<p>ಇದುವರೆಗೆ ಇದ್ದ ವಿಜಯ್ ಇಮೇಜನ್ನು ಅಳಿಸಿಹಾಕಿ, ಹೊಸ ರೀತಿಯಲ್ಲಿ ಅವರನ್ನು ನಿರ್ದೇಶಕ ಪ್ರೀತಂ ಗುಬ್ಬಿ ತೆರೆಮೇಲೆ ತೋರಿಸಿರುವ ಚಿತ್ರ `ಜಾನಿ ಮೇರಾ ನಾಮ್ ಪ್ರೀತಿ ಮೇರಾ ಕಾಮ್~. ತರ್ಕವನ್ನು ಮರೆತು, ಪ್ರಸಂಗಗಳನ್ನಷ್ಟೇ ಸಿಂಗರಿಸುತ್ತಾ ಲವಲವಿಕೆ ಯಿಂದ ದೃಶ್ಯಗಳನ್ನು ಪೋಣಿಸುವ ಪರಿಪಾಠಕ್ಕೆ ಬಾಲಿವುಡ್ನಲ್ಲಿ ಯಶಸ್ಸು ಸಿಕ್ಕಿದೆ. `ಜಾನಿ...~ ಅದೇ ಧಾಟಿಯ ಸಿನಿಮಾ. <br /> <br /> ನಿರ್ದೇಶಕ ಪ್ರೀತಂ ಗುಬ್ಬಿ ಇದುವರೆಗೆ ತಮ್ಮ ಬೆನ್ನಿಗಂಟಿಕೊಂಡಿದ್ದ ಮಳೆ, ಹಸಿರಿನ ಯೋಚನೆ ಯನ್ನು ಸಂಪೂರ್ಣವಾಗಿ ಕಿತ್ತೆಸೆದು ಈ ಸಿನಿಮಾ ಮಾಡಿದ್ದಾರೆ. ಇಡೀ ಚಿತ್ರ ಒಂದು ಸೆಟ್ನಲ್ಲಿ ನಡೆಯುತ್ತದೆನ್ನುವುದು ಈ ಕಾಲದ ಮಟ್ಟಿಗೆ ಹೊಸತನವೇ ಹೌದು.<br /> <br /> ಕಡಿಮೆ ಪಾತ್ರಗಳು, ಕಚಗುಳಿ ಇಡುವ ಮಾತು, ಅಶ್ಲೀಲತೆಯ ಸೋಂಕೇ ಇಲ್ಲದ ಹಾಸ್ಯ ಚಿತ್ರವನ್ನು ಸಲೀಸಾಗಿ ನೋಡಿಸಿಕೊಂಡು ಹೋಗುವಂತೆ ಮಾಡಿವೆ. <br /> <br /> ಚಿತ್ರದ ಉದ್ದಕ್ಕೂ ಕಪ್ಪು-ಬಿಳುಪು ಚಿಂತನೆ ಇದೆ. ನಾಯಕ - ಪರಿಸ್ಥಿತಿಯೆಂಬ ಖಳನಾಯಕ, ಪ್ರೀತಿ - ಅದಕ್ಕೆ ಅಡ್ಡ ಬರುವ ನಾಯಕಿಯ ತಂದೆ, ತಿರುವಿಗೆ ಅಗತ್ಯವಿರುವ ಅನುಕೂಲ ಸಿಂಧುತ್ವ ಇವೆಲ್ಲವೂ ಕಪ್ಪು-ಬಿಳುಪು ಚಿಂತನೆಗೆ ಸಾಕ್ಷಿಗಳು. ಆದರೆ, ನಿರ್ದೇಶಕರು ಈ ಎಲ್ಲಾ ಸಂಗತಿಗಳನ್ನು ನಿರೂಪಿಸಿರುವ ರೀತಿ ಶ್ಲಾಘನೀಯ. <br /> <br /> ವಿಜಯ್ ಇದ್ದಾರೆಂಬ ಕಾರಣಕ್ಕೆ ಎಲ್ಲೂ ಅವರು ಬಟ್ಟೆ ಬಿಚ್ಚಿಸಿಲ್ಲ. ಅಡಿಗಡಿಗೂ ಹೊಡೆದಾಟ ಬೇಕೆಂಬ ಹಟವನ್ನೂ ತೋರಿಲ್ಲ. ಬದಲಿಗೆ, ಪ್ರಸಂಗಗಳಲ್ಲೇ ಹಾಸ್ಯ ನಾಟಕದ ಗುಣವನ್ನು ತುಂಬಿ ರಂಜಿಸಿದ್ದಾರೆ. ಈ ಕಾರಣಕ್ಕೇ `ಜಾನಿ...~ ಸಂಪೂರ್ಣ ಮನರಂಜನಾತ್ಮಕ ಚಿತ್ರ. <br /> <br /> ನಿರ್ದೇಶಕರ ಉಮೇದನ್ನು ಸೊಗಸಾಗಿ ಕಟ್ಟಿಕೊಡುವಲ್ಲಿ ಕಲಾ ನಿರ್ದೇಶಕ ಹಾಗೂ ಸಂಭಾಷಣೆಕಾರರ ಕಾಣ್ಕೆಯೂ ದೊಡ್ಡದಿದೆ. ಅಷ್ಟೊಂದು ದೊಡ್ಡ ಸೆಟ್ ಹಾಕುವ ಅವಕಾಶವನ್ನು ಕಲಾ ನಿರ್ದೇಶಕ ಮೋಹನ್ ಬಿ.ಕೆರೆ ಸದುಪಯೋಗಪಡಿಸಿಕೊಂಡಿದ್ದಾರೆ. <br /> <br /> ಕಟ್ಟಡಗಳ ಸೆಟ್ಗೆ ಅವರು ಬಳಸಿರುವ ಬಣ್ಣಗಳೇ ಚಿತ್ರವನ್ನು ವರ್ಣರಂಜಿತವಾಗಿಸಿವೆ. ವ್ಯಂಗ್ಯವನ್ನು ತುಸುವಷ್ಟೇ ಬೆರೆಸಿ, ಲವಲವಿಕೆಗೆ ಎಲ್ಲೂ ಕೊರತೆಯಾಗದಂತೆ ಎನ್.ಎಸ್. ಶಂಕರ್ ಮಾತುಗಳನ್ನು ಬರೆದಿದ್ದಾರೆ. ಅವುಗಳನ್ನು ಒಪ್ಪಿಸುವಲ್ಲಿ ವಿಜಯ್ ಹಾಗೂ ರಂಗಾಯಣ ರಘು ನಡುವೆ ಜುಗಲ್ಬಂದಿಯೇ ನಡೆದಿದೆ. <br /> <br /> ತಾವು ನಿರ್ದೇಶಕರ ನಟ ಎಂಬುದನ್ನು ವಿಜಯ್ ಸಾಬೀತುಪಡಿಸಿದ್ದಾರೆ. ತಾವು ಹೊಡೆದಾಟ, ಅಬ್ಬರಕ್ಕೆ ಹೇಳಿಮಾಡಿಸಿದ ನಟನಷ್ಟೇ ಅಲ್ಲ ಎಂಬುದನ್ನೂ ಅವರು ರುಜುವಾತು ಮಾಡಿದ್ದಾರೆ. ನೋಡಲು ಸುಂದರವಾಗಿರುವ ರಮ್ಯಾ ಪಕ್ಕದಲ್ಲಿದ್ದಾಗಲೂ ವಿಜಯ್ ಮಂಕು ಎನ್ನಿಸುವುದೇ ಇಲ್ಲ. <br /> <br /> ನಿರ್ದೇಶಕರು ಅವರ ವೇಷಭೂಷಣದಲ್ಲಷ್ಟೇ ಬದಲಾವಣೆಗಳನ್ನು ತಂದಿಲ್ಲವೆಂಬುದಕ್ಕೆ ಇವೆಲ್ಲಾ ಪುಷ್ಟಿ. ನಾಯಕಿ ರಮ್ಯಾ ತಾವೇ ಮತ್ತೊಮ್ಮೆ ಡಬ್ ಮಾಡಿರುವುದು ಸ್ವಾಗತಾರ್ಹ ಬೆಳವಣಿಗೆ. ತುಸು ದೂರದಿಂದ ಪಾತ್ರವನ್ನು ಅನುಭವಿಸುವಂತೆ ಕಂಡರೂ ಹಾಡುಗಳಲ್ಲಿ ಅವರು ಸೌಂದರ್ಯ ಲಹರಿ.<br /> <br /> `ಶೀಲಾ ಕೀ ಜವಾನಿ~ ಹಿಂದಿ ಹಾಡಿನಿಂದ ಸ್ಫೂರ್ತಿ ಪಡೆದ ಗೀತೆಗೆ ಅವರು ಕಷ್ಟಪಟ್ಟು ನೃತ್ಯವನ್ನೂ ಮಾಡಿದ್ದಾರೆ. <br /> <br /> ಅಭಿನಯದಲ್ಲಿ ರಂಗಾಯಣ ರಘು ಹೆಚ್ಚು ಅಂಕ ಗಳಿಸಿದ್ದಾರೆ. ಹೆಣ್ಣುವೇಷದಲ್ಲಿ ಅವರ ಭಾವಾಭಿನಯವನ್ನು ಕಂಡು ನಗದಿರಲು ಸಾಧ್ಯವೇ ಇಲ್ಲ. ದತ್ತಣ್ಣ, ಶರಣ್, ಸಾಧುಕೋಕಿಲಾ, ಅಚ್ಯುತ್ ಕುಮಾರ್ ಎಲ್ಲರೂ ಚಿತ್ರದ ಲವಲವಿಕೆಯನ್ನು ಕಾಯ್ದುಕೊಂಡಿದ್ದಾರೆ. <br /> <br /> ವಿ. ಹರಿಕೃಷ್ಣ ಸಂಗೀತಕ್ಕೆ ಯೋಗರಾಜ ಭಟ್ಟರ ಗಪದ್ಯದ ಒಗ್ಗರಣೆ ಹದವಾಗಿ ಬೆರೆತಿದೆ. ವಿಜಯ್ ಉತ್ಕಟತೆಯನ್ನು ಅಚ್ಚುಕಟ್ಟಾಗಿ ತೋರಿಸಿರುವ ಛಾಯಾಗ್ರಾಹಕ ಕೃಷ್ಣ ಹಾಗೂ ಹಾಡುಗಳ ಲಯಕ್ಕೆ ತಕ್ಕಂತೆ ನೃತ್ಯ ಮಾಡಿಸಿರುವ ಹರ್ಷ ಕೆಲಸವನ್ನೂ ನೆನಪಿಸಿಕೊಳ್ಳಬೇಕು. ತರ್ಕ ಮರೆತು, ಹರ್ಷ ಬಯಸುವವರಿಗೆ `ಜಾನಿ...~ ರಸಪಾಕ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇದುವರೆಗೆ ಇದ್ದ ವಿಜಯ್ ಇಮೇಜನ್ನು ಅಳಿಸಿಹಾಕಿ, ಹೊಸ ರೀತಿಯಲ್ಲಿ ಅವರನ್ನು ನಿರ್ದೇಶಕ ಪ್ರೀತಂ ಗುಬ್ಬಿ ತೆರೆಮೇಲೆ ತೋರಿಸಿರುವ ಚಿತ್ರ `ಜಾನಿ ಮೇರಾ ನಾಮ್ ಪ್ರೀತಿ ಮೇರಾ ಕಾಮ್~. ತರ್ಕವನ್ನು ಮರೆತು, ಪ್ರಸಂಗಗಳನ್ನಷ್ಟೇ ಸಿಂಗರಿಸುತ್ತಾ ಲವಲವಿಕೆ ಯಿಂದ ದೃಶ್ಯಗಳನ್ನು ಪೋಣಿಸುವ ಪರಿಪಾಠಕ್ಕೆ ಬಾಲಿವುಡ್ನಲ್ಲಿ ಯಶಸ್ಸು ಸಿಕ್ಕಿದೆ. `ಜಾನಿ...~ ಅದೇ ಧಾಟಿಯ ಸಿನಿಮಾ. <br /> <br /> ನಿರ್ದೇಶಕ ಪ್ರೀತಂ ಗುಬ್ಬಿ ಇದುವರೆಗೆ ತಮ್ಮ ಬೆನ್ನಿಗಂಟಿಕೊಂಡಿದ್ದ ಮಳೆ, ಹಸಿರಿನ ಯೋಚನೆ ಯನ್ನು ಸಂಪೂರ್ಣವಾಗಿ ಕಿತ್ತೆಸೆದು ಈ ಸಿನಿಮಾ ಮಾಡಿದ್ದಾರೆ. ಇಡೀ ಚಿತ್ರ ಒಂದು ಸೆಟ್ನಲ್ಲಿ ನಡೆಯುತ್ತದೆನ್ನುವುದು ಈ ಕಾಲದ ಮಟ್ಟಿಗೆ ಹೊಸತನವೇ ಹೌದು.<br /> <br /> ಕಡಿಮೆ ಪಾತ್ರಗಳು, ಕಚಗುಳಿ ಇಡುವ ಮಾತು, ಅಶ್ಲೀಲತೆಯ ಸೋಂಕೇ ಇಲ್ಲದ ಹಾಸ್ಯ ಚಿತ್ರವನ್ನು ಸಲೀಸಾಗಿ ನೋಡಿಸಿಕೊಂಡು ಹೋಗುವಂತೆ ಮಾಡಿವೆ. <br /> <br /> ಚಿತ್ರದ ಉದ್ದಕ್ಕೂ ಕಪ್ಪು-ಬಿಳುಪು ಚಿಂತನೆ ಇದೆ. ನಾಯಕ - ಪರಿಸ್ಥಿತಿಯೆಂಬ ಖಳನಾಯಕ, ಪ್ರೀತಿ - ಅದಕ್ಕೆ ಅಡ್ಡ ಬರುವ ನಾಯಕಿಯ ತಂದೆ, ತಿರುವಿಗೆ ಅಗತ್ಯವಿರುವ ಅನುಕೂಲ ಸಿಂಧುತ್ವ ಇವೆಲ್ಲವೂ ಕಪ್ಪು-ಬಿಳುಪು ಚಿಂತನೆಗೆ ಸಾಕ್ಷಿಗಳು. ಆದರೆ, ನಿರ್ದೇಶಕರು ಈ ಎಲ್ಲಾ ಸಂಗತಿಗಳನ್ನು ನಿರೂಪಿಸಿರುವ ರೀತಿ ಶ್ಲಾಘನೀಯ. <br /> <br /> ವಿಜಯ್ ಇದ್ದಾರೆಂಬ ಕಾರಣಕ್ಕೆ ಎಲ್ಲೂ ಅವರು ಬಟ್ಟೆ ಬಿಚ್ಚಿಸಿಲ್ಲ. ಅಡಿಗಡಿಗೂ ಹೊಡೆದಾಟ ಬೇಕೆಂಬ ಹಟವನ್ನೂ ತೋರಿಲ್ಲ. ಬದಲಿಗೆ, ಪ್ರಸಂಗಗಳಲ್ಲೇ ಹಾಸ್ಯ ನಾಟಕದ ಗುಣವನ್ನು ತುಂಬಿ ರಂಜಿಸಿದ್ದಾರೆ. ಈ ಕಾರಣಕ್ಕೇ `ಜಾನಿ...~ ಸಂಪೂರ್ಣ ಮನರಂಜನಾತ್ಮಕ ಚಿತ್ರ. <br /> <br /> ನಿರ್ದೇಶಕರ ಉಮೇದನ್ನು ಸೊಗಸಾಗಿ ಕಟ್ಟಿಕೊಡುವಲ್ಲಿ ಕಲಾ ನಿರ್ದೇಶಕ ಹಾಗೂ ಸಂಭಾಷಣೆಕಾರರ ಕಾಣ್ಕೆಯೂ ದೊಡ್ಡದಿದೆ. ಅಷ್ಟೊಂದು ದೊಡ್ಡ ಸೆಟ್ ಹಾಕುವ ಅವಕಾಶವನ್ನು ಕಲಾ ನಿರ್ದೇಶಕ ಮೋಹನ್ ಬಿ.ಕೆರೆ ಸದುಪಯೋಗಪಡಿಸಿಕೊಂಡಿದ್ದಾರೆ. <br /> <br /> ಕಟ್ಟಡಗಳ ಸೆಟ್ಗೆ ಅವರು ಬಳಸಿರುವ ಬಣ್ಣಗಳೇ ಚಿತ್ರವನ್ನು ವರ್ಣರಂಜಿತವಾಗಿಸಿವೆ. ವ್ಯಂಗ್ಯವನ್ನು ತುಸುವಷ್ಟೇ ಬೆರೆಸಿ, ಲವಲವಿಕೆಗೆ ಎಲ್ಲೂ ಕೊರತೆಯಾಗದಂತೆ ಎನ್.ಎಸ್. ಶಂಕರ್ ಮಾತುಗಳನ್ನು ಬರೆದಿದ್ದಾರೆ. ಅವುಗಳನ್ನು ಒಪ್ಪಿಸುವಲ್ಲಿ ವಿಜಯ್ ಹಾಗೂ ರಂಗಾಯಣ ರಘು ನಡುವೆ ಜುಗಲ್ಬಂದಿಯೇ ನಡೆದಿದೆ. <br /> <br /> ತಾವು ನಿರ್ದೇಶಕರ ನಟ ಎಂಬುದನ್ನು ವಿಜಯ್ ಸಾಬೀತುಪಡಿಸಿದ್ದಾರೆ. ತಾವು ಹೊಡೆದಾಟ, ಅಬ್ಬರಕ್ಕೆ ಹೇಳಿಮಾಡಿಸಿದ ನಟನಷ್ಟೇ ಅಲ್ಲ ಎಂಬುದನ್ನೂ ಅವರು ರುಜುವಾತು ಮಾಡಿದ್ದಾರೆ. ನೋಡಲು ಸುಂದರವಾಗಿರುವ ರಮ್ಯಾ ಪಕ್ಕದಲ್ಲಿದ್ದಾಗಲೂ ವಿಜಯ್ ಮಂಕು ಎನ್ನಿಸುವುದೇ ಇಲ್ಲ. <br /> <br /> ನಿರ್ದೇಶಕರು ಅವರ ವೇಷಭೂಷಣದಲ್ಲಷ್ಟೇ ಬದಲಾವಣೆಗಳನ್ನು ತಂದಿಲ್ಲವೆಂಬುದಕ್ಕೆ ಇವೆಲ್ಲಾ ಪುಷ್ಟಿ. ನಾಯಕಿ ರಮ್ಯಾ ತಾವೇ ಮತ್ತೊಮ್ಮೆ ಡಬ್ ಮಾಡಿರುವುದು ಸ್ವಾಗತಾರ್ಹ ಬೆಳವಣಿಗೆ. ತುಸು ದೂರದಿಂದ ಪಾತ್ರವನ್ನು ಅನುಭವಿಸುವಂತೆ ಕಂಡರೂ ಹಾಡುಗಳಲ್ಲಿ ಅವರು ಸೌಂದರ್ಯ ಲಹರಿ.<br /> <br /> `ಶೀಲಾ ಕೀ ಜವಾನಿ~ ಹಿಂದಿ ಹಾಡಿನಿಂದ ಸ್ಫೂರ್ತಿ ಪಡೆದ ಗೀತೆಗೆ ಅವರು ಕಷ್ಟಪಟ್ಟು ನೃತ್ಯವನ್ನೂ ಮಾಡಿದ್ದಾರೆ. <br /> <br /> ಅಭಿನಯದಲ್ಲಿ ರಂಗಾಯಣ ರಘು ಹೆಚ್ಚು ಅಂಕ ಗಳಿಸಿದ್ದಾರೆ. ಹೆಣ್ಣುವೇಷದಲ್ಲಿ ಅವರ ಭಾವಾಭಿನಯವನ್ನು ಕಂಡು ನಗದಿರಲು ಸಾಧ್ಯವೇ ಇಲ್ಲ. ದತ್ತಣ್ಣ, ಶರಣ್, ಸಾಧುಕೋಕಿಲಾ, ಅಚ್ಯುತ್ ಕುಮಾರ್ ಎಲ್ಲರೂ ಚಿತ್ರದ ಲವಲವಿಕೆಯನ್ನು ಕಾಯ್ದುಕೊಂಡಿದ್ದಾರೆ. <br /> <br /> ವಿ. ಹರಿಕೃಷ್ಣ ಸಂಗೀತಕ್ಕೆ ಯೋಗರಾಜ ಭಟ್ಟರ ಗಪದ್ಯದ ಒಗ್ಗರಣೆ ಹದವಾಗಿ ಬೆರೆತಿದೆ. ವಿಜಯ್ ಉತ್ಕಟತೆಯನ್ನು ಅಚ್ಚುಕಟ್ಟಾಗಿ ತೋರಿಸಿರುವ ಛಾಯಾಗ್ರಾಹಕ ಕೃಷ್ಣ ಹಾಗೂ ಹಾಡುಗಳ ಲಯಕ್ಕೆ ತಕ್ಕಂತೆ ನೃತ್ಯ ಮಾಡಿಸಿರುವ ಹರ್ಷ ಕೆಲಸವನ್ನೂ ನೆನಪಿಸಿಕೊಳ್ಳಬೇಕು. ತರ್ಕ ಮರೆತು, ಹರ್ಷ ಬಯಸುವವರಿಗೆ `ಜಾನಿ...~ ರಸಪಾಕ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
