<p>ಮಳೆಗಾಲದ ಅವಧಿಯಲ್ಲಿ ಎತ್ತಲೂ ಹಸಿರು ವನರಾಶಿಯಿಂದ ಕೆಳಗಡೆ ಧುಮ್ಮಿಕುವ ಅನೇಕ ಜಲಪಾತಗಳು ಕಾರವಾರ ತಾಲೂಕಿನಲ್ಲಿ ಹಾಲ್ನೊರೆಯಂತೆ ಗೋಚರಿಸುತ್ತವೆ. ಇವುಗಳಲ್ಲಿ `ವನಭೋಜನ ಫಾಲ್ಸ್' ಕೂಡ ಒಂದು.<br /> <br /> ಕಾರವಾರದಿಂದ ಕೈಗಾ ಮಾರ್ಗವಾಗಿ 12 ಕಿ.ಮೀ. ಸಾಗಿದಾಗ ಕಿನ್ನರ ಗ್ರಾಮದಲ್ಲಿ ಬೆಟ್ಟದ ಬದಿಗೆ ಎತ್ತರ ಗುಡ್ಡದ ಬಳಿ ಈ ಜಲಪಾತ ಸಿಗುತ್ತದೆ. ಇದು ನೋಡಲು ವಿಶಿಷ್ಟ ಮನಮೋಹಕ ಜಲಪಾತವಾಗಿದೆ. ಮುಖ್ಯರಸ್ತೆಯಿಂದ ಇಳಿದು ದಕ್ಷಿಣ ದಿಕ್ಕಿಗೆ ಕಾಲ್ನಡಿಗೆಯಲ್ಲಿ 10 ನಿಮಿಷ ಚಾರಣ ಮಾಡಿದರೆ ಜಲಪಾತದ ಸ್ಥಳಕ್ಕೆ ತಲುಪುತ್ತೇವೆ. ಇಲ್ಲಿನ ಜಲಧಾರೆಯ ನೋಟ ಮನಮೋಹಕವಾಗಿದ್ದು, ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿದೆ.<br /> <br /> ವಿಶಾಲವಾದ ಬಂಡೆಯಿಂದ ಐದು ಕವಲುಗಳಾಗಿ ಸುಮಾರು ಐವತ್ತು ಅಡಿ ಎತ್ತರದಿಂದ ಕೆಳಗಡೆ ಧುಮುಕುವ ಜಲರಾಶಿಯ ನೋಟ ನಯನ ಮನೋಹರ. ಒನ್ನ ಎಂಬ ಹಳ್ಳ ಈ ಸುಂದರ ಜಲಪಾತ ನಿರ್ಮಿಸಿದ್ದು, ಬಳಕುತ್ತ ಧರೆಗಿಳಿಯುವ ಜಲಕನ್ಯೆಯರಂತೆ ತೋರುತ್ತದೆ. ಪ್ರತಿ ವರ್ಷ ನವಂಬರ್ ತಿಂಗಳಲ್ಲಿ ಜರುಗುವ ಗ್ರಾಮದೇವತೆಯ ಜಾತ್ರೆಯಲ್ಲಿ ದೇವರ ಪಲ್ಲಕ್ಕಿಯು ಇದೇ ಬಂಡೆಯ ಬಳಿ ಇಟ್ಟು ಪೂಜೆ ಪುನಸ್ಕಾರ ನೆರವೇರಿಸಲಾಗುತ್ತದೆ. ಅಲ್ಲದೇ ಇಲ್ಲಿ ವನಭೋಜನ ಜರುಗುತ್ತದೆ. ಹೀಗಾಗಿ ಈ ಜಲಪಾತವನ್ನು `ವನಭೋಜನ ಫಾಲ್ಸ್' ಎಂದು ಕರೆಯುತ್ತಾರೆ.<br /> <br /> ಭಾನುವಾರ ಹಾಗೂ ರಜಾ ದಿನಗಳಲ್ಲಿ ಅನೇಕರು ಇಲ್ಲಿಗೆ ಪ್ರವಾಸ ಬರುತ್ತಾರೆ. ಈ ಜಲಪಾತದ ಮೇಲೆ ಸುಮಾರು 50 ಜನ ಕುಳಿತುಕೊಳ್ಳುವಷ್ಟು ವಿಶಾಲ ಬಂಡೆಯ ಹಾಸುವಿದ್ದು, ಇಲ್ಲಿಂದ ಜಲಪಾತದ ವೈಭವವನ್ನು ಹಾಗೂ ಹಸಿರು ಹೊಲ ಗದ್ದೆಗಳ ಸುಂದರ ದೃಶ್ಯಗಳನ್ನು ವೀಕ್ಷಿಸಬಹುದು. ಮುಂದೆ ಒನ್ನ ಹಳ್ಳ ಇಲ್ಲಿಂದ ಸುಮಾರು 3 ಕಿ.ಮೀ. ನಷ್ಟು ದೂರ ಹೊಲ ಗದ್ದೆಗಳ ಮೂಲಕ ಸಾಗುತ್ತಾ ಕಾಳಿನದಿಯನ್ನು ಸೇರುತ್ತದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಳೆಗಾಲದ ಅವಧಿಯಲ್ಲಿ ಎತ್ತಲೂ ಹಸಿರು ವನರಾಶಿಯಿಂದ ಕೆಳಗಡೆ ಧುಮ್ಮಿಕುವ ಅನೇಕ ಜಲಪಾತಗಳು ಕಾರವಾರ ತಾಲೂಕಿನಲ್ಲಿ ಹಾಲ್ನೊರೆಯಂತೆ ಗೋಚರಿಸುತ್ತವೆ. ಇವುಗಳಲ್ಲಿ `ವನಭೋಜನ ಫಾಲ್ಸ್' ಕೂಡ ಒಂದು.<br /> <br /> ಕಾರವಾರದಿಂದ ಕೈಗಾ ಮಾರ್ಗವಾಗಿ 12 ಕಿ.ಮೀ. ಸಾಗಿದಾಗ ಕಿನ್ನರ ಗ್ರಾಮದಲ್ಲಿ ಬೆಟ್ಟದ ಬದಿಗೆ ಎತ್ತರ ಗುಡ್ಡದ ಬಳಿ ಈ ಜಲಪಾತ ಸಿಗುತ್ತದೆ. ಇದು ನೋಡಲು ವಿಶಿಷ್ಟ ಮನಮೋಹಕ ಜಲಪಾತವಾಗಿದೆ. ಮುಖ್ಯರಸ್ತೆಯಿಂದ ಇಳಿದು ದಕ್ಷಿಣ ದಿಕ್ಕಿಗೆ ಕಾಲ್ನಡಿಗೆಯಲ್ಲಿ 10 ನಿಮಿಷ ಚಾರಣ ಮಾಡಿದರೆ ಜಲಪಾತದ ಸ್ಥಳಕ್ಕೆ ತಲುಪುತ್ತೇವೆ. ಇಲ್ಲಿನ ಜಲಧಾರೆಯ ನೋಟ ಮನಮೋಹಕವಾಗಿದ್ದು, ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿದೆ.<br /> <br /> ವಿಶಾಲವಾದ ಬಂಡೆಯಿಂದ ಐದು ಕವಲುಗಳಾಗಿ ಸುಮಾರು ಐವತ್ತು ಅಡಿ ಎತ್ತರದಿಂದ ಕೆಳಗಡೆ ಧುಮುಕುವ ಜಲರಾಶಿಯ ನೋಟ ನಯನ ಮನೋಹರ. ಒನ್ನ ಎಂಬ ಹಳ್ಳ ಈ ಸುಂದರ ಜಲಪಾತ ನಿರ್ಮಿಸಿದ್ದು, ಬಳಕುತ್ತ ಧರೆಗಿಳಿಯುವ ಜಲಕನ್ಯೆಯರಂತೆ ತೋರುತ್ತದೆ. ಪ್ರತಿ ವರ್ಷ ನವಂಬರ್ ತಿಂಗಳಲ್ಲಿ ಜರುಗುವ ಗ್ರಾಮದೇವತೆಯ ಜಾತ್ರೆಯಲ್ಲಿ ದೇವರ ಪಲ್ಲಕ್ಕಿಯು ಇದೇ ಬಂಡೆಯ ಬಳಿ ಇಟ್ಟು ಪೂಜೆ ಪುನಸ್ಕಾರ ನೆರವೇರಿಸಲಾಗುತ್ತದೆ. ಅಲ್ಲದೇ ಇಲ್ಲಿ ವನಭೋಜನ ಜರುಗುತ್ತದೆ. ಹೀಗಾಗಿ ಈ ಜಲಪಾತವನ್ನು `ವನಭೋಜನ ಫಾಲ್ಸ್' ಎಂದು ಕರೆಯುತ್ತಾರೆ.<br /> <br /> ಭಾನುವಾರ ಹಾಗೂ ರಜಾ ದಿನಗಳಲ್ಲಿ ಅನೇಕರು ಇಲ್ಲಿಗೆ ಪ್ರವಾಸ ಬರುತ್ತಾರೆ. ಈ ಜಲಪಾತದ ಮೇಲೆ ಸುಮಾರು 50 ಜನ ಕುಳಿತುಕೊಳ್ಳುವಷ್ಟು ವಿಶಾಲ ಬಂಡೆಯ ಹಾಸುವಿದ್ದು, ಇಲ್ಲಿಂದ ಜಲಪಾತದ ವೈಭವವನ್ನು ಹಾಗೂ ಹಸಿರು ಹೊಲ ಗದ್ದೆಗಳ ಸುಂದರ ದೃಶ್ಯಗಳನ್ನು ವೀಕ್ಷಿಸಬಹುದು. ಮುಂದೆ ಒನ್ನ ಹಳ್ಳ ಇಲ್ಲಿಂದ ಸುಮಾರು 3 ಕಿ.ಮೀ. ನಷ್ಟು ದೂರ ಹೊಲ ಗದ್ದೆಗಳ ಮೂಲಕ ಸಾಗುತ್ತಾ ಕಾಳಿನದಿಯನ್ನು ಸೇರುತ್ತದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>