ಗುರುವಾರ , ಮೇ 19, 2022
21 °C

ಲಂಡನ್ ದೂತಾವಾಸದಲ್ಲಿ ಮೈಕ್ರೋಫೋನ್: ಈಕ್ವೆಡಾರ್

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕ್ವಿಟೊ (ಎಎಫ್‌ಪಿ): ಲಂಡನ್ನಿನಲ್ಲಿರುವ ತನ್ನ ದೇಶದ ರಾಯಭಾರ ಕಚೇರಿಯಲ್ಲಿ ಬಚ್ಚಿಡಲಾಗಿದ್ದ ಮೈಕ್ರೋಫೋನ್‌ಗಳು ಬುಧವಾರ ಪತ್ತೆಯಾಗಿವೆ ಎಂದು ಈಕ್ವೆಡಾರ್ ಹೇಳಿದೆ.



`ರಹಸ್ಯ ಮಾಹಿತಿಗಳನ್ನು ಬಹಿರಂಗ ಪಡಿಸುವ ವಿಕಿಲೀಕ್ಸ್ ಅಂತರ್ಜಾಲ ತಾಣದ ಸಂಸ್ಥಾಪಕ ಜೂಲಿಯನ್ ಅಸಾಂಜ್ ನಮ್ಮ ದೂತಾವಾಸದ ಆಶ್ರಯದಲ್ಲಿದ್ದಾರೆ. ಆದ್ದರಿಂದ ಬೇಹುಗಾರಿಕೆ ನಡೆಸುವ ಸಲುವಾಗಿ ಮೈಕ್ರೋ ಫೋನ್‌ಗಳನ್ನು ಅಡಗಿಸಿಡಲಾಗಿದೆ' ಎಂದು ಈಕ್ವೆಡಾರ್ ವಿದೇಶಾಂಗ ಸಚಿವ ರಿಕಾರ್ಡೊ ಪ್ಯಾಟಿನೊ ಆರೋಪಿಸಿದ್ದಾರೆ.



`ಇದರ ಹಿಂದೆ ಯಾವ ಯಾವ ರಾಷ್ಟ್ರಗಳ ಕೈವಾಡ ಇದೆ ಎನ್ನುವ ಕುರಿತು ವಿವರಣೆ ನೀಡುವಂತೆ ರಾಯಭಾರಿ ಅವರಿಗೆ ಸೂಚಿಸಲಾಗಿದೆ' ಎಂದು ಪ್ಯಾಟಿನೊ ಹೇಳಿದ್ದಾರೆ.



`ಸ್ನೊಡೆನ್ ಪ್ರಕರಣಕ್ಕೂ ದೂತಾವಾಸದಲ್ಲಿ ಮೈಕ್ರೋ ಫೋನ್ ಬಚ್ಚಿಟ್ಟಿದ್ದಕ್ಕೂ ಸಂಬಂಧ ಕಲ್ಪಿಸುವುದಿಲ್ಲ' ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದ್ದಾರೆ.



ಲೈಂಗಿಕ ದೌರ್ಜನ್ಯ ಆರೋಪದ ಸಂಬಂಧ ಸ್ವೀಡನ್‌ಗೆ ಹಸ್ತಾಂತರಗೊಳ್ಳುವ ಭೀತಿ ಎದುರಿಸುತ್ತಿರುವ ಅಸಾಂಜ್, ವರ್ಷದಿಂದ ಈಕ್ವೆಡಾರ್ ರಾಯಭಾರ ಕಚೇರಿಯಲ್ಲಿ ಆಶ್ರಯ ಪಡೆದಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.