ವಿಮಾನ ಹಠಾತ್ ಪತನ

ಇಸ್ಲಾಮಾಬಾದ್ (ಪಿಟಿಐ): ಶುಕ್ರವಾರ ದುರಂತಕ್ಕೀಡಾದ  ಭೋಜಾ ಏರ್‌ಲೈನ್ಸ್ ವಿಮಾನವು ರಾಡಾರ್ ಸಂಪರ್ಕದಿಂದ ತಪ್ಪಿಸಿಕೊಂಡು ಭೂಮಿಗೆ ಅಪ್ಪಳಿಸುವ ಮೊದಲು ಹಠಾತ್ ಆಗಿ ಪತನವಾಯಿತು ಎಂದು ನಾಗರಿಕ ವಿಮಾನಯಾನ ಇಲಾಖೆಯ ಹಿರಿಯ ಅಧಿಕಾರಿ ಶನಿವಾರ ಹೇಳಿದ್ದಾರೆ.



ಇಸ್ಲಾಮಾಬಾದ್ ವಿಮಾನ ನಿಲ್ದಾಣದಲ್ಲಿ ಇಳಿಯಲು ಅನುಮತಿ ನೀಡಿದ ಬಳಿಕ ಹಠಾತ್ ಆಗಿ 2,900 ಅಡಿಯಿಂದ 2,000 ಅಡಿಗೆ ಕುಸಿಯಿತು ಎಂದು ಪಾಕಿಸ್ತಾನ ನಾಗರಿಕ ವಿಮಾನಯಾನ ಪ್ರಾಧಿಕಾರದ ಮಹಾ ನಿರ್ದೇಶಕ ನದೀಮ್ ಯೂಸುಫ್‌ಜಾಯ್ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.



`ಹಠಾತ್ ಪತನವಾಗಲು ಕಾರಣವೇನು? ವಿಮಾನದ ಎಂಜಿನ್ ವಿಫಲವಾಯಿತೇ ಅಥವಾ ಬೇರೆ ಯಾವುದಾದರೂ ಕಾರಣಗಳಿವೆಯೇ?- ಎಂಬುದನ್ನು ಪತ್ತೆ ಹಚ್ಚಬೇಕಾಗಿದೆ ಎಂದು ನದೀಮ್ ಹೇಳಿದ್ದಾರೆ.