ಬುಧವಾರ, ಮೇ 12, 2021
24 °C

ಬೆಂಗಳೂರಿನಲ್ಲಿ ಬೋಕಾ ಜೂನಿಯರ್ಸ್‌ ಫುಟ್‌ಬಾಲ್ ಅಕಾಡೆಮಿಗೆ ಚಾಲನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ವಿಶ್ವದ ಪ್ರಮುಖ ಫುಟ್‌ಬಾಲ್ ಕ್ಲಬ್‌ಗಳಲ್ಲಿ ಒಂದಾಗಿರುವ `ಕ್ಲಬ್ ಅಟ್ಲೆಟಿಕೋ ಬೋಕಾ ಜೂನಿಯರ್'ನ ಬೋಕಾ ಜೂನಿಯರ್ಸ್‌ ಫುಟ್‌ಬಾಲ್ ಸ್ಕೂಲ್ ಇಂಡಿಯಾ (ಬಿಜೆಎಫ್‌ಎಸ್‌ಐ) ಸಂಸ್ಥೆ ತನ್ನ ಮೊದಲ ಶಾಖೆಗೆ ಅಧಿಕೃತವಾಗಿ ಶುಕ್ರವಾರ ಚಾಲನೆ ನೀಡಿತು.



ನಗರದಲ್ಲಿ ನಡೆದ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿದ `ಬಿಜೆಎಫ್‌ಎಸ್‌ಐ' ಸಂಸ್ಥೆಯ ವ್ಯವಸ್ಥಾಪಕ ಫ್ರಾನ್ಸಿಸ್ಕೊ ಮೊರಿಯಾ, `ಈ ಅವಕಾಶ ಬಳಸಿಕೊಂಡು ದೇಶದಲ್ಲಿ ಫುಟ್‌ಬಾಲ್ ಕ್ರೀಡೆಯನ್ನು ಅಭಿವೃದ್ಧಿ ಪಡಿಸಲು ಬದ್ಧರಾಗಿದ್ದೇವೆ' ಎಂದರು.



`ಯುವ ವಿದ್ಯಾರ್ಥಿಗಳಿಗೆ ದಕ್ಷಿಣ ಅಮೆರಿಕ ಶೈಲಿಯ ಫುಟ್‌ಬಾಲ್ ಕಲಿಯಲು ಇದೊಂದು ಅವಕಾಶ' ಎಂದ ಅವರು, `ಡೇವಿಡ್ ಅವರು ಅನುಭವಿ ವೃತ್ತಿಪರ ಕೋಚ್ ಆಗಿದ್ದು, ಯುವ ಪ್ರತಿಭೆಯನ್ನು ಗುರುತಿಸಿ ಪೋಷಿಸುವುದು ಅವರ ವೈಶಿಷ್ಟ್ಯ' ಎಂದರು.



ಸಂಸ್ಥೆಯ ರಾಷ್ಟ್ರೀಯ ತಾಂತ್ರಿಕ ನಿರ್ದೇಶಕ ಡೇವಿಡ್ ಮೊಲಿನರ್ ಮಾತನಾಡಿ, `ಭಾರತದಲ್ಲಿ ಪ್ರತಿಭೆಗಳಿಗೆ ಬರವಿಲ್ಲ. ನಮ್ಮ ತಂಡ ಫುಟ್‌ಬಾಲ್ ತರಬೇತಿಯಲ್ಲಿ ಸೂಕ್ತ ಅನುಭವ ಹೊಂದಿದೆ. ಅಕಾಡೆಮಿಯ ವಿದ್ಯಾರ್ಥಿಗಳಿಗೆ ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲೂ ಸೂಕ್ತ ಅವಕಾಶ ನೀಡಲಾಗುವುದು' ಎಂದರು.



`ಬಿಜೆಎಫ್‌ಸಿಐ' ಸಂಸ್ಥೆ ನಗರದ ವೈಟ್‌ಫೀಲ್ಡ್‌ನ ಐಟಿಪಿಬಿ ಹಾಗೂ ಸರ್ಜಾಪುರದ ಪ್ಲೇ ಎಕ್ಸ್ ಗೇಮ್ಸನಲ್ಲಿ ಜುಲೈ 6ರಿಂದ ತನ್ನ ಮೊದಲ ಅಕಾಡೆಮಿ ನಡೆಸಲಿದೆ. ಇದೇ 10 ರಿಂದ 14 ರ ವರೆಗೆ ಸಂಸ್ಥೆಯ ಮೊದಲ ಶಿಬಿರವನ್ನೂ ನಡೆಸಲಿದೆ ಎಂದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.