<p><strong>ಕೀಟವರ್ಗಕ್ಕೆ ಸೇರಿದ, ವೈಭವದ ವರ್ಣಾಲಂಕಾರ ಪಡೆದ, ಜೀವಜಾಲದ ಸ್ವಾಸ್ಥ್ಯದಲ್ಲಿ ಮಹತ್ವದ ಪಾತ್ರ ಹೊಂದಿದ, ಹಾಗೆಲ್ಲ ಅತಿ ಉಪಯುಕ್ತ ಜೀವಿಯಾದ ರೈತ ಮಿತ್ರ ಆದ ಪಾತರಗಿತ್ತಿಯ ಬದುಕಿನ ರೀತಿಯ ಬಾಳಿನ ದುಃಸ್ಥಿತಿಯ ಪರಿಚಯ ಬೇಕೇ?</strong><br /> <br /> <strong>1. `ಪಾತರಗಿತ್ತಿ~-ಅದೆಂಥ ಜೀವಿ?</strong><br /> ಪಾತರಗಿತ್ತಿ-ಅದು ಕೀಟಗಳ ವರ್ಗಕ್ಕೆ ಸೇರಿದ ಜೀವಿ. ಇಡೀ ಕೀಟಸಾಮ್ರಾಜ್ಯವನ್ನು ಎರಡು ಪ್ರಧಾನ ಗುಂಪುಗಳನ್ನಾಗಿ ವಿಂಗಡಿಸಲಾಗಿದೆ: ಆಪ್ಟೆರಿಗೋಟಾ ಮತ್ತು ಟೆರಿಗೋಟಾ ಟೆರಿಗೋಟಾಗಳ ಇಬ್ಬಗೆಗಳಲ್ಲೊಂದು `ಎಂಡೋಟೆರಿಗೋಟಾ~ ಅತಿ ಸಂಕೀರ್ಣ ರೂಪಾಂತರದ ಮೂಲಕ ಪ್ರೌಢಾವಸ್ಥೆ ತಲುಪುವ ಎಂಡೋಟೆರಿಗೋಟಾಗಳಲ್ಲಿ ಎಂಟು ಉಪವರ್ಗಗಳಿವೆ: ನ್ಯೂರಾಪ್ಟೆರಾ, ಮೇಕಾಪ್ಟೆರಾ, ಟ್ರೈಕಾಪ್ಟೆರಾ, ಕೋಲಿಯಾಪ್ಟೆರಾ, ಎಫಾನಿಪ್ಟೆರಾ, ಡೈಪ್ಟೆರಾ ಮತ್ತು ಹೈಮನಾಪ್ಟೆರಾ. ಇವುಗಳ ಪೈಕಿ `ಲೆಪಿಡಾಪ್ಟೆರಾ~ ಗುಂಪಿಗೇ ಎಲ್ಲ ಪಾತರಗಿತ್ತಿಗಳೂ ಸೇರಿವೆ.</p>.<p><strong>2. ಪಾತರಗಿತ್ತಿ ಪ್ರಭೇದಗಳು ಒಟ್ಟು ಎಷ್ಟಿವೆ?</strong><br /> ಪಾತರಗಿತ್ತಿಗಳು (ಚಿಟ್ಟೆಗಳು) ಮತ್ತು ಪತಂಗಗಳು-ಇವೆರಡನ್ನೂ ಒಳಗೊಂಡಿರುವ ಲೆಪಿಡಾಪ್ಟೆರಾ ವರ್ಗದಲ್ಲಿ ಈವರೆಗೆ ಒಂದು ಲಕ್ಷ ನಲವತ್ತುಸಾವಿರ ಪ್ರಭೇದಗಳನ್ನು ಗುರುತಿಸಲಾಗಿದೆ. <br /> <br /> ಈ ಪೈಕಿ ಚಿಟ್ಟೆ ಪ್ರಭೇದಗಳ ಸಂಖ್ಯೆ ಕೇವಲ ಹದಿನೈದು ಸಾವಿರ. ವಿಶೇಷ ಏನೆಂದರೆ ಇಷ್ಟೂ ಚಿಟ್ಟೆ-ಪ್ರಭೇದಗಳನ್ನು ಐದು ಕುಟುಂಬಗಳನ್ನಾಗಿ ವಿಂಗಡಿಸಲಾಗಿದೆ: ನಾಲ್ಕು ಕಾಲುಗಳ ನಿಂಫೇಲಿಡೇ, ನೀಲಿ ಮತ್ತು ಲೋಹೀಯ ಹೊಳಪಿನ ಲೈಕೇನಿಡೇ, ಬಿಳಿ ಮತ್ತು ಹಳದಿ ವರ್ಣಗಳ ಪಿಯರಿಡೇ, ಸ್ಪಾಲೋಟೇಲ್ ಮತ್ತು ಬರ್ಡ್ವಿಂಗ್ ಚಿಟ್ಟೆಗಳ ಪಾಪಿಲ್ಲಿಡೇ ಮತ್ತು `ಉದ್ದ ಮೂಗಿನ~ ಲೈಬಿಥಿಯಿಡೇ ನೂರಕ್ಕೆ ಎಪ್ಪತ್ತೈದರಷ್ಟು ಪ್ರಭೇದಗಳು ಮೊದಲಿನ ಎರಡು ಕುಟುಂಬಗಳಿಗೇ ಸೇರಿವೆ; ಕೊನೆಯ ಕುಟುಂಬ ಅತ್ಯಂತ ಕಡಿಮೆ ಪ್ರಭೇದಗಳಿಂದ ಕೂಡಿದೆ (ಕೆಲವಾರು ಚಿಟ್ಟೆ ಪ್ರಭೇದಗಳನ್ನು ಚಿತ್ರಗಳಲ್ಲಿ ಗಮನಿಸಿ).</p>.<p><strong>3. ಚಿಟ್ಟೆಗಳ ನೈಸರ್ಗಿಕ ನೆಲೆ ಎಲ್ಲೆಲ್ಲಿದೆ?</strong><br /> ಅಂಟಾರ್ಕ್ಟಿಕಾ ಭೂಖಂಡವನ್ನು ಬಿಟ್ಟು ಇನ್ನೆಲ್ಲ ನೆಲ ಜೀವಾವಾರಗಳಲ್ಲೂ ಪಾತರಗಿತ್ತಿಗಳಿವೆ. ಹೂಗಳಿರುವ ಯಾವುದೇ ಪ್ರದೇಶ ಪಾತರಗಿತ್ತಿಗಳಿಗೆ ಪ್ರಶಸ್ತ. ಸಹಜವಾಗಿಯೇ ಗರಿಷ್ಠ ಸಸ್ಯ ದಟ್ಟಣೆಯ ವೃಷ್ಟಿವನಗಳಲ್ಲಿ ಪಾತರಗಿತ್ತಿ ದಟ್ಟಣೆ ಮತ್ತು ವೈವಿಧ್ಯಗಳೂ ಗರಿಷ್ಠ. ದಕ್ಷಿಣ ಅಮೆರಿಕದ ಅಮೆಜೋನಿಯಾ ಮಳೆ-ಕಾಡುಗಳಲ್ಲಿ ಹತ್ತು ಸಾವಿರ ಚಿಟ್ಟೆ ಪ್ರಭೇದಗಳಿವೆ.<br /> <strong><br /> 4. ಪಾತರಗಿತ್ತಿಗಳ ಜೀವನ ಚಕ್ರ ಹೇಗೆ?<br /> </strong>ಪಾತರಗಿತ್ತಿಗಳದು ತುಂಬ ಸಂಕೀರ್ಣ ಜೀವನ ಚಕ್ರ. ಪ್ರೌಢ ಹೆಣ್ಣು ಚಿಟ್ಟೆ ಇಡುವ ಮೊಟ್ಟೆಗಳಿಂದ (ಚಿತ್ರ-11) `ಹುಳು~ ರೂಪದ ಮರಿಗಳು (ಚಿತ್ರ-12) ಹೊರಬರುತ್ತವೆ. `ತಿನ್ನುವ ಯಂತ್ರ~ದಂತೆ ಎಲೆಗಳನ್ನು ತಿಂದು ಬೆಳೆಯುತ್ತದೆ. ನಂತರ ತಾವೇ ನೇಯ್ದುಕೊಳ್ಳುವ ಗೂಡಲ್ಲಿ ಅಡಗಿ, ಅಲುಗದೆ ಉಳಿದು ಅಲ್ಲೇ ಮುಂದಕ್ಕೆ ಬೆಳೆದು ಪ್ರೌಢವಾಗುತ್ತವೆ. ಹಾಗಾದೊಡನೆ ಗೂಡನ್ನು ಸೀಳಿ ಸುಂದರ ಚಿಟ್ಟೆಗಳಾಗಿ ಹೊರಬರುತ್ತವೆ.<br /> <br /> ಇಲ್ಲೊಂದು ಮುಖ್ಯ ವಿಷಯ: ಪಾತರಗಿತ್ತಿಗಳಿಗೆ ಈ ಹೆಸರು ಬರುವುದೇ ಅವು ಪ್ರೌಢ ಹಂತ ತಲುಪಿದ ನಂತರ. ಚಿಟ್ಟೆಗಳದು ತುಂಬ ಅಲ್ಪ ಆಯುಷ್ಯ. ಎರಡು-ಮೂರು ತಿಂಗಳುಗಳಿಂದ ಏಳು-ಎಂಟು ತಿಂಗಳ ಕಾಲವಷ್ಟೇ ಅವುಗಳ ಬದುಕು. ಅದಕ್ಕಿಂತ ದೀರ್ಘಾಯುಷಿ ಪ್ರಭೇದಗಳು ಬಹು ವಿರಳ.</p>.<p><strong>5. ಚಿಟ್ಟೆಗಳು ಬಹಳ ವರ್ಣಮಯ, ಚಿತ್ರ-ವಿಚಿತ್ರ ಚಿತ್ತಾರಮಯ-ಏಕೆ?</strong><br /> ಚಿಟ್ಟೆಗಳು ಹಗಲಿನ ಜೀವಿಗಳು. ಅವಕ್ಕೆ ವರ್ಣದೃಷ್ಟಿ ಇದೆ. ಹಾಗಾಗಿ ಗಾಢ ವರ್ಣಾಲಂಕರಣಗಳಿಂದ, ಚಿತ್ರ-ವಿಚಿತ್ರ ಚಿತ್ತಾರಗಳಿಂದ ಚಿಟ್ಟೆಗಳಿಗೆ ಬಹಳ ಪ್ರಯೋಜನಗಳಿವೆ. <br /> <br /> ಪ್ರಮುಖವಾಗಿ ತಮ್ಮದೇ ಪ್ರಭೇದದ ಸದಸ್ಯರನ್ನು ಗುರುತಿಸಲು, ಶತ್ರುಗಳ ಕಣ್ಣಿಗೆ ಕಾಣದಂತೆ ಹೂಗಳ ನಡುವೆ ಮರೆಯಾಗಿರಲು ಅಥವಾ ಶತ್ರುಗಳನ್ನು ಮೋಸಗೊಳಿಸುವ ಕಪಟ ರೂಪ ಪ್ರದರ್ಶಿಸಲು ಇಲ್ಲವೇ ತಮ್ಮ ವಿಷಕರ ಸ್ವರೂಪವನ್ನು ಜಾಹೀರುಗೊಳಿಸಲು ವರ್ಣ ವಿನ್ಯಾಸಗಳು ಚಿಟ್ಟೆಗಳಿಗೆ ತುಂಬ ಉಪಯುಕ್ತ.</p>.<p><strong>6. ಚಿಟ್ಟೆಗಳ ಆಹಾರ ಏನು?</strong><br /> ಚಿಟ್ಟೆಗಳ ಬಹುಪಾಲು ಎಲ್ಲ ಪ್ರಭೇದಗಳದೂ ಶುದ್ಧ ಸಸ್ಯಾಹಾರ. ಅವುಗಳ ಆಹಾರ ಪ್ರಧಾನವಾಗಿ ಹೂಗಳಲ್ಲಿನ ಮಕರಂದ. ಇತರ ವಿಧವಿಧ ಪೋಷಣಕಾಂಶಭರಿತ ಪೇಯಗಳನ್ನೂ ಅವು ಸೇವಿಸುತ್ತವೆ: ಕೊಳೆಯುತ್ತಿರುವ ಮರಗಳು ರಸ, ಅತಿ ಕಳಿತ ಕಣ್ಣುಗಳ ರಸ, ನದೀ ದಂಡೆಗಳ ಖನಿಜ-ಲವಣ ಭರಿತ ಕೆಸರು ನೀರು (ಚಿತ್ರ-6)..... ಇತ್ಯಾದಿ. ಹೇಗೂ ಎಲ್ಲ ಚಿಟ್ಟೆಗಳದೂ ಬರೀ ದ್ರವ ರೂಪದ ಆಹಾರ.</p>.<p><strong>7. ಪ್ರಕೃತಿಯ ಸಮತೋಲನದಲ್ಲಿ ಪಾತರಗಿತ್ತಿಗಳ ಪಾತ್ರ ಏನು?</strong><br /> ಧರೆಯಲ್ಲಿ ಇಲ್ಲಿನ ಜೀವಲೋಕದಲ್ಲಿ ಚಿಟ್ಟೆಗಳದು ತುಂಬ ಮಹತ್ವದ, ಬಹುವಿಧ ಪಾತ್ರ. ಹೂಗಿಡಗಳ ಪರಾಗಸ್ಪರ್ಶ, ಕಳೆಗಿಡಗಳ ನಿಯಂತ್ರಣ-ಈ ಕಾರ್ಯಗಳಲ್ಲಿ ಚಿಟ್ಟೆಗಳ ಮತ್ತು ಅವುಗಳ ಮರಿಹುಳುಗಳ ನೆರವು ಅಪಾರ. ಜೊತೆಗೆ ಹಲವಾರು ಪ್ರಾಣಿಗಳಿಗೆ ಹಾಗೂ ನೂರಾರು ಹಕ್ಕಿ ಪ್ರಭೇದಗಳಿಗೆ ಚಿಟ್ಟೆಗಳೇ ಪ್ರಧಾನ ಆಹಾರ. ಆದ್ದರಿಂದಲೇ ಚಿಟ್ಟೆಗಳು ಅಳಿದರೆ ಪ್ರಕೃತಿಯಲ್ಲಿ ನೂರಾರು ಜೀವ ಸರಪಳಿಗಳು ತುಂಡಾಗುತ್ತವೆ.</p>.<p><strong>8. ಪಾತರಗಿತ್ತಿಗಳ ಪ್ರಸ್ತುತ ಸ್ಥಿತಿ ಹೇಗಿದೆ?</strong><br /> ವಾಸ್ತವವಾಗಿ ಬಹುಪಾಲು ಎಲ್ಲ ಪಾತರಗಿತ್ತಿಗಳೂ ಅವುಗಳ ಮರಿಹುಳುಗಳೂ ಕೂಡ ಉಪಯುಕ್ತ ಕೀಟಗಳು; ಅವು ಪಿಡುಗಿನ ಕೀಟಗಳಲ್ಲ. ಆದರೂ ಅವು ಮನುಷ್ಯರಿಂದಾಗಿ ದುಃಸ್ಥಿತಿಯ ಹಾದಿಯಲ್ಲಿವೆ. ನಗರಗಳು ವಿಸ್ತಾರಗೊಂಡಂತೆಲ್ಲ ಕಾಂಕ್ರೀಟ್ ಕಾಡುಗಳು ಹಬ್ಬುತ್ತ, ಹೂಗಿಡಗಳು ಇಲ್ಲವಾಗುತ್ತ ಚಿಟ್ಟೆಗಳು ನಿರ್ನಾಮವಾಗುತ್ತಿವೆ.<br /> <br /> ಗದ್ದೆ-ತೋಟಗಳಲ್ಲಿ, ಕೃಷಿ ಭೂಮಿಯಲ್ಲಿ ಪಿಡುಗಿನ ಕೀಟಗಳ ನಿಯಂತ್ರಣಕ್ಕೆಂದು ಸಿಂಪಡಿಸುವ ವಿಷ-ಪಾಷಾಣಗಳಿಗೆ ಅಮಾಯಕ, ರೈತಮಿತ್ರ ಪಾತರಗಿತ್ತಿಗಳೂ ಬಲಿಯಾಗುತ್ತಿವೆ. ಅತ್ಯಾಕರ್ಷಕ ಚಿಟ್ಟೆಗಳನ್ನು ಸಂಗ್ರಹಿಸಿ ಪ್ರದರ್ಶಿಸುವ ಮನುಷ್ಯ ಹವ್ಯಾಸವೂ ಹೇರಳ ಪಾತರಗಿತ್ತಿಗಳ ಸರ್ವನಾಶಕ್ಕೆ ಕಾರಣವಾಗುತ್ತಿದೆ. ಎಂಥ ಜೀವಿ! ಎಂಥ ದೌರ್ಭಾಗ್ಯ! ಅಲ್ಲವೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೀಟವರ್ಗಕ್ಕೆ ಸೇರಿದ, ವೈಭವದ ವರ್ಣಾಲಂಕಾರ ಪಡೆದ, ಜೀವಜಾಲದ ಸ್ವಾಸ್ಥ್ಯದಲ್ಲಿ ಮಹತ್ವದ ಪಾತ್ರ ಹೊಂದಿದ, ಹಾಗೆಲ್ಲ ಅತಿ ಉಪಯುಕ್ತ ಜೀವಿಯಾದ ರೈತ ಮಿತ್ರ ಆದ ಪಾತರಗಿತ್ತಿಯ ಬದುಕಿನ ರೀತಿಯ ಬಾಳಿನ ದುಃಸ್ಥಿತಿಯ ಪರಿಚಯ ಬೇಕೇ?</strong><br /> <br /> <strong>1. `ಪಾತರಗಿತ್ತಿ~-ಅದೆಂಥ ಜೀವಿ?</strong><br /> ಪಾತರಗಿತ್ತಿ-ಅದು ಕೀಟಗಳ ವರ್ಗಕ್ಕೆ ಸೇರಿದ ಜೀವಿ. ಇಡೀ ಕೀಟಸಾಮ್ರಾಜ್ಯವನ್ನು ಎರಡು ಪ್ರಧಾನ ಗುಂಪುಗಳನ್ನಾಗಿ ವಿಂಗಡಿಸಲಾಗಿದೆ: ಆಪ್ಟೆರಿಗೋಟಾ ಮತ್ತು ಟೆರಿಗೋಟಾ ಟೆರಿಗೋಟಾಗಳ ಇಬ್ಬಗೆಗಳಲ್ಲೊಂದು `ಎಂಡೋಟೆರಿಗೋಟಾ~ ಅತಿ ಸಂಕೀರ್ಣ ರೂಪಾಂತರದ ಮೂಲಕ ಪ್ರೌಢಾವಸ್ಥೆ ತಲುಪುವ ಎಂಡೋಟೆರಿಗೋಟಾಗಳಲ್ಲಿ ಎಂಟು ಉಪವರ್ಗಗಳಿವೆ: ನ್ಯೂರಾಪ್ಟೆರಾ, ಮೇಕಾಪ್ಟೆರಾ, ಟ್ರೈಕಾಪ್ಟೆರಾ, ಕೋಲಿಯಾಪ್ಟೆರಾ, ಎಫಾನಿಪ್ಟೆರಾ, ಡೈಪ್ಟೆರಾ ಮತ್ತು ಹೈಮನಾಪ್ಟೆರಾ. ಇವುಗಳ ಪೈಕಿ `ಲೆಪಿಡಾಪ್ಟೆರಾ~ ಗುಂಪಿಗೇ ಎಲ್ಲ ಪಾತರಗಿತ್ತಿಗಳೂ ಸೇರಿವೆ.</p>.<p><strong>2. ಪಾತರಗಿತ್ತಿ ಪ್ರಭೇದಗಳು ಒಟ್ಟು ಎಷ್ಟಿವೆ?</strong><br /> ಪಾತರಗಿತ್ತಿಗಳು (ಚಿಟ್ಟೆಗಳು) ಮತ್ತು ಪತಂಗಗಳು-ಇವೆರಡನ್ನೂ ಒಳಗೊಂಡಿರುವ ಲೆಪಿಡಾಪ್ಟೆರಾ ವರ್ಗದಲ್ಲಿ ಈವರೆಗೆ ಒಂದು ಲಕ್ಷ ನಲವತ್ತುಸಾವಿರ ಪ್ರಭೇದಗಳನ್ನು ಗುರುತಿಸಲಾಗಿದೆ. <br /> <br /> ಈ ಪೈಕಿ ಚಿಟ್ಟೆ ಪ್ರಭೇದಗಳ ಸಂಖ್ಯೆ ಕೇವಲ ಹದಿನೈದು ಸಾವಿರ. ವಿಶೇಷ ಏನೆಂದರೆ ಇಷ್ಟೂ ಚಿಟ್ಟೆ-ಪ್ರಭೇದಗಳನ್ನು ಐದು ಕುಟುಂಬಗಳನ್ನಾಗಿ ವಿಂಗಡಿಸಲಾಗಿದೆ: ನಾಲ್ಕು ಕಾಲುಗಳ ನಿಂಫೇಲಿಡೇ, ನೀಲಿ ಮತ್ತು ಲೋಹೀಯ ಹೊಳಪಿನ ಲೈಕೇನಿಡೇ, ಬಿಳಿ ಮತ್ತು ಹಳದಿ ವರ್ಣಗಳ ಪಿಯರಿಡೇ, ಸ್ಪಾಲೋಟೇಲ್ ಮತ್ತು ಬರ್ಡ್ವಿಂಗ್ ಚಿಟ್ಟೆಗಳ ಪಾಪಿಲ್ಲಿಡೇ ಮತ್ತು `ಉದ್ದ ಮೂಗಿನ~ ಲೈಬಿಥಿಯಿಡೇ ನೂರಕ್ಕೆ ಎಪ್ಪತ್ತೈದರಷ್ಟು ಪ್ರಭೇದಗಳು ಮೊದಲಿನ ಎರಡು ಕುಟುಂಬಗಳಿಗೇ ಸೇರಿವೆ; ಕೊನೆಯ ಕುಟುಂಬ ಅತ್ಯಂತ ಕಡಿಮೆ ಪ್ರಭೇದಗಳಿಂದ ಕೂಡಿದೆ (ಕೆಲವಾರು ಚಿಟ್ಟೆ ಪ್ರಭೇದಗಳನ್ನು ಚಿತ್ರಗಳಲ್ಲಿ ಗಮನಿಸಿ).</p>.<p><strong>3. ಚಿಟ್ಟೆಗಳ ನೈಸರ್ಗಿಕ ನೆಲೆ ಎಲ್ಲೆಲ್ಲಿದೆ?</strong><br /> ಅಂಟಾರ್ಕ್ಟಿಕಾ ಭೂಖಂಡವನ್ನು ಬಿಟ್ಟು ಇನ್ನೆಲ್ಲ ನೆಲ ಜೀವಾವಾರಗಳಲ್ಲೂ ಪಾತರಗಿತ್ತಿಗಳಿವೆ. ಹೂಗಳಿರುವ ಯಾವುದೇ ಪ್ರದೇಶ ಪಾತರಗಿತ್ತಿಗಳಿಗೆ ಪ್ರಶಸ್ತ. ಸಹಜವಾಗಿಯೇ ಗರಿಷ್ಠ ಸಸ್ಯ ದಟ್ಟಣೆಯ ವೃಷ್ಟಿವನಗಳಲ್ಲಿ ಪಾತರಗಿತ್ತಿ ದಟ್ಟಣೆ ಮತ್ತು ವೈವಿಧ್ಯಗಳೂ ಗರಿಷ್ಠ. ದಕ್ಷಿಣ ಅಮೆರಿಕದ ಅಮೆಜೋನಿಯಾ ಮಳೆ-ಕಾಡುಗಳಲ್ಲಿ ಹತ್ತು ಸಾವಿರ ಚಿಟ್ಟೆ ಪ್ರಭೇದಗಳಿವೆ.<br /> <strong><br /> 4. ಪಾತರಗಿತ್ತಿಗಳ ಜೀವನ ಚಕ್ರ ಹೇಗೆ?<br /> </strong>ಪಾತರಗಿತ್ತಿಗಳದು ತುಂಬ ಸಂಕೀರ್ಣ ಜೀವನ ಚಕ್ರ. ಪ್ರೌಢ ಹೆಣ್ಣು ಚಿಟ್ಟೆ ಇಡುವ ಮೊಟ್ಟೆಗಳಿಂದ (ಚಿತ್ರ-11) `ಹುಳು~ ರೂಪದ ಮರಿಗಳು (ಚಿತ್ರ-12) ಹೊರಬರುತ್ತವೆ. `ತಿನ್ನುವ ಯಂತ್ರ~ದಂತೆ ಎಲೆಗಳನ್ನು ತಿಂದು ಬೆಳೆಯುತ್ತದೆ. ನಂತರ ತಾವೇ ನೇಯ್ದುಕೊಳ್ಳುವ ಗೂಡಲ್ಲಿ ಅಡಗಿ, ಅಲುಗದೆ ಉಳಿದು ಅಲ್ಲೇ ಮುಂದಕ್ಕೆ ಬೆಳೆದು ಪ್ರೌಢವಾಗುತ್ತವೆ. ಹಾಗಾದೊಡನೆ ಗೂಡನ್ನು ಸೀಳಿ ಸುಂದರ ಚಿಟ್ಟೆಗಳಾಗಿ ಹೊರಬರುತ್ತವೆ.<br /> <br /> ಇಲ್ಲೊಂದು ಮುಖ್ಯ ವಿಷಯ: ಪಾತರಗಿತ್ತಿಗಳಿಗೆ ಈ ಹೆಸರು ಬರುವುದೇ ಅವು ಪ್ರೌಢ ಹಂತ ತಲುಪಿದ ನಂತರ. ಚಿಟ್ಟೆಗಳದು ತುಂಬ ಅಲ್ಪ ಆಯುಷ್ಯ. ಎರಡು-ಮೂರು ತಿಂಗಳುಗಳಿಂದ ಏಳು-ಎಂಟು ತಿಂಗಳ ಕಾಲವಷ್ಟೇ ಅವುಗಳ ಬದುಕು. ಅದಕ್ಕಿಂತ ದೀರ್ಘಾಯುಷಿ ಪ್ರಭೇದಗಳು ಬಹು ವಿರಳ.</p>.<p><strong>5. ಚಿಟ್ಟೆಗಳು ಬಹಳ ವರ್ಣಮಯ, ಚಿತ್ರ-ವಿಚಿತ್ರ ಚಿತ್ತಾರಮಯ-ಏಕೆ?</strong><br /> ಚಿಟ್ಟೆಗಳು ಹಗಲಿನ ಜೀವಿಗಳು. ಅವಕ್ಕೆ ವರ್ಣದೃಷ್ಟಿ ಇದೆ. ಹಾಗಾಗಿ ಗಾಢ ವರ್ಣಾಲಂಕರಣಗಳಿಂದ, ಚಿತ್ರ-ವಿಚಿತ್ರ ಚಿತ್ತಾರಗಳಿಂದ ಚಿಟ್ಟೆಗಳಿಗೆ ಬಹಳ ಪ್ರಯೋಜನಗಳಿವೆ. <br /> <br /> ಪ್ರಮುಖವಾಗಿ ತಮ್ಮದೇ ಪ್ರಭೇದದ ಸದಸ್ಯರನ್ನು ಗುರುತಿಸಲು, ಶತ್ರುಗಳ ಕಣ್ಣಿಗೆ ಕಾಣದಂತೆ ಹೂಗಳ ನಡುವೆ ಮರೆಯಾಗಿರಲು ಅಥವಾ ಶತ್ರುಗಳನ್ನು ಮೋಸಗೊಳಿಸುವ ಕಪಟ ರೂಪ ಪ್ರದರ್ಶಿಸಲು ಇಲ್ಲವೇ ತಮ್ಮ ವಿಷಕರ ಸ್ವರೂಪವನ್ನು ಜಾಹೀರುಗೊಳಿಸಲು ವರ್ಣ ವಿನ್ಯಾಸಗಳು ಚಿಟ್ಟೆಗಳಿಗೆ ತುಂಬ ಉಪಯುಕ್ತ.</p>.<p><strong>6. ಚಿಟ್ಟೆಗಳ ಆಹಾರ ಏನು?</strong><br /> ಚಿಟ್ಟೆಗಳ ಬಹುಪಾಲು ಎಲ್ಲ ಪ್ರಭೇದಗಳದೂ ಶುದ್ಧ ಸಸ್ಯಾಹಾರ. ಅವುಗಳ ಆಹಾರ ಪ್ರಧಾನವಾಗಿ ಹೂಗಳಲ್ಲಿನ ಮಕರಂದ. ಇತರ ವಿಧವಿಧ ಪೋಷಣಕಾಂಶಭರಿತ ಪೇಯಗಳನ್ನೂ ಅವು ಸೇವಿಸುತ್ತವೆ: ಕೊಳೆಯುತ್ತಿರುವ ಮರಗಳು ರಸ, ಅತಿ ಕಳಿತ ಕಣ್ಣುಗಳ ರಸ, ನದೀ ದಂಡೆಗಳ ಖನಿಜ-ಲವಣ ಭರಿತ ಕೆಸರು ನೀರು (ಚಿತ್ರ-6)..... ಇತ್ಯಾದಿ. ಹೇಗೂ ಎಲ್ಲ ಚಿಟ್ಟೆಗಳದೂ ಬರೀ ದ್ರವ ರೂಪದ ಆಹಾರ.</p>.<p><strong>7. ಪ್ರಕೃತಿಯ ಸಮತೋಲನದಲ್ಲಿ ಪಾತರಗಿತ್ತಿಗಳ ಪಾತ್ರ ಏನು?</strong><br /> ಧರೆಯಲ್ಲಿ ಇಲ್ಲಿನ ಜೀವಲೋಕದಲ್ಲಿ ಚಿಟ್ಟೆಗಳದು ತುಂಬ ಮಹತ್ವದ, ಬಹುವಿಧ ಪಾತ್ರ. ಹೂಗಿಡಗಳ ಪರಾಗಸ್ಪರ್ಶ, ಕಳೆಗಿಡಗಳ ನಿಯಂತ್ರಣ-ಈ ಕಾರ್ಯಗಳಲ್ಲಿ ಚಿಟ್ಟೆಗಳ ಮತ್ತು ಅವುಗಳ ಮರಿಹುಳುಗಳ ನೆರವು ಅಪಾರ. ಜೊತೆಗೆ ಹಲವಾರು ಪ್ರಾಣಿಗಳಿಗೆ ಹಾಗೂ ನೂರಾರು ಹಕ್ಕಿ ಪ್ರಭೇದಗಳಿಗೆ ಚಿಟ್ಟೆಗಳೇ ಪ್ರಧಾನ ಆಹಾರ. ಆದ್ದರಿಂದಲೇ ಚಿಟ್ಟೆಗಳು ಅಳಿದರೆ ಪ್ರಕೃತಿಯಲ್ಲಿ ನೂರಾರು ಜೀವ ಸರಪಳಿಗಳು ತುಂಡಾಗುತ್ತವೆ.</p>.<p><strong>8. ಪಾತರಗಿತ್ತಿಗಳ ಪ್ರಸ್ತುತ ಸ್ಥಿತಿ ಹೇಗಿದೆ?</strong><br /> ವಾಸ್ತವವಾಗಿ ಬಹುಪಾಲು ಎಲ್ಲ ಪಾತರಗಿತ್ತಿಗಳೂ ಅವುಗಳ ಮರಿಹುಳುಗಳೂ ಕೂಡ ಉಪಯುಕ್ತ ಕೀಟಗಳು; ಅವು ಪಿಡುಗಿನ ಕೀಟಗಳಲ್ಲ. ಆದರೂ ಅವು ಮನುಷ್ಯರಿಂದಾಗಿ ದುಃಸ್ಥಿತಿಯ ಹಾದಿಯಲ್ಲಿವೆ. ನಗರಗಳು ವಿಸ್ತಾರಗೊಂಡಂತೆಲ್ಲ ಕಾಂಕ್ರೀಟ್ ಕಾಡುಗಳು ಹಬ್ಬುತ್ತ, ಹೂಗಿಡಗಳು ಇಲ್ಲವಾಗುತ್ತ ಚಿಟ್ಟೆಗಳು ನಿರ್ನಾಮವಾಗುತ್ತಿವೆ.<br /> <br /> ಗದ್ದೆ-ತೋಟಗಳಲ್ಲಿ, ಕೃಷಿ ಭೂಮಿಯಲ್ಲಿ ಪಿಡುಗಿನ ಕೀಟಗಳ ನಿಯಂತ್ರಣಕ್ಕೆಂದು ಸಿಂಪಡಿಸುವ ವಿಷ-ಪಾಷಾಣಗಳಿಗೆ ಅಮಾಯಕ, ರೈತಮಿತ್ರ ಪಾತರಗಿತ್ತಿಗಳೂ ಬಲಿಯಾಗುತ್ತಿವೆ. ಅತ್ಯಾಕರ್ಷಕ ಚಿಟ್ಟೆಗಳನ್ನು ಸಂಗ್ರಹಿಸಿ ಪ್ರದರ್ಶಿಸುವ ಮನುಷ್ಯ ಹವ್ಯಾಸವೂ ಹೇರಳ ಪಾತರಗಿತ್ತಿಗಳ ಸರ್ವನಾಶಕ್ಕೆ ಕಾರಣವಾಗುತ್ತಿದೆ. ಎಂಥ ಜೀವಿ! ಎಂಥ ದೌರ್ಭಾಗ್ಯ! ಅಲ್ಲವೇ?</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
