ಫುಟ್‌ಬಾಲ್: ಡಿವೈಎಸ್‌ಎಸ್ ತಂಡಕ್ಕೆ ಗೆಲುವು

ಬೆಂಗಳೂರು: ಡಿವೈಎಸ್‌ಎಸ್ ತಂಡ ಬಿಡಿಎಫ್‌ಎ ಆಶ್ರಯದಲ್ಲಿ ಇಲ್ಲಿ ನಡೆಯುತ್ತಿರುವ `ಎ~ ಡಿವಿಷನ್ ಫುಟ್‌ಬಾಲ್ ಲೀಗ್ ಚಾಂಪಿಯನ್‌ಷಿಪ್‌ನ ಸೋಮವಾರದ ಪಂದ್ಯದಲ್ಲಿ 2-0ಗೋಲುಗಳಿಂದ ಧರ್ಮರಾಜ್ ಯೂನಿಯನ್ ಎದುರು ಜಯಿಸಿತು.



ರಾಜ್ಯ ಫುಟ್‌ಬಾಲ್ ಸಂಸ್ಥೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ವಿಜಯಿ ತಂಡದ ಹರೀಶ್ ಹಾಗೂ ರವಿಕಿರಣ್ ಕ್ರಮವಾಗಿ 35 ಮತ್ತು 80ನೇ ನಿಮಿಷದಲ್ಲಿ ತಲಾ ಒಂದು ಗೋಲು ಗಳಿಸಿದರು.



ಇನ್ನೊಂದು ಪಂದ್ಯದಲ್ಲಿ ಎಜಿಒಆರ್‌ಸಿ 2-1 ಗೋಲುಗಳಿಂದ ಸದರ್ನ್ ಬ್ಲೂಸ್ ಎದುರು ಜಯ ಪಡೆಯಿತು. ಎಜಿಒಆರ್‌ಸಿ ತಂಡದ ಪ್ರವೀಣ್ (17ನೇ ನಿಮಿಷ) ಮತ್ತು ಲೊಕೇಶ್ (37ನೇ ನಿ.) ಗೋಲು ಗಳಿಸಿದರೆ, ಸದರ್ನ್ ತಂಡದ ಏಕೈಕ ಗೋಲನ್ನು ವಿಜಯ್ ಕುಮಾರ್ 31ನೇ ನಿಮಿಷದಲ್ಲಿ ಗಳಿಸಿದರು.