<p><strong>ಲಂಡನ್ (ರಾಯಿಟರ್ಸ್): </strong>ಅಮೋಘ ಪ್ರದರ್ಶನದ ಮೂಲಕ ಮಿಂಚು ಹರಿಸುತ್ತಿರುವ ಜರ್ಮನಿಯ ಸಬೀನ್ ಲಿಸಿಕಿ ವಿಂಬಲ್ಡನ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.<br /> <br /> ಆಲ್ ಇಂಗ್ಲೆಂಡ್ ಟೆನಿಸ್ ಕ್ಲಬ್ನ ಸೆಂಟರ್ ಕೋರ್ಟ್ನಲ್ಲಿ ಗುರುವಾರ ನಡೆದ ಸೆಮಿಫೈನಲ್ ಹೋರಾಟದಲ್ಲಿ ಲಿಸಿಕಿ 6-4, 2-6, 9-7ರಲ್ಲಿ ಪೋಲೆಂಡ್ನ ಅಗ್ನಿಸ್ಕಾ ರಾಡ್ವಾಂಸ್ಕಾ ಅವರಿಗೆ ಆಘಾತ ನೀಡಿದರು.<br /> <br /> ಹಾಲಿ ಚಾಂಪಿಯನ್ ಸೆರೆನಾ ವಿಲಿಯಮ್ಸ ಅವರನ್ನು ಮಣಿಸಿದ್ದ ಲಿಸಿಕಿಗೆ ಈ ಪಂದ್ಯದಲ್ಲಿ ಭಾರಿ ಪ್ರತಿರೋಧ ವ್ಯಕ್ತವಾಯಿತು. 23ನೇ ಶ್ರೇಯಾಂಕದ ಈ ಆಟಗಾರ್ತಿ ಎರಡನೇ ಸೆಟ್ನಲ್ಲಿ ಸೋಲು ಕಂಡು ಒತ್ತಡಕ್ಕೆ ಸಿಲುಕಿದ್ದರು. ಆದರೆ ನಿರ್ಣಾಯಕ ಸೆಟ್ನಲ್ಲಿ ಅದ್ಭುತ ಪ್ರದರ್ಶನದ ಮೂಲಕ ತಿರುಗೇಟು ನೀಡಿದರು.<br /> <br /> ಎರಡು ವರ್ಷಗಳ ಹಿಂದೆ ಸೆಮಿಫೈನಲ್ನಲ್ಲಿ ಮರಿಯಾ ಶರ್ಪೋವಾ ಎದುರು ಸೋಲು ಕಂಡಿದ್ದ ಲಿಸಿಕಿ ಈ ಬಾರಿಯ ಫೈನಲ್ನಲ್ಲಿ ಫ್ರಾನ್ಸ್ನ ಮರಿಯಾನ್ ಬಾರ್ತೋಲಿ ಎದುರು ಪೈಪೋಟಿ ನಡೆಸಲಿದ್ದಾರೆ. ಲಿಸಿಕಿ ಅವರ ಪಾಲಿಗೆ ವಿಂಬಲ್ಡನ್ನಲ್ಲಿ ಇದು ಚೊಚ್ಚಲ ಫೈನಲ್.<br /> <br /> ಮತ್ತೊಂದು ಸೆಮಿಫೈನಲ್ನಲ್ಲಿ ಬೆಲ್ಜಿಯಂನ ಕರ್ಸ್ಟನ್ ಫ್ಲಿಪ್ಕೆನ್ಸ್ ಅವರ ಸವಾಲು ಮೆಟ್ಟಿ ನಿಂತ 15ನೇ ಶ್ರೇಯಾಂಕದ ಬಾರ್ತೋಲಿ ಪ್ರಶಸ್ತಿ ಸುತ್ತು ತಲುಪಿದರು. ಅವರು ನಾಲ್ಕರ ಘಟ್ಟದ ಪಂದ್ಯದಲ್ಲಿ 6-1, 6-2ರಲ್ಲಿ ಸುಲಭವಾಗಿ ಗೆದ್ದಿದ್ದು ವಿಶೇಷ. ಎರಡೂ ಸೆಟ್ಗಳಲ್ಲಿ ಕೊಂಚವೂ ಪ್ರತಿರೋಧ ವ್ಯಕ್ತವಾಗಲಿಲ್ಲ.<br /> <br /> <strong>ಭಾರತದವರಿಗೆ ನಿರಾಸೆ:</strong> ಭಾರತದ ರೋಹನ್ ಬೋಪಣ್ಣ ಹಾಗೂ ಲಿಯಾಂಡರ್ ಪೇಸ್ ಸೆಮಿಫೈನಲ್ನಲ್ಲಿ ನಿರಾಸೆ ಅನುಭವಿಸಿದರು.<br /> <br /> ಪುರುಷರ ಡಬಲ್ಸ್ನಲ್ಲಿ ಫ್ರಾನ್ಸ್ನ ರೋಜರ್ ವಾಸೆಲಿನ್ ಜೊತೆಗೂಡಿ ಆಡುತ್ತಿರುವ ಬೋಪಣ್ಣ 7-6, 4-6, 3-6, 7-5, 3-6ರಲ್ಲಿ ಅಮೆರಿಕದ ಸಹೋದರರಾದ ಮೈಕ್ ಹಾಗೂ ಬಾಬ್ ಬ್ರಯಾನ್ ಎದುರು ಸೋಲು ಕಂಡರು. ಐದು ಸೆಟ್ಗಳ ಮ್ಯಾರಥಾನ್ ಹೋರಾಟ ಕ್ಷಣಕ್ಷಣಕ್ಕೂ ಕುತೂಹಲ ಮೂಡಿಸುತ್ತಾ ಹೋಯಿತು.<br /> <br /> ಜೆಕ್ ಗಣರಾಜ್ಯದ ರಾಡೆಕ್ ಸ್ಟೆಪನೆಕ್ ಜೊತೆಗೂಡಿ ಆಡುತ್ತಿರುವ ಲಿಯಾಂಡರ್ ಪೇಸ್ ಡಬಲ್ಸ್ ವಿಭಾಗದ ಮತ್ತೊಂದು ನಾಲ್ಕರ ಘಟ್ಟದ ಪಂದ್ಯದಲ್ಲಿ 6-3, 4-6, 1-6, 6-3, 3-6ರಲ್ಲಿ ಕ್ರೊಯೇಷ್ಯಾದ ಇವಾನ್ ಡಾಡಿಗ್ ಹಾಗೂ ಮಾರ್ಸೆಲೊ ಮೆಲೊ ಎದುರು ಪರಾಭವಗೊಂಡರು.<br /> <br /> ಮಿಶ್ರ ಡಬಲ್ಸ್ನಲ್ಲಿ ಸಾನಿಯಾ ಮಿರ್ಜಾ ಹಾಗೂ ರುಮೇನಿಯಾದ ಹೊರಿಯಾ ಟೆಕಾವು ಕ್ವಾರ್ಟರ್ ಫೈನಲ್ನಲ್ಲಿ ಪರಾಭವಗೊಂಡರು. ಅವರು 6-7, 6-7ರಲ್ಲಿ ಕೆನಡಾದ ಡೇನಿಯಲ್ ನೆಸ್ಟೋರ್ ಹಾಗೂ ಫ್ರಾನ್ಸ್ನ ಕ್ರಿಸ್ಟಿನಾ ಲಾಡೆನ್ವಿಕ್ ಎದುರು ನಿರಾಸೆ ಅನುಭವಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ರಾಯಿಟರ್ಸ್): </strong>ಅಮೋಘ ಪ್ರದರ್ಶನದ ಮೂಲಕ ಮಿಂಚು ಹರಿಸುತ್ತಿರುವ ಜರ್ಮನಿಯ ಸಬೀನ್ ಲಿಸಿಕಿ ವಿಂಬಲ್ಡನ್ ಟೆನಿಸ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ನಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.<br /> <br /> ಆಲ್ ಇಂಗ್ಲೆಂಡ್ ಟೆನಿಸ್ ಕ್ಲಬ್ನ ಸೆಂಟರ್ ಕೋರ್ಟ್ನಲ್ಲಿ ಗುರುವಾರ ನಡೆದ ಸೆಮಿಫೈನಲ್ ಹೋರಾಟದಲ್ಲಿ ಲಿಸಿಕಿ 6-4, 2-6, 9-7ರಲ್ಲಿ ಪೋಲೆಂಡ್ನ ಅಗ್ನಿಸ್ಕಾ ರಾಡ್ವಾಂಸ್ಕಾ ಅವರಿಗೆ ಆಘಾತ ನೀಡಿದರು.<br /> <br /> ಹಾಲಿ ಚಾಂಪಿಯನ್ ಸೆರೆನಾ ವಿಲಿಯಮ್ಸ ಅವರನ್ನು ಮಣಿಸಿದ್ದ ಲಿಸಿಕಿಗೆ ಈ ಪಂದ್ಯದಲ್ಲಿ ಭಾರಿ ಪ್ರತಿರೋಧ ವ್ಯಕ್ತವಾಯಿತು. 23ನೇ ಶ್ರೇಯಾಂಕದ ಈ ಆಟಗಾರ್ತಿ ಎರಡನೇ ಸೆಟ್ನಲ್ಲಿ ಸೋಲು ಕಂಡು ಒತ್ತಡಕ್ಕೆ ಸಿಲುಕಿದ್ದರು. ಆದರೆ ನಿರ್ಣಾಯಕ ಸೆಟ್ನಲ್ಲಿ ಅದ್ಭುತ ಪ್ರದರ್ಶನದ ಮೂಲಕ ತಿರುಗೇಟು ನೀಡಿದರು.<br /> <br /> ಎರಡು ವರ್ಷಗಳ ಹಿಂದೆ ಸೆಮಿಫೈನಲ್ನಲ್ಲಿ ಮರಿಯಾ ಶರ್ಪೋವಾ ಎದುರು ಸೋಲು ಕಂಡಿದ್ದ ಲಿಸಿಕಿ ಈ ಬಾರಿಯ ಫೈನಲ್ನಲ್ಲಿ ಫ್ರಾನ್ಸ್ನ ಮರಿಯಾನ್ ಬಾರ್ತೋಲಿ ಎದುರು ಪೈಪೋಟಿ ನಡೆಸಲಿದ್ದಾರೆ. ಲಿಸಿಕಿ ಅವರ ಪಾಲಿಗೆ ವಿಂಬಲ್ಡನ್ನಲ್ಲಿ ಇದು ಚೊಚ್ಚಲ ಫೈನಲ್.<br /> <br /> ಮತ್ತೊಂದು ಸೆಮಿಫೈನಲ್ನಲ್ಲಿ ಬೆಲ್ಜಿಯಂನ ಕರ್ಸ್ಟನ್ ಫ್ಲಿಪ್ಕೆನ್ಸ್ ಅವರ ಸವಾಲು ಮೆಟ್ಟಿ ನಿಂತ 15ನೇ ಶ್ರೇಯಾಂಕದ ಬಾರ್ತೋಲಿ ಪ್ರಶಸ್ತಿ ಸುತ್ತು ತಲುಪಿದರು. ಅವರು ನಾಲ್ಕರ ಘಟ್ಟದ ಪಂದ್ಯದಲ್ಲಿ 6-1, 6-2ರಲ್ಲಿ ಸುಲಭವಾಗಿ ಗೆದ್ದಿದ್ದು ವಿಶೇಷ. ಎರಡೂ ಸೆಟ್ಗಳಲ್ಲಿ ಕೊಂಚವೂ ಪ್ರತಿರೋಧ ವ್ಯಕ್ತವಾಗಲಿಲ್ಲ.<br /> <br /> <strong>ಭಾರತದವರಿಗೆ ನಿರಾಸೆ:</strong> ಭಾರತದ ರೋಹನ್ ಬೋಪಣ್ಣ ಹಾಗೂ ಲಿಯಾಂಡರ್ ಪೇಸ್ ಸೆಮಿಫೈನಲ್ನಲ್ಲಿ ನಿರಾಸೆ ಅನುಭವಿಸಿದರು.<br /> <br /> ಪುರುಷರ ಡಬಲ್ಸ್ನಲ್ಲಿ ಫ್ರಾನ್ಸ್ನ ರೋಜರ್ ವಾಸೆಲಿನ್ ಜೊತೆಗೂಡಿ ಆಡುತ್ತಿರುವ ಬೋಪಣ್ಣ 7-6, 4-6, 3-6, 7-5, 3-6ರಲ್ಲಿ ಅಮೆರಿಕದ ಸಹೋದರರಾದ ಮೈಕ್ ಹಾಗೂ ಬಾಬ್ ಬ್ರಯಾನ್ ಎದುರು ಸೋಲು ಕಂಡರು. ಐದು ಸೆಟ್ಗಳ ಮ್ಯಾರಥಾನ್ ಹೋರಾಟ ಕ್ಷಣಕ್ಷಣಕ್ಕೂ ಕುತೂಹಲ ಮೂಡಿಸುತ್ತಾ ಹೋಯಿತು.<br /> <br /> ಜೆಕ್ ಗಣರಾಜ್ಯದ ರಾಡೆಕ್ ಸ್ಟೆಪನೆಕ್ ಜೊತೆಗೂಡಿ ಆಡುತ್ತಿರುವ ಲಿಯಾಂಡರ್ ಪೇಸ್ ಡಬಲ್ಸ್ ವಿಭಾಗದ ಮತ್ತೊಂದು ನಾಲ್ಕರ ಘಟ್ಟದ ಪಂದ್ಯದಲ್ಲಿ 6-3, 4-6, 1-6, 6-3, 3-6ರಲ್ಲಿ ಕ್ರೊಯೇಷ್ಯಾದ ಇವಾನ್ ಡಾಡಿಗ್ ಹಾಗೂ ಮಾರ್ಸೆಲೊ ಮೆಲೊ ಎದುರು ಪರಾಭವಗೊಂಡರು.<br /> <br /> ಮಿಶ್ರ ಡಬಲ್ಸ್ನಲ್ಲಿ ಸಾನಿಯಾ ಮಿರ್ಜಾ ಹಾಗೂ ರುಮೇನಿಯಾದ ಹೊರಿಯಾ ಟೆಕಾವು ಕ್ವಾರ್ಟರ್ ಫೈನಲ್ನಲ್ಲಿ ಪರಾಭವಗೊಂಡರು. ಅವರು 6-7, 6-7ರಲ್ಲಿ ಕೆನಡಾದ ಡೇನಿಯಲ್ ನೆಸ್ಟೋರ್ ಹಾಗೂ ಫ್ರಾನ್ಸ್ನ ಕ್ರಿಸ್ಟಿನಾ ಲಾಡೆನ್ವಿಕ್ ಎದುರು ನಿರಾಸೆ ಅನುಭವಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
