<p><strong>ಬೆಂಗಳೂರು</strong>: `ನಮ್ಮ ಮೆಟ್ರೊ' ಯೋಜನೆಯ ಮೊದಲನೇ ಹಂತದ ರೀಚ್ 3ರ ಪೀಣ್ಯ- ಯಶವಂತಪುರ (5.3 ಕಿ.ಮೀ) ನಡುವೆ ಪರೀಕ್ಷಾರ್ಥ ಸಂಚಾರ ಸೋಮವಾರ ಆರಂಭಗೊಂಡಿತು.<br /> <br /> ಟ್ರಾಕ್, ವೇಗದ ಮಿತಿ, ಹಳಿ ಜೋಡಣೆ, ಸಿಗ್ನಲ್ ಜಂಪ್, ಕ್ರಾಸಿಂಗ್ ಮೊದಲಾದ ವ್ಯವಸ್ಥೆಗಳು ಸಮರ್ಪಕವಾಗಿದೆಯೇ ಇಲ್ಲವೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಹಾಗೂ ಇರಬಹುದಾದ ತಾಂತ್ರಿಕ ಲೋಪದೋಷಗಳನ್ನು ಕಂಡುಕೊಂಡು ಸರಿಪಡಿಸಲು ಪರೀಕ್ಷಾರ್ಥ ಸಂಚಾರ ನಡೆಸಲಾಗುತ್ತಿದೆ. ಕನಿಷ್ಠ ಎರಡು ತಿಂಗಳ ಕಾಲ ಸತತವಾಗಿ ಪರೀಕ್ಷಾರ್ಥ ಸಂಚಾರ ನಡೆಯಲಿದೆ.<br /> <br /> ನಿಗಮದ ವ್ಯವಸ್ಥಾಪಕ ಎನ್.ಶಿವಶೈಲಂ, ಹಿರಿಯ ಅಧಿಕಾರಿಗಳು ಹಾಗೂ ತಂತ್ರಜ್ಞರು ಹಾಜರಿದ್ದರು.<br /> <br /> `ಪೀಣ್ಯದಿಂದ ಮಲ್ಲೇಶ್ವರದ ಸಂಪಿಗೆ ರಸ್ತೆ (10.4 ಕಿ.ಮೀ) ವರೆಗಿನ ರೀಚ್3 ಹಾಗೂ 3 ಎ ಯಲ್ಲಿ ಪರೀಕ್ಷಾರ್ಥ ಸಂಚಾರ ಜುಲೈ ಮಧ್ಯಭಾಗದಲ್ಲಿ ಆರಂಭವಾಗಲಿದೆ. ಈ ಮಾರ್ಗದಲ್ಲಿ 10 ನಿಲ್ದಾಣಗಳಿವೆ. ಪರೀಕ್ಷಾರ್ಥ ಸಂಚಾರಕ್ಕೆ ಮುಖ್ಯಮಂತ್ರಿ ಅವರು ಚಾಲನೆ ನೀಡುವರು' ಎಂದು ಮೆಟ್ರೊ ಪ್ರಕಟಣೆಯಲ್ಲಿ ತಿಳಿಸಿದೆ. ಸೋಮವಾರ (ಜೂ. 10) ಪೂರ್ಣ ಪ್ರಮಾಣದ ಪರೀಕ್ಷಾರ್ಥ ಸಂಚಾರ ಆರಂಭವಾಗಲಿದೆ ಎಂದು ನಿಗಮವು ಇತ್ತೀಚೆಗೆ ತಿಳಿಸಿತ್ತು. ಈಗ ಮತ್ತೆ ದಿನಾಂಕ ಬದಲಾವಣೆ ಆಗಿದೆ. `ಪೂರ್ಣ ಪ್ರಮಾಣದ ಪರೀಕ್ಷಾರ್ಥ ಸಂಚಾರ ಆರಂಭವಾಗುವ ದಿನಾಂಕದ ಬಗ್ಗೆ ಮುಂದೆ ಮಾಹಿತಿ ನೀಡುತ್ತೇವೆ' ಎಂದು ಎನ್.ಶಿವಶೈಲಂ ತಿಳಿಸಿದರು. ಪೀಣ್ಯ ಡಿಪೋದಲ್ಲಿ 1.2 ಕಿ.ಮೀ. ಉದ್ದದ ಹಳಿಗಳ ಮೇಲೆ `ಹಸಿರು ಬಣ್ಣ'ದ ಮೆಟ್ರೊ ರೈಲು ಗಾಡಿಯು ಪರೀಕ್ಷಾರ್ಥ ಸಂಚಾರವನ್ನು ಜನವರಿ ತಿಂಗಳಲ್ಲೇ ಯಶಸ್ವಿಯಾಗಿ ನಡೆಸಿತ್ತು.<br /> <br /> <strong>ಹಸಿರು ಮಾರ್ಗ</strong>: ಬೈಯಪ್ಪನಹಳ್ಳಿಯಿಂದ ಮೈಸೂರು ರಸ್ತೆವರೆಗಿನ ಪೂರ್ವ- ಪಶ್ಚಿಮ ಕಾರಿಡಾರ್ನಲ್ಲಿ ನೇರಳೆ ಬಣ್ಣದ ರೈಲು ಗಾಡಿಗಳು ಓಡಾಡುವುದರಿಂದ ಅದನ್ನು `ನೇರಳೆ ಮಾರ್ಗ' ಹಾಗೂ ಹೆಸರಘಟ್ಟ ಕ್ರಾಸ್ನಿಂದ ಪುಟ್ಟೇನಹಳ್ಳಿ ಕ್ರಾಸ್ವರೆಗಿನ ಉತ್ತರ- ದಕ್ಷಿಣ ಕಾರಿಡಾರ್ನಲ್ಲಿ ಹಸಿರು ಬಣ್ಣದ ರೈಲು ಗಾಡಿಗಳು ಸಂಚರಿಸುವುದರಿಂದ ಅದನ್ನು `ಹಸಿರು ಮಾರ್ಗ' ಎಂದು ಕರೆಯಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: `ನಮ್ಮ ಮೆಟ್ರೊ' ಯೋಜನೆಯ ಮೊದಲನೇ ಹಂತದ ರೀಚ್ 3ರ ಪೀಣ್ಯ- ಯಶವಂತಪುರ (5.3 ಕಿ.ಮೀ) ನಡುವೆ ಪರೀಕ್ಷಾರ್ಥ ಸಂಚಾರ ಸೋಮವಾರ ಆರಂಭಗೊಂಡಿತು.<br /> <br /> ಟ್ರಾಕ್, ವೇಗದ ಮಿತಿ, ಹಳಿ ಜೋಡಣೆ, ಸಿಗ್ನಲ್ ಜಂಪ್, ಕ್ರಾಸಿಂಗ್ ಮೊದಲಾದ ವ್ಯವಸ್ಥೆಗಳು ಸಮರ್ಪಕವಾಗಿದೆಯೇ ಇಲ್ಲವೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಹಾಗೂ ಇರಬಹುದಾದ ತಾಂತ್ರಿಕ ಲೋಪದೋಷಗಳನ್ನು ಕಂಡುಕೊಂಡು ಸರಿಪಡಿಸಲು ಪರೀಕ್ಷಾರ್ಥ ಸಂಚಾರ ನಡೆಸಲಾಗುತ್ತಿದೆ. ಕನಿಷ್ಠ ಎರಡು ತಿಂಗಳ ಕಾಲ ಸತತವಾಗಿ ಪರೀಕ್ಷಾರ್ಥ ಸಂಚಾರ ನಡೆಯಲಿದೆ.<br /> <br /> ನಿಗಮದ ವ್ಯವಸ್ಥಾಪಕ ಎನ್.ಶಿವಶೈಲಂ, ಹಿರಿಯ ಅಧಿಕಾರಿಗಳು ಹಾಗೂ ತಂತ್ರಜ್ಞರು ಹಾಜರಿದ್ದರು.<br /> <br /> `ಪೀಣ್ಯದಿಂದ ಮಲ್ಲೇಶ್ವರದ ಸಂಪಿಗೆ ರಸ್ತೆ (10.4 ಕಿ.ಮೀ) ವರೆಗಿನ ರೀಚ್3 ಹಾಗೂ 3 ಎ ಯಲ್ಲಿ ಪರೀಕ್ಷಾರ್ಥ ಸಂಚಾರ ಜುಲೈ ಮಧ್ಯಭಾಗದಲ್ಲಿ ಆರಂಭವಾಗಲಿದೆ. ಈ ಮಾರ್ಗದಲ್ಲಿ 10 ನಿಲ್ದಾಣಗಳಿವೆ. ಪರೀಕ್ಷಾರ್ಥ ಸಂಚಾರಕ್ಕೆ ಮುಖ್ಯಮಂತ್ರಿ ಅವರು ಚಾಲನೆ ನೀಡುವರು' ಎಂದು ಮೆಟ್ರೊ ಪ್ರಕಟಣೆಯಲ್ಲಿ ತಿಳಿಸಿದೆ. ಸೋಮವಾರ (ಜೂ. 10) ಪೂರ್ಣ ಪ್ರಮಾಣದ ಪರೀಕ್ಷಾರ್ಥ ಸಂಚಾರ ಆರಂಭವಾಗಲಿದೆ ಎಂದು ನಿಗಮವು ಇತ್ತೀಚೆಗೆ ತಿಳಿಸಿತ್ತು. ಈಗ ಮತ್ತೆ ದಿನಾಂಕ ಬದಲಾವಣೆ ಆಗಿದೆ. `ಪೂರ್ಣ ಪ್ರಮಾಣದ ಪರೀಕ್ಷಾರ್ಥ ಸಂಚಾರ ಆರಂಭವಾಗುವ ದಿನಾಂಕದ ಬಗ್ಗೆ ಮುಂದೆ ಮಾಹಿತಿ ನೀಡುತ್ತೇವೆ' ಎಂದು ಎನ್.ಶಿವಶೈಲಂ ತಿಳಿಸಿದರು. ಪೀಣ್ಯ ಡಿಪೋದಲ್ಲಿ 1.2 ಕಿ.ಮೀ. ಉದ್ದದ ಹಳಿಗಳ ಮೇಲೆ `ಹಸಿರು ಬಣ್ಣ'ದ ಮೆಟ್ರೊ ರೈಲು ಗಾಡಿಯು ಪರೀಕ್ಷಾರ್ಥ ಸಂಚಾರವನ್ನು ಜನವರಿ ತಿಂಗಳಲ್ಲೇ ಯಶಸ್ವಿಯಾಗಿ ನಡೆಸಿತ್ತು.<br /> <br /> <strong>ಹಸಿರು ಮಾರ್ಗ</strong>: ಬೈಯಪ್ಪನಹಳ್ಳಿಯಿಂದ ಮೈಸೂರು ರಸ್ತೆವರೆಗಿನ ಪೂರ್ವ- ಪಶ್ಚಿಮ ಕಾರಿಡಾರ್ನಲ್ಲಿ ನೇರಳೆ ಬಣ್ಣದ ರೈಲು ಗಾಡಿಗಳು ಓಡಾಡುವುದರಿಂದ ಅದನ್ನು `ನೇರಳೆ ಮಾರ್ಗ' ಹಾಗೂ ಹೆಸರಘಟ್ಟ ಕ್ರಾಸ್ನಿಂದ ಪುಟ್ಟೇನಹಳ್ಳಿ ಕ್ರಾಸ್ವರೆಗಿನ ಉತ್ತರ- ದಕ್ಷಿಣ ಕಾರಿಡಾರ್ನಲ್ಲಿ ಹಸಿರು ಬಣ್ಣದ ರೈಲು ಗಾಡಿಗಳು ಸಂಚರಿಸುವುದರಿಂದ ಅದನ್ನು `ಹಸಿರು ಮಾರ್ಗ' ಎಂದು ಕರೆಯಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
