ಶಾಲೆ ಮುಚ್ಚುವ ನಿರ್ಧಾರ: ಪ್ರತಿಭಟನೆ

ಬೆಂಗಳೂರು:  ವಿದ್ಯಾರ್ಥಿಗಳು ಬರುತ್ತಿಲ್ಲ ಎಂಬ ಕಾರಣ ನೀಡಿ ರಾಜ್ಯ ಸರ್ಕಾರ 3174 ಶಾಲೆಗಳನ್ನು ಮುಚ್ಚುವ ನಿರ್ಧಾರ ಖಂಡಿಸಿ ಕರ್ನಾಟಕ ರಕ್ಷಣಾ ವೇದಿಕೆಯ (ಟಿ.ಎ.ನಾರಾಯಗೌಡ ಬಣ) ಸದಸ್ಯರು ನಗರದಲ್ಲಿ ಸೋಮವಾರ ಪ್ರತಿಭಟನೆ ನಡೆಸಿದರು.



ಈ ಸಂದರ್ಭದಲ್ಲಿ ಮಾತನಾಡಿದ ಕರವೇ ರಾಜ್ಯ ಅಧ್ಯಕ್ಷ ನಾರಾಯಣಗೌಡ, `ಶಾಲೆ ಮುಚ್ಚಲು ಹೊರಟ ಸರ್ಕಾರದ ನಿರ್ಧಾರ ಖಂಡನೀಯ ಎಂದರು. ಕರವೇ ಸಾಂಸ್ಕೃತಿಕ ಘಟಕದ ಸಂಚಾಲಕ ಗುರುರಾಜ ಹೊಸಕೋಟೆ, ಮುಖಂಡರಾದ ಶಾಂತಾ ರಾಮಸ್ವಾಮಿ, ಬಸವರಾಜ ಪಡುಕೋಟೆ, ಎಂ.ಲತಾ, ಸಣ್ಣೀರಪ್ಪ, ನಾಗೇಂದ್ರಬಾಬು ಇತರ ಸದಸ್ಯರು ಭಾಗವಹಿಸಿದ್ದರು.



ಬಿಬಿಎಂಪಿ ಕೇಂದ್ರ ಕಚೇರಿಯಿಂದ ವಿಧಾನಸೌಧದತ್ತ ಹೊರಟ ಪ್ರತಿಭಟನಾ ಮೆರವಣಿಗೆಯನ್ನು ಪೊಲೀಸರು ಆರ್.ಸಿ. ವಿಜ್ಞಾನ ಕಾಲೇಜಿನ ಬಳಿ ತಡೆದರು. ನಂತರ ನಿಯೋಗವೊಂದು ಮುಖ್ಯಮಂತ್ರಿ ಕಚೇರಿಗೆ ತೆರಳಿ ಮನವಿ ಸಲ್ಲಿಸಿತು. ಮುಖ್ಯಮಂತ್ರಿ ಆಪ್ತ ಕಾರ್ಯದರ್ಶಿ ದಯಾಶಂಕರ್ ಮನವಿ ಸ್ವೀಕರಿಸಿದರು.