ವೈರಮುಡಿ ಉತ್ಸವ: ಸ್ಪಷ್ಟನೆ
ಅಕ್ಷರ ಗಾತ್ರ :ಆ |ಆ |ಆ
‘ಭಕ್ತಸಾಗರ ಮಧ್ಯೆ ವೈರಮುಡಿ ಉತ್ಸವ’ ಎಂಬ ಶೀರ್ಷಿಕೆಯಡಿ, ಮಂಡ್ಯ ಜಿಲ್ಲೆಯ ಮೇಲುಕೋಟೆಯ ಪ್ರಸಿದ್ಧ ವೈರಮುಡಿ ಉತ್ಸವದ ಬಗ್ಗೆ ‘ಪ್ರಜಾವಾಣಿ’ಯಲ್ಲಿ ಸುದ್ದಿ ಪ್ರಕಟವಾಗಿದೆ (ಮಾ.14). ‘ಸಂಜೆ ಜಿಲ್ಲಾಧಿಕಾರಿ ಸಮ್ಮುಖದಲ್ಲಿ ಆಭರಣಗಳನ್ನು ದೇವಸ್ಥಾನದ ಸ್ಥಾನಿಕರಿಗೆ ವಿತರಣೆ (ಪರ್ಕಾವಣೆ) ಮಾಡಲಾಯಿತು.
ಆನಂತರ ಅವರು ದೇವರನ್ನು ಆಭರಣಗಳಿಂದ ಅಲಂಕರಿಸಿದರು’ ಎಂಬ ಅಂಶ ಸುದ್ದಿಯಲ್ಲಿದೆ. ಆದರೆ ವೈರಮುಡಿ ಕಿರೀಟ ಆಭರಣದ ಪೆಟ್ಟಿಗೆಯ ಸೀಲ್‌ ಪರಿಶೀಲಿಸಿದ ನಂತರ ದೇವಸ್ಥಾನದ ಪ್ರಧಾನ ಅರ್ಚಕ ವರದರಾಜ ಭಟ್ಟರ್‌ ಮತ್ತು ಮೊದಲನೇ ಸ್ಥಾನಿಕ ಕರಗಂ
ನಾರಾಯಣಯ್ಯಂಗಾರ್‌ ಅವರ ಜಂಟಿ ಸುಪರ್ದಿಗೆ ದೇವರ ಧಾರಣೆ ಬಗ್ಗೆ ಹಸ್ತಾಂತರಿಸಲಾಗುತ್ತದೆ ಮತ್ತು ಅರ್ಚಕರು ಕಿರೀಟವನ್ನು ದೇವರಿಗೆ ಧರಿಸಿ ಅಲಂಕರಿಸುತ್ತಾರೆಯೇ ವಿನಾ ಸ್ಥಾನಿಕರಲ್ಲ.
ಈ ವರ್ಷವೂ ಅದೇ ರೀತಿ ನಡೆದಿದೆ. ರಾಜಮುಡಿ ಮತ್ತು ಅದರ ಜೊತೆ ಬಂದಿರುವ ಇತರೆ ಆಭರಣಗಳನ್ನೂ ಅರ್ಚಕರು, ಪರಿಚಾರಕರು ಮತ್ತು 4 ಜನ ಸ್ಥಾನಿಕರು, ಕಾವಲುಗಾರರು ಇವರ ಜಂಟಿ ಸುಪರ್ದಿಗೆ ವಹಿಸಲಾಗುತ್ತದೆಯೇ ವಿನಾ ಸ್ಥಾನಿಕರಿಗೆ ಮಾತ್ರ ವಿತರಿಸುವುದಿಲ್ಲ. ಈ ಆಭರಣಗಳನ್ನು ಸಹ ಅರ್ಚಕರು ಮಾತ್ರ ದೇವರಿಗೆ ಧರಿಸಿ ಅಲಂಕರಿಸುತ್ತಾರೆಯೇ ವಿನಾ ಸ್ಥಾನಿಕರಲ್ಲ. ಪ್ರತಿ ವರ್ಷದಂತೆ ಈ ಬಾರಿಯೂ ಮೇಲಿನಂತೆಯೇ ನಡೆದಿದೆ. ಈ ಕುರಿತು ದೇವಾಲಯದ ದಾಖಲೆಗಳನ್ನು ಪರಿಶೀಲಿಸಬಹುದು.
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
