<p><strong>ಲಂಡನ್ (ಪಿಟಿಐ): </strong>ಬ್ರಿಟನ್ನ ದರೋಡೆಕೋರ, 1963ರಲ್ಲಿ ನಡೆದಿದ್ದ ‘ಬೃಹತ್ ರೈಲು ದರೋಡೆ’ಯಲ್ಲಿ ಭಾಗಿಯಾಗಿ ಜಗತ್ತಿನಾದ್ಯಂತ ಕುಖ್ಯಾತಿ ಪಡೆದಿದ್ದ ರೋನಿ ಬಿಗ್ಸ್ (84) ಬುಧವಾರ ನಿಧನ ಹೊಂದಿದ್ದಾನೆ.<br /> <br /> 1963ರ ಆಗಸ್ಟ್ 8ರಂದು ಗ್ಲಾಸ್ಗೊದಿಂದ ಲಂಡನ್ಗೆ ತೆರಳುತ್ತಿದ್ದ ಎಕ್ಸ್ಪ್ರೆಸ್ ರೈಲಿಗೆ ನುಗ್ಗಿ ದರೋಡೆ ನಡೆಸಿದ್ದ ತಂಡದಲ್ಲಿ ಬಿಗ್ಸ್ ಕೂಡ ಇದ್ದ.<br /> <br /> ಆ ಸಂದರ್ಭದಲ್ಲಿ ದರೋಡೆಕೋರರು 26 ಲಕ್ಷ ಪೌಂಡ್ (ಈಗಿನ 4 ಕೋಟಿ ಪೌಂಡ್, ಅಂದರೆ ₨404 ಕೋಟಿ) ನಗದನ್ನು ದೋಚಿದ್ದರು. ಬಕ್ಕಿಂಗ್ಹ್ಯಾಮ್ಶೈರ್ ಸಮೀಪ ನಡೆದಿದ್ದ ಈ ದುಷ್ಕೃತ್ಯದ ಸಂದರ್ಭದಲ್ಲಿ ಬಿಗ್ಸ್ ಸೇರಿದಂತೆ ತಂಡದ ಇತರ ಸದಸ್ಯರು ಹೆಲ್ಮೆಟ್ ಹಾಗೂ ಮುಸುಕು ಧರಿಸಿದ್ದರು.<br /> <br /> ತಕ್ಷಣ ಕಾರ್ಯಾಚರಣೆ ನಡೆಸಿದ್ದ ಪೊಲೀಸರು 11 ಜನರನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದರು. ರೋನಿ ಬಿಗ್ಸ್ಗೆ 30 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿತ್ತು. ಆದರೆ, 1965ರಲ್ಲಿ ಆತ ವಂಡ್ಸ್ವರ್ತ್ ಜೈಲಿನಿಂದ ತಪ್ಪಿಸಿಕೊಂಡಿದ್ದ.<br /> <br /> ಆರಂಭದಲ್ಲಿ ಬಿಗ್ಸ್ ಪತ್ನಿ ಹಾಗೂ ಇಬ್ಬರು ಪುತ್ರರೊಂದಿಗೆ ಪ್ಯಾರಿಸ್ಗೆ ಪಲಾಯನ ಮಾಡಿದ್ದ. ನಂತರ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡು ಆಸ್ಟ್ರೇಲಿಯಾಕ್ಕೆ ಹೋಗಿದ್ದ.<br /> ಆದರೆ, ಸ್ಕಾಟ್ಲೆಂಡ್ ಯಾರ್ಡ್ ಪೊಲೀಸರು ಆತನನ್ನು ಪತ್ತೆಹಚ್ಚುತ್ತಿ ದ್ದಂತೆ ಬ್ರೆಜಿಲ್ನ ರಿಯೊ ಡಿ ಜನೈರೊಗೆ ಪರಾರಿಯಾ ಗಿದ್ದ. ಅಲ್ಲಿಯ ಮಹಿಳೆಯನ್ನು ವರಿಸಿ ಪುತ್ರನನ್ನೂ ಪಡೆದಿದ್ದ. ಈ ಕಾರಣದಿಂದಾಗಿ ಬ್ರಿಟನ್ಗೆ ಗಡೀ ಪಾರುಗೊಳ್ಳುವುದರಿಂದ ವಿನಾಯ್ತಿ ಪಡೆದಿದ್ದ.<br /> <br /> 2000ದಲ್ಲಿ ಸಾರ್ವಜನಿಕವಾಗಿ ಮಾತನಾಡಿದ್ದ ಬಿಗ್ಸ್, ದರೋಡೆಯಲ್ಲಿ ದೋಚಿದ ಹಣದಲ್ಲಿ ತನ್ನ ಪಾಲಿಗೆ ಬಂದಿದ್ದ 1.47 ಲಕ್ಷ ಪೌಂಡ್ ಮೂರು ವರ್ಷಗಳಲ್ಲಿ ಖಾಲಿಯಾಗಿತ್ತು ಎಂದು ಹೇಳಿದ್ದ.<br /> <br /> 2001ರಲ್ಲಿ ಚಿಕಿತ್ಸೆಗಾಗಿ ಬ್ರಿಟನ್ಗೆ ಹಿಂದಿರುಗಿದ್ದಾಗ ಬಿಗ್ಸ್ನನ್ನು ಬಂಧಿಸಿ, ಬಿಗಿ ಭದ್ರತೆಯ ಬೆಲ್ಮಾರ್ಶ್ ಜೈಲಿಗೆ ಕಳುಹಿಸಲಾಗಿತ್ತು.<br /> <br /> ಅನಾರೋಗ್ಯದ ಕಾರಣದಿಂದ ಅನುಕಂಪದ ಆಧಾರದಲ್ಲಿ 2009ರಲ್ಲಿ ಬಿಗ್ಸ್ ಜೈಲಿನಿಂದ ಬಿಡುಗಡೆಗೊಂಡಿದ್ದ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ): </strong>ಬ್ರಿಟನ್ನ ದರೋಡೆಕೋರ, 1963ರಲ್ಲಿ ನಡೆದಿದ್ದ ‘ಬೃಹತ್ ರೈಲು ದರೋಡೆ’ಯಲ್ಲಿ ಭಾಗಿಯಾಗಿ ಜಗತ್ತಿನಾದ್ಯಂತ ಕುಖ್ಯಾತಿ ಪಡೆದಿದ್ದ ರೋನಿ ಬಿಗ್ಸ್ (84) ಬುಧವಾರ ನಿಧನ ಹೊಂದಿದ್ದಾನೆ.<br /> <br /> 1963ರ ಆಗಸ್ಟ್ 8ರಂದು ಗ್ಲಾಸ್ಗೊದಿಂದ ಲಂಡನ್ಗೆ ತೆರಳುತ್ತಿದ್ದ ಎಕ್ಸ್ಪ್ರೆಸ್ ರೈಲಿಗೆ ನುಗ್ಗಿ ದರೋಡೆ ನಡೆಸಿದ್ದ ತಂಡದಲ್ಲಿ ಬಿಗ್ಸ್ ಕೂಡ ಇದ್ದ.<br /> <br /> ಆ ಸಂದರ್ಭದಲ್ಲಿ ದರೋಡೆಕೋರರು 26 ಲಕ್ಷ ಪೌಂಡ್ (ಈಗಿನ 4 ಕೋಟಿ ಪೌಂಡ್, ಅಂದರೆ ₨404 ಕೋಟಿ) ನಗದನ್ನು ದೋಚಿದ್ದರು. ಬಕ್ಕಿಂಗ್ಹ್ಯಾಮ್ಶೈರ್ ಸಮೀಪ ನಡೆದಿದ್ದ ಈ ದುಷ್ಕೃತ್ಯದ ಸಂದರ್ಭದಲ್ಲಿ ಬಿಗ್ಸ್ ಸೇರಿದಂತೆ ತಂಡದ ಇತರ ಸದಸ್ಯರು ಹೆಲ್ಮೆಟ್ ಹಾಗೂ ಮುಸುಕು ಧರಿಸಿದ್ದರು.<br /> <br /> ತಕ್ಷಣ ಕಾರ್ಯಾಚರಣೆ ನಡೆಸಿದ್ದ ಪೊಲೀಸರು 11 ಜನರನ್ನು ಬಂಧಿಸಿ ಜೈಲಿಗೆ ಕಳುಹಿಸಿದ್ದರು. ರೋನಿ ಬಿಗ್ಸ್ಗೆ 30 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿತ್ತು. ಆದರೆ, 1965ರಲ್ಲಿ ಆತ ವಂಡ್ಸ್ವರ್ತ್ ಜೈಲಿನಿಂದ ತಪ್ಪಿಸಿಕೊಂಡಿದ್ದ.<br /> <br /> ಆರಂಭದಲ್ಲಿ ಬಿಗ್ಸ್ ಪತ್ನಿ ಹಾಗೂ ಇಬ್ಬರು ಪುತ್ರರೊಂದಿಗೆ ಪ್ಯಾರಿಸ್ಗೆ ಪಲಾಯನ ಮಾಡಿದ್ದ. ನಂತರ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡು ಆಸ್ಟ್ರೇಲಿಯಾಕ್ಕೆ ಹೋಗಿದ್ದ.<br /> ಆದರೆ, ಸ್ಕಾಟ್ಲೆಂಡ್ ಯಾರ್ಡ್ ಪೊಲೀಸರು ಆತನನ್ನು ಪತ್ತೆಹಚ್ಚುತ್ತಿ ದ್ದಂತೆ ಬ್ರೆಜಿಲ್ನ ರಿಯೊ ಡಿ ಜನೈರೊಗೆ ಪರಾರಿಯಾ ಗಿದ್ದ. ಅಲ್ಲಿಯ ಮಹಿಳೆಯನ್ನು ವರಿಸಿ ಪುತ್ರನನ್ನೂ ಪಡೆದಿದ್ದ. ಈ ಕಾರಣದಿಂದಾಗಿ ಬ್ರಿಟನ್ಗೆ ಗಡೀ ಪಾರುಗೊಳ್ಳುವುದರಿಂದ ವಿನಾಯ್ತಿ ಪಡೆದಿದ್ದ.<br /> <br /> 2000ದಲ್ಲಿ ಸಾರ್ವಜನಿಕವಾಗಿ ಮಾತನಾಡಿದ್ದ ಬಿಗ್ಸ್, ದರೋಡೆಯಲ್ಲಿ ದೋಚಿದ ಹಣದಲ್ಲಿ ತನ್ನ ಪಾಲಿಗೆ ಬಂದಿದ್ದ 1.47 ಲಕ್ಷ ಪೌಂಡ್ ಮೂರು ವರ್ಷಗಳಲ್ಲಿ ಖಾಲಿಯಾಗಿತ್ತು ಎಂದು ಹೇಳಿದ್ದ.<br /> <br /> 2001ರಲ್ಲಿ ಚಿಕಿತ್ಸೆಗಾಗಿ ಬ್ರಿಟನ್ಗೆ ಹಿಂದಿರುಗಿದ್ದಾಗ ಬಿಗ್ಸ್ನನ್ನು ಬಂಧಿಸಿ, ಬಿಗಿ ಭದ್ರತೆಯ ಬೆಲ್ಮಾರ್ಶ್ ಜೈಲಿಗೆ ಕಳುಹಿಸಲಾಗಿತ್ತು.<br /> <br /> ಅನಾರೋಗ್ಯದ ಕಾರಣದಿಂದ ಅನುಕಂಪದ ಆಧಾರದಲ್ಲಿ 2009ರಲ್ಲಿ ಬಿಗ್ಸ್ ಜೈಲಿನಿಂದ ಬಿಡುಗಡೆಗೊಂಡಿದ್ದ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
