ಗುರುವಾರ , ಮೇ 13, 2021
34 °C

ಸಕಲೇಶಪುರದಲ್ಲಿ ಜಿಂಕೆ ಮರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಯೋಗೀಶ್ ನಾಯಕರಾಗಿ ನಟಿಸಿರುವ ಹೊಸ ಚಿತ್ರ `ಜಿಂಕೆ ಮರಿ~ 15 ದಿನಗಳ ಚಿತ್ರೀಕರಣವನ್ನು ಸಕಲೇಶಪುರದಲ್ಲಿ ಮುಗಿಸಿದೆ. `ರಣ~ ಚಿತ್ರದ ನಾಯಕಿಯರಲ್ಲಿ ಒಬ್ಬರಾದ ಸೋನಿಯಾ ಗೌಡ ಯೋಗೀಶ್‌ಗೆ ಜೋಡಿಯಾಗಿದ್ದಾರೆ. `ಜಿಂಕೆ ಮರೀನಾ..~ ಎಂದು ಹಾಡಿ ಕುಣಿದಿದ್ದ ಯೋಗೀಶ್ ಈಗ ಅದೇ ಹಾಡಿನ ಶೀರ್ಷಿಕೆಯುಳ್ಳ ಚಿತ್ರದಲ್ಲಿ ನಟಿಸುತ್ತಿರುವುದು ವಿಶೇಷ.



9 ಟು 12 ಎಂಬ ಸಿನಿಮಾ ನಿರ್ಮಿಸಿದ್ದ ಮಹೇಶ್ ಬಾಳೆಕುಂದ್ರಿ `ಜಿಂಕೆ ಮರಿ~ ನಿರ್ಮಿಸುತ್ತಿದ್ದಾರೆ. ತೆಲುಗಿನ `ಬಿಂದಾಸ್~ ಚಿತ್ರದ ಸ್ಫೂರ್ತಿ ಪಡೆದ ಚಿತ್ರವಿದು. ಪಾತ್ರವೊಂದರಲ್ಲಿ ಅಭಿನಯಿಸಿರುವ ನಿರ್ಮಾಪಕರು `ಮರುಭೂಮಿಯಾಗಿದೆ ನಿನ್ನ ಮನಸ್ಸು~ ಹಾಡನ್ನೂ ಹಾಡಿದ್ದಾರೆ.



ವಿಜಯ್ ಗುಜ್ಜಾರ್, ಬುಕ್ಕಾಪಟ್ಟಣ ವಾಸು ಮುಂತಾದವರ ಬಳಿ ಸಹಾಯಕ ನಿರ್ದೇಶಕರಾಗಿ ದುಡಿದಿದ್ದ ಕೆ.ಪಿ.ನವೀನ್‌ಕುಮಾರ್ ಮೊದಲ ಬಾರಿಗೆ ಸ್ವತಂತ್ರವಾಗಿ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಸಾಯಿ ಕಾರ್ತಿಕ್ ಸ್ವರ ಸಂಯೋಜನೆ, ವೀನಸ್ ಮೂರ್ತಿ ಛಾಯಾಗ್ರಹಣ ಚಿತ್ರಕ್ಕಿದೆ.

 

ಒಂದನೇ ಹಂತದ ಚಿತ್ರೀಕರಣ ಪೂರ್ಣಗೊಳಿಸಿರುವ ಚಿತ್ರತಂಡ ಮೇ ಮೊದಲ ವಾರದಿಂದ ದ್ವಿತೀಯ ಹಂತದ ಚಿತ್ರೀಕರಣ ನಡೆಸಲಿದೆ. ಅವಿನಾಶ್, ಶರತ್ ಲೋಹಿತಾಶ್ವ, ಶೋಭರಾಜ್, ರಮೇಶ್ ಭಟ್, ಜೈಜಗದೀಶ್, ಹರೀಶ್ ರಾಯ್, ಅಚ್ಯುತರಾವ್, ಶರಣ್, ಬುಲೆಟ್ ಪ್ರಕಾಶ್ ತಾರಾಗಣದಲ್ಲಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.