ಲಂಡನ್ ಬಹಳ ಹತ್ತಿರ

ಲಂಡನ್‌ನಲ್ಲಿ ನಡೆಯುತ್ತಿರುವ ಒಲಿಂಪಿಕ್ಸ್ ಕ್ರೀಡೆಗಳ ಬಗೆಗಿನ ತಾಜಾ ವರದಿಯನ್ನು ಪ್ರಜಾವಾಣಿ ನೀಡುತ್ತಿರುವುದು ಖುಷಿ ತರುತ್ತಿದೆ. ಇದರ ಜೊತೆಗೆ ಕೆ.ಎನ್.ಶಾಂತಕುಮಾರ್‌ರವರ ಚಿತ್ರಗಳು ಅವರಲ್ಲಿರುವ ಕ್ರೀಡಾಭಿರುಚಿಗೆ ಸಾಕ್ಷಿಯಾಗಿದೆ.



ಒಲಿಂಪಿಕ್ಸ್ ಕ್ರೀಡೆಗಳ ಬಗೆಗಿನ ವರದಿ ನಮ್ಮನ್ನೂ ಈ ಕ್ರೀಡೆಗಳಿಗೆ ಬಹಳ ಹತ್ತಿರವಿರುವಂತೆ ಮಾಡಿದೆ ಎಂದರೆ ಅತಿಶಯೋಕ್ತಿಯೇನಲ್ಲ.



ಒಲಿಂಪಿಕ್ಸ್ ಆರಂಭದಿಂದಲೂ ನಾನು `ಪ್ರಜಾವಾಣಿ~ಯನ್ನು ಗಮನಿಸುತ್ತಲೇ ಇದ್ದೇನೆ.  ಕ್ರೀಡೆಗೆ ಪ್ರಜಾವಾಣಿ ನೀಡುತ್ತಿರುವ ಪ್ರಾಮುಖ್ಯ ಕಂಡು ಆನಂದವಾಗುತ್ತಿದೆ. ಬೇರೆ ಪತ್ರಿಕೆಗಳಿಗಿಂತ ಪ್ರಾದೇಶಿಕ ಭಾಷೆಯಲ್ಲಿ ಒಲಿಂಪಿಕ್ಸ್ ಬಗೆಗೆ ಸಮಗ್ರ ಮಾಹಿತಿ ನೀಡುತ್ತಿರುವ ನಮ್ಮ ಪ್ರಜಾವಾಣಿಗೆ ಕ್ರೀಡಾಪ್ರೇಮಿಗಳ ಪರವಾಗಿ ಅಭಿನಂದನೆಗಳು.