<p>ಮುತ್ತು ಬಂದಿದೆ `ಮುತ್ತು~ ಹುವ್ವ ತೇರಲಿ ಕುಂತು <br /> ಶ್! ಸುಮ್ಮನಿರಿ ; ಸದ್ದು ಮಾಡದೆ ನಿಂತು ನೋಡಿಯೂ <br /> ನೋಡದ ಹಾಗೆ ಮುಂದೆ ಹೋಗಿ ; ಮತ್ತಿಂಥ ಘಮ್ಮನೆ ಹೊತ್ತು <br /> ಎಂದು ಬರುವುದೊ ಈ ಜಕ್ಕವಕ್ಕಿಗೆ ಬೊಮ್ಮಂಗು ಇಲ್ಲ ಗೊತ್ತು</p>.<p>ನೋಡಿ ಮೆಚ್ಚಿರಿ, ಬೇಡಿ ಪಡೆದಿರಬೇಕಿಂಥ ನಿರಂಬಳದ ವರವ<br /> ಎವೆ ಮುಚ್ಚಿ ಬಚ್ಚಿಟ್ಟುಕೊಂಡಿದ್ದಾಳೆ ಹುಡುಗಿ ಚುಂಬನದ ಚಣವ<br /> ಹೂವುಟ್ಟು ಹೂತೊಟ್ಟು ಹುವ್ವ ಕಿರೀಟವನ್ನಿಟ್ಟು ಸಂಚಾರ ಬಂದ ವನದೇವಿ<br /> ಒಪ್ಪಿಸಿದಳೆ ಮೊಗವ ಅಡವಿದೊಂಗನಿಗೊಲಿದು ತೋಳಮಾಲೆಯ ಸೂಡಿ</p>.<p>ಉಪ್ಪಿರದ ಹೆಮ್ಮೆ, ಸಪ್ಪೆ ಮೀಮಾಂಸೆ, ಮಲಗಿಬಿಟ್ಟಿವೆ ಮಕಾಡೆ <br /> ತರ್ಕ ಸಿದ್ಧಾಂತ ; ಕದದ ಹಿಂದಡಗಿವೆ ತಂತ್ರಮಂತ್ರ ; ಶುದ್ಧಪ್ರೇಮ<br /> ದ ಇದಿರು ಕೆಲ ಅವಧಿಗಾದರೂ ತಲೆಮರೆಸಿಕೊಂಡಿದೆ ಯುದ್ಧವಾಂಛೆ <br /> ಮಜ್ಜೆಕುಗ್ಗಿಸಿ ಲಜ್ಜೆಗೊಂಡಿದೆ ದ್ವೇಷದೊಂದಿಯ ಕೊಳ್ಳಿದೆವ್ವ</p>.<p>ಅದು ಹೇಗೊ ಸಂಧಿಸಿದೆ ಮೆದೆರಂಗು ಕುಸುಮರಾಜಿಯ ನಡುವೆ<br /> ಇಂಥ ಏಕಾಂತ ವೇಳೆ; ಎಷ್ಟು ಅಂಗೈಭಾಷೆ ಮುಂಗಣ್ಣ ಸನ್ನೆ<br /> ಗಳಡಗಿವೆಯೊ ಈ ಮುತ್ತ ಹಿಂದೆ! ಎಲ್ಯ್ವ ಹೊದರಮರೆಯಲಿ<br /> ಸಂಚು ನಡೆದಿದೆಯೊ ಈ ಮೈಮರೆತ ಮುದ್ರಾಭಂಗಿ ಛಿದ್ರಭಂಗಕ್ಕೆ</p>.<p>ಹೇ ಸ್ಥಗಿತಗೊಳ್ಳಿರಿ ಆಕಾಶಕಾಯಗಳೆ, ಇದು ಕವಿಯ ಶಾಪ!<br /> ಇದ್ದುಬಿಡಲೀ ಹೀಗೆ ಮುದ್ದುಗರೆವೀ ಜೀವ ; ಬಾಧಿಸದಿರಲಿ<br /> ಇವರ ಅಕ್ಕಿಬೇಳೆಯ ವ್ಯಾಜ್ಯ, ಕಂಗೆಡಿಸದಿರಲಿ ನೀರುನಿಡಿ ನಿತ್ಯ<br /> ಯಾವುದಿರದಿದ್ದರೂ ನಡೆದೀತು, ಪ್ರೀತಿಯಿಲ್ಲದ ಮೇಲೆ <br /> ಹೇಗೆ ನಡೆದೀತು ಲೋಕಲೀಲೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮುತ್ತು ಬಂದಿದೆ `ಮುತ್ತು~ ಹುವ್ವ ತೇರಲಿ ಕುಂತು <br /> ಶ್! ಸುಮ್ಮನಿರಿ ; ಸದ್ದು ಮಾಡದೆ ನಿಂತು ನೋಡಿಯೂ <br /> ನೋಡದ ಹಾಗೆ ಮುಂದೆ ಹೋಗಿ ; ಮತ್ತಿಂಥ ಘಮ್ಮನೆ ಹೊತ್ತು <br /> ಎಂದು ಬರುವುದೊ ಈ ಜಕ್ಕವಕ್ಕಿಗೆ ಬೊಮ್ಮಂಗು ಇಲ್ಲ ಗೊತ್ತು</p>.<p>ನೋಡಿ ಮೆಚ್ಚಿರಿ, ಬೇಡಿ ಪಡೆದಿರಬೇಕಿಂಥ ನಿರಂಬಳದ ವರವ<br /> ಎವೆ ಮುಚ್ಚಿ ಬಚ್ಚಿಟ್ಟುಕೊಂಡಿದ್ದಾಳೆ ಹುಡುಗಿ ಚುಂಬನದ ಚಣವ<br /> ಹೂವುಟ್ಟು ಹೂತೊಟ್ಟು ಹುವ್ವ ಕಿರೀಟವನ್ನಿಟ್ಟು ಸಂಚಾರ ಬಂದ ವನದೇವಿ<br /> ಒಪ್ಪಿಸಿದಳೆ ಮೊಗವ ಅಡವಿದೊಂಗನಿಗೊಲಿದು ತೋಳಮಾಲೆಯ ಸೂಡಿ</p>.<p>ಉಪ್ಪಿರದ ಹೆಮ್ಮೆ, ಸಪ್ಪೆ ಮೀಮಾಂಸೆ, ಮಲಗಿಬಿಟ್ಟಿವೆ ಮಕಾಡೆ <br /> ತರ್ಕ ಸಿದ್ಧಾಂತ ; ಕದದ ಹಿಂದಡಗಿವೆ ತಂತ್ರಮಂತ್ರ ; ಶುದ್ಧಪ್ರೇಮ<br /> ದ ಇದಿರು ಕೆಲ ಅವಧಿಗಾದರೂ ತಲೆಮರೆಸಿಕೊಂಡಿದೆ ಯುದ್ಧವಾಂಛೆ <br /> ಮಜ್ಜೆಕುಗ್ಗಿಸಿ ಲಜ್ಜೆಗೊಂಡಿದೆ ದ್ವೇಷದೊಂದಿಯ ಕೊಳ್ಳಿದೆವ್ವ</p>.<p>ಅದು ಹೇಗೊ ಸಂಧಿಸಿದೆ ಮೆದೆರಂಗು ಕುಸುಮರಾಜಿಯ ನಡುವೆ<br /> ಇಂಥ ಏಕಾಂತ ವೇಳೆ; ಎಷ್ಟು ಅಂಗೈಭಾಷೆ ಮುಂಗಣ್ಣ ಸನ್ನೆ<br /> ಗಳಡಗಿವೆಯೊ ಈ ಮುತ್ತ ಹಿಂದೆ! ಎಲ್ಯ್ವ ಹೊದರಮರೆಯಲಿ<br /> ಸಂಚು ನಡೆದಿದೆಯೊ ಈ ಮೈಮರೆತ ಮುದ್ರಾಭಂಗಿ ಛಿದ್ರಭಂಗಕ್ಕೆ</p>.<p>ಹೇ ಸ್ಥಗಿತಗೊಳ್ಳಿರಿ ಆಕಾಶಕಾಯಗಳೆ, ಇದು ಕವಿಯ ಶಾಪ!<br /> ಇದ್ದುಬಿಡಲೀ ಹೀಗೆ ಮುದ್ದುಗರೆವೀ ಜೀವ ; ಬಾಧಿಸದಿರಲಿ<br /> ಇವರ ಅಕ್ಕಿಬೇಳೆಯ ವ್ಯಾಜ್ಯ, ಕಂಗೆಡಿಸದಿರಲಿ ನೀರುನಿಡಿ ನಿತ್ಯ<br /> ಯಾವುದಿರದಿದ್ದರೂ ನಡೆದೀತು, ಪ್ರೀತಿಯಿಲ್ಲದ ಮೇಲೆ <br /> ಹೇಗೆ ನಡೆದೀತು ಲೋಕಲೀಲೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>