<p>ಕಲೆ ಸೃಜನಶೀಲತೆ ಮತ್ತು ಹೊಸತನ ಇವೆಲ್ಲದರ ಸಂಗಮ ಫೋಟೊಗ್ರಫಿ. ಇದು ಸುಖಾಸುಮ್ಮನೆ ಕೈಗೆಟುಕುವ ಕಲೆಯಲ್ಲ. ಛಾಯಾಗ್ರಹಣ ಕಲೆ ಸಿದ್ಧಿಸಬೇಕೆಂದರೆ ಛಾಯಾಚಿತ್ರಕಾರ ಧ್ಯಾನಸ್ಥನಾಗಿರಬೇಕು. ಹಾಗಿದ್ದಾಗ ಮಾತ್ರ ಅವನು ಕ್ಲಿಕ್ಕಿಸುವ ಪ್ರತಿ ಫೋಟೊ ಕೂಡ ಒಂದು ದೃಶ್ಯಕಾವ್ಯ ಎನಿಸುತ್ತದೆ. <br /> <br /> ಲಕ್ಸರ್ ಲೂಯಿಸ್ ಫಿಲಿಪ್ ಪೋಟೊಗ್ರಫಿ ಗ್ಯಾಲರಿ ತಸ್ವೀರ್ ಜತೆಗೂಡಿ ಐದು ನಗರಗಳ (ಫೈವ್ ಸಿಟಿ) ಪ್ರದರ್ಶನ ಪ್ರವಾಸದ ಅಂಗವಾಗಿ ಅಂತರರಾಷ್ಟ್ರೀಯ ಶ್ರೇಷ್ಠ ಛಾಯಾಚಿತ್ರಕಾರರ ಅಪೂರ್ವ ಚಿತ್ರಗಳ ಪ್ರದರ್ಶನ ಆಗಸ್ಟ್ನಲ್ಲಿ ಪ್ರಾರಂಭವಾಗಲಿದೆ. <br /> <br /> ಬೆಂಗಳೂರು, ದೆಹಲಿ, ಕೋಲ್ಕತ್ತಾ, ಮುಂಬೈ ಮತ್ತು ಅಹಮದಾಬಾದ್ನಲ್ಲಿ ಮುಂದಿನ ವರ್ಷ ಜೂನ್ವರೆಗೆ ನಡೆಯುವ ಈ ಛಾಯಾಚಿತ್ರ ಪ್ರದರ್ಶನಕ್ಕೆ ತಾಜ್ ವೆಸ್ಟ್ಎಂಡ್ನಲ್ಲಿ ಚಾಲನೆ ನೀಡಲಾಯಿತು. <br /> <br /> `ಫೈವ್ ಸಿಟಿ~ ಪ್ರದರ್ಶನದ ಏಳನೇ ಆವೃತ್ತಿ ಇದಾಗಿದ್ದು, ಜಾಗತಿಕ ಮನ್ನಣೆ ಗಳಿಸಿರುವ ದೇಶದ ಶ್ರೇಷ್ಠ ಛಾಯಾಚಿತ್ರಕಾರ ರಘು ರೈ, ಬ್ರಿಟಿಷ್ ಛಾಯಾಚಿತ್ರಗ್ರಾಹಕ ಡೆರ್ರಿ ಮೋರ್ ಮತ್ತು ಇಟಲಿಯ ಶಿಲ್ಪಿ ಮತ್ತು ಫೋಟೊಗ್ರಾಫರ್ ಪಟ್ರಿಜಿಯಾ ಮೈಮೌನಾ ಗ್ಯುರ್ರೆಸಿ ಅವರ ಅಸಲಿ ಪ್ರಿಂಟ್ಗಳನ್ನು ಸಾರ್ವಜನಿಕರು ಇಲ್ಲಿ ಕಣ್ತುಂಬಿಕೊಳ್ಳಬಹುದು. <br /> <br /> ಇದೇ ವೇಳೆ `ಮ್ಯಾಗ್ನಮ್ ಕೆ ತಸ್ವೀರೆ~ ಹೆಸರಿನ ಕ್ಯುರೇಟ್ ಪ್ರದರ್ಶನ ಕೂಡ ನಡೆಯಲಿದೆ. ತಸ್ವೀರ್ ಮತ್ತು ವಿಶ್ವದ ಅತ್ಯುತ್ತಮ ಛಾಯಾಚಿತ್ರಕಾರರ ಸಹಕಾರ ಸಂಘದ ಮ್ಯಾಗ್ನಮ್ ಫೋಟೋಸ್ ಸಹಭಾಗಿತ್ವದಲ್ಲಿ ಈ ಪ್ರದರ್ಶನವನ್ನು ಹಮ್ಮಿಕೊಳ್ಳಲಾಗಿದೆ. <br /> <br /> ಇದರ ಹೊರತಾಗಿ ಸಮಕಾಲೀನ ಏಷ್ಯನ್ ಫೋಟೊಗ್ರಫಿಯನ್ನು ಪ್ರದರ್ಶಿಸುವ ಉದ್ದೇಶದಿಂದ `ಹಿಕರಿ~ ಎಂಬ ಸಮೂಹ ಪ್ರದರ್ಶನ ಕೂಡ ಏರ್ಪಡಿಸಲಾಗಿದೆ. ಇದನ್ನು ಜಪಾನ್ನ ಐದು ಮಂದಿ ಪ್ರಖ್ಯಾತ ಛಾಯಾಚಿತ್ರಕಾರರು ನಡೆಸಿಕೊಡಲಿದ್ದಾರೆ. <br /> <br /> ದಿ ಗ್ರೇಟ್ ಇಂಡಿಯನ್ ಮಾಸ್ಟರ್ ಆಫ್ ಫೋಟೊಗ್ರಫಿ ಎನಿಸಿಕೊಂಡಿರುವ ರಘು ರೈ ಅವರ ಛಾಯಾಚಿತ್ರಗಳ ಪ್ರದರ್ಶನ ಇಲ್ಲಿನ ಪ್ರಧಾನ ಆಕರ್ಷಣೆ. `ಡಿವೈನ್ ಮೂಮೆಂಟ್ಸ್~ ಹೆಸರಿನಡಿಯಲ್ಲಿ ಇವು ಪ್ರದರ್ಶನಗೊಳ್ಳಲಿವೆ. <br /> <br /> ಉತ್ತರದಲ್ಲಿ ಬೀಸುವ ಚಳಿ ಎದೆ ಸೀಳಿ ಒಳನುಗ್ಗುತ್ತದೆ. ಹಸಿರು ಹೊದ್ದು ನಿಂತಿರುವ ಗಿರಿಶ್ರೇಣಿಗಳನ್ನು ಬಾಗಿ ಚುಂಬಿಸುವಂತೆ ಬೆಸೆದುಕೊಂಡಿರುವ ಆಕಾಶ. ಬಾನು ಮತ್ತು ಪ್ರಕೃತಿ ಮುತ್ತಿಕ್ಕುವುದನ್ನು ಯಾರೂ ಕದ್ದು ನೋಡಬಾರದು ಎಂಬಂತೆ ಮುಸುಕು ಮುಚ್ಚಿರುವ ಮಂಜು. ಈ ಆಹ್ಲಾದಕರ ಸನ್ನಿವೇಶದಲ್ಲಿ ಕಾಶ್ಮೀರಿ ಶಾಲು ಹೊದ್ದುಕೊಂಡು ರಸ್ತೆ ಬದಿಯಲ್ಲಿ ಇಣುಕಿದರೆ ಕಾಣುವ ಕಂದಕಕ್ಕೆ ಅಡ್ಡವಾಗಿ ನಿರ್ಮಿಸಿರುವ ತಡೆಗೋಡೆ ಮೇಲೆ ಬೆಳಗಿನ ವಾಕಿಂಗ್ ಮಾಡುತ್ತಿರುವ ವ್ಯಕ್ತಿಯ ಚಿತ್ರವನ್ನು ರಘು ತಮ್ಮ ಕ್ಯಾಮೆರಾ ಫ್ರೇಮ್ನೊಳಗೆ ಸೆರೆಹಿಡಿದಿರುವ ಪರಿ ಬೆರಗು ಹುಟ್ಟಿಸುತ್ತದೆ. ಈ ಚಿತ್ರ ಇವರ ಬೆಸ್ಟ್ ಛಾಯಾಚಿತ್ರಗಳಲ್ಲಿ ಒಂದು. ಹಾಗೆಯೇ ರಘು ರೈ ಅವರು 1968ರಲ್ಲಿ ದೆಹಲಿಯಲ್ಲಿ ಕ್ಲಿಕ್ಕಿಸಿದ `ಅಮಾಂಗ್ ದಿ ಸ್ಪ್ಯಾರೋಸ್~, `ದಿ ಫ್ಲೂಟ್ ಪ್ಲೇಯರ್~ ಹಾಗೂ 1970ರಲ್ಲಿ ಹಳೆ ದೆಹಲಿಯಲ್ಲಿ ಸೆರೆಹಿಡಿದ `ಟು ಓಲ್ಡ್ ಮ್ಯಾನ್~ ಛಾಯಾಚಿತ್ರಗಳು ಮನಸೆಳೆಯುತ್ತವೆ. <br /> <br /> ರಘು ರೈ ಅವರ ಚಿತ್ರಗಳು ಡಿವೈನ್ ಮೂಮೆಂಟ್ಸ್ ಅಡಿಯಲ್ಲಿ ಪ್ರದರ್ಶನಗೊಳ್ಳುತ್ತಿದ್ದು, ಇಲ್ಲಿ ಅವರ ಅನೇಕ ಕಪ್ಪು-ಬಿಳುಪು ಚಿತ್ರಗಳು ಕೂಡ ಪ್ರದರ್ಶನಗೊಳ್ಳಲಿವೆ. ಫೋಟೊ ತೆಗೆಯುವಲ್ಲಿನ ಅವರ ತಾದಾತ್ಮ್ಯ, ಅದಕ್ಕೆ ಅವರು ಒದಗಿಸಿರುವ ಚೌಕಟ್ಟು ಬೆರಗು ಮೂಡಿಸುತ್ತದೆ. <br /> <br /> ರಘು ರೈ ದೇಶದ ಸೆಲೆಬ್ರಿಟಿ ಫೋಟೊಗ್ರಾಫರ್. ಅವರು ತಮ್ಮ 50 ವರ್ಷಗಳನ್ನು ಫೋಟೋಗ್ರಫಿಯಲ್ಲೇ ಸವೆಸಿದ್ದಾರೆ. `ಇಲಸ್ಟ್ರಿಯಸ್ ಮ್ಯಾಗ್ನಮ್ ಫೋಟೊ ಏಜೆನ್ಸಿ~ ಸದಸ್ಯತ್ವ ಪಡೆದಿರುವ ದೇಶದ ಏಕೈಕ ಕಲಾವಿದ ಅವರು. ಅವರ ಬಹುತೇಕ ಎಲ್ಲ ಚಿತ್ರಗಳು ಗಂಭೀರ ಛಾಯಾಚಿತ್ರಕಾರರ ಮನಸ್ಸಿನಲ್ಲಿ ಅಚ್ಚೊತ್ತಿವೆ. ಮೂವತ್ತು ಪುಸ್ತಕಗಳನ್ನು ಅವರು ಪ್ರಕಟಿಸಿದ್ದಾರೆ. ಅವರ ಪ್ರತಿಭೆಗೆ 1971ರಲ್ಲಿ ಪದ್ಮಶ್ರೀ ಪ್ರಶಸ್ತಿ ಲಭಿಸಿದೆ. <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಲೆ ಸೃಜನಶೀಲತೆ ಮತ್ತು ಹೊಸತನ ಇವೆಲ್ಲದರ ಸಂಗಮ ಫೋಟೊಗ್ರಫಿ. ಇದು ಸುಖಾಸುಮ್ಮನೆ ಕೈಗೆಟುಕುವ ಕಲೆಯಲ್ಲ. ಛಾಯಾಗ್ರಹಣ ಕಲೆ ಸಿದ್ಧಿಸಬೇಕೆಂದರೆ ಛಾಯಾಚಿತ್ರಕಾರ ಧ್ಯಾನಸ್ಥನಾಗಿರಬೇಕು. ಹಾಗಿದ್ದಾಗ ಮಾತ್ರ ಅವನು ಕ್ಲಿಕ್ಕಿಸುವ ಪ್ರತಿ ಫೋಟೊ ಕೂಡ ಒಂದು ದೃಶ್ಯಕಾವ್ಯ ಎನಿಸುತ್ತದೆ. <br /> <br /> ಲಕ್ಸರ್ ಲೂಯಿಸ್ ಫಿಲಿಪ್ ಪೋಟೊಗ್ರಫಿ ಗ್ಯಾಲರಿ ತಸ್ವೀರ್ ಜತೆಗೂಡಿ ಐದು ನಗರಗಳ (ಫೈವ್ ಸಿಟಿ) ಪ್ರದರ್ಶನ ಪ್ರವಾಸದ ಅಂಗವಾಗಿ ಅಂತರರಾಷ್ಟ್ರೀಯ ಶ್ರೇಷ್ಠ ಛಾಯಾಚಿತ್ರಕಾರರ ಅಪೂರ್ವ ಚಿತ್ರಗಳ ಪ್ರದರ್ಶನ ಆಗಸ್ಟ್ನಲ್ಲಿ ಪ್ರಾರಂಭವಾಗಲಿದೆ. <br /> <br /> ಬೆಂಗಳೂರು, ದೆಹಲಿ, ಕೋಲ್ಕತ್ತಾ, ಮುಂಬೈ ಮತ್ತು ಅಹಮದಾಬಾದ್ನಲ್ಲಿ ಮುಂದಿನ ವರ್ಷ ಜೂನ್ವರೆಗೆ ನಡೆಯುವ ಈ ಛಾಯಾಚಿತ್ರ ಪ್ರದರ್ಶನಕ್ಕೆ ತಾಜ್ ವೆಸ್ಟ್ಎಂಡ್ನಲ್ಲಿ ಚಾಲನೆ ನೀಡಲಾಯಿತು. <br /> <br /> `ಫೈವ್ ಸಿಟಿ~ ಪ್ರದರ್ಶನದ ಏಳನೇ ಆವೃತ್ತಿ ಇದಾಗಿದ್ದು, ಜಾಗತಿಕ ಮನ್ನಣೆ ಗಳಿಸಿರುವ ದೇಶದ ಶ್ರೇಷ್ಠ ಛಾಯಾಚಿತ್ರಕಾರ ರಘು ರೈ, ಬ್ರಿಟಿಷ್ ಛಾಯಾಚಿತ್ರಗ್ರಾಹಕ ಡೆರ್ರಿ ಮೋರ್ ಮತ್ತು ಇಟಲಿಯ ಶಿಲ್ಪಿ ಮತ್ತು ಫೋಟೊಗ್ರಾಫರ್ ಪಟ್ರಿಜಿಯಾ ಮೈಮೌನಾ ಗ್ಯುರ್ರೆಸಿ ಅವರ ಅಸಲಿ ಪ್ರಿಂಟ್ಗಳನ್ನು ಸಾರ್ವಜನಿಕರು ಇಲ್ಲಿ ಕಣ್ತುಂಬಿಕೊಳ್ಳಬಹುದು. <br /> <br /> ಇದೇ ವೇಳೆ `ಮ್ಯಾಗ್ನಮ್ ಕೆ ತಸ್ವೀರೆ~ ಹೆಸರಿನ ಕ್ಯುರೇಟ್ ಪ್ರದರ್ಶನ ಕೂಡ ನಡೆಯಲಿದೆ. ತಸ್ವೀರ್ ಮತ್ತು ವಿಶ್ವದ ಅತ್ಯುತ್ತಮ ಛಾಯಾಚಿತ್ರಕಾರರ ಸಹಕಾರ ಸಂಘದ ಮ್ಯಾಗ್ನಮ್ ಫೋಟೋಸ್ ಸಹಭಾಗಿತ್ವದಲ್ಲಿ ಈ ಪ್ರದರ್ಶನವನ್ನು ಹಮ್ಮಿಕೊಳ್ಳಲಾಗಿದೆ. <br /> <br /> ಇದರ ಹೊರತಾಗಿ ಸಮಕಾಲೀನ ಏಷ್ಯನ್ ಫೋಟೊಗ್ರಫಿಯನ್ನು ಪ್ರದರ್ಶಿಸುವ ಉದ್ದೇಶದಿಂದ `ಹಿಕರಿ~ ಎಂಬ ಸಮೂಹ ಪ್ರದರ್ಶನ ಕೂಡ ಏರ್ಪಡಿಸಲಾಗಿದೆ. ಇದನ್ನು ಜಪಾನ್ನ ಐದು ಮಂದಿ ಪ್ರಖ್ಯಾತ ಛಾಯಾಚಿತ್ರಕಾರರು ನಡೆಸಿಕೊಡಲಿದ್ದಾರೆ. <br /> <br /> ದಿ ಗ್ರೇಟ್ ಇಂಡಿಯನ್ ಮಾಸ್ಟರ್ ಆಫ್ ಫೋಟೊಗ್ರಫಿ ಎನಿಸಿಕೊಂಡಿರುವ ರಘು ರೈ ಅವರ ಛಾಯಾಚಿತ್ರಗಳ ಪ್ರದರ್ಶನ ಇಲ್ಲಿನ ಪ್ರಧಾನ ಆಕರ್ಷಣೆ. `ಡಿವೈನ್ ಮೂಮೆಂಟ್ಸ್~ ಹೆಸರಿನಡಿಯಲ್ಲಿ ಇವು ಪ್ರದರ್ಶನಗೊಳ್ಳಲಿವೆ. <br /> <br /> ಉತ್ತರದಲ್ಲಿ ಬೀಸುವ ಚಳಿ ಎದೆ ಸೀಳಿ ಒಳನುಗ್ಗುತ್ತದೆ. ಹಸಿರು ಹೊದ್ದು ನಿಂತಿರುವ ಗಿರಿಶ್ರೇಣಿಗಳನ್ನು ಬಾಗಿ ಚುಂಬಿಸುವಂತೆ ಬೆಸೆದುಕೊಂಡಿರುವ ಆಕಾಶ. ಬಾನು ಮತ್ತು ಪ್ರಕೃತಿ ಮುತ್ತಿಕ್ಕುವುದನ್ನು ಯಾರೂ ಕದ್ದು ನೋಡಬಾರದು ಎಂಬಂತೆ ಮುಸುಕು ಮುಚ್ಚಿರುವ ಮಂಜು. ಈ ಆಹ್ಲಾದಕರ ಸನ್ನಿವೇಶದಲ್ಲಿ ಕಾಶ್ಮೀರಿ ಶಾಲು ಹೊದ್ದುಕೊಂಡು ರಸ್ತೆ ಬದಿಯಲ್ಲಿ ಇಣುಕಿದರೆ ಕಾಣುವ ಕಂದಕಕ್ಕೆ ಅಡ್ಡವಾಗಿ ನಿರ್ಮಿಸಿರುವ ತಡೆಗೋಡೆ ಮೇಲೆ ಬೆಳಗಿನ ವಾಕಿಂಗ್ ಮಾಡುತ್ತಿರುವ ವ್ಯಕ್ತಿಯ ಚಿತ್ರವನ್ನು ರಘು ತಮ್ಮ ಕ್ಯಾಮೆರಾ ಫ್ರೇಮ್ನೊಳಗೆ ಸೆರೆಹಿಡಿದಿರುವ ಪರಿ ಬೆರಗು ಹುಟ್ಟಿಸುತ್ತದೆ. ಈ ಚಿತ್ರ ಇವರ ಬೆಸ್ಟ್ ಛಾಯಾಚಿತ್ರಗಳಲ್ಲಿ ಒಂದು. ಹಾಗೆಯೇ ರಘು ರೈ ಅವರು 1968ರಲ್ಲಿ ದೆಹಲಿಯಲ್ಲಿ ಕ್ಲಿಕ್ಕಿಸಿದ `ಅಮಾಂಗ್ ದಿ ಸ್ಪ್ಯಾರೋಸ್~, `ದಿ ಫ್ಲೂಟ್ ಪ್ಲೇಯರ್~ ಹಾಗೂ 1970ರಲ್ಲಿ ಹಳೆ ದೆಹಲಿಯಲ್ಲಿ ಸೆರೆಹಿಡಿದ `ಟು ಓಲ್ಡ್ ಮ್ಯಾನ್~ ಛಾಯಾಚಿತ್ರಗಳು ಮನಸೆಳೆಯುತ್ತವೆ. <br /> <br /> ರಘು ರೈ ಅವರ ಚಿತ್ರಗಳು ಡಿವೈನ್ ಮೂಮೆಂಟ್ಸ್ ಅಡಿಯಲ್ಲಿ ಪ್ರದರ್ಶನಗೊಳ್ಳುತ್ತಿದ್ದು, ಇಲ್ಲಿ ಅವರ ಅನೇಕ ಕಪ್ಪು-ಬಿಳುಪು ಚಿತ್ರಗಳು ಕೂಡ ಪ್ರದರ್ಶನಗೊಳ್ಳಲಿವೆ. ಫೋಟೊ ತೆಗೆಯುವಲ್ಲಿನ ಅವರ ತಾದಾತ್ಮ್ಯ, ಅದಕ್ಕೆ ಅವರು ಒದಗಿಸಿರುವ ಚೌಕಟ್ಟು ಬೆರಗು ಮೂಡಿಸುತ್ತದೆ. <br /> <br /> ರಘು ರೈ ದೇಶದ ಸೆಲೆಬ್ರಿಟಿ ಫೋಟೊಗ್ರಾಫರ್. ಅವರು ತಮ್ಮ 50 ವರ್ಷಗಳನ್ನು ಫೋಟೋಗ್ರಫಿಯಲ್ಲೇ ಸವೆಸಿದ್ದಾರೆ. `ಇಲಸ್ಟ್ರಿಯಸ್ ಮ್ಯಾಗ್ನಮ್ ಫೋಟೊ ಏಜೆನ್ಸಿ~ ಸದಸ್ಯತ್ವ ಪಡೆದಿರುವ ದೇಶದ ಏಕೈಕ ಕಲಾವಿದ ಅವರು. ಅವರ ಬಹುತೇಕ ಎಲ್ಲ ಚಿತ್ರಗಳು ಗಂಭೀರ ಛಾಯಾಚಿತ್ರಕಾರರ ಮನಸ್ಸಿನಲ್ಲಿ ಅಚ್ಚೊತ್ತಿವೆ. ಮೂವತ್ತು ಪುಸ್ತಕಗಳನ್ನು ಅವರು ಪ್ರಕಟಿಸಿದ್ದಾರೆ. ಅವರ ಪ್ರತಿಭೆಗೆ 1971ರಲ್ಲಿ ಪದ್ಮಶ್ರೀ ಪ್ರಶಸ್ತಿ ಲಭಿಸಿದೆ. <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
