T20 ವಿಶ್ವಕಪ್: ನೆದರ್ಲೆಂಡ್ಸ್‌ ವಿರುದ್ಧ ಸುಲಭ ಜಯ ದಾಖಲಿಸಿದ ಭಾರತ

ಅಹಮದಾಬಾದ್: ಹೆಚ್ಚು ಅನುಭವವಿಲ್ಲದ ನೆದರ್ಲೆಂಡ್ಸ್ ಬೌಲರ್ ಗಳ ಮುಂದೆ ಭಾರತದ ಅಗ್ರ ಬ್ಯಾಟರ್ಗಳು ಎಡವಿದರು. ಬ್ಯಾಟಿಂಗ್ನಲ್ಲಿಯೂ ಡಚ್ ಆಟಗಾರರು ವಿರೋಚಿತ ಹೋರಾಟ ಪ್ರದರ್ಶಿಸಿದರು. ಆದರೂ ಭಾರತವು ಪ್ರಯಾಸದ ಗೆಲುವು ಸಾಧಿಸಿತು.

ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಶಿವಂ ದುಬೆ (66; 31ಎ, 4x4, 6x6) ಅವರ ಬ್ಯಾಟಿಂಗ್ ಬಲದಿಂದ ಭಾರತ ತಂಡವು 20 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 193 ರನ್ ಗಳಿಸಿತು. ಅವರಿಗೆ ಹಾರ್ದಿಕ್ ಪಾಂಡ್ಯ (30; 21ಎ, 6x3) ಉತ್ತಮ ಜೊತೆ ನೀಡಿದರು. ಐದನೇ ವಿಕೆಟ್ ಜತೆಯಾಟದಲ್ಲಿ 76 (35ಎ) ರನ್ ಸೇರಿಸಿ ದರು. ಗುರಿ ಬೆನ್ನಟ್ಟಿದ ನೆದರ್ಲೆಂಡ್ಸ್ ತಂಡವು 20 ಓವರ್ಗಳಲ್ಲಿ 7 ವಿಕೆಟ್ ಗಳಿಗೆ 176 ರನ್ ಗಳಿಸಿತು. ದುಬೆ (35ಕ್ಕೆ2) ಬೌಲಿಂಗ್ನಲ್ಲಿಯೂ ಮಿಂಚಿದರು. 17 ರನ್ಗಳ ಅಂತರದಿಂದ ಸೂರ್ಯ ಕುಮಾರ್ ಯಾದವ್ ಪಡೆ ಗೆದ್ದಿತು.

ಬ್ಯಾಟರ್ಗಳ ವೈಫಲ್ಯ: ಟಾಸ್ ಗೆದ್ದ ಭಾರತ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಸ್ಪಿನ್ನರ್ ಆರ್ಯನ್ ದತ್ ಅವರನ್ನು ದಾಳಿಗಿಳಿಸಿದ ನೆದರ್ಲೆಂಡ್ಸ್ ಯೋಜನೆ ಕೈಗೂಡಿತು. ಮೊದಲ ಓವರ್ನ ಮೂರನೇ ಎಸೆತದಲ್ಲಿಯೇ ‘ಸ್ಫೋಟಕ ಶೈಲಿ’ಯ ಆಟಗಾರ ಅಭಿಷೇಕ್ ಶರ್ಮಾ ಕ್ಲೀನ್ಬೌಲ್ಡ್ ಆದರು. ಈ ಟೂರ್ನಿಯಲ್ಲಿ ತಾವು ಆಡಿದ ಎಲ್ಲ ಮೂರು ಪಂದ್ಯಗಳಲ್ಲಿಯೂ ಸೊನ್ನೆ ಸುತ್ತಿದರು.

ಪಾಕ್ ಎದುರಿನ ಪಂದ್ಯದ ಗೆಲುವಿನ ರೂವಾರಿ ಇಶಾನ್ ಕಿಶನ್ (18; 7ಎ, 4x2, 6x1) ಉತ್ತಮವಾಗಿ ಆಡುತ್ತಿರು ವಾಗಲೇ ಆರ್ಯನ್ ಹಾಕಿದ ಎಸೆತದಲ್ಲಿ ಬೌಲ್ಡ್ ಆದರು. ಈ ಹಂತದಲ್ಲಿ ತಿಲಕ್ ವರ್ಮಾ (31; 27ಎ) ಮತ್ತು ನಾಯಕ ಸೂರ್ಯಕುಮಾರ್ ಯಾದವ್ (34; 28ಎ) ಅವರು ಇನಿಂಗ್ಸ್ಗೆ ಸ್ಥಿರತೆ ಒದಗಿಸುವ ಪ್ರಯತ್ನ ಮಾಡಿದರು. 3ನೇ ವಿಕೆಟ್ ಜೊತೆಯಾಟದಲ್ಲಿ 30 ರನ್ ಸೇರಿಸಿದರು.

ಲೊಗನ್ ವ್ಯಾನ್ ಬೀಕ್ ಎಸೆತವನ್ನು ತಿಲಕ್ ಅವರು ಎತ್ತರಕ್ಕೆ ಹೊಡೆದರು. 41 ವರ್ಷದ ರೋಯಲ್ಫ್ ವ್ಯಾನ್ ಡೆರ್ ಮರ್ವೆ ಅವರು ಪಡೆದ ಆಕರ್ಷಕ ಕ್ಯಾಚ್ಗೆ ತಿಲಕ್ ಆಟಕ್ಕೆ ತೆರೆಬಿತ್ತು. ಐದು ಓವರ್ಗಳ ನಂತರ ಸೂರ್ಯ ವಿಕೆಟ್ ಕೈಲ್ ಕ್ಲೀನ್ ಅವರ ಪಾಲಾಯಿತು. ಆಗ ತಂಡದ ಮೊತ್ತವು 4ಕ್ಕೆ110 ಆಗಿತ್ತು. ಇನಿಂಗ್ಸ್ನಲ್ಲಿ ಇನ್ನೂ 6.3 ಓವರ್ಗಳು ಬಾಕಿ ಇದ್ದವು.

ದುಬೆ ಆರಂಭಿಕ ಹಂತದಲ್ಲಿ ಎಚ್ಚರಿಕೆಯಿಂದ ಆಡಿದರು. ಇನ್ನೊಂದು ಬದಿಯಲ್ಲಿ ಹಾರ್ದಿಕ್ ದೊಡ್ಡ ಹೊಡೆತಕ್ಕೆ ಯತ್ನಿಸಿದರು. ಆದರೆ, ಪೂರ್ಣ ಯಶಸ್ವಿ ಯಾಗಲಿಲ್ಲ. ಕೊನೆಯ ಐದು ಓವರ್ ಗಳಿದ್ದಾಗ ದುಬೆ ಆಟದ ವೇಗ ಹೆಚ್ಚಿಸಿದರು. ಅರ್ಧಡಜನ್ ಸಿಕ್ಸರ್ ಸಿಡಿಸಿದರು. ಆದರೂ ತಂಡಕ್ಕೆ ದ್ವಿಶತಕದ ಗಡಿ ಮುಟ್ಟಲು ಸಾಧ್ಯವಾಗಲಿಲ್ಲ.

ಡಚ್ ಬ್ಯಾಟರ್ಗಳ ಆಟ: ಮಿಚೆಲ್ ಲೆವಿಟ್ (24 ರನ್) ಮತ್ತು ಮ್ಯಾಕ್ ಒಡೌಡ್ (20 ರನ್) ಉತ್ತಮ ಆರಂಭ ನೀಡಿದರು. ಆರ್ಯನ್ ದತ್ ಅವರು ಖಾತೆ ತೆರೆಯಲಿಲ್ಲ. ಅವರನ್ನು ಬಿಟ್ಟರೆ ಉಳಿದೆಲ್ಲ ಬ್ಯಾಟರ್ಗಳು ಉತ್ತಮವಾಗಿ ಬ್ಯಾಟಿಂಗ್ ಮಾಡಿದರು. ಆದರೆ ಅವರು ದೀರ್ಘ ಜೊತೆಯಾಟಕ್ಕೆ ಕುದುರುವ ಮುನ್ನವೇ ಸ್ಪಿನ್ನರ್ ವರುಣ್ ಚಕ್ರವರ್ತಿ (14ಕ್ಕೆ3) ಅವರು ಕಡಿವಾಣ ಹಾಕಿದರು. ಅವರಿಗೆ ಉಳಿದ ಬೌಲರ್ಗಳೂ ಸಾಥ್ ನೀಡಿದರು. ಇದರಿಂದಾಗಿ ತಂಡವು 15.5 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 125 ರನ್ ಗಳಿಸಿತು. ಜ್ಯಾಕ್ ಲಯನ್ ಕ್ಯಾಚೆಟ್ (26 ರನ್) ಮತ್ತು ನೋಹ್ ಕ್ರೊಸ್ (ಔಟಾಗದೇ 25) ಅವರು ಬೀಸಾಟದ ಮೂಲಕ ಭಾರತ ತಂಡಕ್ಕೆ ಸವಾಲೊಡ್ಡಿದರು. ಈ ಹಂತದಲ್ಲಿ ಭಾರತದ ಫೀಲ್ಡರ್ಗಳು ಕೆಲವು ಕ್ಯಾಚ್ಗಳನ್ನು ಕೈಚೆಲ್ಲಿದರು.

ಕೊನೆಯ ಓವರ್ನಲ್ಲಿ ಗೆಲುವಿಗೆ 28 ರನ್ಗಳ ಅಗತ್ಯವಿತ್ತು. ಈ ಓವರ್ ಬೌಲಿಂಗ್ ಮಾಡಿದ ದುಬೆ ಕೇವಲ 10 ರನ್ ಕೊಟ್ಟರು. ಗೆಲುವು ಸಾಧ್ಯವಾಯಿತು

ಭಾರತ ತಂಡವು ಈಗಾಗಲೇ ಸೂಪರ್ ಎಂಟರ ಹಂತಕ್ಕೆ ಪ್ರವೇಶ ಗಿಟ್ಟಿಸಿದೆ. ಈ ಪಂದ್ಯವು ಔಪಚಾರಿಕ ವಾಗಿತ್ತು. ಆದ್ದರಿಂದ ತಂಡದಲ್ಲಿ ಎರಡು ಬದಲಾವಣೆಗಳ ಪ್ರಯೋಗವನ್ನೂ ಮಾಡಿತು. ಉಪನಾಯಕ ಅಕ್ಷರ್ ಪಟೇಲ್ ಮತ್ತು ಸ್ಪಿನ್ನರ್ ಕುಲದೀಪ್ ಯಾದವ್ ಅವರಿಗೆ ವಿಶ್ರಾಂತಿ ಕೊಟ್ಟು, ವಾಷಿಂಗ್ಟನ್ ಸುಂದರ್ ಮತ್ತು ವೇಗಿ ಅರ್ಷದೀಪ್ ಸಿಂಗ್ ಅವರನ್ನು ಕಣಕ್ಕಿಳಿಸಲಾಯಿತು.

ಸಂಕ್ಷಿಪ್ತ ಸ್ಕೋರು: ಭಾರತ: 20 ಓವರ್ಗಳಲ್ಲಿ 6 ವಿಕೆಟ್ಗಳಿಗೆ 193 (ಇಶಾನ್ ಕಿಶನ್ 18, ತಿಲಕ್ ವರ್ಮಾ 31, ಸೂರ್ಯಕುಮಾರ್ ಯಾದವ್ 34, ಶಿವಂ ದುಬೆ 66, ಹಾರ್ದಿಕ್ ಪಾಂಡ್ಯ 30, ಆರ್ಯನ್ ದತ್ 19ಕ್ಕೆ2, ಲೊಗಾನ್ ವ್ಯಾನ್ ಬೀಕ್ 56ಕ್ಕೆ3) ನೆದರ್ಲೆಂಡ್ಸ್: 20 ಓವರ್ಗಳಲ್ಲಿ 7ಕ್ಕೆ176 (ಮಿಚೆಲ್ ಲೆವಿಟ್ 24, ಮ್ಯಾಕ್ ಒ ಡೌಡ್ 20, ಬ್ಯಾಸ್ ಡಿ ಲೀಡ್ 33, ಕಾಲಿನ ಎಕರ್ಮನ್ 23, ಜ್ಯಾಕ್ ಲಯನ್ ಕ್ಯಾಚೆಟ್ 26, ನೊಹ್ ಕ್ರೋಸ್ ಔಟಾಗದೇ 25, ವರುಣ್ ಚಕ್ರವರ್ತಿ 14ಕ್ಕೆ3, ಶಿವಂ ದುಬೆ 35ಕ್ಕೆ2) ಫಲಿತಾಂಶ: ಭಾರತ ತಂಡಕ್ಕೆ 17 ರನ್ ಜಯ. ಪಂದ್ಯದ ಆಟಗಾರ: ಶಿವಂ ದುಬೆ.

. 66 ರನ್

31 ಎಸೆತ

4 ಬೌಂಡರಿ

6 ಸಿಕ್ಸರ್

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

T20 ವಿಶ್ವಕಪ್: ನೆದರ್ಲೆಂಡ್ಸ್‌ ವಿರುದ್ಧ ಸುಲಭ ಜಯ ದಾಖಲಿಸಿದ ಭಾರತ

ಚಿನಕುರುಳಿ ಕಾರ್ಟೂನು: 13 ಮಾರ್ಚ್ 2026

ಬಿಡದಿಯ ವಂಡರ್‌ಲಾ ಬಳಿ ಡಿ.ಕೆ.ಶಿವಕುಮಾರ್ ಭೇಟಿ ಮಾಡಿದ ವೀರಪ್ಪನ್ ಪುತ್ರಿ

8 ವರ್ಷ ಕ್ಯಾನ್ಸರ್‌, 3 ವರ್ಷ UPSC: 946ನೇ ರ‍್ಯಾಂಕ್ ಪಡೆದ ಸಂಜಯ್ ಹೋರಾಟದ ಹಾದಿ

ಬೈರತಿ ಸುರೇಶ್ 2ನೇ ಸಿಎಂ, ಹಾಗೆ ನೋಡಿದರೆ ಮುಖ್ಯಮಂತ್ರಿಗಿಂತ ಪವರ್‌ಫುಲ್‌: ಜಿಟಿಡಿ

'ನಮನ್ ಪ್ರಶಸ್ತಿ' ಸಮಾರಂಭದಲ್ಲಿ ಟಿ20 ವಿಶ್ವಕಪ್ ವಿಜೇತ ಭಾರತ ತಂಡ‌ಕ್ಕೆ ಸನ್ಮಾನ

ಸ್ನೇಹಿತ ಕುಲದೀಪ್ ಯಾದವ್ ಹಳದಿ ಶಾಸ್ತ್ರದಲ್ಲಿ ಭಾಗಿಯಾದ ಕ್ರಿಕೆಟಿಗ ಚಾಹಲ್‌

ಧಾರವಾಡ: ಕ್ರೀಡಾ ಸಂಕೀರ್ಣ ಉದ್ಘಾಟನೆ ಇಂದು

ಇಂಡಿಯನ್ ಸೂಪರ್‌ ಲೀಗ್‌: ಬಿಎಫ್‌ಸಿಗೆ ಬಾಗನ್ ಸವಾಲು

ಒಳನೋಟ: ಸವಾಲು ಮೆಟ್ಟಿ ಉದ್ಯಮ ಕಟ್ಟಿ

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಚಿನಕುರುಳಿ ಕಾರ್ಟೂನು: 13 ಮಾರ್ಚ್ 2026

ಬಿಡದಿಯ ವಂಡರ್‌ಲಾ ಬಳಿ ಡಿ.ಕೆ.ಶಿವಕುಮಾರ್ ಭೇಟಿ ಮಾಡಿದ ವೀರಪ್ಪನ್ ಪುತ್ರಿ

8 ವರ್ಷ ಕ್ಯಾನ್ಸರ್‌, 3 ವರ್ಷ UPSC: 946ನೇ ರ‍್ಯಾಂಕ್ ಪಡೆದ ಸಂಜಯ್ ಹೋರಾಟದ ಹಾದಿ

ಬೈರತಿ ಸುರೇಶ್ 2ನೇ ಸಿಎಂ, ಹಾಗೆ ನೋಡಿದರೆ ಮುಖ್ಯಮಂತ್ರಿಗಿಂತ ಪವರ್‌ಫುಲ್‌: ಜಿಟಿಡಿ