ಪಂಚಕೂಟ ಮಹಾಬಸದಿಯಲ್ಲಿ ವಾರ್ಷಿಕ ಪೂಜಾ ಮಹೋತ್ಸವ

ತುಮರಿ: ವ್ಯಕ್ತಿಯ ಒಳಗಿನ ಪ್ರಪಂಚದ ಭಾವನೆಗಳನ್ನು ಶುದ್ಧ ಆಗಿಸಿಕೊಳ್ಳುವುದೇ ಧರ್ಮ ಸಂಸ್ಕಾರವಾಗಿದ್ದು, ದುಃಖದ ಕತ್ತಲಿನ ವಿರುದ್ಧ ನಿರಂತರ ಹೋರಾಟಕ್ಕೆ ಜೈನಧರ್ಮವೇ ದಾರಿದೀಪ ಎಂದು ಹೊಂಬುಜ ಜೈನಮಠದ ದೇವೇಂದ್ರಕೀರ್ತಿ ಭಟ್ಟಾರಕ ಸ್ವಾಮೀಜಿ ನುಡಿದರು.

ಸಮೀಪದ ವಳಗೆರೆ ಪಂಚಕೂಟ ಮಹಾಬಸದಿಯಲ್ಲಿ ಗುರುವಾರ ಆಯೋಜಿಸಿದ್ದ ವಾರ್ಷಿಕ ಪೂಜಾ ಮಹೋತ್ಸವದಲ್ಲಿ ಅವರು ಮಾತನಾಡಿದರು.

ಜಗತ್ತು ನಿಂತಿರುವುದೇ ಭಾವನೆಗಳ ಮೇಲೆ ಎಂಬುದು ಮೂಲಸತ್ಯವಾದ ಕಾರಣ ಭಾವಶುದ್ಧಿಯ ಹೊರತಾಗಿ ಜಿನಮಾರ್ಗಗಳು ವ್ಯಕ್ತಿಗೆ ಲಭ್ಯವಾಗದು. ಮನಸ್ಸಿನ ವಿಕಲ್ಪಗಳ ವಿರುದ್ಧ ಎಚ್ಚರವಾಗಿರಲು ಬಸದಿ, ಧ್ಯಾನ, ಅಧ್ಯಯನವೇ ಮಾರ್ಗ ಎಂದರು.

ಭಾವನೆಗಳು ಋಜುಮಾರ್ಗದಲ್ಲಿ ಪರಿವರ್ತನೆಯಾದರೆ ಭವಗಳು ತನ್ನಿಂತಾನೆ ದೂರವಾಗುತ್ತವೆ ಎಂದು ಸೂಚ್ಯವಾಗಿ ನುಡಿದ ಅವರು, ಹಿಂಸೆಯು ಪ್ರಪಂಚದ ಅತಿದೊಡ್ಡ ರೋಗವಾಗಿದ್ದು, ಮಹಾವೀರರ ಬೋಧನೆಗಳು ಪ್ರಪಂಚದ ಕ್ಷೋಭೆಗೆ ಪರಿಹಾರ ಮಾರ್ಗ ನೀಡುತ್ತವೆ ಎಂದು ವಿಶ್ಲೇಷಿಸಿದರು.

ಬದುಕಿನ ಪ್ರತಿ ಹಂತಗಳಲ್ಲೂ ಅಹಿಂಸೆಯ ಶ್ರೇಷ್ಠ ವಿಧಾನವನ್ನು ಅನುಸರಿಸುವ ಜತೆ ಪ್ರಸ್ತುತತೆಗೆ ಬೆನ್ನು ಮಾಡದೇ ಮಹಿಳಾ ಶೈಕ್ಷಣಿಕ ಪ್ರಗತಿಯ ಕಡೆ ಹೆಚ್ಚಿನ ಗಮನಕೊಡಬೇಕು ಎಂದು ವಿನಂತಿಸಿದರು.

ಬಡವರ ಮಕ್ಕಳು ಕೂಡಾ ಶಿಕ್ಷಣದಿಂದ ವಂಚಿತವಾಗಬಾರದು ಎಂಬ ಕಾರಣದಿಂದ ಮಲೆನಾಡಿನ ಜೈನ ಸಮುದಾಯದ ವಿದ್ಯಾರ್ಥಿನಿಯರಿಗೆ ಅನುಕೂಲವಾಗುವ ಮಹಿಳಾ ವಸತಿನಿಲಯವನ್ನು ತುಮರಿಯಲ್ಲಿ ಸ್ಥಾಪಿಸಲು ಮಠವು ತೀರ್ಮಾನಿಸಿದೆ ಎಂದರು.

ಸಾಗರ ಮತ್ತು ಶಿವಮೊಗ್ಗದಲ್ಲಿನ ಮಠದ ಹಾಸ್ಟೆಲ್ಗಳನ್ನು ಮೇಲ್ದರ್ಜೆಗೇರಿಸುವ ಸಂಕಲ್ಪ ಮಾಡಿದ್ದು, ಸಮುದಾಯದ ಜನ ಸಾಮಾನ್ಯರ ಹಿತಕಾಪಾಡಲು ಹೊಂಬುಜ ಕ್ಷೇತ್ರ ಸಿದ್ಧವಿದೆ ಎಂದು ಭರವಸೆ ನೀಡಿದರು.

ಪೀಠಾಧ್ಯಕ್ಷರಾದ ನಂತರ ಮೊದಲ ಬಾರಿಗೆ ತುಮರಿಗೆ ಆಗಮಿಸಿದ ಸ್ವಾಮೀಜಿಯನ್ನು ಬುಧವಾರ ಸಂಜೆ ಹಾರಿಗೆ ಬಸದಿಯಿಂದ ಹತ್ತು ಕಿ.ಮಿ. ದೂರ ತೆರೆದ ವಾಹನದಲ್ಲಿ ಯಕ್ಷಗಾನ ವೇಷ, ಕೋಲಾಟ, ಡೊಳ್ಳು ಕುಣಿತ ಒಳಗೊಂಡ ಮೆರವಣಿಗೆ ಮೂಲಕ ವಳಗೆರೆ ಪಂಚಕೂಟ ಬಸದಿಗೆ ಕರೆ ತರಲಾಯಿತು. ಸಾವಿರಾರು ಭಕ್ತರು ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಂಚಕೂಟ ಮಹಾಬಸದಿಯಲ್ಲಿ ವಾರ್ಷಿಕ ಪೂಜಾ ಮಹೋತ್ಸವ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್