ಬುಧವಾರ, ಜೂನ್ 23, 2021
23 °C

ಶ್ರೀಲಂಕಾ ಮೀನುಗಾರರು, ನೌಕಾ ಸಿಬ್ಬಂದಿ ವಿರುದ್ಧ ಮೊಕದ್ದಮೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರಾಮೇಶ್ವರ (ಪಿಟಿಐ): ಭಾರತದ ಮಿನು­ಗಾರರ ಬಲೆಗಳನ್ನು ದೋಚಿದ್ದಾರೆ ಎಂಬ ದೂರಿನ ಹಿನ್ನೆಲೆಯಲ್ಲಿ ಇದೇ ಮೊದಲ ಬಾರಿಗೆ ತಮಿಳುನಾಡು ಪೊಲೀಸರು ಶ್ರೀಲಂಕಾ ಮೀನುಗಾರರ ವಿರುದ್ಧ ಮೊಕ­ದ್ದಮೆ ದಾಖಲಿಸಿದ್ದಾರೆ.



ಪಾಕ್‌ ಜಲಸಂಧಿಯ ನೆಡುಂತೀವು ಪ್ರದೇಶದಲ್ಲಿ ಮಿನು ಹಿಡಿಯಲು ತೆರಳಿದ ಸಂದರ್ಭದಲ್ಲಿ ಸುಮಾರು ₨2.80 ಲಕ್ಷ ಮೌಲ್ಯದ ಬಲೆಗಳನ್ನು ಲಂಕಾ ಮೀನು­ಗಾರರು ದೋಚಿದ್ದಾರೆ ಎಂದು ಜಾನ್‌ ಬ್ರಿಟ್ಟೊ ನೀಡಿದ ದೂರಿನ ಆಧಾರ­­ದಲ್ಲಿ ಪೆಂಬನ್‌ ಪೊಲೀಸರು ಪ್ರಕರಣ ದಾಖಲಿಸಿ­ಕೊಂಡಿದ್ದಾರೆ.



ನೌಕಾ ಸಿಬ್ಬಂದಿ ಮೇಲೂ ಮೊಕದ್ದಮೆ: ಶ್ರೀಲಂಕಾ ನೌಕಾಪಡೆ ಸಿಬ್ಬಂದಿ ವಿರು­ದ್ಧವೂ ಮೊಕದ್ದಮೆ ದಾಖಲಿಸಲಾಗಿದೆ. ಭಾರತದ ಮಿನುಗಾರರ ದೋಣಿಗೆ ಶ್ರೀಲಂಕಾ ನೌಕಾ ಸಿಬ್ಬಂದಿ ತಮ್ಮ ಹಡ­ಗನ್ನು ಡಿಕ್ಕಿ ಮಾಡಿಸಿ ಜಖಂಗೊಳಿಸಿದ್ದಾರೆ ಎಂದು ಸಹಾಯರಾಜ್‌ ದೂರು ನೀಡಿ­ದ್ದಾರೆ. ರಾಮೇಶ್ವರ ನಗರ ಪೊಲೀಸರು ಮೊಕದ್ದಮೆ ದಾಖಲಿಸಿಕೊಂಡಿದ್ದಾರೆ. ಅಲ್ಲದೇ, ಗಾಳಿಯಲ್ಲಿ ಗುಂಡು ಹಾರಿಸಿ ತಮಗೆ ಬೆದರಿಕೆ ಹಾಕಿದ್ದಾರೆ ಎಂದೂ ಅವರು ದೂರಿನಲ್ಲಿ ದಾಖಲಿಸಿದ್ದಾರೆ.



ಭಾರತದ ಗಡಿಯೊಳಗೆ ಶ್ರೀಲಂಕಾ ನೌಕಾ ಸಿಬ್ಬಂದಿ ಪ್ರವೇಶಿಸಿದರೆ ತಕ್ಷಣ ಬಂಧಿಸಬೇಕು ಹಾಗೂ ಅವರನ್ನು ವಿಚಾ­ರಣೆಗೆ ಒಳಪಡಿಸಬೇಕೆಂದು ಅಧಿಕಾರಿ­ಗಳು ತಿಳಿಸಿದ್ದಾಗಿ ಮೂಲಗಳು ತಿಳಿಸಿವೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.