಡಾ.ಶಿವಕುಮಾರ್, ಡಾ.ಉಮಾಕಾಂತ್, ಡಾ.ಸುನೀಲ್, ಡಾ.ಪ್ರೀತಿ, ಡಾ.ಜ್ಯೋತಿ, ಡಾ.ಶಶಿಕಲಾ, ಡಾ.ರಜನಿ, ಡಾ.ಕಿರಣ್ ಇದ್ದರು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
