ಮಂಗಳವಾರ, ಏಪ್ರಿಲ್ 13, 2021
32 °C

ಲಿಬಿಯಾ: ಮಿಸರತದಲ್ಲಿ ಬಂಡುಕೋರರಿಗೆ ಜಯ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಟ್ರಿಪೋಲಿ (ಪಿಟಿಐ): ಅಮೆರಿಕ ನೇತೃತ್ವದ ನ್ಯಾಟೊ ಮಿತ್ರಪಡೆ ಲಿಬಿಯಾದ ಮಿಸರತ ನಗರದ ಮೇಲೆ ದಾಳಿ ಹೆಚ್ಚಿಸಿರುವಂತೆಯೇ, ಇತ್ತ ಅಧ್ಯಕ್ಷ ಗಡಾಫಿ ಬೆಂಬಲಿತ ಸೇನೆ ನಗರವನ್ನು ತ್ಯಜಿಸಲು ನಿರ್ಧರಿಸಿದೆ.



‘ಬಂಡುಕೋರರ ಪ್ರಾಬಲ್ಯ ಇರುವ ಮಿಸರತವನ್ನು ಸೇನೆ ಈಗಿರುವ ಸ್ಥಿತಿಯಲ್ಲೇ ಬುಡಕಟ್ಟು ಜನರಿಗೆ ಬಿಟ್ಟುಕೊಡಲು ನಿರ್ಧರಿಸಿದೆ. ವಿವಾದವನ್ನು ಸಂಧಾನ ಅಥವಾ ಸೇನಾ ಕಾರ್ಯಾಚರಣೆ ಮೂಲಕ ಇತ್ಯರ್ಥಪಡಿಸಲು ತೀರ್ಮಾನಿಸಲಾಗಿದೆ’ ಎಂದು ವಿದೇಶಾಂಗ ಉಪ ಸಚಿವ ಖಾಲಿದ್ ಕಯೀಮ್ ತಿಳಿಸಿದ್ದಾರೆ.

 

ಏತನ್ಮಧ್ಯೆ, ಗಡಾಫಿ ಪರ ಸೇನೆಯ ಬದಲಾದ ನಿಲುವಿನ ಬೆನ್ನಲ್ಲೇ ನ್ಯಾಟೊ ಪಡೆ ನಡೆಸಿದ ವೈಮಾನಿಕ ದಾಳಿಯಲ್ಲಿ ಮೂರು ಮಂದಿ ಮೃತಪಟ್ಟಿದ್ದಾರೆ. ಗಡಾಫಿ ಅವರ ಮನೆ ಆವರಣದಲ್ಲಿ ಸಂಭವಿಸಿದ ಈ ಸ್ಫೋಟ ಮತ್ತು ಸಾವನ್ನು ಸರ್ಕಾರಿ ವಕ್ತಾರ ಮೂಸಾ ಇಬ್ರಾಹಿಂ ದೃಢಪಡಿಸಿದ್ದಾರೆ.



ಪತ್ರಕರ್ತೆ ಸೆರೆ: ವರದಿಗಾರಿಕೆಗೆ ತೆರಳಿದ್ದ ಅಮೇರಿಕದ ಪತ್ರಕರ್ತೆ ಕ್ಲಾರಾ ಗಿಲಿ ಅವರನ್ನು ಸೇನೆ ಬಂಧಿಸಿದೆ. ಹದಿನೈದು ದಿನಗಳಿಂದ ಅವರು ಕಾಣೆಯಾಗಿದ್ದರು. ಶನಿವಾರ ಮನೆಯವರಿಗೆ ದೂರವಾಣಿ ಕರೆ ಮಾಡಿರುವ ಗಿಲಿ, ಮಹಿಳಾ ಜೈಲಿನಲ್ಲಿ ತಮ್ಮನ್ನು ಬಂಧಿಸಿಟ್ಟಿರುವುದಾಗಿ ತಿಳಿಸಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.