<p><strong>ಎಂಜಿನಿಯರಿಂಗ್ ವಿದ್ಯಾರ್ಥಿಗಳ ಪಠ್ಯಪುಸ್ತಕಗಳ ಬೆಲೆ ಕಡಿಮೆಯೇನಿಲ್ಲ. ಅದಕ್ಕೆ ಪರ್ಯಾಯ ಮಾರ್ಗವೆಂಬಂತೆ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳಿಗೆ ಹೊಂದುವಂಥ ಪಠ್ಯಗಳನ್ನು ವಿಶೇಷ್ ಜಯವಂತ್ ಆನ್ಲೈನ್ ಮೂಲಕ ಬಾಡಿಗೆಗೆ ಕೊಡುತ್ತಿದ್ದಾರೆ.</strong><br /> <br /> ಅಬ್ಬಾ ಓದುವಾಗ ಖರೀದಿಸಿದ್ದ ಪುಸ್ತಕಗಳೆಲ್ಲಾ ದೂಳು ಹಿಡಿದಿವೆ. ಹುಳುಗಳು ತಿಂದು ಹಾಕಿವೆ ಎಂದು ಗೊಣಗುತ್ತಾ ಬೆಂಕಿಗೆ ಹಾಕುತ್ತಿದ್ದರು ದಿನೇಶ್. ಎಂಜಿನಿಯರಿಂಗ್ ಓದುವಾಗ ಖರೀದಿಸಿದ್ದ ಇವುಗಳೆಲ್ಲಾ ಯಾರಿಗೂ ಉಪಯೋಗಕ್ಕೆ ಬರಲಿಲ್ಲ. `ಆ ಕಾಲಕ್ಕೇ ಅಪ್ಪನನ್ನು ಕಾಡಿಬೇಡಿ 12 ಸಾವಿರ ರೂ. ಬೆಲೆಯ ಪುಸ್ತಕ ಕೊಂಡಿದ್ದೆ. ಮಕ್ಕಳೂ ಎಂಜಿನಿಯರ್ ಆಗಲಿಲ್ಲ~ ಎನ್ನುತ್ತಾ ಕಣ್ಣೊರೆಸಿಕೊಂಡರು. <br /> <br /> ಓದುವ ಮಕ್ಕಳು ಇರುವ ಹೆಚ್ಚಿನ ಮನೆಗಳಲ್ಲಿ ಈ ಗೋಳು ಖಚಿತವೆನ್ನಿ. ಇತ್ತೀಚೆಗಂತೂ ಜಾಗದ ಸಮಸ್ಯೆ ಬೇರೆ. ಅದೂ ಅಲ್ಲದೆ ಎಲ್ಲಾ ಪಠ್ಯ ಪುಸ್ತಕಗಳ ಬೆಲೆ ಹೆಚ್ಚಾಗಿರುವುದರಿಂದ ಪಾಲಕರ ಜೇಬಿಗೆ ಕತ್ತರಿ ಖಂಡಿತ. <br /> <br /> ಈ ಸಮಸ್ಯೆಗೆ ಪರಿಹಾರ ಏನು ಎಂದು ಇದರ ಬಗ್ಗೆ ಹೆಚ್ಚಿನ ಮಾಹಿತಿ ಕಲೆ ಹಾಕಿದಾಗ ಹೊಸ ಕಲ್ಪನೆ ಮೂಡಿದ್ದು ವಿಶೇಷ್ ಜಯವಂತ್ ಅವರಿಗೆ. ಆನ್ಲೈನ್ ಗುರು ಎಜುಕೇಶನ್ ಸರ್ವಿಸ್ ಪ್ರೈವೇಟ್ ಲಿಮಿಟೆಡ್ ಆರಂಭಿಸಿಕೊಂಡಿರುವ 24 ವರ್ಷದ ಈ ಯುವಕನಿಗೆ ಹಣ ಪೋಲಾಗುತ್ತಿದೆ. ಪುಸ್ತಕಗಳು ದೂಳು ಹಿಡಿಯುತ್ತಿವೆ. <br /> <br /> ಶಿಕ್ಷಣ ಅತ್ಯಂತ ದುಬಾರಿ ಆಗುತ್ತಿರುವುದರಿಂದ ವಿದ್ಯಾಭ್ಯಾಸದಲ್ಲಿ ಆಸಕ್ತಿ ಕಡಿಮೆಯಾಗುತ್ತಿದೆ ಎನಿಸಿದೆ. ಒಂದೂವರೆ ವರ್ಷ ಈ ಬಗ್ಗೆ ಸಂಶೋಧನೆ ಮಾಡಿ `ರೆಂಟ್ ಮೈ ಟೆಕ್ಸ್ಟ್~ ಎಂಬ ವಿನೂತನ ಆನ್ಲೈನ್ ಯೋಜನೆಯನ್ನು ಕೈಗೆತ್ತಿಕೊಂಡಿದ್ದಾರೆ. ತಂದೆ ಜಯವಂತ್ ಹಾಗೂ ಅಣ್ಣ ಗೌತಮ್ ಗುಪ್ತಾ ಬೆಂಬಲ ಇವರಿಗಿದೆ.<br /> <br /> ಕಾನೂನಾತ್ಮಕವಾಗಿಯೇ ವ್ಯವಹರಿಸಬೇಕು ಎಂಬ ಕಾಳಜಿಯಿಂದ ಆರಂಭಿಸಿರುವ ಈ ಯೋಜನೆಯಲ್ಲಿ ಎಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ಅಗತ್ಯವಾದ ಪುಸ್ತಕಗಳನ್ನು ನೀಡಲಾಗುತ್ತದೆ. ಇದೇ ವರ್ಷದ ಸೆ.1ರಂದು ಪ್ರಾರಂಭಿಸಲಾಗಿರುವ ‘www.rentmytext.in’ ಗೆ ಒಮ್ಮೆ ಭೇಟಿ ನೀಡಿದರೆ ಎಲ್ಲಾ ಮಾಹಿತಿಗಳು ಸ್ಪಷ್ಟವಾಗಿ ಸಿಗುತ್ತವೆ. <br /> <br /> ವಿಟಿಯು (ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ) ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಂಜಿನಿಯರಿಂಗ್ ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಬೇಕಾದ ಪುಸ್ತಕಗಳು ಇವರಲ್ಲಿ ಲಭ್ಯ. ಈಗಾಗಲೇ 100ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಇದರ ಪ್ರಯೋಜನ ಪಡೆದಿದ್ದಾರೆ ಎಂಬುದು ಹೆಮ್ಮೆಯ ವಿಷಯ.<br /> <br /> ವಿಶೇಷವೆಂದರೆ ಬೆಂಗಳೂರಿನಲ್ಲಷ್ಟೇ ಅಲ್ಲ, ಕರ್ನಾಟಕದ ಯಾವುದೇ ಮೂಲೆಯಲ್ಲಿರುವ ವಿದ್ಯಾರ್ಥಿ ತನಗೆ ಬೇಕಾದ ಪ್ಯಾಕೇಜನ್ನು ಆನ್ಲೈನ್ ಮೂಲಕ ಆರಿಸಿಕೊಂಡು ವಿಳಾಸ ನೀಡಿದರೆ ಸಾಕು. ಕೆಲವೇ ದಿನಗಳಲ್ಲಿ ಪುಸ್ತಕ ನಿಮ್ಮ ಮನೆ ಮುಂದಿರುತ್ತದೆ. ಹಣ ಪಾವತಿಸಿ ಪುಸ್ತಕ ಸ್ವೀಕರಿಸಿದರಾಯಿತು.<br /> <br /> ಸೆಮಿಸ್ಟರ್ ಪೂರ್ತಿ ಪುಸ್ತಕ ಬಳಸಿಕೊಳ್ಳಬಹುದು. ಪ್ಲಾಸ್ಟಿಕ್ ಹೊದಿಕೆ ಇರುವ ಪುಸ್ತಕದ ಮೇಲೆ ಪೆನ್ನಿನಿಂದ ಬರೆಯುವಂತಿಲ್ಲ. ಪೆನ್ಸಿಲ್ ಬಳಸಬಹುದಷ್ಟೆ. ಹಾಳೆ ಹರಿಯುವುದು ಮಡಚುವುದು ನಿಷಿದ್ಧ. ಬರೆದು ಕೊಳ್ಳುವುದಕ್ಕೆಂದೇ ಸ್ಲಿಪ್ ಇದೆ. ಇದಕ್ಕೆ ಸಂಬಂಧಿಸಿದ ಎಲ್ಲಾ ನಿಯಮಗಳು ಪುಸ್ತಕ ತೆರೆಯುತ್ತಿದ್ದಂತೆ ಎಡಗಡೆ ಕಾಣಿಸುತ್ತವೆ.<br /> <br /> `ಈ ಬಗ್ಗೆ ನಾವು ತುಂಬಾ ಸ್ಟ್ರಿಕ್ಟ್ ಆಗಿದ್ದೇವೆ. ಯಾಕೆಂದರೆ ಮುಂದಿನ ಬಾರಿ ಇದೇ ಪುಸ್ತಕಗಳನ್ನು ಮತ್ತೆ ಬೇರೆಯವರಿಗೆ ನೀಡಬೇಕು. ಪುಸ್ತಕಗಳನ್ನು ಚೆಂದವಾಗಿ ಇಟ್ಟುಕೊಳ್ಳಬೇಕಾದದ್ದು ವಿದ್ಯಾರ್ಥಿಯ ಕರ್ತವ್ಯ~ ಎಂಬುದು ವಿಶೇಷ್ ಅವರ ಗಟ್ಟಿ ನಿಲುವು. ಎಂಜಿನಿಯರಿಂಗ್ ನಾಲ್ಕು ವರ್ಷ ಮುಗಿಸುವವರೆಗೆ ಪುಸ್ತಕಕ್ಕೆಂದೇ ಸುಮಾರು 20-25 ಸಾವಿರ ಖರ್ಚಾಗುತ್ತದೆ. <br /> <br /> ಆದರೆ ನಮ್ಮ ಬಳಿ ಪಡೆದರೆ ಶೇ 60ರಷ್ಟು ಹಣ ಉಳಿತಾಯವಾಗುತ್ತದೆ ಎಂದು ವಿವರಿಸುತ್ತಾರೆ ಅವರು. ಪುಸ್ತಕದ ಬಗ್ಗೆ ಅತ್ಯಂತ ಕಾಳಜಿ ವಹಿಸಿರುವ ಇವರು ಉಚಿತವಾಗಿ ಪುಟ್ಟದೊಂದು `ಬುಕ್ ರ್ಯಾಕ್~ನ್ನೂ ನೀಡುತ್ತಾರೆ. ಒಂದು ವೇಳೆ ಪುಸ್ತಕದ ಹಾಳೆಗಳು ಹರಿದರೆ ಇಲ್ಲವೆ ಬೇರೆ ರೀತಿಯಲ್ಲಿ ಹಾನಿ ಮಾಡಿದರೆ ಹೊಸ ಪುಸ್ತಕವನ್ನು ಖರೀದಿಸಿ ಕೊಡಬೇಕು. ಇಲ್ಲವಾದರೆ ಮುಂದಿನ ಸೆಮಿಸ್ಟರ್ನಿಂದ ಪುಸ್ತಕಗಳು ನಿಮಗೆ ತಲುಪುವುದಿಲ್ಲ!<br /> <br /> <strong>ಏನೀ ಪ್ಲಾನ್? </strong><br /> 1) ಮೊದಲಿಗೆ 5000 ರೂ ಕಟ್ಟಬೇಕು. ನಂತರ ಪ್ರತೀ ಸೆಮಿಸ್ಟರ್ನಲ್ಲಿ ಪಡೆಯಲಾಗುವ ಪುಸ್ತಕಗಳ ಬೆಲೆಯ ಶೇ 20ರಷ್ಟು ಹಣವನ್ನು ಮಾತ್ರ ಪಾವತಿಸಿದರೆ ಆಯಿತು. ಕೊನೆಯಲ್ಲಿ ನಾಲ್ಕು ಸೆಮಿಸ್ಟರ್ನ ಹಣದ ಲೆಕ್ಕ ಹಾಕಿದರೆ 9 ಸಾವಿರ ಖರ್ಚಾಗಿರುತ್ತದೆ. <br /> 2) ಒಮ್ಮೆಲೇ 5000 ರೂ ಕಟ್ಟಲು ಸಾಧ್ಯವಾಗದವರಿಗಾಗಿ 2ನೇ ಯೋಜನೆಯನ್ನು ಮಾಡಲಾಗಿದೆ. ಮೊದಲಿಗೆ 4000 ರೂ ಕಟ್ಟಿ ನಂತರ ಪ್ರತೀ ಪುಸ್ತಕಕ್ಕೆ ಶೇ 30ರ ಬೆಲೆಯಲ್ಲಿ ಹಣ ಪಾವತಿಸಬೇಕು. ಅಲ್ಲಿಗೆ ನಾಲ್ಕು ವರ್ಷ ಮುಗಿಯುವುದರೊಳಗೆ ಸುಮಾರು 12-13 ಸಾವಿರ ರೂ ಖರ್ಚಾಗುತ್ತದೆ. <br /> <br /> 3) ಬಜೆಟ್ ಪ್ಲಾನ್ನಂತೆ 2500ರೂ ಹಣ ಪಾವತಿಸಿ ಶೇ 40ರ ದರದಲ್ಲಿ ಪುಸ್ತಕ ಕೊಳ್ಳಬಹುದು. <br /> <br /> ಇವುಗಳನ್ನು ಬಿಟ್ಟು ವಿದ್ಯಾರ್ಥಿಗಳಿಗೆ ಅನುಕೂಲ ಮಾಡಿಕೊಡುವ ಉದ್ದೇಶದಿಂದ ವಿಟಿಯು/ ಅಟೊನಾಮಸ್ ಪ್ಯಾಕೇಜ್, ಪಾಪ್ಯುಲರ್ ಪ್ಯಾಕೇಜ್, ಪಿಕ್ ಅಂಡ್ ಚೂಸ್ ಎಂಬ ಅವಕಾಶಗಳೂ ಇವೆ. ಇದಕ್ಕೆ ಸಂಬಂಧಿಸಿದ ಎಲ್ಲಾ ಮಾಹಿತಿಗಳು ಆನ್ಲೈನ್ನಲ್ಲಿ ಲಭ್ಯ.<br /> <br /> ಬೆಂಗಳೂರಿಗರಿಗೆ ಬೇಗ ಪುಸ್ತಕ ತಲುಪಿಸಲು ಸಾಧ್ಯ. ಆರ್ಡರ್ ಮಾಡಿ ಮಧ್ಯಾಹ್ನ 12 ಗಂಟೆಯೊಳಗೆ ಕರೆ ಮಾಡಿದರೆ ಒಂದೇ ದಿನದಲ್ಲಿ ಮನೆಗೆ ತಲುಪಿಸಲಾಗುತ್ತದೆ. ನಗರವನ್ನು ಹೊರತುಪಡಿಸಿ ರಾಜ್ಯದ ಬೇರೆ ಮೂಲೆಗಳಿಗಾದರೆ 5-6 ದಿನ ಬೇಕಾಗುತ್ತದಂತೆ.<br /> <br /> <strong>ಲಾಭ?</strong><br /> ಪುಸ್ತಕಕ್ಕಾಗಿ ಅಲೆಯುವ ತೊಂದರೆ ಇಲ್ಲ. ಒಂದೇ ಕ್ಲಿಕ್ಗೆ ಮನೆ ಮುಂದೆ ಪುಸ್ತಕ ಹಾಜರ್.<br /> <br /> ಕಡಿಮೆ ದರದಲ್ಲಿ ಪುಸ್ತಕ ಲಭ್ಯ.<br /> <br /> ಅವಶ್ಯಕವಾದ ಎಲ್ಲಾ ಮಾಹಿತಿಗಳನ್ನು ಸುಲಭವಾಗಿ ರೆಫರ್ ಮಾಡಬಹುದು.<br /> <br /> ಫೋಟೊ ಕಾಪಿ ಮಾಡುವುದಕ್ಕಿಂತಲೂ ಕಡಿಮೆ ಬೆಲೆ.<br /> <br /> ಒಂದೇ ಪುಸ್ತಕವನ್ನು ಸಾಕಷ್ಟು ಜನ ಬಳಸುವುದರಿಂದ ಮರುಮುದ್ರಣ ಮಾಡಬೇಕಾದ ಅವಶ್ಯಕತೆ ಇಲ್ಲ. ಹೀಗಾಗಿ ಮರಗಳನ್ನು ಉಳಿಸಿದಂತಾಗುತ್ತದೆ.<br /> <strong><br /> ಮುಂದಿನ ಯೋಜನೆ?</strong><br /> ಸದ್ಯಕ್ಕೆ ಮೊದಲ ಸೆಮಿಸ್ಟರ್ನವರೆಗೆ ಬೇಕಾಗುವ ಪುಸ್ತಕ ಲಭಿಸುವಂತೆ ಮಾಡಿದ್ದೇವೆ. ಜನವರಿ ಒಳಗೆ ನಾಲ್ಕೂ ವರ್ಷದ ಪುಸ್ತಕಗಳನ್ನು ಒದಗಿಸುವಂತೆ ಮಾಡುವ ಯೋಜನೆ ಇದೆ.<br /> <br /> ತುಮಕೂರು, ಬಳ್ಳಾರಿ, ಹಾಸನ, ಬೆಳಗಾವಿ ಸೇರಿದಂತೆ ಕರ್ನಾಟಕದ ಎಲ್ಲಾ ಕಡೆ ಈ ಸೇವೆಯನ್ನು ಈಗಾಗಲೇ ಒದಗಿಸಲಾಗಿದ್ದು ಮುಂದಿನ ಜನವರಿ ಸಂದರ್ಭಕ್ಕೆ ಸಂಪೂರ್ಣ ದಕ್ಷಿಣ ಭಾರತದಲ್ಲೂ ಈ ಸೇವೆ ವಿಸ್ತರಿಸುವ ಆಶಯ ನಮ್ಮದು. ಎಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ಸೇವೆ ಪ್ರಾರಂಭಿಸಲಾಗಿದೆ. ಸದ್ಯದಲ್ಲೇ ವೈದ್ಯಕೀಯ ಹಾಗೂ ದಂತ ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಸೇವೆ ಒದಗಿಸುವುದು.<br /> <br /> ಅಂದಹಾಗೆ, `ರೆಂಟ್ ಮೈ ಟೆಕ್ಸ್ಟ್~ಗೆ ಸಂಬಂಧಿಸಿದಂತೆ ಮಾಹಿತಿ ಬೇಕಾದಲ್ಲಿ 92437 86600 ಸಂಖ್ಯೆಗೆ ಬೆಳಿಗ್ಗೆ 9ರಿಂದ ಸಂಜೆ 10ರ ಒಳಗೆ ಕರೆ ಮಾಡಬಹುದು. ಇಲ್ಲವೆ ಎಸ್ಎಂಎಸ್ ಕಳುಹಿಸಿದರೆ ಕಂಪೆನಿಯವರೇ ಕರೆ ಮಾಡಿ ಮಾಹಿತಿ ನೀಡುತ್ತಾರೆ. <br /> <br /> ವೆಬ್ಸೈಟ್ನಲ್ಲಿ `ಫ್ರೀಕ್ವೆಂಟ್ಲಿ ಆಸ್ಕ್ಡ್ ಕ್ವೆಶ್ಚನ್ಸ್~ (ಎಫ್ಎಕ್ಯು) ವಿಭಾಗದಲ್ಲಿ ಎಲ್ಲಾ ಪ್ರಶ್ನೆಗಳಿಗೆ ಉತ್ತರವಿದೆ. ಇಂಗ್ಲಿಷ್ನಲ್ಲಿ ಉತ್ತರಗಳಿದ್ದು 2-3 ವಾರಗಳಲ್ಲಿ ಕನ್ನಡದಲ್ಲೂ ಉತ್ತರ ಲಭ್ಯ. <br /> <br /> ಭಾರತದಲ್ಲೇ ಮೊದಲ ಬಾರಿಗೆ ಇಂಥದ್ದೊಂದು ಯೋಜನೆ ರೂಪಿಸಿರುವ ವಿಶೇಷ್ ಬುಕ್ಸ್ ಜೊತೆ ಸೀಡಿಗಳಿದ್ದರೆ ಅದನ್ನೂ ಒದಗಿಸುತ್ತೇವೆ. ಸೆಮಿಸ್ಟರ್ ನಂತರ ಈ ಪುಸ್ತಕಗಳನ್ನು ನಮ್ಮ ವಿಳಾಸಕ್ಕೆ ಅಂಚೆ ಮೂಲಕ ಕಳುಹಿಸಿದರೆ ಸಾಕು. ವಿದ್ಯಾರ್ಥಿಗಳಿಗಾಗಿ ಎಲ್ಲ ಪ್ರಕ್ರಿಯೆಗಳನ್ನೂ ಸರಳಗೊಳಿಸಿದ್ದೇವೆ ಎಂದು ಮಾಹಿತಿ ನೀಡುತ್ತಾರೆ ವಿಶೇಷ್ ಜಯವಂತ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಎಂಜಿನಿಯರಿಂಗ್ ವಿದ್ಯಾರ್ಥಿಗಳ ಪಠ್ಯಪುಸ್ತಕಗಳ ಬೆಲೆ ಕಡಿಮೆಯೇನಿಲ್ಲ. ಅದಕ್ಕೆ ಪರ್ಯಾಯ ಮಾರ್ಗವೆಂಬಂತೆ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳಿಗೆ ಹೊಂದುವಂಥ ಪಠ್ಯಗಳನ್ನು ವಿಶೇಷ್ ಜಯವಂತ್ ಆನ್ಲೈನ್ ಮೂಲಕ ಬಾಡಿಗೆಗೆ ಕೊಡುತ್ತಿದ್ದಾರೆ.</strong><br /> <br /> ಅಬ್ಬಾ ಓದುವಾಗ ಖರೀದಿಸಿದ್ದ ಪುಸ್ತಕಗಳೆಲ್ಲಾ ದೂಳು ಹಿಡಿದಿವೆ. ಹುಳುಗಳು ತಿಂದು ಹಾಕಿವೆ ಎಂದು ಗೊಣಗುತ್ತಾ ಬೆಂಕಿಗೆ ಹಾಕುತ್ತಿದ್ದರು ದಿನೇಶ್. ಎಂಜಿನಿಯರಿಂಗ್ ಓದುವಾಗ ಖರೀದಿಸಿದ್ದ ಇವುಗಳೆಲ್ಲಾ ಯಾರಿಗೂ ಉಪಯೋಗಕ್ಕೆ ಬರಲಿಲ್ಲ. `ಆ ಕಾಲಕ್ಕೇ ಅಪ್ಪನನ್ನು ಕಾಡಿಬೇಡಿ 12 ಸಾವಿರ ರೂ. ಬೆಲೆಯ ಪುಸ್ತಕ ಕೊಂಡಿದ್ದೆ. ಮಕ್ಕಳೂ ಎಂಜಿನಿಯರ್ ಆಗಲಿಲ್ಲ~ ಎನ್ನುತ್ತಾ ಕಣ್ಣೊರೆಸಿಕೊಂಡರು. <br /> <br /> ಓದುವ ಮಕ್ಕಳು ಇರುವ ಹೆಚ್ಚಿನ ಮನೆಗಳಲ್ಲಿ ಈ ಗೋಳು ಖಚಿತವೆನ್ನಿ. ಇತ್ತೀಚೆಗಂತೂ ಜಾಗದ ಸಮಸ್ಯೆ ಬೇರೆ. ಅದೂ ಅಲ್ಲದೆ ಎಲ್ಲಾ ಪಠ್ಯ ಪುಸ್ತಕಗಳ ಬೆಲೆ ಹೆಚ್ಚಾಗಿರುವುದರಿಂದ ಪಾಲಕರ ಜೇಬಿಗೆ ಕತ್ತರಿ ಖಂಡಿತ. <br /> <br /> ಈ ಸಮಸ್ಯೆಗೆ ಪರಿಹಾರ ಏನು ಎಂದು ಇದರ ಬಗ್ಗೆ ಹೆಚ್ಚಿನ ಮಾಹಿತಿ ಕಲೆ ಹಾಕಿದಾಗ ಹೊಸ ಕಲ್ಪನೆ ಮೂಡಿದ್ದು ವಿಶೇಷ್ ಜಯವಂತ್ ಅವರಿಗೆ. ಆನ್ಲೈನ್ ಗುರು ಎಜುಕೇಶನ್ ಸರ್ವಿಸ್ ಪ್ರೈವೇಟ್ ಲಿಮಿಟೆಡ್ ಆರಂಭಿಸಿಕೊಂಡಿರುವ 24 ವರ್ಷದ ಈ ಯುವಕನಿಗೆ ಹಣ ಪೋಲಾಗುತ್ತಿದೆ. ಪುಸ್ತಕಗಳು ದೂಳು ಹಿಡಿಯುತ್ತಿವೆ. <br /> <br /> ಶಿಕ್ಷಣ ಅತ್ಯಂತ ದುಬಾರಿ ಆಗುತ್ತಿರುವುದರಿಂದ ವಿದ್ಯಾಭ್ಯಾಸದಲ್ಲಿ ಆಸಕ್ತಿ ಕಡಿಮೆಯಾಗುತ್ತಿದೆ ಎನಿಸಿದೆ. ಒಂದೂವರೆ ವರ್ಷ ಈ ಬಗ್ಗೆ ಸಂಶೋಧನೆ ಮಾಡಿ `ರೆಂಟ್ ಮೈ ಟೆಕ್ಸ್ಟ್~ ಎಂಬ ವಿನೂತನ ಆನ್ಲೈನ್ ಯೋಜನೆಯನ್ನು ಕೈಗೆತ್ತಿಕೊಂಡಿದ್ದಾರೆ. ತಂದೆ ಜಯವಂತ್ ಹಾಗೂ ಅಣ್ಣ ಗೌತಮ್ ಗುಪ್ತಾ ಬೆಂಬಲ ಇವರಿಗಿದೆ.<br /> <br /> ಕಾನೂನಾತ್ಮಕವಾಗಿಯೇ ವ್ಯವಹರಿಸಬೇಕು ಎಂಬ ಕಾಳಜಿಯಿಂದ ಆರಂಭಿಸಿರುವ ಈ ಯೋಜನೆಯಲ್ಲಿ ಎಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ಅಗತ್ಯವಾದ ಪುಸ್ತಕಗಳನ್ನು ನೀಡಲಾಗುತ್ತದೆ. ಇದೇ ವರ್ಷದ ಸೆ.1ರಂದು ಪ್ರಾರಂಭಿಸಲಾಗಿರುವ ‘www.rentmytext.in’ ಗೆ ಒಮ್ಮೆ ಭೇಟಿ ನೀಡಿದರೆ ಎಲ್ಲಾ ಮಾಹಿತಿಗಳು ಸ್ಪಷ್ಟವಾಗಿ ಸಿಗುತ್ತವೆ. <br /> <br /> ವಿಟಿಯು (ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ) ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಂಜಿನಿಯರಿಂಗ್ ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಬೇಕಾದ ಪುಸ್ತಕಗಳು ಇವರಲ್ಲಿ ಲಭ್ಯ. ಈಗಾಗಲೇ 100ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಇದರ ಪ್ರಯೋಜನ ಪಡೆದಿದ್ದಾರೆ ಎಂಬುದು ಹೆಮ್ಮೆಯ ವಿಷಯ.<br /> <br /> ವಿಶೇಷವೆಂದರೆ ಬೆಂಗಳೂರಿನಲ್ಲಷ್ಟೇ ಅಲ್ಲ, ಕರ್ನಾಟಕದ ಯಾವುದೇ ಮೂಲೆಯಲ್ಲಿರುವ ವಿದ್ಯಾರ್ಥಿ ತನಗೆ ಬೇಕಾದ ಪ್ಯಾಕೇಜನ್ನು ಆನ್ಲೈನ್ ಮೂಲಕ ಆರಿಸಿಕೊಂಡು ವಿಳಾಸ ನೀಡಿದರೆ ಸಾಕು. ಕೆಲವೇ ದಿನಗಳಲ್ಲಿ ಪುಸ್ತಕ ನಿಮ್ಮ ಮನೆ ಮುಂದಿರುತ್ತದೆ. ಹಣ ಪಾವತಿಸಿ ಪುಸ್ತಕ ಸ್ವೀಕರಿಸಿದರಾಯಿತು.<br /> <br /> ಸೆಮಿಸ್ಟರ್ ಪೂರ್ತಿ ಪುಸ್ತಕ ಬಳಸಿಕೊಳ್ಳಬಹುದು. ಪ್ಲಾಸ್ಟಿಕ್ ಹೊದಿಕೆ ಇರುವ ಪುಸ್ತಕದ ಮೇಲೆ ಪೆನ್ನಿನಿಂದ ಬರೆಯುವಂತಿಲ್ಲ. ಪೆನ್ಸಿಲ್ ಬಳಸಬಹುದಷ್ಟೆ. ಹಾಳೆ ಹರಿಯುವುದು ಮಡಚುವುದು ನಿಷಿದ್ಧ. ಬರೆದು ಕೊಳ್ಳುವುದಕ್ಕೆಂದೇ ಸ್ಲಿಪ್ ಇದೆ. ಇದಕ್ಕೆ ಸಂಬಂಧಿಸಿದ ಎಲ್ಲಾ ನಿಯಮಗಳು ಪುಸ್ತಕ ತೆರೆಯುತ್ತಿದ್ದಂತೆ ಎಡಗಡೆ ಕಾಣಿಸುತ್ತವೆ.<br /> <br /> `ಈ ಬಗ್ಗೆ ನಾವು ತುಂಬಾ ಸ್ಟ್ರಿಕ್ಟ್ ಆಗಿದ್ದೇವೆ. ಯಾಕೆಂದರೆ ಮುಂದಿನ ಬಾರಿ ಇದೇ ಪುಸ್ತಕಗಳನ್ನು ಮತ್ತೆ ಬೇರೆಯವರಿಗೆ ನೀಡಬೇಕು. ಪುಸ್ತಕಗಳನ್ನು ಚೆಂದವಾಗಿ ಇಟ್ಟುಕೊಳ್ಳಬೇಕಾದದ್ದು ವಿದ್ಯಾರ್ಥಿಯ ಕರ್ತವ್ಯ~ ಎಂಬುದು ವಿಶೇಷ್ ಅವರ ಗಟ್ಟಿ ನಿಲುವು. ಎಂಜಿನಿಯರಿಂಗ್ ನಾಲ್ಕು ವರ್ಷ ಮುಗಿಸುವವರೆಗೆ ಪುಸ್ತಕಕ್ಕೆಂದೇ ಸುಮಾರು 20-25 ಸಾವಿರ ಖರ್ಚಾಗುತ್ತದೆ. <br /> <br /> ಆದರೆ ನಮ್ಮ ಬಳಿ ಪಡೆದರೆ ಶೇ 60ರಷ್ಟು ಹಣ ಉಳಿತಾಯವಾಗುತ್ತದೆ ಎಂದು ವಿವರಿಸುತ್ತಾರೆ ಅವರು. ಪುಸ್ತಕದ ಬಗ್ಗೆ ಅತ್ಯಂತ ಕಾಳಜಿ ವಹಿಸಿರುವ ಇವರು ಉಚಿತವಾಗಿ ಪುಟ್ಟದೊಂದು `ಬುಕ್ ರ್ಯಾಕ್~ನ್ನೂ ನೀಡುತ್ತಾರೆ. ಒಂದು ವೇಳೆ ಪುಸ್ತಕದ ಹಾಳೆಗಳು ಹರಿದರೆ ಇಲ್ಲವೆ ಬೇರೆ ರೀತಿಯಲ್ಲಿ ಹಾನಿ ಮಾಡಿದರೆ ಹೊಸ ಪುಸ್ತಕವನ್ನು ಖರೀದಿಸಿ ಕೊಡಬೇಕು. ಇಲ್ಲವಾದರೆ ಮುಂದಿನ ಸೆಮಿಸ್ಟರ್ನಿಂದ ಪುಸ್ತಕಗಳು ನಿಮಗೆ ತಲುಪುವುದಿಲ್ಲ!<br /> <br /> <strong>ಏನೀ ಪ್ಲಾನ್? </strong><br /> 1) ಮೊದಲಿಗೆ 5000 ರೂ ಕಟ್ಟಬೇಕು. ನಂತರ ಪ್ರತೀ ಸೆಮಿಸ್ಟರ್ನಲ್ಲಿ ಪಡೆಯಲಾಗುವ ಪುಸ್ತಕಗಳ ಬೆಲೆಯ ಶೇ 20ರಷ್ಟು ಹಣವನ್ನು ಮಾತ್ರ ಪಾವತಿಸಿದರೆ ಆಯಿತು. ಕೊನೆಯಲ್ಲಿ ನಾಲ್ಕು ಸೆಮಿಸ್ಟರ್ನ ಹಣದ ಲೆಕ್ಕ ಹಾಕಿದರೆ 9 ಸಾವಿರ ಖರ್ಚಾಗಿರುತ್ತದೆ. <br /> 2) ಒಮ್ಮೆಲೇ 5000 ರೂ ಕಟ್ಟಲು ಸಾಧ್ಯವಾಗದವರಿಗಾಗಿ 2ನೇ ಯೋಜನೆಯನ್ನು ಮಾಡಲಾಗಿದೆ. ಮೊದಲಿಗೆ 4000 ರೂ ಕಟ್ಟಿ ನಂತರ ಪ್ರತೀ ಪುಸ್ತಕಕ್ಕೆ ಶೇ 30ರ ಬೆಲೆಯಲ್ಲಿ ಹಣ ಪಾವತಿಸಬೇಕು. ಅಲ್ಲಿಗೆ ನಾಲ್ಕು ವರ್ಷ ಮುಗಿಯುವುದರೊಳಗೆ ಸುಮಾರು 12-13 ಸಾವಿರ ರೂ ಖರ್ಚಾಗುತ್ತದೆ. <br /> <br /> 3) ಬಜೆಟ್ ಪ್ಲಾನ್ನಂತೆ 2500ರೂ ಹಣ ಪಾವತಿಸಿ ಶೇ 40ರ ದರದಲ್ಲಿ ಪುಸ್ತಕ ಕೊಳ್ಳಬಹುದು. <br /> <br /> ಇವುಗಳನ್ನು ಬಿಟ್ಟು ವಿದ್ಯಾರ್ಥಿಗಳಿಗೆ ಅನುಕೂಲ ಮಾಡಿಕೊಡುವ ಉದ್ದೇಶದಿಂದ ವಿಟಿಯು/ ಅಟೊನಾಮಸ್ ಪ್ಯಾಕೇಜ್, ಪಾಪ್ಯುಲರ್ ಪ್ಯಾಕೇಜ್, ಪಿಕ್ ಅಂಡ್ ಚೂಸ್ ಎಂಬ ಅವಕಾಶಗಳೂ ಇವೆ. ಇದಕ್ಕೆ ಸಂಬಂಧಿಸಿದ ಎಲ್ಲಾ ಮಾಹಿತಿಗಳು ಆನ್ಲೈನ್ನಲ್ಲಿ ಲಭ್ಯ.<br /> <br /> ಬೆಂಗಳೂರಿಗರಿಗೆ ಬೇಗ ಪುಸ್ತಕ ತಲುಪಿಸಲು ಸಾಧ್ಯ. ಆರ್ಡರ್ ಮಾಡಿ ಮಧ್ಯಾಹ್ನ 12 ಗಂಟೆಯೊಳಗೆ ಕರೆ ಮಾಡಿದರೆ ಒಂದೇ ದಿನದಲ್ಲಿ ಮನೆಗೆ ತಲುಪಿಸಲಾಗುತ್ತದೆ. ನಗರವನ್ನು ಹೊರತುಪಡಿಸಿ ರಾಜ್ಯದ ಬೇರೆ ಮೂಲೆಗಳಿಗಾದರೆ 5-6 ದಿನ ಬೇಕಾಗುತ್ತದಂತೆ.<br /> <br /> <strong>ಲಾಭ?</strong><br /> ಪುಸ್ತಕಕ್ಕಾಗಿ ಅಲೆಯುವ ತೊಂದರೆ ಇಲ್ಲ. ಒಂದೇ ಕ್ಲಿಕ್ಗೆ ಮನೆ ಮುಂದೆ ಪುಸ್ತಕ ಹಾಜರ್.<br /> <br /> ಕಡಿಮೆ ದರದಲ್ಲಿ ಪುಸ್ತಕ ಲಭ್ಯ.<br /> <br /> ಅವಶ್ಯಕವಾದ ಎಲ್ಲಾ ಮಾಹಿತಿಗಳನ್ನು ಸುಲಭವಾಗಿ ರೆಫರ್ ಮಾಡಬಹುದು.<br /> <br /> ಫೋಟೊ ಕಾಪಿ ಮಾಡುವುದಕ್ಕಿಂತಲೂ ಕಡಿಮೆ ಬೆಲೆ.<br /> <br /> ಒಂದೇ ಪುಸ್ತಕವನ್ನು ಸಾಕಷ್ಟು ಜನ ಬಳಸುವುದರಿಂದ ಮರುಮುದ್ರಣ ಮಾಡಬೇಕಾದ ಅವಶ್ಯಕತೆ ಇಲ್ಲ. ಹೀಗಾಗಿ ಮರಗಳನ್ನು ಉಳಿಸಿದಂತಾಗುತ್ತದೆ.<br /> <strong><br /> ಮುಂದಿನ ಯೋಜನೆ?</strong><br /> ಸದ್ಯಕ್ಕೆ ಮೊದಲ ಸೆಮಿಸ್ಟರ್ನವರೆಗೆ ಬೇಕಾಗುವ ಪುಸ್ತಕ ಲಭಿಸುವಂತೆ ಮಾಡಿದ್ದೇವೆ. ಜನವರಿ ಒಳಗೆ ನಾಲ್ಕೂ ವರ್ಷದ ಪುಸ್ತಕಗಳನ್ನು ಒದಗಿಸುವಂತೆ ಮಾಡುವ ಯೋಜನೆ ಇದೆ.<br /> <br /> ತುಮಕೂರು, ಬಳ್ಳಾರಿ, ಹಾಸನ, ಬೆಳಗಾವಿ ಸೇರಿದಂತೆ ಕರ್ನಾಟಕದ ಎಲ್ಲಾ ಕಡೆ ಈ ಸೇವೆಯನ್ನು ಈಗಾಗಲೇ ಒದಗಿಸಲಾಗಿದ್ದು ಮುಂದಿನ ಜನವರಿ ಸಂದರ್ಭಕ್ಕೆ ಸಂಪೂರ್ಣ ದಕ್ಷಿಣ ಭಾರತದಲ್ಲೂ ಈ ಸೇವೆ ವಿಸ್ತರಿಸುವ ಆಶಯ ನಮ್ಮದು. ಎಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ಸೇವೆ ಪ್ರಾರಂಭಿಸಲಾಗಿದೆ. ಸದ್ಯದಲ್ಲೇ ವೈದ್ಯಕೀಯ ಹಾಗೂ ದಂತ ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಸೇವೆ ಒದಗಿಸುವುದು.<br /> <br /> ಅಂದಹಾಗೆ, `ರೆಂಟ್ ಮೈ ಟೆಕ್ಸ್ಟ್~ಗೆ ಸಂಬಂಧಿಸಿದಂತೆ ಮಾಹಿತಿ ಬೇಕಾದಲ್ಲಿ 92437 86600 ಸಂಖ್ಯೆಗೆ ಬೆಳಿಗ್ಗೆ 9ರಿಂದ ಸಂಜೆ 10ರ ಒಳಗೆ ಕರೆ ಮಾಡಬಹುದು. ಇಲ್ಲವೆ ಎಸ್ಎಂಎಸ್ ಕಳುಹಿಸಿದರೆ ಕಂಪೆನಿಯವರೇ ಕರೆ ಮಾಡಿ ಮಾಹಿತಿ ನೀಡುತ್ತಾರೆ. <br /> <br /> ವೆಬ್ಸೈಟ್ನಲ್ಲಿ `ಫ್ರೀಕ್ವೆಂಟ್ಲಿ ಆಸ್ಕ್ಡ್ ಕ್ವೆಶ್ಚನ್ಸ್~ (ಎಫ್ಎಕ್ಯು) ವಿಭಾಗದಲ್ಲಿ ಎಲ್ಲಾ ಪ್ರಶ್ನೆಗಳಿಗೆ ಉತ್ತರವಿದೆ. ಇಂಗ್ಲಿಷ್ನಲ್ಲಿ ಉತ್ತರಗಳಿದ್ದು 2-3 ವಾರಗಳಲ್ಲಿ ಕನ್ನಡದಲ್ಲೂ ಉತ್ತರ ಲಭ್ಯ. <br /> <br /> ಭಾರತದಲ್ಲೇ ಮೊದಲ ಬಾರಿಗೆ ಇಂಥದ್ದೊಂದು ಯೋಜನೆ ರೂಪಿಸಿರುವ ವಿಶೇಷ್ ಬುಕ್ಸ್ ಜೊತೆ ಸೀಡಿಗಳಿದ್ದರೆ ಅದನ್ನೂ ಒದಗಿಸುತ್ತೇವೆ. ಸೆಮಿಸ್ಟರ್ ನಂತರ ಈ ಪುಸ್ತಕಗಳನ್ನು ನಮ್ಮ ವಿಳಾಸಕ್ಕೆ ಅಂಚೆ ಮೂಲಕ ಕಳುಹಿಸಿದರೆ ಸಾಕು. ವಿದ್ಯಾರ್ಥಿಗಳಿಗಾಗಿ ಎಲ್ಲ ಪ್ರಕ್ರಿಯೆಗಳನ್ನೂ ಸರಳಗೊಳಿಸಿದ್ದೇವೆ ಎಂದು ಮಾಹಿತಿ ನೀಡುತ್ತಾರೆ ವಿಶೇಷ್ ಜಯವಂತ್.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
