ಬುಧವಾರ, ಮೇ 12, 2021
26 °C
ಕವಿತೆ

ಬೆಳದಿಂಗಳಲ್ಲಿ ಕಂಡ ಅಮಾವಾಸ್ಯೆಯ ಚಿತ್ರಗಳು

-ಟಿ. ಯಲ್ಲಪ್ಪ Updated:

ಅಕ್ಷರ ಗಾತ್ರ : | |

1

ಅಮ್ಮನ

ಸಿಲ್ವಾರದ ತಟ್ಟೆಯ ಮೇಲೆ

ನಾನು

ಕಲ್ಲಿಜ್ಜಲಿನಿಂದ ಬರೆದ

ನನ್ನದೇ ಕನಸುಗಳು

ಈ ಹುಣ್ಣಿಮೆಯ ಬೆಳದಿಂಗಳಲ್ಲಿ

ಕಾಣುತ್ತಿದೆ ನನಗೆ

ಅವರಿವರ ಕೆಂಗಣ್ಣ ಉರಿಯಲ್ಲಿ

ಸುಟ್ಟು ಕರಿಕಲಾದ

ನನ್ನಪ್ಪ ಅವ್ವಂದಿರ

ಜೀವಂತ ಶವಗಳಂತೆ!

2

ಅಮ್ಮನ

ಗುಡಿಸಲ ಗೋಡೆ

ಗೂಡುಗಳ ಸುತ್ತೆಲ್ಲಾ

ಗೂಡು ಕಟ್ಟಿರುವ ನವುಲುಗಳ

ಕೆಮ್ಮಣ್ಣ ಚಿತ್ತಾರ

ಈ ಬೆಳದಿಂಗಳ ಬೆಳಕಲ್ಲಿ

ಕಾಣುತ್ತಿದೆ ನನಗೆ

ನೆತ್ತರಲೇ ಅದ್ದಿ ತೆಗೆದಂತೆ!

ಅವಳೇ ಬಿಡಿಸಿರುವ

ಮರಿ ನವುಲ ಸಂತತಿ

ಸರ್ಪಗಳ ಬಾಯಿಗೆ

ಸಿಕ್ಕಿ ಬಿಕ್ಕುತ್ತಿರುವಂತೆ

3

ಗುಡಿಸಲ ತಡಿಕೆಯ ಹಿಂದೆ

ತಳಮಳಗೊಂಡು

ತಲೆಬಾಗಿ ಕುಂತಿರುವ

ಅವಳ ಪ್ರಾಯಕ್ಕೆ ಬಂದ ಮಗಳ

ಎದೆಯ ಮೇಲಿನ ಸೆರಗು

ಕಣ್ಣ ಒಳಗಿನ ಕನಸು

ಎಲ್ಲವೂ ರಕ್ತಸಿಕ್ತವಾದಂತೆ

ಕಾಣುತ್ತಿದೆ ನನಗೆ

ಆ ಬೆಳದಿಂಗಳ ರಾತ್ರಿಯಲ್ಲಿ!

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.