ಶಾಸನಗಳ ಅಧ್ಯಯನ ಇಂದಿನ ಅಗತ್ಯ

ಸುಬ್ರಹ್ಮಣ್ಯ: `ಪ್ರಾಚೀನ ಕಾಲದ ಕಲೆ, ಸಂಸ್ಕೃತಿ, ಭಾಷೆಯ ಆಗರವಾದ ಶಾಸನಗಳ ಅಧ್ಯಯನ ಇಂದಿನ ಅಗತ್ಯ~  ಎಂದು ಸುಬ್ರಹ್ಮಣ್ಯ ಸಂಪುಟ ನರಸಿಂಹ ಸ್ವಾಮಿ ಮಠದ ವಿದ್ಯಾಪ್ರಸನ್ನ ತೀರ್ಥ ಸ್ವಾಮೀಜಿ ಹೇಳಿದರು.



ಮೈಸೂರಿನ ಭಾಷಾ ಸಂಸ್ಥಾನಗಳ ಒಕ್ಕೂಟ, ವೇದವ್ಯಾಸ ಸಂಶೋಧನ ಕೇಂದ್ರ, ಶ್ರೀನಿಕೇತನ ಟ್ರಸ್ಟ್ ಸಂಯುಕ್ತ ಆಶ್ರಯದಲ್ಲಿ ವನದುರ್ಗಾ ದೇವಳದ ಸಭಾಂಗಣದಲ್ಲಿ ಶುಕ್ರವಾರ ನಡೆದ `ಕನ್ನಡ ಶಾಸನಗಳ ಭಾಷೆ ಮತ್ತು ಸಂಸ್ಕೃತಿ~ ವಿಷಯದ ಕುರಿತು ರಾಷ್ಟ್ರೀಯ ವಿಚಾರಸಂಕಿರಣ ಉದ್ಘಾಟಿಸಿ ಅವರು ಮಾತನಾಡಿದರು.



`ಲಿಪಿಕಾರರಿಗೆ ಇರುವ ಸ್ವಾತಂತ್ರ್ಯ ಶಾಸನಕಾರರಿಗೆ ಇಲ್ಲ. ಶಾಸನಗಳ ಬಗ್ಗೆ ಸಾಕಷ್ಟು ಕೆಲಸವಾದರೂ ಅನುಪಲಬ್ಧ ಶಾಸನಗಳ ದಾಖಲೀಕರಣ ಅಗತ್ಯವಾಗಿದೆ. ಹಸ್ತಪ್ರತಿಗಳ ವಿವರಣಾತ್ಮಕ ಸೂಚಿಯೊಂದಿಗೆ ಸಾಂಸ್ಕೃತಿಕ ಚಿತ್ರಣವನ್ನು ಶಾಸನಗಳಿಂದ ರಚಿಸುವಂತಾಗಬೇಕು. ಶಾಸನಗಳ ಅಧ್ಯಯನ ಮುಂದಿನ ತಲೆಮಾರಿಗೂ ಪ್ರವಹಿಸಲು ಇಂತಹ ಕಾರ್ಯಗಾರಗಳು ಪೂರಕ~ ಎಂದು ಅತಿಥಿಯಾಗಿದ್ದ ಹಂಪಿ ಕನ್ನಡ ವಿಶ್ವವಿದ್ಯಾಲಯದ ವಿಶ್ರಾಂತ ಪ್ರಾಧ್ಯಾಪಕ ಎ.ವಿ.ನಾವಡ ಹೇಳಿದರು.



ಇತಿಹಾಸ ತಜ್ಞ ಮುಕುಂದ ಪ್ರಭು ಅಧ್ಯಕ್ಷತೆ ವಹಿಸಿದ್ದರು. ಭಾಷಾ ಸಂಸ್ಥಾನಗೋ ಒಕ್ಕೂಟದ ಸಂಯೋಜಕ  ಸಣ್ಣಪಾಪಯ್ಯ, ವೇದವ್ಯಾಸ ಸಂಶೋಧನಾ ಕೇಂದ್ರದ ನಿರ್ದೇಶಕ ಚಂದ್ರಶೇಖರ್ ದಾಮ್ಲೆ, ಶ್ರೀಶಕುಮಾರ್ ಹಾಗೂ ಮತ್ತಿತತರು  ಇದ್ದರು.