ಮಂಗಳವಾರ, ಜೂನ್ 22, 2021
28 °C

ಪಂ.ವಿಶ್ವಮೋಹನ ಭಟ್‌ಗೆ ಪುಟ್ಟರಾಜ ಸಮ್ಮಾನ್ ಪ್ರದಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವಿಜಾಪುರ: ಜೈಪುರದ ಖ್ಯಾತ ಮೋಹನವೀಣಾ ಮಾಂತ್ರಿಕ ಪಂ.ವಿಶ್ವಮೋಹನ್ ಭಟ್ ಅವರಿಗೆ ಗುರುವಾರ ಇಲ್ಲಿ `ಪುಟ್ಟರಾಜ ಸಮ್ಮಾನ್-2012~ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.



ಧಾರವಾಡದ ಡಾ.ಪುಟ್ಟರಾಜ ಗವಾಯಿ ಪ್ರತಿಷ್ಠಾನದಿಂದ ನೀಡಲಾದ ಈ ಪ್ರಶಸ್ತಿಯು ಒಂದು ಲಕ್ಷ ರೂಪಾಯಿ ನಗದು, ಸ್ಮರಣಿಕೆ ಒಳಗೊಂಡಿದೆ.



`ಪುಟ್ಟರಾಜ ಗವಾಯಿಗಳ ಪ್ರಶಸ್ತಿ ಪಡೆದ ನಾನು ಧನ್ಯ. ಕರ್ನಾಟಕದ ಅತಿ ದೊಡ್ಡ ಪ್ರಶಸ್ತಿ ಇದು ಎಂದು ನಾನು ಭಾವಿಸಿದ್ದೇನೆ. ಗ್ರ್ಯಾಮಿ ಪ್ರಶಸ್ತಿಗೂ ನಾನು ಪಾತ್ರನಾಗಿದ್ದೇನೆ. ನಮ್ಮ ದೇಶದಲ್ಲಿ ದೊರೆತ ಈ ಪ್ರಶಸ್ತಿ  ಆ ಗ್ರ್ಯಾಮಿ ಪ್ರಶಸ್ತಿಗಿಂತ ಕಡಿಮೆ ಅಲ್ಲ ಎಂಬುದು ನನ್ನ ಭಾವನೆ ಎಂದು ವಿಶ್ವಮೋಹನ್ ಭಟ್ ಹೇಳಿದರು. `ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತವು ಹೊಸ ಪ್ರಯೋಗಗಳ ಮೂಲಕ  ವಿಶ್ವಮಾನ್ಯತೆ ಪಡೆದಿದೆ~ ಎಂದು  ಅವರು ನುಡಿದರು

.

ಪ್ರತಿಷ್ಠಾನದ ಅಧ್ಯಕ್ಷ ಸದಾನಂದ ಕನವಳ್ಳಿ, `ಗಿಟಾರನ್ನು ಹಿಂದೂಸ್ತಾನಿ ಸಂಗೀತ ವಾದ್ಯಕ್ಕೆ ಅಳವಡಿಸಿರುವುದು ಪಂ.ವಿಶ್ವಮೋಹನ ಭಟ್ ಸಾಧನೆ~ ಎಂದರು. ಸ್ಥಳೀಯ ಸುರ್‌ಸಿಂಗಾರದ  ಭೋಜಣ್ಣ ಬೀಳಗಿ ಅಧ್ಯಕ್ಷತೆ  ವಹಿಸಿದ್ದರು.  ಅಲ್-ಅಮೀನ್ ವೈದ್ಯಕೀಯ ಕಾಲೇಜಿನ ಡೀನ್ ಡಾ.ಬಿ.ಎಸ್.ಪಾಟೀಲ  ಮುಖ್ಯ ಅತಿಥಿಯಾಗಿದ್ದರು.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.