<p>ಇ-ಮೇಲ್ ಓದುವ, ಸಾಮಾಜಿಕ ಸಂಪರ್ಕ ತಾಣಗಳಾದ ಫೇಸ್ಬುಕ್ ಮತ್ತು ಟ್ವಿಟ್ಟರ್ಗಳಲ್ಲಿ ಕಾಲ ಕಾಲಕ್ಕೆ ನವೀಕರಣಗೊಳ್ಳುವ ಮಾಹಿತಿಯನ್ನು ತಕ್ಷಣಕ್ಕೆ ಓದುವ ‘ಇಂಟರ್ನೆಟ್ ಕಾರ್’ ಅನ್ನು ಅಭಿವೃದ್ಧಿಪಡಿಸಿರುವುದಾಗಿ ವಿಜ್ಞಾನಿಗಳು ಹೇಳಿಕೊಂಡಿದ್ದಾರೆ.<br /> <br /> ಈ ವಿಶಿಷ್ಟ ಕಾರನ್ನು ಚಾಲನೆ ಮಾಡುತ್ತಲೇ ಧ್ವನಿ ಸಂದೇಶ ನೀಡಿ ಅಂತರ್ಜಾಲ ಜಾಲಾಡಬಹುದು. ಈ ಸೌಲಭ್ಯ ಪಡೆಯಲು ಚಾಲಕರು ತಮ್ಮ ಸ್ಮಾರ್ಟ್ ಫೋನ್ಗಳು ಇಲ್ಲವೇ ‘ಐಪಾಡ್’ಗಳನ್ನು ಈ ವಿದ್ಯುತ್ ಚಾಲಿತ ಕಾರಿನ ಚಾರ್ಜರ್ಗೆ ಜೋಡಿಸಿರಬೇಕಾಗುತ್ತದೆ. ಜಾಗತಿಕ ಮಾಹಿತಿ ಮತ್ತು ಮನರಂಜನಾ ಸಮೂಹವಾಗಿರುವ ಹರ್ಮನ್ ಸಂಸ್ಥೆಯು ಈ ವಿಶಿಷ್ಟ ಕಾರಿನ ವಿನ್ಯಾಸ ರೂಪಿಸಿದೆ. ಕಾರಿನಲ್ಲಿ ಅಳವಡಿಸಿರುವ ತಂತ್ರಜ್ಞಾನದ ನೆರವಿನಿಂದ ಚಾಲಕರು ಧ್ವನಿ ಮೂಲಕ ಆದೇಶ ನೀಡುತ್ತಲೇ ರೇಡಿಯೊ ಚಾನೆಲ್ಗಳನ್ನೂ ಚಾಲು ಮಾಡಬಹುದು.<br /> <br /> ಈ ಕಾರನ್ನು ಜಿನಿವಾ ಮೋಟಾರ್ ಪ್ರದರ್ಶನದಲ್ಲಿ ಮೊದಲ ಬಾರಿಗೆ ಪ್ರದರ್ಶಿಸಲಾಗಿದೆ. ಈ ಎಲ್ಲ ಸೌಲಭ್ಯಗಳನ್ನು ಒಳಗೊಂಡ ಕಾರು ಮಾರುಕಟ್ಟೆಗೆ ಬರಲು ಇನ್ನೂ ಒಂದೂವರೆ ವರ್ಷ ಕಾಯಬೇಕಾಗುತ್ತದೆ.<br /> <br /> ಮೊಬೈಲ್ಗೆ ಮತ್ತು ಇ-ಮೇಲ್ಗೆ ಬರುವ ಸಂದೇಶಗಳತ್ತಲೇ ಚಾಲಕನು ಗಮನ ಹರಿಸಿ ಅವಘಡಗಳು ಸಂಭವಿಸಬಾರದು ಎನ್ನುವ ಕಾಳಜಿ ಈ ತಂತ್ರಜ್ಞಾನ ಅಳವಡಿಕೆ ಹಿಂದೆ ಇದೆ. ಆರಾಮವಾಗಿ ಕಾರು ಓಡಿಸುತ್ತಲೇ ಬಾಹ್ಯ ಪ್ರಪಂಚದ ಜೊತೆ ನಿರಂತರವಾಗಿ ಸಂಪರ್ಕದಲ್ಲಿ ಇರುವಂತೆ ಈ ತಂತ್ರಜ್ಞಾನ ವಿನ್ಯಾಸ ಮಾಡಲಾಗಿದೆ. ಚಾಲಕನು ಕಾರು ಚಲಾಯಿಸುತ್ತಲೇ ನೀಡುವ ಧ್ವನಿ ಆದೇಶಗಳನ್ನು ಕಂಪ್ಯೂಟರ್ ಓದುವ ಸೌಲಭ್ಯವೂ ಈ ಕಾರಿನಲ್ಲಿ ಇರಲಿದೆ.<br /> <br /> ಕಾರು ಓಡಿಸುತ್ತಲೇ ಚಾಲಕನು ಮೊಬೈಲ್, ಐಪ್ಯಾಡ್ ಮತ್ತು ಬ್ಲ್ಯಾಕ್ಬೆರ್ರಿ ಸಾಧನಗಳಿಂದ ಅಗತ್ಯ ಮಾತಿ ಪಡೆಯುವ ಬಗೆಯಲ್ಲಿ ಕಾರನ್ನು ಸುಸಜ್ಜಿತಗೊಳಿಸಲಾಗಿದೆ. ಇದಲ್ಲದೇ ಫೇಸ್ಬುಕ್, ಟ್ವಿಟ್ಟರ್ ಸಂದೇಶಗಳನ್ನೂ ತಕ್ಷಣಕ್ಕೆ ಓದುವ ಸೌಲಭ್ಯಗಳನ್ನೂ ಇದರಲ್ಲಿ ಅಳವಡಿಸಲಾಗಿದೆ. ಕಾರು ತನ್ನದೇ ಆದ ವೈ-ಫೈ ಪ್ರಸರಣ ಸೌಲಭ್ಯವನ್ನೂ ಹೊಂದಿರುತ್ತದೆ. ಇದರ ನೆರವಿನಿಂದ ಪ್ರಯಾಣಿಕರು ತಮ್ಮ ಲ್ಯಾಪ್ಟಾಪ್ ಮತ್ತು ಮೊಬೈಲ್ ಸಾಧನಗಳನ್ನು ಇಂಟರ್ನೆಟ್ ಜಾಲಾಡಲು ಬಳಸಬಹುದಾಗಿದೆ. ಕಾರು ಓಡಿಸುವಾಗಲೇ ಚಾಲಕನಿಗೆ ಬರುವ ಸಂದೇಶಗಳನ್ನು ಓದುವ ಸ್ವಯಂ ಚಾಲಿತ ಸೌಲಭ್ಯ ಇದರಲ್ಲಿ ಇರಲಿದೆ. <br /> <br /> ಕಾರು ಚಾಲಕನು ರಸ್ತೆ ಮೇಲೆ ನೆಟ್ಟಿರುವ ದೃಷ್ಟಿಯನ್ನು ಬೇರೆಡೆ ತಿರುಗಿಸದೆ ಮತ್ತು ವಾಹನದ ಮೇಲಿನ ನಿಯಂತ್ರಣ ಸಡಿಲಿಸದೆಯೇ ಇ-ಮೇಲ್ ಮಾಹಿತಿ ಪಡೆದುಕೊಳ್ಳಲು ಭವಿಷ್ಯದಲ್ಲಿ ಮಾರುಕಟ್ಟೆಗೆ ಬರುವ ಈ ‘ಇಂಟರ್ನೆಟ್ ಕಾರ್’ನಿಂದ ಸಾಧ್ಯವಾಗಲಿದೆ. l</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಇ-ಮೇಲ್ ಓದುವ, ಸಾಮಾಜಿಕ ಸಂಪರ್ಕ ತಾಣಗಳಾದ ಫೇಸ್ಬುಕ್ ಮತ್ತು ಟ್ವಿಟ್ಟರ್ಗಳಲ್ಲಿ ಕಾಲ ಕಾಲಕ್ಕೆ ನವೀಕರಣಗೊಳ್ಳುವ ಮಾಹಿತಿಯನ್ನು ತಕ್ಷಣಕ್ಕೆ ಓದುವ ‘ಇಂಟರ್ನೆಟ್ ಕಾರ್’ ಅನ್ನು ಅಭಿವೃದ್ಧಿಪಡಿಸಿರುವುದಾಗಿ ವಿಜ್ಞಾನಿಗಳು ಹೇಳಿಕೊಂಡಿದ್ದಾರೆ.<br /> <br /> ಈ ವಿಶಿಷ್ಟ ಕಾರನ್ನು ಚಾಲನೆ ಮಾಡುತ್ತಲೇ ಧ್ವನಿ ಸಂದೇಶ ನೀಡಿ ಅಂತರ್ಜಾಲ ಜಾಲಾಡಬಹುದು. ಈ ಸೌಲಭ್ಯ ಪಡೆಯಲು ಚಾಲಕರು ತಮ್ಮ ಸ್ಮಾರ್ಟ್ ಫೋನ್ಗಳು ಇಲ್ಲವೇ ‘ಐಪಾಡ್’ಗಳನ್ನು ಈ ವಿದ್ಯುತ್ ಚಾಲಿತ ಕಾರಿನ ಚಾರ್ಜರ್ಗೆ ಜೋಡಿಸಿರಬೇಕಾಗುತ್ತದೆ. ಜಾಗತಿಕ ಮಾಹಿತಿ ಮತ್ತು ಮನರಂಜನಾ ಸಮೂಹವಾಗಿರುವ ಹರ್ಮನ್ ಸಂಸ್ಥೆಯು ಈ ವಿಶಿಷ್ಟ ಕಾರಿನ ವಿನ್ಯಾಸ ರೂಪಿಸಿದೆ. ಕಾರಿನಲ್ಲಿ ಅಳವಡಿಸಿರುವ ತಂತ್ರಜ್ಞಾನದ ನೆರವಿನಿಂದ ಚಾಲಕರು ಧ್ವನಿ ಮೂಲಕ ಆದೇಶ ನೀಡುತ್ತಲೇ ರೇಡಿಯೊ ಚಾನೆಲ್ಗಳನ್ನೂ ಚಾಲು ಮಾಡಬಹುದು.<br /> <br /> ಈ ಕಾರನ್ನು ಜಿನಿವಾ ಮೋಟಾರ್ ಪ್ರದರ್ಶನದಲ್ಲಿ ಮೊದಲ ಬಾರಿಗೆ ಪ್ರದರ್ಶಿಸಲಾಗಿದೆ. ಈ ಎಲ್ಲ ಸೌಲಭ್ಯಗಳನ್ನು ಒಳಗೊಂಡ ಕಾರು ಮಾರುಕಟ್ಟೆಗೆ ಬರಲು ಇನ್ನೂ ಒಂದೂವರೆ ವರ್ಷ ಕಾಯಬೇಕಾಗುತ್ತದೆ.<br /> <br /> ಮೊಬೈಲ್ಗೆ ಮತ್ತು ಇ-ಮೇಲ್ಗೆ ಬರುವ ಸಂದೇಶಗಳತ್ತಲೇ ಚಾಲಕನು ಗಮನ ಹರಿಸಿ ಅವಘಡಗಳು ಸಂಭವಿಸಬಾರದು ಎನ್ನುವ ಕಾಳಜಿ ಈ ತಂತ್ರಜ್ಞಾನ ಅಳವಡಿಕೆ ಹಿಂದೆ ಇದೆ. ಆರಾಮವಾಗಿ ಕಾರು ಓಡಿಸುತ್ತಲೇ ಬಾಹ್ಯ ಪ್ರಪಂಚದ ಜೊತೆ ನಿರಂತರವಾಗಿ ಸಂಪರ್ಕದಲ್ಲಿ ಇರುವಂತೆ ಈ ತಂತ್ರಜ್ಞಾನ ವಿನ್ಯಾಸ ಮಾಡಲಾಗಿದೆ. ಚಾಲಕನು ಕಾರು ಚಲಾಯಿಸುತ್ತಲೇ ನೀಡುವ ಧ್ವನಿ ಆದೇಶಗಳನ್ನು ಕಂಪ್ಯೂಟರ್ ಓದುವ ಸೌಲಭ್ಯವೂ ಈ ಕಾರಿನಲ್ಲಿ ಇರಲಿದೆ.<br /> <br /> ಕಾರು ಓಡಿಸುತ್ತಲೇ ಚಾಲಕನು ಮೊಬೈಲ್, ಐಪ್ಯಾಡ್ ಮತ್ತು ಬ್ಲ್ಯಾಕ್ಬೆರ್ರಿ ಸಾಧನಗಳಿಂದ ಅಗತ್ಯ ಮಾತಿ ಪಡೆಯುವ ಬಗೆಯಲ್ಲಿ ಕಾರನ್ನು ಸುಸಜ್ಜಿತಗೊಳಿಸಲಾಗಿದೆ. ಇದಲ್ಲದೇ ಫೇಸ್ಬುಕ್, ಟ್ವಿಟ್ಟರ್ ಸಂದೇಶಗಳನ್ನೂ ತಕ್ಷಣಕ್ಕೆ ಓದುವ ಸೌಲಭ್ಯಗಳನ್ನೂ ಇದರಲ್ಲಿ ಅಳವಡಿಸಲಾಗಿದೆ. ಕಾರು ತನ್ನದೇ ಆದ ವೈ-ಫೈ ಪ್ರಸರಣ ಸೌಲಭ್ಯವನ್ನೂ ಹೊಂದಿರುತ್ತದೆ. ಇದರ ನೆರವಿನಿಂದ ಪ್ರಯಾಣಿಕರು ತಮ್ಮ ಲ್ಯಾಪ್ಟಾಪ್ ಮತ್ತು ಮೊಬೈಲ್ ಸಾಧನಗಳನ್ನು ಇಂಟರ್ನೆಟ್ ಜಾಲಾಡಲು ಬಳಸಬಹುದಾಗಿದೆ. ಕಾರು ಓಡಿಸುವಾಗಲೇ ಚಾಲಕನಿಗೆ ಬರುವ ಸಂದೇಶಗಳನ್ನು ಓದುವ ಸ್ವಯಂ ಚಾಲಿತ ಸೌಲಭ್ಯ ಇದರಲ್ಲಿ ಇರಲಿದೆ. <br /> <br /> ಕಾರು ಚಾಲಕನು ರಸ್ತೆ ಮೇಲೆ ನೆಟ್ಟಿರುವ ದೃಷ್ಟಿಯನ್ನು ಬೇರೆಡೆ ತಿರುಗಿಸದೆ ಮತ್ತು ವಾಹನದ ಮೇಲಿನ ನಿಯಂತ್ರಣ ಸಡಿಲಿಸದೆಯೇ ಇ-ಮೇಲ್ ಮಾಹಿತಿ ಪಡೆದುಕೊಳ್ಳಲು ಭವಿಷ್ಯದಲ್ಲಿ ಮಾರುಕಟ್ಟೆಗೆ ಬರುವ ಈ ‘ಇಂಟರ್ನೆಟ್ ಕಾರ್’ನಿಂದ ಸಾಧ್ಯವಾಗಲಿದೆ. l</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
