<p>ದಟ್ಟ ಕಾಡು. ಸಾಗುತ್ತಾ ಹೋದಂತೆ ಎದುರಾಗುವ ಬುಡಕಟ್ಟು ಜನರು. ಅವರ ವಿಶಿಷ್ಟವಾದ ಉಡುಗೆ- ತೊಡುಗೆ. ಇಂಥ ದೃಶ್ಯ ಹೆಜ್ಜೆ ಹೆಜ್ಜೆಗೂ ಕಾಣಸಿಗುತ್ತದೆ ಒಡಿಶಾದ ತಪ್ತಪಾನಿ ಗಿರಿಧಾಮದಲ್ಲಿ.</p>.<p>ತಪ್ತಪಾನಿ ಎಂದರೆ ಬಿಸಿನೀರು ಎಂದರ್ಥ.</p>.<p>ಕಾಡಿನ ನಡುವೆ ಇರುವ ಕಂಡಿಮಾತಾ ಮಂದಿರದ ಬಳಿ ಬಿಸಿನೀರಿನ ಬುಗ್ಗೆ (ಗಂಧಕದ ನೀರು) ಇರುವುದರಿಂದ ಈ ಪ್ರದೇಶಕ್ಕೆ ಆ ಹೆಸರು. ಈ ನೀರಿನಲ್ಲಿ ಸ್ನಾನ ಮಾಡಿದರೆ ಆರೋಗ್ಯಕ್ಕೆ ಹಿತಕರ ಎಂದು ಹೇಳಿಕೊಂಡು ಸಾಕಷ್ಟು ಸ್ಪಾಗಳು ಇಲ್ಲಿ ತಲೆ ಎತ್ತಿವೆ.</p>.<p>ಒಡಿಶಾ ರಾಜ್ಯದ ಗಂಜಾಂ ಜಿಲ್ಲೆಗೆ ಸೇರಿದ ತಪ್ತಪಾನಿ ಗಿರಿಧಾಮ ಹಸಿರು ಬೆಟ್ಟಗಳಿಂದ ಆವೃತವಾಗಿದೆ. ವರ್ಷದ ಎಲ್ಲ ಕಾಲದಲ್ಲಿಯೂ ಇಲ್ಲಿಗೆ ಸಾವಿರಾರು ಸಂಖ್ಯೆಯಲ್ಲಿ ಪ್ರವಾಸಿಗರು ಬರುತ್ತಾರೆ. ಸಮುದ್ರ ಮಟ್ಟದಿಂದ 550 ಮೀಟರ್ ಎತ್ತರದಲ್ಲಿ ಇರುವ ಈ ಜಾಗದಲ್ಲಿ ಸೂರ್ಯೋದಯ ಮತ್ತು ಸೂರ್ಯಾಸ್ತ ನೋಡುವ ಪಾಯಿಂಟ್ಗಳನ್ನು ಗುರುತಿಸಲಾಗಿದೆ. ಅದರಲ್ಲೂ ಪೂರ್ಣಚಂದ್ರ ಇರುವ ಪೌರ್ಣಿಮೆ ರಾತ್ರಿಗಳಲ್ಲಂತೂ ಈ ಗಿರಿಧಾಮದ ಅಂದ ಇಮ್ಮಡಿಸಿರುತ್ತದೆ. ಸಾಮಾನ್ಯವಾಗಿ ಪ್ರವಾಸಿಗರು ಹುಣ್ಣಿಮೆ ದಿನಗಳನ್ನು ಗೊತ್ತುಮಾಡಿಕೊಂಡು ಇಲ್ಲಿನ ವಸತಿಗೃಹಗಳಲ್ಲಿ ಬೀಡುಬಿಡುತ್ತಾರೆ.</p>.<p>ಗಿರಿಧಾಮವನ್ನು ಸುತ್ತುವಾಗ ಬುಡಕಟ್ಟು ಜನರು ಕಣ್ಣಿಗೆ ಬೀಳದೇ ಇರರು. ಅವರ ವಿಶಿಷ್ಟ ಉಡುಗೆಗಳು ಮನಸೂರೆಗೊಳ್ಳುತ್ತವೆ. ಭಾರವಾದ ಉಡುಪುಗಳನ್ನು ತೊಟ್ಟು ನಗೆ ಅರಳಿಸುವ ಮಕ್ಕಳು, ರವಿಕೆ ತೊಡದೇ ವಿಶಿಷ್ಟ ವಿನ್ಯಾಸದಲ್ಲಿ ಸೀರೆಯುಡುವ ಲಲನೆಯರು, ಕಣ್ಣಿನ ಸುತ್ತ ಸುಕ್ಕು ಬರಿಸಿಕೊಂಡು ಕುಳಿತ ಅಜ್ಜಂದಿರು- ಹೀಗೆ, ಭಿನ್ನ ಬದುಕಿನ ಬುಡಕಟ್ಟು ಮಂದಿ ಅಲ್ಲಿದ್ದಾರೆ. ಅವರ ಬಗ್ಗೆ ಅಧ್ಯಯನ ಮಾಡಲು ಬರುವ ಒಡಿಶಾ ವಿಶ್ವವಿದ್ಯಾಲಯಗಳ ವಿದ್ಯಾರ್ಥಿಗಳು ಅಲ್ಲಿ ಕಾಣಸಿಗುತ್ತಾರೆ. ಗಿರಿಧಾಮದ ಸಮೀಪವೇ ಒಡಿಶಾದ ಖ್ಯಾತ ಗೋಪಾಲಪುರ ಸಮುದ್ರ ತೀರ ಇದೆ.</p>.<p>ಬ್ರಹ್ಮಪುತ್ರ ರೈಲ್ವೆ ನಿಲ್ದಾಣದಿಂದ 56 ಕಿಮೀ ಮತ್ತು ಗೋಪಾಲಪುರದಿಂದ 60 ಕಿಮೀ ದೂರದಲ್ಲಿ ಇರುವ ಈ ಸುಂದರ ಗಿರಿಧಾಮಕ್ಕೆ ಬರುವ ಜನ ಅದಕ್ಕೆ 35 ಕಿಮೀ ದೂರದಲ್ಲಿ ಇರುವ ಟಿಬೆಟಿಯನ್ ಗ್ರಾಮ ಚಂದ್ರಗಿರಿಯನ್ನು ನೋಡಿ ಹೋಗಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದಟ್ಟ ಕಾಡು. ಸಾಗುತ್ತಾ ಹೋದಂತೆ ಎದುರಾಗುವ ಬುಡಕಟ್ಟು ಜನರು. ಅವರ ವಿಶಿಷ್ಟವಾದ ಉಡುಗೆ- ತೊಡುಗೆ. ಇಂಥ ದೃಶ್ಯ ಹೆಜ್ಜೆ ಹೆಜ್ಜೆಗೂ ಕಾಣಸಿಗುತ್ತದೆ ಒಡಿಶಾದ ತಪ್ತಪಾನಿ ಗಿರಿಧಾಮದಲ್ಲಿ.</p>.<p>ತಪ್ತಪಾನಿ ಎಂದರೆ ಬಿಸಿನೀರು ಎಂದರ್ಥ.</p>.<p>ಕಾಡಿನ ನಡುವೆ ಇರುವ ಕಂಡಿಮಾತಾ ಮಂದಿರದ ಬಳಿ ಬಿಸಿನೀರಿನ ಬುಗ್ಗೆ (ಗಂಧಕದ ನೀರು) ಇರುವುದರಿಂದ ಈ ಪ್ರದೇಶಕ್ಕೆ ಆ ಹೆಸರು. ಈ ನೀರಿನಲ್ಲಿ ಸ್ನಾನ ಮಾಡಿದರೆ ಆರೋಗ್ಯಕ್ಕೆ ಹಿತಕರ ಎಂದು ಹೇಳಿಕೊಂಡು ಸಾಕಷ್ಟು ಸ್ಪಾಗಳು ಇಲ್ಲಿ ತಲೆ ಎತ್ತಿವೆ.</p>.<p>ಒಡಿಶಾ ರಾಜ್ಯದ ಗಂಜಾಂ ಜಿಲ್ಲೆಗೆ ಸೇರಿದ ತಪ್ತಪಾನಿ ಗಿರಿಧಾಮ ಹಸಿರು ಬೆಟ್ಟಗಳಿಂದ ಆವೃತವಾಗಿದೆ. ವರ್ಷದ ಎಲ್ಲ ಕಾಲದಲ್ಲಿಯೂ ಇಲ್ಲಿಗೆ ಸಾವಿರಾರು ಸಂಖ್ಯೆಯಲ್ಲಿ ಪ್ರವಾಸಿಗರು ಬರುತ್ತಾರೆ. ಸಮುದ್ರ ಮಟ್ಟದಿಂದ 550 ಮೀಟರ್ ಎತ್ತರದಲ್ಲಿ ಇರುವ ಈ ಜಾಗದಲ್ಲಿ ಸೂರ್ಯೋದಯ ಮತ್ತು ಸೂರ್ಯಾಸ್ತ ನೋಡುವ ಪಾಯಿಂಟ್ಗಳನ್ನು ಗುರುತಿಸಲಾಗಿದೆ. ಅದರಲ್ಲೂ ಪೂರ್ಣಚಂದ್ರ ಇರುವ ಪೌರ್ಣಿಮೆ ರಾತ್ರಿಗಳಲ್ಲಂತೂ ಈ ಗಿರಿಧಾಮದ ಅಂದ ಇಮ್ಮಡಿಸಿರುತ್ತದೆ. ಸಾಮಾನ್ಯವಾಗಿ ಪ್ರವಾಸಿಗರು ಹುಣ್ಣಿಮೆ ದಿನಗಳನ್ನು ಗೊತ್ತುಮಾಡಿಕೊಂಡು ಇಲ್ಲಿನ ವಸತಿಗೃಹಗಳಲ್ಲಿ ಬೀಡುಬಿಡುತ್ತಾರೆ.</p>.<p>ಗಿರಿಧಾಮವನ್ನು ಸುತ್ತುವಾಗ ಬುಡಕಟ್ಟು ಜನರು ಕಣ್ಣಿಗೆ ಬೀಳದೇ ಇರರು. ಅವರ ವಿಶಿಷ್ಟ ಉಡುಗೆಗಳು ಮನಸೂರೆಗೊಳ್ಳುತ್ತವೆ. ಭಾರವಾದ ಉಡುಪುಗಳನ್ನು ತೊಟ್ಟು ನಗೆ ಅರಳಿಸುವ ಮಕ್ಕಳು, ರವಿಕೆ ತೊಡದೇ ವಿಶಿಷ್ಟ ವಿನ್ಯಾಸದಲ್ಲಿ ಸೀರೆಯುಡುವ ಲಲನೆಯರು, ಕಣ್ಣಿನ ಸುತ್ತ ಸುಕ್ಕು ಬರಿಸಿಕೊಂಡು ಕುಳಿತ ಅಜ್ಜಂದಿರು- ಹೀಗೆ, ಭಿನ್ನ ಬದುಕಿನ ಬುಡಕಟ್ಟು ಮಂದಿ ಅಲ್ಲಿದ್ದಾರೆ. ಅವರ ಬಗ್ಗೆ ಅಧ್ಯಯನ ಮಾಡಲು ಬರುವ ಒಡಿಶಾ ವಿಶ್ವವಿದ್ಯಾಲಯಗಳ ವಿದ್ಯಾರ್ಥಿಗಳು ಅಲ್ಲಿ ಕಾಣಸಿಗುತ್ತಾರೆ. ಗಿರಿಧಾಮದ ಸಮೀಪವೇ ಒಡಿಶಾದ ಖ್ಯಾತ ಗೋಪಾಲಪುರ ಸಮುದ್ರ ತೀರ ಇದೆ.</p>.<p>ಬ್ರಹ್ಮಪುತ್ರ ರೈಲ್ವೆ ನಿಲ್ದಾಣದಿಂದ 56 ಕಿಮೀ ಮತ್ತು ಗೋಪಾಲಪುರದಿಂದ 60 ಕಿಮೀ ದೂರದಲ್ಲಿ ಇರುವ ಈ ಸುಂದರ ಗಿರಿಧಾಮಕ್ಕೆ ಬರುವ ಜನ ಅದಕ್ಕೆ 35 ಕಿಮೀ ದೂರದಲ್ಲಿ ಇರುವ ಟಿಬೆಟಿಯನ್ ಗ್ರಾಮ ಚಂದ್ರಗಿರಿಯನ್ನು ನೋಡಿ ಹೋಗಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
