<p><strong>ಮುಂಬೈ(ಪಿಟಿಐ):</strong> ಡಾಲರ್ ಎದುರು ರೂಪಾಯಿ ವಿನಿಮಯ ಮೌಲ್ಯ ಸೋಮವಾರ 110 ಪೈಸೆಗಳಷ್ಟು ಕುಸಿದಿದ್ದು, ಸಾರ್ವಕಾಲಿಕ ದಾಖಲೆ ಮಟ್ಟವಾದ ರೂ58.16ಕ್ಕೆ ಇಳಿಕೆ ಕಂಡಿದೆ.<br /> <br /> ರೂಪಾಯಿ ಮೌಲ್ಯ ಕುಸಿತವು ಆಮದು ಹೊರೆ ಹೆಚ್ಚಿಸಲಿದ್ದು, ಇದರಿಂದ ದೇಶದ `ಚಾಲ್ತಿ ಖಾತೆ ಕೊರತೆ'(ಸಿಎಡಿ) ಇನ್ನಷ್ಟು ಹೆಚ್ಚಬಹುದು ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.<br /> <br /> ಬ್ಯಾಂಕುಗಳು ಮತ್ತು ರಫ್ತುದಾರರಿಂದ ಡಾಲರ್ ಬೇಡಿಕೆ ಹೆಚ್ಚಿರುವುದು ರೂಪಾಯಿ ಮೌಲ್ಯ ಕುಸಿಯುವಂತೆ ಮಾಡಿದೆ. ಷೇರುಪೇಟೆಗೆ `ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ'(ಎಫ್ಐಐ) ಬಂಡವಾಳದ ಒಳಹರಿವು ತಗ್ಗಿರುವುದು ಕೂಡ ಮಾರುಕಟ್ಟೆಯಲ್ಲಿ ಒತ್ತಡ ಹೆಚ್ಚಿಸಿದೆ. ಒಟ್ಟಿನಲ್ಲಿ ಏಪ್ರಿಲ್ 30ರಂದು ರೂ53.80ರಷ್ಟಿದ್ದ ರೂಪಾಯಿ ಮೌಲ್ಯ ಇಲ್ಲಿಯವರೆಗೆ ಶೇ 8ರಷ್ಟು ಕುಸಿತ ಕಂಡಿದೆ.<br /> <br /> `ರೂಪಾಯಿ ಅಪಮೌಲ್ಯ ತಪ್ಪಿಸಲು `ಭಾರತೀಯ ರಿಸರ್ವ್ ಬ್ಯಾಂಕ್'(ಆರ್ಬಿಐ) ಮಧ್ಯಪ್ರವೇಶಿಸುವ ಅಗತ್ಯ ಇದೆ' ಎಂದು ವಿದೇಶಿ ವಿನಿಮಯ ವಹಿವಾಟು ನಡೆಸುವ ಸಂಸ್ಥೆಗಳು ಹೇಳಿವೆ.<br /> <br /> ಡಾಲರ್ಬೇಡಿಕೆ ತಗ್ಗಿಸಲು ಬ್ಯಾಂಕುಗಳ ಮೇಲೆ `ಆರ್ಬಿಐ' ನಿರ್ಬಂಧ ಹೇರಬಹುದು ಎಂಬ ಅಭಿಪ್ರಾಯವೂ ಮಾರುಕಟ್ಟೆ ತಜ್ಞರಿಂದ ವ್ಯಕ್ತವಾಗಿದೆ.<br /> <br /> `ರೂಪಾಯಿ ಮೌಲ್ಯ ಕುಸಿತದ ಬಗ್ಗೆ ಮಾರುಕಟ್ಟೆಯಲ್ಲಿ ಅನಗತ್ಯ ಭಯ ಸೃಷ್ಟಿಯಾಗಿದೆ. ಜನರು ದಿಗಿಲುಗೊಳ್ಳುವ ಅಗತ್ಯ ಇಲ್ಲ' ಎಂದು ಹಣಕಾಸು ವ್ಯವಹಾರಗಳ ಕಾರ್ಯದರ್ಶಿ ಅರವಿಂದ್ ಮಯರಾಂ ಹೇಳಿದ್ದಾರೆ.<br /> <br /> ವಿನಿಮಯ ದರದಲ್ಲಿ ಸ್ಥಿರತೆ ತರಲು ಆರ್ಬಿಐ ಮಧ್ಯಪ್ರವೇಶಿಸದಿದ್ದರೆ ರೂಪಾಯಿ ಮೌಲ್ಯ ರೂ60ರ ಗಡಿ ದಾಟಬಹುದು ಎಂದು `ಜಿಯೊಜಿತ್ ಕಾಂಟ್ರೇಡ್' ಸಂಸ್ಥೆಯ ಕರೆನ್ಸಿ ತಜ್ಞರಾದ ಹೇಮಲ್ ಜೋಶಿ ಭವಿಷ್ಯ ನುಡಿದಿದ್ದಾರೆ.<br /> <br /> <strong>ರಿಯಾಯ್ತಿಗೆ ಒತ್ತಡ</strong><br /> ರೂಪಾಯಿ ವಿನಿಮಯ ಮೌಲ್ಯ ಕುಸಿದಿರುವುದರಿಂದ ರಫ್ತುದಾರರಿಗೆ ಹೆಚ್ಚಿನ ಲಾಭ ಲಭಿಸಿದೆ. ಆದರೆ, ಖರೀದಿದಾರರು ತಮಗೆ ಶೇ 10ರಿಂದ ಶೇ 15ರಷ್ಟು ರಿಯಾಯ್ತಿ ನೀಡಬೇಕು ಎಂದು ರಫ್ತುದಾರರ ಮೇಲೆ ಒತ್ತಡ ಹೇರುತ್ತಿದ್ದಾರೆ ಎಂದು ಭಾರತೀಯ ರಫ್ತುದಾರರ ಒಕ್ಕೂಟ(ಎಫ್ಐಇಒ) ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ(ಪಿಟಿಐ):</strong> ಡಾಲರ್ ಎದುರು ರೂಪಾಯಿ ವಿನಿಮಯ ಮೌಲ್ಯ ಸೋಮವಾರ 110 ಪೈಸೆಗಳಷ್ಟು ಕುಸಿದಿದ್ದು, ಸಾರ್ವಕಾಲಿಕ ದಾಖಲೆ ಮಟ್ಟವಾದ ರೂ58.16ಕ್ಕೆ ಇಳಿಕೆ ಕಂಡಿದೆ.<br /> <br /> ರೂಪಾಯಿ ಮೌಲ್ಯ ಕುಸಿತವು ಆಮದು ಹೊರೆ ಹೆಚ್ಚಿಸಲಿದ್ದು, ಇದರಿಂದ ದೇಶದ `ಚಾಲ್ತಿ ಖಾತೆ ಕೊರತೆ'(ಸಿಎಡಿ) ಇನ್ನಷ್ಟು ಹೆಚ್ಚಬಹುದು ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.<br /> <br /> ಬ್ಯಾಂಕುಗಳು ಮತ್ತು ರಫ್ತುದಾರರಿಂದ ಡಾಲರ್ ಬೇಡಿಕೆ ಹೆಚ್ಚಿರುವುದು ರೂಪಾಯಿ ಮೌಲ್ಯ ಕುಸಿಯುವಂತೆ ಮಾಡಿದೆ. ಷೇರುಪೇಟೆಗೆ `ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ'(ಎಫ್ಐಐ) ಬಂಡವಾಳದ ಒಳಹರಿವು ತಗ್ಗಿರುವುದು ಕೂಡ ಮಾರುಕಟ್ಟೆಯಲ್ಲಿ ಒತ್ತಡ ಹೆಚ್ಚಿಸಿದೆ. ಒಟ್ಟಿನಲ್ಲಿ ಏಪ್ರಿಲ್ 30ರಂದು ರೂ53.80ರಷ್ಟಿದ್ದ ರೂಪಾಯಿ ಮೌಲ್ಯ ಇಲ್ಲಿಯವರೆಗೆ ಶೇ 8ರಷ್ಟು ಕುಸಿತ ಕಂಡಿದೆ.<br /> <br /> `ರೂಪಾಯಿ ಅಪಮೌಲ್ಯ ತಪ್ಪಿಸಲು `ಭಾರತೀಯ ರಿಸರ್ವ್ ಬ್ಯಾಂಕ್'(ಆರ್ಬಿಐ) ಮಧ್ಯಪ್ರವೇಶಿಸುವ ಅಗತ್ಯ ಇದೆ' ಎಂದು ವಿದೇಶಿ ವಿನಿಮಯ ವಹಿವಾಟು ನಡೆಸುವ ಸಂಸ್ಥೆಗಳು ಹೇಳಿವೆ.<br /> <br /> ಡಾಲರ್ಬೇಡಿಕೆ ತಗ್ಗಿಸಲು ಬ್ಯಾಂಕುಗಳ ಮೇಲೆ `ಆರ್ಬಿಐ' ನಿರ್ಬಂಧ ಹೇರಬಹುದು ಎಂಬ ಅಭಿಪ್ರಾಯವೂ ಮಾರುಕಟ್ಟೆ ತಜ್ಞರಿಂದ ವ್ಯಕ್ತವಾಗಿದೆ.<br /> <br /> `ರೂಪಾಯಿ ಮೌಲ್ಯ ಕುಸಿತದ ಬಗ್ಗೆ ಮಾರುಕಟ್ಟೆಯಲ್ಲಿ ಅನಗತ್ಯ ಭಯ ಸೃಷ್ಟಿಯಾಗಿದೆ. ಜನರು ದಿಗಿಲುಗೊಳ್ಳುವ ಅಗತ್ಯ ಇಲ್ಲ' ಎಂದು ಹಣಕಾಸು ವ್ಯವಹಾರಗಳ ಕಾರ್ಯದರ್ಶಿ ಅರವಿಂದ್ ಮಯರಾಂ ಹೇಳಿದ್ದಾರೆ.<br /> <br /> ವಿನಿಮಯ ದರದಲ್ಲಿ ಸ್ಥಿರತೆ ತರಲು ಆರ್ಬಿಐ ಮಧ್ಯಪ್ರವೇಶಿಸದಿದ್ದರೆ ರೂಪಾಯಿ ಮೌಲ್ಯ ರೂ60ರ ಗಡಿ ದಾಟಬಹುದು ಎಂದು `ಜಿಯೊಜಿತ್ ಕಾಂಟ್ರೇಡ್' ಸಂಸ್ಥೆಯ ಕರೆನ್ಸಿ ತಜ್ಞರಾದ ಹೇಮಲ್ ಜೋಶಿ ಭವಿಷ್ಯ ನುಡಿದಿದ್ದಾರೆ.<br /> <br /> <strong>ರಿಯಾಯ್ತಿಗೆ ಒತ್ತಡ</strong><br /> ರೂಪಾಯಿ ವಿನಿಮಯ ಮೌಲ್ಯ ಕುಸಿದಿರುವುದರಿಂದ ರಫ್ತುದಾರರಿಗೆ ಹೆಚ್ಚಿನ ಲಾಭ ಲಭಿಸಿದೆ. ಆದರೆ, ಖರೀದಿದಾರರು ತಮಗೆ ಶೇ 10ರಿಂದ ಶೇ 15ರಷ್ಟು ರಿಯಾಯ್ತಿ ನೀಡಬೇಕು ಎಂದು ರಫ್ತುದಾರರ ಮೇಲೆ ಒತ್ತಡ ಹೇರುತ್ತಿದ್ದಾರೆ ಎಂದು ಭಾರತೀಯ ರಫ್ತುದಾರರ ಒಕ್ಕೂಟ(ಎಫ್ಐಇಒ) ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
