<p>`ಮೈಸೂರು~- ಹೆಸರಿನ ಜೊತೆಗೇ ನೆನಪಿಗೆ ಬರುವ ಮತ್ತೊಂದು ಪದ `ದಸರಾ~. ಮೈಸೂರಿಗೂ ದಸರಾಕ್ಕೂ ಅಷ್ಟೊಂದು ನಂಟು. `ಜಂಬೂ ಸವಾರಿ~ ಇಲ್ಲದ ದಸರಾ ಇರಲು ಸಾಧ್ಯವೇ ಇಲ್ಲ. ಜಂಬೂ ಸವಾರಿಯಲ್ಲಿ ಮುಂಚೂಣಿಯಲ್ಲಿ ಇರುವ ಅಶ್ವದಳ ಮತ್ತು ಬ್ಯಾಂಡ್ ಹಾಗೂ ಆರ್ಕೆಸ್ಟ್ರಾಗಳ ಪರಂಪರೆಯನ್ನು ಸೊಗಸಾದ ರೀತಿಯಲ್ಲಿ ಈ ಪುಸ್ತಕದಲ್ಲಿ ದಾಖಲಿಸಲಾಗಿದೆ. <br /> <br /> ಪುಸ್ತಕದ ಹೆಸರೇ ಸೂಚಿಸುವಂತೆ ಮೈಸೂರು ಅರಮನೆಯ ಪರಂಪರೆಯ ಭಾಗಗಳಾದ ಅಶ್ವದಳ, ಬ್ಯಾಂಡ್ ಹಾಗೂ ಆರ್ಕೆಸ್ಟ್ರಾಗಳ ಇತಿಹಾಸ, ಬೆಳೆದು ಬಂದ ಬಗೆ ಈಗ ಇರುವ ಸ್ವರೂಪಗಳನ್ನು ಸಚಿತ್ರವಾಗಿ ವಿವರಿಸಲಾಗಿದೆ. <br /> <br /> `ಮೈಸೂರು ಅರಮನೆಯ ಪರಂಪರೆ ಘಟಕಗಳು~ ಎಂಬ ಅಧ್ಯಾಯದೊಂದಿಗೆ ಪ್ರಾರಂಭವಾಗುವ ಪುಸ್ತಕದಲ್ಲಿ ಒಟ್ಟು ಎಂಟು ಅಧ್ಯಾಯಗಳಿವೆ. ಅಶ್ವಾರೋಹಿ ಪಡೆ, ವಾದ್ಯವೃಂದ (ಬ್ಯಾಂಡ್), ಆರ್ಕೆಸ್ಟ್ರಾ (ವಾದ್ಯಮೇಳ), ಆಚರಣೆಗಳಿಗೆ ಹೊಂದಿಸಿದ ಸಂಗೀತದ (ಮಾಸ್ಸಡ್ ಬ್ಯಾಂಡ್) ವಾದ್ಯವೃಂದ , ಕರ್ನಾಟಕ ರಾಜ್ಯ ಅಶ್ವಾರೋಹಿ ಪೊಲೀಸ್ (ಕೆಎಆರ್ಪಿ =ಕರ್ನಾಟಕ ರಾಜ್ಯ ಸಶಸ್ತ್ರ ಪೊಲೀಸ್) ವಸ್ತು ಸಂಗ್ರಹಾಲಯ, ಕುತೂಹಲಕಾರಿ ಸಂಗತಿಗಳು/ಘಟನೆಗಳು, ಪರಂಪರೆಯ ಮುಂದುವರಿಕೆ ಎಂದು ವಿಭಾಗಿಸಲಾಗಿದೆ.<br /> <br /> ಮೈಸೂರಿನ ಒಡೆಯರ್ ಸಾಮ್ರಾಜ್ಯದ (1399-1950) ಎಲ್ಲ ಅರಸರ ಕಾಲಾನುಕ್ರಮಣಿಕೆಯ ಜೊತೆಯಲ್ಲಿ ಸಿಂಹಾಸನದಲ್ಲಿ ಆಸೀನರಾಗಿದ್ದ ಮಹತ್ವದ ದೊರೆಗಳ ವರ್ಣಚಿತ್ರದೊಂದಿಗೆ ಪುಸ್ತಕ ಆರಂಭವಾಗುತ್ತದೆ. ಇಡೀ ಪುಟವನ್ನು ಅಲಂಕರಿಸಿರುವ ವಿದ್ಯುದ್ದೀಪಾಲಂಕೃತ ಅರಮನೆಯ ಚಿತ್ರ ಸೊಗಸಾಗಿದೆ. <br /> <br /> ನಂತರ ಆರಂಭವಾಗುತ್ತದೆ, ಕಣ್ಮನ ತಣಿಸುವ ದಸರಾ ಮತ್ತು ಆನೆಯ ಮೇಲೆ ಚಿನ್ನದ ಅಂಬಾರಿಯೊಂದಿಗೆ ನಡೆಯುವ ಮೆರವಣಿಗೆಯ ಛಾಯಾಚಿತ್ರಗಳ ಸರಣಿ. ಅಶ್ವಾರೋಹಿ ಪಡೆಯ ಕಚೇರಿ, ಕುದುರೆ ಲಾಯ, ಕುದುರೆಗಳಿಗೆ ಸಂಬಂಧಿಸಿದ ಜೀನು, ಲಾಳ ಅವುಗಳನ್ನು ಸಿಂಗರಿಸಿ ಸಿದ್ಧಪಡಿಸುವ ವಿಧಾನಗಳನ್ನು ವಿವರವಾಗಿ ನೀಡಲಾಗಿದೆ. <br /> <br /> ಪುಟ್ಟ ಮಾಹಿತಿಯ ಜೊತೆಯಲ್ಲಿರುವ ಸುಂದರ ಚಿತ್ರಗಳು ಆಲ್ಬಂ ನೋಡುತ್ತಿರುವ ಅನುಭವ ಉಂಟು ಮಾಡುತ್ತವೆ. ಅಶ್ವದಳಕ್ಕೆ ಸಂಬಂಧಿಸಿದಂತೆ ಪ್ರತಿಯೊಂದು ಸಣ್ಣಪುಟ್ಟ ವಿವರಗಳನ್ನೂ ದಾಖಲಿಸಲಾಗಿದೆ. ಬ್ಯಾಂಡ್ ಹೌಸ್ ಹಾಗೂ ಅದರಲ್ಲಿ ಇರುವ ಸಂಗೀತದ ಸ್ವರಚಿಹ್ನೆಯ (ಮ್ಯೂಸಿಕಲ್ ನೋಟ್ಸ್) ಗ್ರಂಥಾಲಯದ ವಿವರಗಳಿವೆ. <br /> <br /> ವಾದ್ಯಮೇಳದ ಕುರಿತ ಚಿತ್ರಗಳು ಅವರ ಸಿದ್ಧತೆ, ರಿಯಾಜ್ಗಳ ಕುರಿತೂ ಮಾಹಿತಿ ಇದೆ. ವಾದ್ಯವೃಂದಕ್ಕೆ ಮಹತ್ವದ ಕೊಡುಗೆ ನೀಡಿದ ಮಹತ್ವದ ಹಿಂದಿನ-ಇಂದಿನ ವ್ಯಕ್ತಿಗಳ ಚಿತ್ರ ಒದಗಿಸಲಾಗಿದೆ.<br /> <br /> ಕರ್ನಾಟಕ ರಾಜ್ಯ ಸಶಸ್ತ್ರ ಪೊಲೀಸ್ (ಕೆಎಆರ್ಪಿ) ಪಡೆಯ ವಸ್ತುಸಂಗ್ರಹಾಲಯದ ಚಿತ್ರಗಳು ಇಡೀ ಪುಸ್ತಕದ ಮಹತ್ವದ ದೃಶ್ಯದಾಖಲೆಗಳಾಗಿವೆ. ಮ್ಯೂಸಿಯಂನಲ್ಲಿ ವಾದ್ಯಮೇಳ, ವಾದ್ಯವೃಂದಕ್ಕೆ ಸಂಬಂಧಿಸಿದ ಅಪರೂಪದ, ಮಹತ್ವದ ಸಂಗೀತ ಸಾಧನ, ದಾಖಲೆ, ಛಾಯಾಚಿತ್ರಗಳಿವೆ. ಅವುಗಳ ಮಹತ್ವ ಅರಿವಿಗೆ ಬರುವಂತೆ ಈ ಪುಸ್ತಕದಲ್ಲಿ ಅಳವಡಿಸಿರುವುದು ಪ್ರಿಯವಾಗುತ್ತದೆ. <br /> <br /> ಮೈಸೂರು ಅರಮನೆಯಲ್ಲಿ ಇರುವ ದಸರಾ ಮೆರವಣಿಗೆಯ ಭಿತ್ತಿಚಿತ್ರಗಳ ಸರಣಿಯನ್ನು ಕೂಡ ನೀಡಲಾಗಿದೆ. ಇದೆಲ್ಲ ನೋಡುವ ಭಾಗವಾದರೆ ಓದುವ ಅಲ್ಪಭಾಗವೂ ಪುಸ್ತಕದಲ್ಲಿದೆ. ಆಸಕ್ತಿ ಹುಟ್ಟಿಸುವ ಕುತೂಹಲಕಾರಿ ಸಂಗತಿ, ಘಟನೆಗಳನ್ನು ವಿವರಿಸುವ ಅಧ್ಯಾಯ ಪ್ರಿಯವಾಗುತ್ತದೆ. <br /> <br /> ಚಿರತೆಯೊಂದಿಗೆ ಸೆಣಸಾಡಿದ `ಬ್ರೇವ್ಹಾರ್ಟ್~, ಸಾಮಾನ್ಯವಾಗಿ ಏಳು ವರ್ಷ ಮಾತ್ರ ಓಡುವ (ರೇಸ್ ಕುದುರೆ) ಅತಿಹೆಚ್ಚು ಕಾಲ (27 ವರ್ಷದ ಸೇವೆ), ಅಂದರೆ 34 ವರ್ಷ ಬದುಕಿದ ಸ್ಟಾರ್ಲೈಟ್, ಧೈರ್ಯಶಾಲಿ `ಸಿಲ್ವರ್ಕಿಂಗ್~, ಕಾಡುಕುದುರೆಯಂತಹ `ಅಶ್ವಹೃದಯ~, ಬದುಕಿರುವಾಗಲೇ ದಂತಕತೆಯಾಗಿದ್ದ `ಜಯಮಾರ್ತಾಂಡ~ ಹಾಗೂ ತಮ್ಮ ಸೇವೆ-ಸಾಧನೆಯ ಮೂಲಕ ಪ್ರತಿಮೆ-ಪ್ರತೀಕಗಳಾದ ಅಂಚೆಯಾಳು ಮತ್ತು ಸವಾರ, ಹೆಸರಾಂತ ವಿಜ್ಞಾನಿ-ಸಂಗೀತಗಾರ ರಾಜಾರಾಮಣ್ಣ ವಾದ್ಯವೃಂದಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ನಡೆದ ಘಟನೆಗಳನ್ನು ಈ ಪುಸ್ತಕದಲ್ಲಿ ದಾಖಲಿಸಲಾಗಿದೆ.<br /> ಇದೊಂದು ಅಪೂರ್ವ ದಾಖಲೆಗಳಿರುವ ಸಂಗ್ರಾಹ್ಯ ಗ್ರಂಥ ಎಂಬುದರಲ್ಲಿ ಎರಡು ಮಾತಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಮೈಸೂರು~- ಹೆಸರಿನ ಜೊತೆಗೇ ನೆನಪಿಗೆ ಬರುವ ಮತ್ತೊಂದು ಪದ `ದಸರಾ~. ಮೈಸೂರಿಗೂ ದಸರಾಕ್ಕೂ ಅಷ್ಟೊಂದು ನಂಟು. `ಜಂಬೂ ಸವಾರಿ~ ಇಲ್ಲದ ದಸರಾ ಇರಲು ಸಾಧ್ಯವೇ ಇಲ್ಲ. ಜಂಬೂ ಸವಾರಿಯಲ್ಲಿ ಮುಂಚೂಣಿಯಲ್ಲಿ ಇರುವ ಅಶ್ವದಳ ಮತ್ತು ಬ್ಯಾಂಡ್ ಹಾಗೂ ಆರ್ಕೆಸ್ಟ್ರಾಗಳ ಪರಂಪರೆಯನ್ನು ಸೊಗಸಾದ ರೀತಿಯಲ್ಲಿ ಈ ಪುಸ್ತಕದಲ್ಲಿ ದಾಖಲಿಸಲಾಗಿದೆ. <br /> <br /> ಪುಸ್ತಕದ ಹೆಸರೇ ಸೂಚಿಸುವಂತೆ ಮೈಸೂರು ಅರಮನೆಯ ಪರಂಪರೆಯ ಭಾಗಗಳಾದ ಅಶ್ವದಳ, ಬ್ಯಾಂಡ್ ಹಾಗೂ ಆರ್ಕೆಸ್ಟ್ರಾಗಳ ಇತಿಹಾಸ, ಬೆಳೆದು ಬಂದ ಬಗೆ ಈಗ ಇರುವ ಸ್ವರೂಪಗಳನ್ನು ಸಚಿತ್ರವಾಗಿ ವಿವರಿಸಲಾಗಿದೆ. <br /> <br /> `ಮೈಸೂರು ಅರಮನೆಯ ಪರಂಪರೆ ಘಟಕಗಳು~ ಎಂಬ ಅಧ್ಯಾಯದೊಂದಿಗೆ ಪ್ರಾರಂಭವಾಗುವ ಪುಸ್ತಕದಲ್ಲಿ ಒಟ್ಟು ಎಂಟು ಅಧ್ಯಾಯಗಳಿವೆ. ಅಶ್ವಾರೋಹಿ ಪಡೆ, ವಾದ್ಯವೃಂದ (ಬ್ಯಾಂಡ್), ಆರ್ಕೆಸ್ಟ್ರಾ (ವಾದ್ಯಮೇಳ), ಆಚರಣೆಗಳಿಗೆ ಹೊಂದಿಸಿದ ಸಂಗೀತದ (ಮಾಸ್ಸಡ್ ಬ್ಯಾಂಡ್) ವಾದ್ಯವೃಂದ , ಕರ್ನಾಟಕ ರಾಜ್ಯ ಅಶ್ವಾರೋಹಿ ಪೊಲೀಸ್ (ಕೆಎಆರ್ಪಿ =ಕರ್ನಾಟಕ ರಾಜ್ಯ ಸಶಸ್ತ್ರ ಪೊಲೀಸ್) ವಸ್ತು ಸಂಗ್ರಹಾಲಯ, ಕುತೂಹಲಕಾರಿ ಸಂಗತಿಗಳು/ಘಟನೆಗಳು, ಪರಂಪರೆಯ ಮುಂದುವರಿಕೆ ಎಂದು ವಿಭಾಗಿಸಲಾಗಿದೆ.<br /> <br /> ಮೈಸೂರಿನ ಒಡೆಯರ್ ಸಾಮ್ರಾಜ್ಯದ (1399-1950) ಎಲ್ಲ ಅರಸರ ಕಾಲಾನುಕ್ರಮಣಿಕೆಯ ಜೊತೆಯಲ್ಲಿ ಸಿಂಹಾಸನದಲ್ಲಿ ಆಸೀನರಾಗಿದ್ದ ಮಹತ್ವದ ದೊರೆಗಳ ವರ್ಣಚಿತ್ರದೊಂದಿಗೆ ಪುಸ್ತಕ ಆರಂಭವಾಗುತ್ತದೆ. ಇಡೀ ಪುಟವನ್ನು ಅಲಂಕರಿಸಿರುವ ವಿದ್ಯುದ್ದೀಪಾಲಂಕೃತ ಅರಮನೆಯ ಚಿತ್ರ ಸೊಗಸಾಗಿದೆ. <br /> <br /> ನಂತರ ಆರಂಭವಾಗುತ್ತದೆ, ಕಣ್ಮನ ತಣಿಸುವ ದಸರಾ ಮತ್ತು ಆನೆಯ ಮೇಲೆ ಚಿನ್ನದ ಅಂಬಾರಿಯೊಂದಿಗೆ ನಡೆಯುವ ಮೆರವಣಿಗೆಯ ಛಾಯಾಚಿತ್ರಗಳ ಸರಣಿ. ಅಶ್ವಾರೋಹಿ ಪಡೆಯ ಕಚೇರಿ, ಕುದುರೆ ಲಾಯ, ಕುದುರೆಗಳಿಗೆ ಸಂಬಂಧಿಸಿದ ಜೀನು, ಲಾಳ ಅವುಗಳನ್ನು ಸಿಂಗರಿಸಿ ಸಿದ್ಧಪಡಿಸುವ ವಿಧಾನಗಳನ್ನು ವಿವರವಾಗಿ ನೀಡಲಾಗಿದೆ. <br /> <br /> ಪುಟ್ಟ ಮಾಹಿತಿಯ ಜೊತೆಯಲ್ಲಿರುವ ಸುಂದರ ಚಿತ್ರಗಳು ಆಲ್ಬಂ ನೋಡುತ್ತಿರುವ ಅನುಭವ ಉಂಟು ಮಾಡುತ್ತವೆ. ಅಶ್ವದಳಕ್ಕೆ ಸಂಬಂಧಿಸಿದಂತೆ ಪ್ರತಿಯೊಂದು ಸಣ್ಣಪುಟ್ಟ ವಿವರಗಳನ್ನೂ ದಾಖಲಿಸಲಾಗಿದೆ. ಬ್ಯಾಂಡ್ ಹೌಸ್ ಹಾಗೂ ಅದರಲ್ಲಿ ಇರುವ ಸಂಗೀತದ ಸ್ವರಚಿಹ್ನೆಯ (ಮ್ಯೂಸಿಕಲ್ ನೋಟ್ಸ್) ಗ್ರಂಥಾಲಯದ ವಿವರಗಳಿವೆ. <br /> <br /> ವಾದ್ಯಮೇಳದ ಕುರಿತ ಚಿತ್ರಗಳು ಅವರ ಸಿದ್ಧತೆ, ರಿಯಾಜ್ಗಳ ಕುರಿತೂ ಮಾಹಿತಿ ಇದೆ. ವಾದ್ಯವೃಂದಕ್ಕೆ ಮಹತ್ವದ ಕೊಡುಗೆ ನೀಡಿದ ಮಹತ್ವದ ಹಿಂದಿನ-ಇಂದಿನ ವ್ಯಕ್ತಿಗಳ ಚಿತ್ರ ಒದಗಿಸಲಾಗಿದೆ.<br /> <br /> ಕರ್ನಾಟಕ ರಾಜ್ಯ ಸಶಸ್ತ್ರ ಪೊಲೀಸ್ (ಕೆಎಆರ್ಪಿ) ಪಡೆಯ ವಸ್ತುಸಂಗ್ರಹಾಲಯದ ಚಿತ್ರಗಳು ಇಡೀ ಪುಸ್ತಕದ ಮಹತ್ವದ ದೃಶ್ಯದಾಖಲೆಗಳಾಗಿವೆ. ಮ್ಯೂಸಿಯಂನಲ್ಲಿ ವಾದ್ಯಮೇಳ, ವಾದ್ಯವೃಂದಕ್ಕೆ ಸಂಬಂಧಿಸಿದ ಅಪರೂಪದ, ಮಹತ್ವದ ಸಂಗೀತ ಸಾಧನ, ದಾಖಲೆ, ಛಾಯಾಚಿತ್ರಗಳಿವೆ. ಅವುಗಳ ಮಹತ್ವ ಅರಿವಿಗೆ ಬರುವಂತೆ ಈ ಪುಸ್ತಕದಲ್ಲಿ ಅಳವಡಿಸಿರುವುದು ಪ್ರಿಯವಾಗುತ್ತದೆ. <br /> <br /> ಮೈಸೂರು ಅರಮನೆಯಲ್ಲಿ ಇರುವ ದಸರಾ ಮೆರವಣಿಗೆಯ ಭಿತ್ತಿಚಿತ್ರಗಳ ಸರಣಿಯನ್ನು ಕೂಡ ನೀಡಲಾಗಿದೆ. ಇದೆಲ್ಲ ನೋಡುವ ಭಾಗವಾದರೆ ಓದುವ ಅಲ್ಪಭಾಗವೂ ಪುಸ್ತಕದಲ್ಲಿದೆ. ಆಸಕ್ತಿ ಹುಟ್ಟಿಸುವ ಕುತೂಹಲಕಾರಿ ಸಂಗತಿ, ಘಟನೆಗಳನ್ನು ವಿವರಿಸುವ ಅಧ್ಯಾಯ ಪ್ರಿಯವಾಗುತ್ತದೆ. <br /> <br /> ಚಿರತೆಯೊಂದಿಗೆ ಸೆಣಸಾಡಿದ `ಬ್ರೇವ್ಹಾರ್ಟ್~, ಸಾಮಾನ್ಯವಾಗಿ ಏಳು ವರ್ಷ ಮಾತ್ರ ಓಡುವ (ರೇಸ್ ಕುದುರೆ) ಅತಿಹೆಚ್ಚು ಕಾಲ (27 ವರ್ಷದ ಸೇವೆ), ಅಂದರೆ 34 ವರ್ಷ ಬದುಕಿದ ಸ್ಟಾರ್ಲೈಟ್, ಧೈರ್ಯಶಾಲಿ `ಸಿಲ್ವರ್ಕಿಂಗ್~, ಕಾಡುಕುದುರೆಯಂತಹ `ಅಶ್ವಹೃದಯ~, ಬದುಕಿರುವಾಗಲೇ ದಂತಕತೆಯಾಗಿದ್ದ `ಜಯಮಾರ್ತಾಂಡ~ ಹಾಗೂ ತಮ್ಮ ಸೇವೆ-ಸಾಧನೆಯ ಮೂಲಕ ಪ್ರತಿಮೆ-ಪ್ರತೀಕಗಳಾದ ಅಂಚೆಯಾಳು ಮತ್ತು ಸವಾರ, ಹೆಸರಾಂತ ವಿಜ್ಞಾನಿ-ಸಂಗೀತಗಾರ ರಾಜಾರಾಮಣ್ಣ ವಾದ್ಯವೃಂದಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ನಡೆದ ಘಟನೆಗಳನ್ನು ಈ ಪುಸ್ತಕದಲ್ಲಿ ದಾಖಲಿಸಲಾಗಿದೆ.<br /> ಇದೊಂದು ಅಪೂರ್ವ ದಾಖಲೆಗಳಿರುವ ಸಂಗ್ರಾಹ್ಯ ಗ್ರಂಥ ಎಂಬುದರಲ್ಲಿ ಎರಡು ಮಾತಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
