ವಿದೇಶ : ಸಂಕ್ಷಿಪ್ತ ಸುದ್ದಿ

ಮೆಕ್ಸಿಕೊ: ಚಂಡಮಾರುತಕ್ಕೆ 9 ಬಲಿ

ಗ್ಸಲಾಪ್ (ಎಎಫ್‌ಪಿ): `ಆರ್ನೆಸ್ಟೊ~ ಚಂಡಮಾರುತ  ಸಹಿತ ಭಾರಿ ಮಳೆ ಸುರಿಯುತ್ತಿರುವ ಮೆಕ್ಸಿಕೊದಲ್ಲಿ ಒರ್ವ ಮಹಿಳೆ ಮತ್ತು ಬಾಲಕ ಸೇರಿದಂತೆ  ಒಟ್ಟು ಒಂಬತ್ತು ಮಂದಿ  ಶುಕ್ರವಾರ ಅಸುನೀಗಿದ್ದಾರೆ.



ಕಳೆದ ಒಂದು ವಾರದಿಂದ ರಭಸದಿಂದ ಬೀಸುತ್ತಿರುವ ಚಂಡಮಾರುತ ಮತ್ತು ಮಳೆಯಿಂದಾಗ, ಮೆಕ್ಸಿಕೊ ಸುತ್ತಮುತ್ತಲಿನ ಕರಾವಳಿ ಪ್ರದೇಶಗಳ ಆಸ್ತಿ-ಪಾಸ್ತಿಗೆ ಭಾರಿ ಪ್ರಮಾಣದ ಹಾನಿ ಸಂಭವಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.



ಪಾಕ್ ಸೇನಾಧಿಕಾರಿಗಳ ಸಭೆ

ಇಸ್ಲಾಮಬಾದ್: (ಐಎಎನ್‌ಎಸ್):  ಪಾಕಿಸ್ತಾನ ಸೇನೆಯ ಹಿರಿಯ ಆಧಿಕಾರಿಗಳ ತಂಡ ಶುಕ್ರವಾರ ರಾತ್ರಿ ಮಹತ್ವದ ಸಭೆ ನಡೆಸಿದರು. ಈ ಬೆಳವಣಿಗೆಯನ್ನು ಅಲ್ಲಿನ ಡಾನ್ ಪತ್ರಿಕೆ ಬಹಳ ಮಹತ್ವದ್ದು ಎಂದು ಬಣ್ಣಿಸಿದೆ.



ಸಭೆಯ ನಂತರ ಪತ್ರಕರ್ತರನ್ನು ಭೇಟಿಯಾದ ಸೇನಾ ಅಧಿಕಾರಿಗಳು ಭಯೋತ್ಪಾದನೆಯ ವಿರುದ್ಧ ಪಾಕಿಸ್ತಾನ ಮತ್ತು ಅಮೆರಿಕದ ಸಹಕಾರ ಸಂಬಂಧವನ್ನು ವೃದ್ಧಿಗೊಳಿಸುವ ಬಗ್ಗೆ ಸಭೆಯಲ್ಲಿ ಚರ್ಚಿಸಲಾಯಿತು ಎಂದು ತಿಳಿಸಿದ್ದಾಗಿ ವರದಿಯಾಗಿದೆ.