<p>`ನಿಮ್ಮೂರೇ ನಮ್ಮೂರು.. ನೀವೀಗ ನಮ್ಮೊರು..~ ಎಂದು ಹಾಡಿ ಕುಣಿದ ಜಾಣೆ ಪ್ರಮೀಳಾ ಜೋಷಾಯ್ ಕನ್ನಡದ ಪ್ರೇಕ್ಷಕರ ನೆನಪಿನ ಪುಟಗಳಲ್ಲಿ ಸ್ಥಾನ ಪಡೆದಿರುವ ನಟಿ.<br /> <br /> `ಭಕ್ತ ಸಿರಿಯಾಳ~ ಚಿತ್ರದ ಉಡಾಫೆ ವ್ಯಕ್ತಿತ್ವದ ಹುಡುಗಿ, `ಪಟ್ಟಣಕ್ಕೆ ಬಂದ ಪತ್ನಿಯರು~ ಚಿತ್ರದ ದಿಟ್ಟ ನರ್ಸ್, `ಅವನೇ ನನ್ನ ಗಂಡ~ ಚಿತ್ರದ ನೊಂದ ನಾಯಕಿಗೆ ನೆರವಾಗುವ ಪಕ್ಕದ ಮನೆಯಾಕೆ- ಹೀಗೆ ಪ್ರಮೀಳಾ ಹಲವು ಪಾತ್ರಗಳ ಮೂಲಕ ನೆನಪಿಗೆ ಬರುತ್ತಾರೆ. <br /> <br /> ಹಾಸ್ಯ, ಗಂಭೀರ, ಭಾವನಾತ್ಮಕ ಹೀಗೆ ಯಾವುದೇ ಪಾತ್ರವಾದರೂ ಅದಕ್ಕೆ ಜೀವ ತುಂಬುವ ಸಾಮರ್ಥ್ಯ ಇರುವ ನಟಿ ಅವರು.<br /> <br /> `ಹರಕೆ~ ಅವರು ನಟಿಸಿದ ಮೊದಲ ಸಿನಿಮಾ. `ಚಿನ್ನ ನಿನ್ನಾ ಮುದ್ದಾಡುವೆ~ ಅವರು ನಟಿಸಿದ ಮೊದಲ ಕಮರ್ಷಿಯಲ್ ಸಿನಿಮಾ. ಅದರಲ್ಲಿ ವಿಷ್ಣುವರ್ಧನ್ ಪತ್ನಿಯಾಗಿ ನಟಿಸಿದ ನಂತರ ಸಾಕಷ್ಟು ಅವಕಾಶಗಳು ದೊರಕಿದವು.<br /> <br /> `ತಾಳಿಯ ಭಾಗ್ಯ~, `ಮುತ್ತೈದೆ ಭಾಗ್ಯ~, `ತಾಯಿ ನುಡಿ~,~ತಾಯಿ ಆಸೆ~, `ಪ್ರಳಯ ರುದ್ರ~, `ಪ್ರೀತಿ ಮಾಡು ತಮಾಷೆ ನೋಡು~, `ನಿನಗಾಗಿ ನಾನು~, `ಕಣ್ಣು ತೆರೆಸಿದ ಹೆಣ್ಣು~ ಹೀಗೆ ಪ್ರಮೀಳಾ ನಟಿಸಿದ ಚಿತ್ರಗಳ ಸಂಖ್ಯೆ 300 ದಾಟುತ್ತದೆ.<br /> <br /> ಚಂದ್ರಶೇಖರ ಕಂಬಾರರು ನಿರ್ದೇಶಿಸಿದ `ಸಂಗೀತ~ (1982) ಚಿತ್ರದ ನಟನೆಗೆ ಅತ್ಯುತ್ತಮ ನಟಿ ರಾಜ್ಯ ಪ್ರಶಸ್ತಿ ಪಡೆದ ಪ್ರಮೀಳಾ ಜೋಷಾಯ್ ಇದೀಗ ನಿರ್ಮಾಣ ಸಂಸ್ಥೆ ಆರಂಭಿಸಿದ್ದಾರೆ. ಅದರ ಮೂಲಕ `ತಾಯಿ~ ಹೆಸರಿನ ಸಿನಿಮಾ ಮಾಡಿ ಹಣ ಕಳೆದುಕೊಂಡ ಅವರು ಇದೀಗ ಮತ್ತೊಂದು ಸಿನಿಮಾ ಮಾಡುವ ಸಿದ್ಧತೆಯಲ್ಲಿದ್ದಾರೆ.<br /> <br /> `ಹೊಸ ಚಿತ್ರದ ಕತೆಯ ಚರ್ಚೆ ನಡೆಯುತ್ತಿದೆ. ನಿರ್ದೇಶಕರು ನಾಯಕಿ ಪಾತ್ರಕ್ಕೆ ನನ್ನ ಮಗಳು ಹೊಂದಿಕೆಯಾಗುತ್ತಾಳೆ ಎಂದರೆ ಅವಳೇ ನಾಯಕಿಯಾಗುತ್ತಾಳೆ. ನಿರ್ದೇಶಕರಿಗೆ ಸಂಪೂರ್ಣ ಸ್ವಾತಂತ್ರ್ಯ ಕೊಡುತ್ತೇವೆ. ಒಟ್ಟಾರೆ ಒಳ್ಳೆಯ ಚಿತ್ರ ಮಾಡಬೇಕು ಎಂಬುದು ನಮ್ಮಾಸೆ~ ಎನ್ನುತ್ತಾರೆ.<br /> <br /> `37 ವರ್ಷ ನಟಿಯಾಗಿ ಕಳೆದಿರುವೆ. ನಟನೆ ಬಿಟ್ಟು ಬೇರೆ ಕೆಲಸ ಬರಲ್ಲ. ಈ ನಡುವೆ ಡ್ರಾಮಾ ಕಂಪೆನಿ ಮಾಡಿದ ಅನುಭವವೂ ಆಯಿತು. ಇದೀಗ ನಿರ್ಮಾಣ ಸಂಸ್ಥೆ ಆರಂಭಿಸಿದ್ದೇವೆ. ಅದರ ಏಳು-ಬೀಳು ನೋಡುತ್ತಿದ್ದೇವೆ~ ಎಂದು ಅನುಭವ ತುಂಬಿದ ದನಿಯಲ್ಲಿ ಹೇಳುತ್ತಾರೆ ಪ್ರಮೀಳಾ.<br /> <br /> ಮಗಳ ವೃತ್ತಿ ಬದುಕನ್ನು ನಿಭಾಯಿಸುವ ಹೊಣೆಯೊಂದಿಗೆ ಈಗಲೂ ಅವಕಾಶಗಳು ಒಪ್ಪಿತವಾದರೆ ನಟಿಸುವ ಪ್ರಮೀಳಾ, ಕಿರುತೆರೆಯಲ್ಲೂ ಸುತ್ತು ಹಾಕಿ ಬಂದವರು. `ತಿರುಗುಬಾಣ~, `ಭಾಗ್ಯಚಕ್ರ~, `ಆಸೆಗಳು~, `ಸ್ಪಂದನ~ ಅವರು ನಟಿಸಿದ ಪ್ರಮುಖ ಧಾರಾವಾಹಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ನಿಮ್ಮೂರೇ ನಮ್ಮೂರು.. ನೀವೀಗ ನಮ್ಮೊರು..~ ಎಂದು ಹಾಡಿ ಕುಣಿದ ಜಾಣೆ ಪ್ರಮೀಳಾ ಜೋಷಾಯ್ ಕನ್ನಡದ ಪ್ರೇಕ್ಷಕರ ನೆನಪಿನ ಪುಟಗಳಲ್ಲಿ ಸ್ಥಾನ ಪಡೆದಿರುವ ನಟಿ.<br /> <br /> `ಭಕ್ತ ಸಿರಿಯಾಳ~ ಚಿತ್ರದ ಉಡಾಫೆ ವ್ಯಕ್ತಿತ್ವದ ಹುಡುಗಿ, `ಪಟ್ಟಣಕ್ಕೆ ಬಂದ ಪತ್ನಿಯರು~ ಚಿತ್ರದ ದಿಟ್ಟ ನರ್ಸ್, `ಅವನೇ ನನ್ನ ಗಂಡ~ ಚಿತ್ರದ ನೊಂದ ನಾಯಕಿಗೆ ನೆರವಾಗುವ ಪಕ್ಕದ ಮನೆಯಾಕೆ- ಹೀಗೆ ಪ್ರಮೀಳಾ ಹಲವು ಪಾತ್ರಗಳ ಮೂಲಕ ನೆನಪಿಗೆ ಬರುತ್ತಾರೆ. <br /> <br /> ಹಾಸ್ಯ, ಗಂಭೀರ, ಭಾವನಾತ್ಮಕ ಹೀಗೆ ಯಾವುದೇ ಪಾತ್ರವಾದರೂ ಅದಕ್ಕೆ ಜೀವ ತುಂಬುವ ಸಾಮರ್ಥ್ಯ ಇರುವ ನಟಿ ಅವರು.<br /> <br /> `ಹರಕೆ~ ಅವರು ನಟಿಸಿದ ಮೊದಲ ಸಿನಿಮಾ. `ಚಿನ್ನ ನಿನ್ನಾ ಮುದ್ದಾಡುವೆ~ ಅವರು ನಟಿಸಿದ ಮೊದಲ ಕಮರ್ಷಿಯಲ್ ಸಿನಿಮಾ. ಅದರಲ್ಲಿ ವಿಷ್ಣುವರ್ಧನ್ ಪತ್ನಿಯಾಗಿ ನಟಿಸಿದ ನಂತರ ಸಾಕಷ್ಟು ಅವಕಾಶಗಳು ದೊರಕಿದವು.<br /> <br /> `ತಾಳಿಯ ಭಾಗ್ಯ~, `ಮುತ್ತೈದೆ ಭಾಗ್ಯ~, `ತಾಯಿ ನುಡಿ~,~ತಾಯಿ ಆಸೆ~, `ಪ್ರಳಯ ರುದ್ರ~, `ಪ್ರೀತಿ ಮಾಡು ತಮಾಷೆ ನೋಡು~, `ನಿನಗಾಗಿ ನಾನು~, `ಕಣ್ಣು ತೆರೆಸಿದ ಹೆಣ್ಣು~ ಹೀಗೆ ಪ್ರಮೀಳಾ ನಟಿಸಿದ ಚಿತ್ರಗಳ ಸಂಖ್ಯೆ 300 ದಾಟುತ್ತದೆ.<br /> <br /> ಚಂದ್ರಶೇಖರ ಕಂಬಾರರು ನಿರ್ದೇಶಿಸಿದ `ಸಂಗೀತ~ (1982) ಚಿತ್ರದ ನಟನೆಗೆ ಅತ್ಯುತ್ತಮ ನಟಿ ರಾಜ್ಯ ಪ್ರಶಸ್ತಿ ಪಡೆದ ಪ್ರಮೀಳಾ ಜೋಷಾಯ್ ಇದೀಗ ನಿರ್ಮಾಣ ಸಂಸ್ಥೆ ಆರಂಭಿಸಿದ್ದಾರೆ. ಅದರ ಮೂಲಕ `ತಾಯಿ~ ಹೆಸರಿನ ಸಿನಿಮಾ ಮಾಡಿ ಹಣ ಕಳೆದುಕೊಂಡ ಅವರು ಇದೀಗ ಮತ್ತೊಂದು ಸಿನಿಮಾ ಮಾಡುವ ಸಿದ್ಧತೆಯಲ್ಲಿದ್ದಾರೆ.<br /> <br /> `ಹೊಸ ಚಿತ್ರದ ಕತೆಯ ಚರ್ಚೆ ನಡೆಯುತ್ತಿದೆ. ನಿರ್ದೇಶಕರು ನಾಯಕಿ ಪಾತ್ರಕ್ಕೆ ನನ್ನ ಮಗಳು ಹೊಂದಿಕೆಯಾಗುತ್ತಾಳೆ ಎಂದರೆ ಅವಳೇ ನಾಯಕಿಯಾಗುತ್ತಾಳೆ. ನಿರ್ದೇಶಕರಿಗೆ ಸಂಪೂರ್ಣ ಸ್ವಾತಂತ್ರ್ಯ ಕೊಡುತ್ತೇವೆ. ಒಟ್ಟಾರೆ ಒಳ್ಳೆಯ ಚಿತ್ರ ಮಾಡಬೇಕು ಎಂಬುದು ನಮ್ಮಾಸೆ~ ಎನ್ನುತ್ತಾರೆ.<br /> <br /> `37 ವರ್ಷ ನಟಿಯಾಗಿ ಕಳೆದಿರುವೆ. ನಟನೆ ಬಿಟ್ಟು ಬೇರೆ ಕೆಲಸ ಬರಲ್ಲ. ಈ ನಡುವೆ ಡ್ರಾಮಾ ಕಂಪೆನಿ ಮಾಡಿದ ಅನುಭವವೂ ಆಯಿತು. ಇದೀಗ ನಿರ್ಮಾಣ ಸಂಸ್ಥೆ ಆರಂಭಿಸಿದ್ದೇವೆ. ಅದರ ಏಳು-ಬೀಳು ನೋಡುತ್ತಿದ್ದೇವೆ~ ಎಂದು ಅನುಭವ ತುಂಬಿದ ದನಿಯಲ್ಲಿ ಹೇಳುತ್ತಾರೆ ಪ್ರಮೀಳಾ.<br /> <br /> ಮಗಳ ವೃತ್ತಿ ಬದುಕನ್ನು ನಿಭಾಯಿಸುವ ಹೊಣೆಯೊಂದಿಗೆ ಈಗಲೂ ಅವಕಾಶಗಳು ಒಪ್ಪಿತವಾದರೆ ನಟಿಸುವ ಪ್ರಮೀಳಾ, ಕಿರುತೆರೆಯಲ್ಲೂ ಸುತ್ತು ಹಾಕಿ ಬಂದವರು. `ತಿರುಗುಬಾಣ~, `ಭಾಗ್ಯಚಕ್ರ~, `ಆಸೆಗಳು~, `ಸ್ಪಂದನ~ ಅವರು ನಟಿಸಿದ ಪ್ರಮುಖ ಧಾರಾವಾಹಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
