<p>ಒಟ್ಟು 10 ನಿಮಿಷಗಳ ಆಟವಿದು. ಐದು ನಿಮಿಷಗಳ ಎರಡು ಅವಧಿಗಳು. ಇದರ ನಡುವೆ 30 ಸೆಕೆಂಡ್ಗಳ ವಿರಾಮ. ಒಂದು ತಂಡದಲ್ಲಿ ಮೂವರು ಮಾತ್ರ ಆಡುವರು. ಡ್ರಿಬ್ಲಿಂಗ್, ಪಾಸಿಂಗ್, ಬ್ಲಾಕ್ ಹಾಗೂ ಚೆಂಡನ್ನು ಬ್ಯಾಸ್ಕೆಟ್ಗೆ ಹಾಕಿ ಪಾಯಿಂಟ್ ಗಿಟ್ಟಿಸುವ ಕೆಲಸವನ್ನು ಈ ಮೂವರು ಹೊಂದಾಣಿಕೆಯಿಂದ ನಿರ್ವಹಿಸಬೇಕು. ಆಟದ ವೇಳೆ ಒಂದು ಕ್ಷಣವೂ ವಿಶ್ರಾಂತಿ ಲಭಿಸದು.<br /> <br /> ಹೀಗೆ ಆಟಗಾರ ಅಥವಾ ಆಟಗಾರ್ತಿಯ ದೈಹಿಕ ಸಾಮರ್ಥ್ಯವನ್ನು ಒರೆಗೆ ಹಚ್ಚುವ ಬೀಚ್ ಬ್ಯಾಸ್ಕೆಟ್ಬಾಲ್ ಕ್ರೀಡೆಯಲ್ಲಿ ಭಾರತದ ಮಹಿಳಾ ತಂಡ ಸದ್ದಿಲ್ಲದೆ ಸುದ್ದಿ ಮಾಡಿದೆ. ಚೀನಾದ ಹೈಯಾಂಗ್ನಲ್ಲಿ ಇತ್ತೀಚೆಗೆ ನಡೆದ ಏಷ್ಯನ್ ಬೀಚ್ ಕ್ರೀಡಾಕೂಟದ ಬ್ಯಾಸ್ಕೆಟ್ಬಾಲ್ನಲ್ಲಿ ಮಹಿಳೆಯರು ಚಿನ್ನ ಗೆದ್ದರು.<br /> <br /> ಭಾರತದ ಬ್ಯಾಸ್ಕೆಟ್ಬಾಲ್ ಕ್ರೀಡೆಯ ಇತಿಹಾಸವನ್ನು ನೋಡಿದಾಗ, ಇದೊಂದು ಅಮೋಘ ಸಾಧನೆಯೇ ಸರಿ. ಸಾಮಾನ್ಯ ಬ್ಯಾಸ್ಕೆಟ್ಬಾಲ್ ಆಟಕ್ಕಿಂತ ಕೆಲವೊಂದು ರೀತಿಯಲ್ಲಿ ಭಿನ್ನ ಎನಿಸಿರುವ ಈ ಕ್ರೀಡೆಯಲ್ಲಿ ದೊರೆತ ಯಶ ಭಾರತದ ಬ್ಯಾಸ್ಕೆಟ್ಬಾಲ್ಗೆ ಶುಭ ಸೂಚನೆಯಾಗಿದೆ. <br /> <br /> ಗೀತು ಅನ್ನಾ ಜೋಸ್ ನೇತೃತ್ವದ ತಂಡದಲ್ಲಿ ಅನಿತಾ ಪಾಲ್ ದುರೈ, ಕಿರಣ್ಜೀತ್ ಕೌರ್ ಮತ್ತು ಶಿರೀನ್ ವಿಜಯ್ ಲಿಮಯೆ ಇದ್ದರು. <br /> <br /> ಫೈನಲ್ನಲ್ಲಿ ಬಲಿಷ್ಠ ಚೀನಾ ತಂಡವನ್ನು ಮಣಿಸಿದ್ದ ಭಾರತ ಚಾಂಪಿಯನ್ಷಿಪ್ನಲ್ಲಿ ಸೋಲಿನ ಕಹಿ ಅನುಭವಿಸಿಯೇ ಇಲ್ಲ. ಒಟ್ಟು 45 ಪಾಯಿಂಟ್ ಕಲೆಹಾಕಿ `ಟಾಪ್ ಸ್ಕೋರರ್~ ಎನಿಸಿದ ಗೀತು ಅವರಿಗೆ ಈ ಟೂರ್ನಿಯನ್ನು ಮರೆಯಲು ಸಾಧ್ಯವಿಲ್ಲ. ಆರು ಅಡಿ ಎರಡಿಂಚು ಎತ್ತರದ ಈ ಆಟಗಾರ್ತಿ ಫೈನಲ್ನಲ್ಲಿ ಭಾರತ ಗಳಿಸಿದ್ದ 17 ಪಾಯಿಂಟ್ಗಳಲ್ಲಿ 11ನ್ನೂ ಕಲೆಹಾಕಿದ್ದರು!<br /> <br /> ಬ್ಯಾಸ್ಕೆಟ್ಬಾಲ್ನಲ್ಲಿ ಒಂದು ತಂಡದಲ್ಲಿ ಐವರು ಇರುವರು. ಆದರೆ ಬೀಚ್ ಬ್ಯಾಸ್ಕೆಟ್ಬಾಲ್ನಲ್ಲಿ ಮೂವರು ಮಾತ್ರ ಆಡಬೇಕು. ಬದಲಿ ಆಟಗಾರರಾಗಿ ಇಬ್ಬರಿಗೆ ಕಣಕ್ಕಿಳಿಯಬಹುದು. ಕೋರ್ಟ್ ಅಲ್ಪ ಸಣ್ಣದಾಗಿದ್ದರೂ, ಈ ಆಟ ಒಡ್ಡುವ ಸವಾಲು ಮಾತ್ರ ದೊಡ್ಡದು. ಅದ್ಭುತ ವೇಗ ಮತ್ತು ಚಾಕಚಕ್ಯತೆಯ ಜೊತೆಗೆ ತಾಂತ್ರಿಕವಾಗಿ ಸಾಕಷ್ಟು ಪಳಗಿದರೆ ಮಾತ್ರ ಇಲ್ಲಿ ಯಶಸ್ಸು ಗಳಿಸಬಹುದು. <br /> <br /> `ದೈಹಿಕವಾಗಿ ತುಂಬಾ ಸವಾಲು ಎದುರಾಗಿತ್ತು. ಅಲ್ಪವೂ ವಿಶ್ರಾಂತಿ ಇಲ್ಲದೆ ಆಡಬೇಕಿತ್ತು. ಪಂದ್ಯದ ನಡುವೆ ಸ್ಕೋರ್ ಬೋರ್ಡ್ ನೋಡಲೂ ಸಮಯ ಸಿಗುತ್ತಿರಲಿಲ್ಲ. ಆಟದ ವೇಳೆ ಎದುರಾಗುವ ಪರಿಸ್ಥಿತಿಯನ್ನು ವಿವರಿಸಲು ಅಸಾಧ್ಯ. ಚೀನಾ ತಂಡವನ್ನು ಮಣಿಸಿ ಚಾಂಪಿಯನ್ ಆಗಿದ್ದೇವೆ ಎಂಬುದನ್ನು ನಂಬಲಾಗುತ್ತಿಲ್ಲ~ ಎಂದು ಗೀತು ತಮ್ಮ ಅನುಭವ ಬಿಚ್ಚಿಟ್ಟರು. <br /> <br /> ತಂಡದ ಯಶಸ್ಸಿನ ಶ್ರೇಯ ಕೋಚ್ ಪ್ರೇಮ್ಕುಮಾರ್ ಅವರಿಗೂ ಸೇರಬೇಕು. ಭಾರತದ ಮಹಿಳಾ ಬ್ಯಾಸ್ಕೆಟ್ಬಾಲ್ ತಂಡ ಏಷ್ಯನ್ ಬೀಚ್ ಕ್ರೀಡಾಕೂಟದಲ್ಲಿ ಪಾಲ್ಗೊಂಡದ್ದು ಇದೇ ಮೊದಲು. ಚೊಚ್ಚಲ ಪ್ರಯತ್ನದಲ್ಲೇ ಚಿನ್ನದ ನಗು ಬೀರಿದೆ. ಪುರುಷರ ತಂಡದವರು ಐದನೇ ಸ್ಥಾನ ಗಳಿಸಿದ್ದರು. <br /> <br /> ಫೈನಲ್ ಪಂದ್ಯದಲ್ಲಿ ಎದುರಾದ ಸವಾಲಿನ ಬಗ್ಗೆ ತಿಳಿಸಿದ ಗೀತು, `ಚೀನಾದ ಆಟಗಾರ್ತಿಯರು ನಮಗಿಂತ ಎತ್ತರ ಹಾಗೂ ದೈಹಿಕವಾಗಿ ಬಲಿಷ್ಠರಾಗಿದ್ದರು. ಈ ಕಾರಣ ನಾವು ತಾಂತ್ರಿಕತೆಗೆ ಹೆಚ್ಚು ಒತ್ತು ನೀಡಿದೆವು~ ಎಂದರು.<br /> <br /> ಲೀಗ್ ಹಂತದಲ್ಲಿ ಬಲಿಷ್ಠ ಥಾಯ್ಲೆಂಡ್ ತಂಡವನ್ನು ಮಣಿಸಿದ್ದು ತಂಡದ ಆತ್ಮವಿಶ್ವಾಸ ಹೆಚ್ಚಲು ಕಾರಣ ಎಂಬುದು ಗೀತು ಅವರ ಹೇಳಿಕೆ. ಥಾಯ್ಲೆಂಡ್ ಎದುರು ಗೆಲುವು ಸುಲಭವಾಗಿ ದಕ್ಕಲಿಲ್ಲ. `ಈ ಸಾಧನೆ ಭಾರತದ ಬ್ಯಾಸ್ಕೆಟ್ಬಾಲ್ ಕ್ರೀಡೆಯನ್ನು ಹೊಸ ದಿಕ್ಕಿನತ್ತ ಕೊಂಡೊಯ್ಯಲಿದೆ~ ಎಂಬುದು 26ರ ಹರೆಯದ ಗೀತು ಅವರ ವಿಶ್ವಾಸದ ನುಡಿಗಳು. <br /> <br /> ಇದು ಸಾಮಾನ್ಯ ಬ್ಯಾಸ್ಕೆಟ್ಬಾಲ್ ಪಂದ್ಯ ಆಗಿದ್ದಲ್ಲಿ ಚೀನಾ ತಂಡವನ್ನು ಸೋಲಿಸಲು ಸಾಧ್ಯವಾಗುತ್ತಿತ್ತೇ ಎಂದು ಕೇಳಿದಾಗ ಅಲ್ಪ ಹಿಂಜರಿಕೆ ತೋರಿದ ಗೀತು `ಇಲ್ಲ~ ಎಂದರು. <br /> ಭಾರತ ತಂಡದವರು ಬೀಚ್ ಕ್ರೀಡಾಕೂಟಕ್ಕೆ ತೆರಳುವ ಮುನ್ನ ಬೆಂಗಳೂರಿನ ಎಸ್ಎಐನಲ್ಲಿ ಕೆಲವು ದಿನಗಳ ಕಾಲ ಕಠಿಣ ತರಬೇತಿಯಲ್ಲಿ ಪಾಲ್ಗೊಂಡಿದ್ದರು. ಮಾತ್ರವಲ್ಲ, ಚಿನ್ನದ ಪದಕ ಕೊರಳಿಗೇರಿಸಿಕೊಂಡು ಗೆಲುವಿನ ನಗು ಬೀರುತ್ತಾ ಉದ್ಯಾನನಗರಿಗೆ ಬಂದಿಳಿದಿದ್ದರು. <br /> <br /> <strong>ವಿದೇಶಿ ಕ್ಲಬ್ಗಳಿಂದ ಆಹ್ವಾನ: </strong>ಕೇರಳದ ಗೀತುಗೆ ಕೆಲವೊಂದು ಕ್ಲಬ್ಗಳಿಂದ `ಆಫರ್~ಗಳು ಬಂದಿವೆ. ಆಸ್ಟ್ರೇಲಿಯದ ಬಿಗ್ ಫೈವ್ ಕ್ಲಬ್ ರಿಂಗ್ವುಡ್ ಹಾಕ್ಸ್ ಮತ್ತೆ ತಂಡಕ್ಕೆ ಮರಳುವಂತೆ ಗೀತು ಅವರಲ್ಲಿ ಕೇಳಿಕೊಂಡಿದೆ. <br /> <br /> ಭಾರತದ ಆಟಗಾರ್ತಿ 2006 ರಿಂದ 2008ರ ವರೆಗೆ ಈ ಕ್ಲಬ್ಗೆ ಆಡಿದ್ದರು. ಅದೇ ರೀತಿ ಆಸಿಯಾನ್ ಬ್ಯಾಸ್ಕೆಟ್ಬಾಲ್ ಲೀಗ್ನಲ್ಲಿ ಆಡುತ್ತಿರುವ ಥಾಯ್ಲೆಂಡ್ನ ಕ್ಲಬ್ ಬ್ಯಾಂಕಾಕ್ ಕೋಬ್ರಾಸ್ನಿಂದಲೂ ಆಹ್ವಾನ ಬಂದಿದೆ. <br /> <br /> ಎನ್ಬಿಎ ತಂಡ ಲಾಸ್ ಏಂಜಲೀಸ್ ಲೇಕರ್ಸ್ನ `ಸೂಪರ್ ಸ್ಟಾರ್~ ಕೋಬ್ ಬ್ರಯಾಂಟ್ ಅವರ ತಂದೆ ಜೋ ಬ್ರಯಾಂಟ್ ಈ ತಂಡದ ಕೋಚ್ ಆಗಿದ್ದಾರೆ. ಯಾವ ಕ್ಲಬ್ ಸೇರಬೇಕು ಎಂಬುದರ ಬಗ್ಗೆ ಗೀತು ಇನ್ನೂ ಅಂತಿಮ ನಿರ್ಧಾರ ಕೈಗೊಂಡಿಲ್ಲ. <br /> ಕಳೆದ ವರ್ಷ ಅಮೆರಿಕದ ಡಬ್ಲ್ಯುಎನ್ಬಿಎ ತಂಡಗಳಾದ ಚಿಕಾಗೊ ಸ್ಕೈ, ಲಾಸ್ ಏಂಜಲೀಸ್ಸ್ಪಾರ್ಕ್ಸ್ ಮತ್ತು ಸ್ಯಾನ್ ಆ್ಯಂಟೋನಿಯೊ ಸಿಲ್ವರ್ ಗೀತು ಅವರನ್ನು `ಟ್ರೈ ಔಟ್~ಗೆ ಆಹ್ವಾನಿಸಿತ್ತು.<br /> <br /> ಆದರೆ ಈ ತಂಡಗಳಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದರು. `ಗೀತು ಪ್ರತಿಭಾನ್ವಿತ ಆಟಗಾರ್ತಿ. ಅದ್ಭುತ ವೇಗ ಹೊಂದಿದ್ದಾರೆ. ಆದರೆ ಅಂಗಳದಲ್ಲಿ ಇನ್ನಷ್ಟು ಆಕ್ರಮಣಕಾರಿ ಎನಿಸಬೇಕು~ ಎಂಬ ಅಭಿಪ್ರಾಯವನ್ನು ಡಬ್ಲ್ಯುಎನ್ಬಿಎ ಕೋಚ್ ವ್ಯಕ್ತಪಡಿಸಿದ್ದರು. <br /> ಆದ್ದರಿಂದ ಕೋರ್ಟ್ನಲ್ಲಿ ಇನ್ನಷ್ಟು ಆಕ್ರಮಣಕಾರಿಯಾಗಿ ಕಾಣಬೇಕೆಂಬ ಪ್ರಯತ್ನದಲ್ಲಿದ್ದಾರೆ ಗೀತು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಒಟ್ಟು 10 ನಿಮಿಷಗಳ ಆಟವಿದು. ಐದು ನಿಮಿಷಗಳ ಎರಡು ಅವಧಿಗಳು. ಇದರ ನಡುವೆ 30 ಸೆಕೆಂಡ್ಗಳ ವಿರಾಮ. ಒಂದು ತಂಡದಲ್ಲಿ ಮೂವರು ಮಾತ್ರ ಆಡುವರು. ಡ್ರಿಬ್ಲಿಂಗ್, ಪಾಸಿಂಗ್, ಬ್ಲಾಕ್ ಹಾಗೂ ಚೆಂಡನ್ನು ಬ್ಯಾಸ್ಕೆಟ್ಗೆ ಹಾಕಿ ಪಾಯಿಂಟ್ ಗಿಟ್ಟಿಸುವ ಕೆಲಸವನ್ನು ಈ ಮೂವರು ಹೊಂದಾಣಿಕೆಯಿಂದ ನಿರ್ವಹಿಸಬೇಕು. ಆಟದ ವೇಳೆ ಒಂದು ಕ್ಷಣವೂ ವಿಶ್ರಾಂತಿ ಲಭಿಸದು.<br /> <br /> ಹೀಗೆ ಆಟಗಾರ ಅಥವಾ ಆಟಗಾರ್ತಿಯ ದೈಹಿಕ ಸಾಮರ್ಥ್ಯವನ್ನು ಒರೆಗೆ ಹಚ್ಚುವ ಬೀಚ್ ಬ್ಯಾಸ್ಕೆಟ್ಬಾಲ್ ಕ್ರೀಡೆಯಲ್ಲಿ ಭಾರತದ ಮಹಿಳಾ ತಂಡ ಸದ್ದಿಲ್ಲದೆ ಸುದ್ದಿ ಮಾಡಿದೆ. ಚೀನಾದ ಹೈಯಾಂಗ್ನಲ್ಲಿ ಇತ್ತೀಚೆಗೆ ನಡೆದ ಏಷ್ಯನ್ ಬೀಚ್ ಕ್ರೀಡಾಕೂಟದ ಬ್ಯಾಸ್ಕೆಟ್ಬಾಲ್ನಲ್ಲಿ ಮಹಿಳೆಯರು ಚಿನ್ನ ಗೆದ್ದರು.<br /> <br /> ಭಾರತದ ಬ್ಯಾಸ್ಕೆಟ್ಬಾಲ್ ಕ್ರೀಡೆಯ ಇತಿಹಾಸವನ್ನು ನೋಡಿದಾಗ, ಇದೊಂದು ಅಮೋಘ ಸಾಧನೆಯೇ ಸರಿ. ಸಾಮಾನ್ಯ ಬ್ಯಾಸ್ಕೆಟ್ಬಾಲ್ ಆಟಕ್ಕಿಂತ ಕೆಲವೊಂದು ರೀತಿಯಲ್ಲಿ ಭಿನ್ನ ಎನಿಸಿರುವ ಈ ಕ್ರೀಡೆಯಲ್ಲಿ ದೊರೆತ ಯಶ ಭಾರತದ ಬ್ಯಾಸ್ಕೆಟ್ಬಾಲ್ಗೆ ಶುಭ ಸೂಚನೆಯಾಗಿದೆ. <br /> <br /> ಗೀತು ಅನ್ನಾ ಜೋಸ್ ನೇತೃತ್ವದ ತಂಡದಲ್ಲಿ ಅನಿತಾ ಪಾಲ್ ದುರೈ, ಕಿರಣ್ಜೀತ್ ಕೌರ್ ಮತ್ತು ಶಿರೀನ್ ವಿಜಯ್ ಲಿಮಯೆ ಇದ್ದರು. <br /> <br /> ಫೈನಲ್ನಲ್ಲಿ ಬಲಿಷ್ಠ ಚೀನಾ ತಂಡವನ್ನು ಮಣಿಸಿದ್ದ ಭಾರತ ಚಾಂಪಿಯನ್ಷಿಪ್ನಲ್ಲಿ ಸೋಲಿನ ಕಹಿ ಅನುಭವಿಸಿಯೇ ಇಲ್ಲ. ಒಟ್ಟು 45 ಪಾಯಿಂಟ್ ಕಲೆಹಾಕಿ `ಟಾಪ್ ಸ್ಕೋರರ್~ ಎನಿಸಿದ ಗೀತು ಅವರಿಗೆ ಈ ಟೂರ್ನಿಯನ್ನು ಮರೆಯಲು ಸಾಧ್ಯವಿಲ್ಲ. ಆರು ಅಡಿ ಎರಡಿಂಚು ಎತ್ತರದ ಈ ಆಟಗಾರ್ತಿ ಫೈನಲ್ನಲ್ಲಿ ಭಾರತ ಗಳಿಸಿದ್ದ 17 ಪಾಯಿಂಟ್ಗಳಲ್ಲಿ 11ನ್ನೂ ಕಲೆಹಾಕಿದ್ದರು!<br /> <br /> ಬ್ಯಾಸ್ಕೆಟ್ಬಾಲ್ನಲ್ಲಿ ಒಂದು ತಂಡದಲ್ಲಿ ಐವರು ಇರುವರು. ಆದರೆ ಬೀಚ್ ಬ್ಯಾಸ್ಕೆಟ್ಬಾಲ್ನಲ್ಲಿ ಮೂವರು ಮಾತ್ರ ಆಡಬೇಕು. ಬದಲಿ ಆಟಗಾರರಾಗಿ ಇಬ್ಬರಿಗೆ ಕಣಕ್ಕಿಳಿಯಬಹುದು. ಕೋರ್ಟ್ ಅಲ್ಪ ಸಣ್ಣದಾಗಿದ್ದರೂ, ಈ ಆಟ ಒಡ್ಡುವ ಸವಾಲು ಮಾತ್ರ ದೊಡ್ಡದು. ಅದ್ಭುತ ವೇಗ ಮತ್ತು ಚಾಕಚಕ್ಯತೆಯ ಜೊತೆಗೆ ತಾಂತ್ರಿಕವಾಗಿ ಸಾಕಷ್ಟು ಪಳಗಿದರೆ ಮಾತ್ರ ಇಲ್ಲಿ ಯಶಸ್ಸು ಗಳಿಸಬಹುದು. <br /> <br /> `ದೈಹಿಕವಾಗಿ ತುಂಬಾ ಸವಾಲು ಎದುರಾಗಿತ್ತು. ಅಲ್ಪವೂ ವಿಶ್ರಾಂತಿ ಇಲ್ಲದೆ ಆಡಬೇಕಿತ್ತು. ಪಂದ್ಯದ ನಡುವೆ ಸ್ಕೋರ್ ಬೋರ್ಡ್ ನೋಡಲೂ ಸಮಯ ಸಿಗುತ್ತಿರಲಿಲ್ಲ. ಆಟದ ವೇಳೆ ಎದುರಾಗುವ ಪರಿಸ್ಥಿತಿಯನ್ನು ವಿವರಿಸಲು ಅಸಾಧ್ಯ. ಚೀನಾ ತಂಡವನ್ನು ಮಣಿಸಿ ಚಾಂಪಿಯನ್ ಆಗಿದ್ದೇವೆ ಎಂಬುದನ್ನು ನಂಬಲಾಗುತ್ತಿಲ್ಲ~ ಎಂದು ಗೀತು ತಮ್ಮ ಅನುಭವ ಬಿಚ್ಚಿಟ್ಟರು. <br /> <br /> ತಂಡದ ಯಶಸ್ಸಿನ ಶ್ರೇಯ ಕೋಚ್ ಪ್ರೇಮ್ಕುಮಾರ್ ಅವರಿಗೂ ಸೇರಬೇಕು. ಭಾರತದ ಮಹಿಳಾ ಬ್ಯಾಸ್ಕೆಟ್ಬಾಲ್ ತಂಡ ಏಷ್ಯನ್ ಬೀಚ್ ಕ್ರೀಡಾಕೂಟದಲ್ಲಿ ಪಾಲ್ಗೊಂಡದ್ದು ಇದೇ ಮೊದಲು. ಚೊಚ್ಚಲ ಪ್ರಯತ್ನದಲ್ಲೇ ಚಿನ್ನದ ನಗು ಬೀರಿದೆ. ಪುರುಷರ ತಂಡದವರು ಐದನೇ ಸ್ಥಾನ ಗಳಿಸಿದ್ದರು. <br /> <br /> ಫೈನಲ್ ಪಂದ್ಯದಲ್ಲಿ ಎದುರಾದ ಸವಾಲಿನ ಬಗ್ಗೆ ತಿಳಿಸಿದ ಗೀತು, `ಚೀನಾದ ಆಟಗಾರ್ತಿಯರು ನಮಗಿಂತ ಎತ್ತರ ಹಾಗೂ ದೈಹಿಕವಾಗಿ ಬಲಿಷ್ಠರಾಗಿದ್ದರು. ಈ ಕಾರಣ ನಾವು ತಾಂತ್ರಿಕತೆಗೆ ಹೆಚ್ಚು ಒತ್ತು ನೀಡಿದೆವು~ ಎಂದರು.<br /> <br /> ಲೀಗ್ ಹಂತದಲ್ಲಿ ಬಲಿಷ್ಠ ಥಾಯ್ಲೆಂಡ್ ತಂಡವನ್ನು ಮಣಿಸಿದ್ದು ತಂಡದ ಆತ್ಮವಿಶ್ವಾಸ ಹೆಚ್ಚಲು ಕಾರಣ ಎಂಬುದು ಗೀತು ಅವರ ಹೇಳಿಕೆ. ಥಾಯ್ಲೆಂಡ್ ಎದುರು ಗೆಲುವು ಸುಲಭವಾಗಿ ದಕ್ಕಲಿಲ್ಲ. `ಈ ಸಾಧನೆ ಭಾರತದ ಬ್ಯಾಸ್ಕೆಟ್ಬಾಲ್ ಕ್ರೀಡೆಯನ್ನು ಹೊಸ ದಿಕ್ಕಿನತ್ತ ಕೊಂಡೊಯ್ಯಲಿದೆ~ ಎಂಬುದು 26ರ ಹರೆಯದ ಗೀತು ಅವರ ವಿಶ್ವಾಸದ ನುಡಿಗಳು. <br /> <br /> ಇದು ಸಾಮಾನ್ಯ ಬ್ಯಾಸ್ಕೆಟ್ಬಾಲ್ ಪಂದ್ಯ ಆಗಿದ್ದಲ್ಲಿ ಚೀನಾ ತಂಡವನ್ನು ಸೋಲಿಸಲು ಸಾಧ್ಯವಾಗುತ್ತಿತ್ತೇ ಎಂದು ಕೇಳಿದಾಗ ಅಲ್ಪ ಹಿಂಜರಿಕೆ ತೋರಿದ ಗೀತು `ಇಲ್ಲ~ ಎಂದರು. <br /> ಭಾರತ ತಂಡದವರು ಬೀಚ್ ಕ್ರೀಡಾಕೂಟಕ್ಕೆ ತೆರಳುವ ಮುನ್ನ ಬೆಂಗಳೂರಿನ ಎಸ್ಎಐನಲ್ಲಿ ಕೆಲವು ದಿನಗಳ ಕಾಲ ಕಠಿಣ ತರಬೇತಿಯಲ್ಲಿ ಪಾಲ್ಗೊಂಡಿದ್ದರು. ಮಾತ್ರವಲ್ಲ, ಚಿನ್ನದ ಪದಕ ಕೊರಳಿಗೇರಿಸಿಕೊಂಡು ಗೆಲುವಿನ ನಗು ಬೀರುತ್ತಾ ಉದ್ಯಾನನಗರಿಗೆ ಬಂದಿಳಿದಿದ್ದರು. <br /> <br /> <strong>ವಿದೇಶಿ ಕ್ಲಬ್ಗಳಿಂದ ಆಹ್ವಾನ: </strong>ಕೇರಳದ ಗೀತುಗೆ ಕೆಲವೊಂದು ಕ್ಲಬ್ಗಳಿಂದ `ಆಫರ್~ಗಳು ಬಂದಿವೆ. ಆಸ್ಟ್ರೇಲಿಯದ ಬಿಗ್ ಫೈವ್ ಕ್ಲಬ್ ರಿಂಗ್ವುಡ್ ಹಾಕ್ಸ್ ಮತ್ತೆ ತಂಡಕ್ಕೆ ಮರಳುವಂತೆ ಗೀತು ಅವರಲ್ಲಿ ಕೇಳಿಕೊಂಡಿದೆ. <br /> <br /> ಭಾರತದ ಆಟಗಾರ್ತಿ 2006 ರಿಂದ 2008ರ ವರೆಗೆ ಈ ಕ್ಲಬ್ಗೆ ಆಡಿದ್ದರು. ಅದೇ ರೀತಿ ಆಸಿಯಾನ್ ಬ್ಯಾಸ್ಕೆಟ್ಬಾಲ್ ಲೀಗ್ನಲ್ಲಿ ಆಡುತ್ತಿರುವ ಥಾಯ್ಲೆಂಡ್ನ ಕ್ಲಬ್ ಬ್ಯಾಂಕಾಕ್ ಕೋಬ್ರಾಸ್ನಿಂದಲೂ ಆಹ್ವಾನ ಬಂದಿದೆ. <br /> <br /> ಎನ್ಬಿಎ ತಂಡ ಲಾಸ್ ಏಂಜಲೀಸ್ ಲೇಕರ್ಸ್ನ `ಸೂಪರ್ ಸ್ಟಾರ್~ ಕೋಬ್ ಬ್ರಯಾಂಟ್ ಅವರ ತಂದೆ ಜೋ ಬ್ರಯಾಂಟ್ ಈ ತಂಡದ ಕೋಚ್ ಆಗಿದ್ದಾರೆ. ಯಾವ ಕ್ಲಬ್ ಸೇರಬೇಕು ಎಂಬುದರ ಬಗ್ಗೆ ಗೀತು ಇನ್ನೂ ಅಂತಿಮ ನಿರ್ಧಾರ ಕೈಗೊಂಡಿಲ್ಲ. <br /> ಕಳೆದ ವರ್ಷ ಅಮೆರಿಕದ ಡಬ್ಲ್ಯುಎನ್ಬಿಎ ತಂಡಗಳಾದ ಚಿಕಾಗೊ ಸ್ಕೈ, ಲಾಸ್ ಏಂಜಲೀಸ್ಸ್ಪಾರ್ಕ್ಸ್ ಮತ್ತು ಸ್ಯಾನ್ ಆ್ಯಂಟೋನಿಯೊ ಸಿಲ್ವರ್ ಗೀತು ಅವರನ್ನು `ಟ್ರೈ ಔಟ್~ಗೆ ಆಹ್ವಾನಿಸಿತ್ತು.<br /> <br /> ಆದರೆ ಈ ತಂಡಗಳಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದರು. `ಗೀತು ಪ್ರತಿಭಾನ್ವಿತ ಆಟಗಾರ್ತಿ. ಅದ್ಭುತ ವೇಗ ಹೊಂದಿದ್ದಾರೆ. ಆದರೆ ಅಂಗಳದಲ್ಲಿ ಇನ್ನಷ್ಟು ಆಕ್ರಮಣಕಾರಿ ಎನಿಸಬೇಕು~ ಎಂಬ ಅಭಿಪ್ರಾಯವನ್ನು ಡಬ್ಲ್ಯುಎನ್ಬಿಎ ಕೋಚ್ ವ್ಯಕ್ತಪಡಿಸಿದ್ದರು. <br /> ಆದ್ದರಿಂದ ಕೋರ್ಟ್ನಲ್ಲಿ ಇನ್ನಷ್ಟು ಆಕ್ರಮಣಕಾರಿಯಾಗಿ ಕಾಣಬೇಕೆಂಬ ಪ್ರಯತ್ನದಲ್ಲಿದ್ದಾರೆ ಗೀತು.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
