ಶುಕ್ರವಾರ, ಮಾರ್ಚ್ 5, 2021
30 °C

ಪಠಾಣ್‌ಕೋಟ್‌: ನಾಲೆಯಲ್ಲಿ ಅಡಗಿಸಿಟ್ಟಿದ್ದ ಮದ್ದುಗುಂಡು ಪತ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪಠಾಣ್‌ಕೋಟ್‌: ನಾಲೆಯಲ್ಲಿ ಅಡಗಿಸಿಟ್ಟಿದ್ದ ಮದ್ದುಗುಂಡು ಪತ್ತೆ

ಪಠಾಣ್‌ ಕೋಟ್‌(ಪಿಟಿಐ): ಪಠಾಣ್‌ಕೋಟ್‌ ವಾಯು ನೆಲೆ ಮೇಲೆ ಉಗ್ರರು ದಾಳಿ ನಡೆಸಿದ ತಿಂಗಳ ಬಳಿಕ ಜಿಲ್ಲೆಯ ಮಲಿಕ್‌ಪುರದ ನಾಲೆಯಲ್ಲಿ ಅಡಗಿಸಿಟ್ಟಿದ್ದ ಮುದ್ದುಗುಂಡುಗಳು ಭಾನುವಾರ ಪತ್ತೆಯಾಗಿವೆ.



ಇಲ್ಲಿನ ಅಪ್ಪರ್ ಬಾರಿ ಡೊಬಿ ನಾಲೆಯಲ್ಲಿ ಐವರು ಬಾಲಕರು ಸ್ನಾನ ಮಾಡುವ ವೇಳೆ ಆಕಸ್ಮಿಕವಾಗಿ ಮದ್ದುಗುಂಡುಗಳನ್ನು ನೋಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.



ನಾಲೆಯಲ್ಲಿ ನೀರಿನ ಹರಿವು ಕಡಿಮೆ ಇದ್ದು, ನಾಲೆಯ ತಳದಲ್ಲಿದ್ದ ಮದ್ದುಗುಂಡುಗಳನ್ನು ಬಾಲಕರು ನೋಡಿದ್ದಾರೆ. ನೋಡುತ್ತಿದ್ದಂತೆ ಅವರು ಕೂಗಿಕೊಂಡಿದ್ದಾರೆ ಎಂದು ಪಠಾಣ್‌ಕೋಟ್‌ನ ಗ್ರಾಮೀಣ ವಿಭಾಗದ ಡಿಎಸ್‌ಪಿ ಕುಲ್‌ದೀಪ್ ಸಿಂಗ್ ತಿಳಿಸಿದ್ದಾರೆ.



59 ಸುತ್ತು ಗುಂಡುಗಳನ್ನೊಳಗೊಂಡ ಎಕೆ–47 ರೈಫಲ್‌ನ ಎರಡು ಮ್ಯಾಗಜೀನ್, 29 ಸುತ್ತು ಗುಂಡುಗಳನ್ನೊಳಗೊಂಡ ಐಎನ್‌ಎಸ್‌ಎಎಸ್‌ ರೈಫಲ್‌ನ ಎರಡು ಮ್ಯಾಗಜೀನ್, .315 ರೈಫಲ್‌ನ 16 ಸುತ್ತು ಗುಂಡುಗಳು ಹಾಗೂ ಎರಡು ಬಾಂಬುಗಳನ್ನು ಅಡಗಿಸಿಟ್ಟಿದ ಸ್ಥಳದಿಂದ ವಶಕ್ಕೆ ಪಡೆಯಲಾಗಿದೆ. ತನಿಖೆ ಕೈಗೊಳ್ಳಲಾಗಿದೆ ಎಂದು ಅವರು ಹೇಳಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.