ಸೋಮವಾರ, ಜನವರಿ 20, 2020
20 °C

ಮಾರುತೇಶ್ವರ ಕಾರ್ತಿಕೋತ್ಸವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕುಷ್ಟಗಿ: ಪಟ್ಟಣದ ಡಾ.ಬಿ.ಆರ್‌. ಅಂಬೇಡ್ಕರ್‌ ನಗರದಲ್ಲಿನ ಮಾರು­ತೇಶ್ವರ ದೇವಸ್ಥಾನದ ಕಾರ್ತಿಕೋತ್ಸವ ಸೋಮವಾರ ಸಂಭ್ರಮದಿಂದ ನೆರವೇರಿತು.



ಮಾರುತೇಶ್ವರ ಮೂರ್ತಿಗೆ ಅಭಿಷೇಕ, ಸಹಸ್ರ ಬಿಲ್ವಾರ್ಚನೆ, ವಿಶೇಷ ಅಲಂಕಾರ, ನೈವೇದ್ಯ ಹಾಗೂ ಮಹಾಮಂಗಳಾರತಿ ಸೇರಿದಂತೆ ಅನೇಕ ಧಾರ್ಮಿಕ ಕಾರ್ಯ­ಕ್ರಮಗಳು ಶ್ರದ್ಧೆ, ಭಕ್ತಿಯಿಂದ ನೆರವೇರಿದವು.



ನಂತರ ಕನಕದಾಸ ವೃತ್ತದ ಬಳಿ ಇರುವ ಮಲ್ಲಿಕಾರ್ಜುನ ದೇವಸ್ಥಾನ­ದಿಂದ ದೇವಸ್ಥಾನದ ಮೆರವಣಿಗೆ ಮೂಲಕ ತಂದ ಕಳಸವನ್ನು ಆರೋಹಣ ಮಾಡಲಾಯಿತು. ಕಳಸ ಹಿಡಿದ  ಮಹಿಳೆಯರು ವಿವಿಧ ವಾಧ್ಯ ಮೇಳದ ಕಲಾವಿದರು ಹಾಗೂ ಡಾ.ಅಂಬೇಡ್ಕರ್‌ ನಗರದ ಭಕ್ತರು ಮೆರವಣಿಗೆ­ಯಲ್ಲಿದ್ದರು. ನಂತರ ನಡೆದ ದೀಪೋತ್ಸ­ವದಲ್ಲಿ ಭಕ್ತರು ಭಾವಹಿಸಿದ್ದರು.



ಸಂಜೆ ಕಲಾವಿದ ದುರಗಪ್ಪ ಹಿರೇಮನಿ ಹಾಗೂ ಸಂಗಡಿಗರಿಂದ ಸಂಗೀತ ಕಾರ್ಯ­ಕ್ರಮ ನಡೆಯಿತು. ಶಾಸಕ ದೊಡ್ಡನಗೌಡ ಪಾಟೀಲ, ಮಾಜಿ ಶಾಸಕ ಕೆ.ಶರಣಪ್ಪ, ದೇವಸ್ಥಾನಕ್ಕೆ ಭೇಟಿ ನೀಡಿ ಮಾರುತೇಶ್ವರನ ದರ್ಶನ ಪಡೆದದರು.



ಪ್ರಮಖರಾದ ಕಟ್ಟೆಪ್ಪ ಹಿರೇಮನಿ, ಕಂಟೆಪ್ ಮಾಸ್ತರ್, ಶರಣಪ್ಪ ಗುಮ­ಗೇರಿ, ಶೇಖಪ್ಪ ಮ್ಯಾಗೇರಿ, ಹನು­ಮಂತಪ್ಪ ವೆಂಕಟಾಪುರ, ಪುರಸಭೆ ಸದಸ್ಯ ಚಂದ್ರಶೇಖರ ಹಿರೇಮನಿ, ಬಾಬೂ­ಸಾಬ ಆನೇಹೊಸೂರು, ತಾಜು­ದ್ದೀನ್ ದಳಪತಿ, ರಾಮಣ್ಣ ಇಂಗಳಗಿ ಇತರರು ಇದ್ದರು.

ಪ್ರತಿಕ್ರಿಯಿಸಿ (+)