ಶುಕ್ರವಾರ, ಏಪ್ರಿಲ್ 23, 2021
24 °C

ಬಾನಂಗಳಲ್ಲಿ ಕೌತುಕ ಉಂಗುರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವಿಜಾಪುರ: ಬಾನಲ್ಲಿ ಸೂರ್ಯನ ಸುತ್ತ ಕಾಮನಬಿಲ್ಲು ತರಹ ರಂಗು ರಂಗಿನ ಉಂಗುರ ಆಕಾರ ಗೋಚರಿಸಿದ ಘಟನೆ ಬುಧವಾರ ಮಧ್ಯಾಹ್ನ ವಿಜಾಪುರದಲ್ಲಿ ಘಟಿಸಿತು.



ಸುಡು ಬಿಸಿಲಿನಲ್ಲಿಯೂ ಜನ ಬೀದಿಗಿಳಿದು ಈ ಕೌತುಕ ವೀಕ್ಷಿಸಿದರು. ಮೊಬೈಲ್, ಕಾಮೆರಾಗಳಲ್ಲಿ ಚಿತ್ರವನ್ನು ಸೆರೆ ಹಿಡಿದರು.



`ಸೂರ್ಯನ ಸುತ್ತ ಕೆರೆ ಕಟ್ಟಿದೆ. ಇದು ಉತ್ತಮ ಮಳೆಯ ಸಂಕೇತ~ ಎಂದು ಬಹುಪಾಲು ಜನ ಹೇಳುತ್ತಿದ್ದರು. ಆದರೆ, `ಇದು ಸಹಜ ಪ್ರಕ್ರಿಯೆ. ಇದರಲ್ಲಿ ವಿಶೇಷತೆ ಏನೂ ಇಲ್ಲ~ ಎಂದು ವಿಜ್ಞಾನಿಗಳು ಪ್ರತಿಕ್ರಿಯಿಸಿದರು.



`ವಾಯು ಮಂಡಳದಲ್ಲಿ ಆವಿ ರೂಪದ ನೀರಿನ ಕಣಗಳು, ತಂಪಿನ ಪ್ರಮಾಣ ಹೆಚ್ಚಾಗಿದ್ದರೆ ಅದರ ಮೂಲಕ ಬೆಳಕು ಹೊರಬರುವಾಗ ಬೆಳಕಿನಲ್ಲಿಯ ಏಳೂ ಬಣ್ಣಗಳು ವಿಭಜನೆಗೊಳ್ಳುತ್ತವೆ. ಆಗ ಸೂರ್ಯನ ಸುತ್ತ ಕಾಮನ ಬಿಲ್ಲು ತರಹ ಬಗೆ ಬಗೆಯ ಬಣ್ಣದ ರಿಂಗ್ ಆಕೃತಿ ಗೋಚರಿಸುತ್ತದೆ~ ಎಂದು ಸ್ಥಳೀಯ ವಿಜ್ಞಾನಿಗಳಾದ ನಿವೃತ್ತ ಪ್ರಾಚಾರ್ಯ ಡಾ.ಬಿ.ಜಿ. ಮಠ, ಡಾ.ಅಶೋಕ ಲಿಮಕರ ಹೇಳಿದರು.



`ಚಂದ್ರನ ಸುತ್ತಲೂ ಇಂತಹ ದೃಶ್ಯ ಆಗಾಗ ಕಂಡು ಬರುತ್ತಿರುತ್ತದೆ. ಇದು ಸಹ ಪ್ರಕ್ರಿಯೆ. ಇದರಲ್ಲಿ ವಿಶೇಷತೆ ಏನೂ ಇಲ್ಲ. ಆದರೂ, ವಾತಾವರಣದಲ್ಲಿ ಆದ್ರತೆಯ ಪ್ರಮಾಣ ಇದೆ ಎಂಬುದು ಇದರ ಸಂಕೇತ. ಮೋಡಗಳಿದ್ದರೆ ಸಹಜವಾಗಿಯೇ ಮಳೆ ಆಗಲೂಬಹುದು~ ಎಂದೂ ಅವರು ಹೇಳಿದರು.

 

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.